牛極 (大全街) (已結業)

大角咀不嬲都出名多美食，種類繁多之下想突出既都有難道🤔今日經過行過見到呢間充滿日本風既石燒店，決定入去試一試餐廳麻雀雖小，但五臟俱全門口有個自助售賣機，用紙幣/支付寶俾錢都得，十分方便。如果唔識得整，職員都好樂意幫手👍🏻 冇紙幣/支付寶，只要scan QR code用信用卡/Apple Pay 俾錢都得落左野食之後，可以去自助吧拎沙律(可以配芝麻醬)、日式牛肉湯&白飯(可以配芝麻紫菜碎)唔使10分鐘，職員就送上個餐😍好快手。牛肩排 180g ($85)牛味比較重，對於我呢個鍾意食扒人士嚟講，非常好😍 而且石燒板既熱力，啱啱好控制到我鍾意食既五成熟感覺，表皮好彈牙，真正外脆內軟👍🏻。澳洲肉眼 270g ($170)叫左個大份少少既肉眼扒試一試，佢呢個比較鬆軟，而且油脂分布平均，食落都好淋身，唔會咬唔開有渣既感覺如果覺得個肉唔夠味，餐廳準備到三種調味有粉紅海鹽、BBQ牛肉味、黑椒適合各個人既口味唔好睇小以為塊扒好細，其實食落都超級飽肚🤤而且價廉物美，值得試試回頭指數: ⭐️⭐️⭐️⭐️⭐️食物質素: 🌮🌮🌮🌮🌮服務質素: ☺️☺️☺️☺️☺️消費指數: 💰💰(人均消費$128)環境質素: ☘️☘️🍀🍀🍀同類餐廳

最近我就去到一間以高溫熱石燒肉嘅餐廳 - 牛極，餐廳提供左不同國家及種類嘅優質牛扒俾大家選擇。用熱石燒嘅好處就係可以按自己食幾成熟去烹調牛扒😂不過要小心，因為好容易就overcook 🤔🤔我都幾鍾意食石燒牛，價錢唔貴得嚟又有質素，百零蚊就有交易，性價比高！餐廳入面嘅白飯，生菜沙律，泡菜牛肉湯等等都係任食任裝😌 所以唔使驚食唔飽，一定會好飽😁😁⭐️牛柳(180g) 💰$115見到佢地有牛柳，我諗都唔諗就叫一份牛柳，我最愛就係牛柳❤️ 因為牛柳係最軟嫩和最瘦的部分，油花比較少，肉質軟腍得黎，肉汁亦都好豐富！ 如果牛柳煮得太熟嘅話會令肉變硬，所以好適合用熱石燒，令到石板嘅溫度慢慢將溫度傳入去肉嘅中間😍

近日周圍都開左好多新餐廳，係奧海城行到悶就搵下附近有咩好食～行左過去大角咀多好多選擇又平好多～係OP見到呢間石燒牛好似幾抵，一於試下！呢度地方唔大，不過裝修好日式風格。自己買完野之後坐低，姐姐就會送餐俾你。外面有免費任添嘅自助bar可以飲湯+生菜沙律，見好多人排隊飲糖，一於試下佢個羅宋湯！湯入面好足料，仲有好多牛腩同蘿蔔，同埋個湯好濃郁，唔係味精湯，我朋友飲咗兩大碗。大概等咗10分鐘，牛扒終於到啦～朋友叫左牛柳$115/180g，睇落去唔係好大嚿，但係非常厚身，石燒牛扒最好嘅就係可以控制鍾意食幾成熟，想要medium又得需要medium well又得想要well done都可以。牛扒食落去唔似有加工咗好多醃料，加少少海鹽同埋胡椒就已經好夠味，肉質鮮嫩。我嘅係牛肩排$85/180g，呢個價錢性價比真係好高，而且睇落去都非常之大舊，呢款扁身啲大塊啲，應該燒一陣可以更加快就食得，牛肩嘅肉比較彈牙，牛味比牛柳重好多，兩款牛肉都各有唔同嘅特性，燒到非常之熟都好好味。燒晒啲牛之後我哋再去拎咗好多生菜沙律消膩。今餐平平地都幾滿足😎

自從開始咗生酮飲食之後出街食飯好多嘢都唔食得，每次約朋友都好頭痕，朋友話佢屋企附近開咗間石燒牛扒嘅，應該都冇咩調味添加～我地冇book位直接walk-in都即刻有位坐，勁好～佢呢度係自助形式點餐嘅，有日本果d自動售賣機，牛的種類有牛肩排，肉眼，牛柳，西冷，和牛等等，仲可以選擇份量～侍應姐姐都好nice如果唔識點佢都會走過黎幫手～天花板上面掛滿燈籠，好日式feel～係OP見到評論已經知道呢度有我最愛嘅rock salt～簡直係生酮必備啊！我仲以為要自己帶鹽出街，而家唔洗啦～我地係販賣機order完就坐低等食～出咗去自助bar拎餐具同湯/沙律～全部都係任食嘅～個羅宋湯真係好足料呀～味道非常之濃郁仲有大大舊嘅肉同蘿蔔係入面，煮得好淋，超好食～我見好多人都一直refill～食完再食～呢個價錢真係抵到爛！牛黎了～～我揀咗牛柳（180g）$115，黎到熱辣辣喳喳聲，我中意食Medium嘅所以切開反轉咗2次就即刻食，我就冇特別落醬，落咗少少海鹽，粉紅鹽同黑胡椒就食～口感好鮮嫩好滑比較淋，同埋個牛味好出～好juicy～朋友揀咗最平既牛肩扒（180g）$85，雖然咁平，但竟然都好有驚喜！仲要好有牛味，肉

裝修簡潔,以黑色為主既裝修模仿日本點餐模式 - 買劵點餐💁‍♀️💁‍♀️然後坐等食扒😋 店內有白飯任裝~ 都有唔同醬料配搭~ 我就用番一貫既蒜泥加醬油🤤🤤我叫左性價比較高既一款牛肩胛~ 一上枱就係熱辣辣既鐵板聲 快快手手切開再次㷫㷫兩邊~點埋蒜蓉醬撈飯一流👍👍另外叫左西冷應都唔差, 不過要快食~ 再熟d 就會靭左d 咁🙊一路食一路有唔少附近居民外帶佢地既牛牛番屋企😂而牛極其實好多分店~ 大家可以去感受下佢既性價比鐵板牛肩胛😆😆

成日都會嗌外賣，$65就有180gram牛，仲包括湯、飯、沙律、野飲，超抵食！湯有時係牛尾湯有時候係麵豉湯，最鍾意飲牛尾湯😆濃郁開胃！牛肉平時嗌五成熟都夠晒軟腍

今晚收工之後，約咗朋友去食牛極，已經好耐冇食呢間，其實我幾鍾意呢間餐廳，可以自己燒自己玩，而且又係半自助形式😂。。喺自助販賣機都諗咗一陣最終決定揀牛肩扒，Order咗之後第一時間衝過去自助吧枱睇吓有啲咩可以拎🤪。見到有沙律、飯同埋湯，沙律菜都幾新鮮，不過如果凍啲嘅話會再開心啲🙈，而湯就好有驚喜，熱辣辣嘅羅宋湯，味道非常之濃郁🤩，而且個湯好足料，無論係蘿蔔定係肉都煮得好淋，超好食😋。。而嚟到今餐嘅主角-牛肩扒，肉質比較實，咬落好有口感，而且牛味濃郁😍，慢慢煎到佢五成熟嘅時候，切開見到入邊PinkPink色，真係流晒口水🤤，而且仲好有成就感，覺得自己廚藝精湛🤪。。

今日嚟到一間食牛肉嘅平民小店，就係已經開咗好多間連鎖餐廳嘅牛極。今次嚟到嘅係位於大角咀大全街嘅呢一間分店，奧運鐵路站落車行唔使10分鐘就到，位置交通都算方便👍🏻。。對於選擇困難症嘅我，我企咗喺門口嘅自助食品販賣機差唔多5分鐘，最後終於決定到揀咗牛柳😂。。喺等待店員將食物拎過嚟之前，可以先去自助吧枱嗰度拎沙律、湯、飯。好開心嘅係見到佢嘅餐湯係羅宋湯，味道濃郁而且入面都幾足料，重點係個湯夠熱啊🤣，果然熱辣辣嘅湯先至係重點🙈。。而牛肉方面，個牛柳都幾唔錯，肉質好軟嫩，而且好有牛味😋。可以享受下自己烹調牛肉嘅同時，又可以食到一個食到質素唔錯嘅肉，CP值都算幾好😁。

間唔中做完gym都會黎牛極食塊熱辣辣既牛扒補充下蛋白質,呢到以自助形式點餐，牛既種類有牛肩排，肉眼，牛柳，西冷，和牛，重量大小都係任君選擇👍🏻 除左牛之外，呢到其他配菜都係任食！包括白飯,牛肉湯，沙律菜,同我最愛既蒜蓉🤤🤤🤤牛排送到黎既時候只有一成熟,你可以隨自己喜好控制牛既熟度,而我個人就喜歡7成熟左右，一路燒一路加勁多蒜,黑椒，好香！😋😋😋 餐廳仲好貼心咁提供圍裙畀你戴住食，咁就唔使驚畀d油彈到件衫啦😆 自由度滿分，次次都食到夠飽先走🤣

牛極在不少地區都有，價錢不貴之餘，食物質素真心唔錯，沒想到在大角咀找餐廳都看到這店，之前食過牛肩排不錯，今次就試咗另一款牛柳180G，價錢$115都是配上任食湯，飯，沙律。這裡都是用機點餐方便，等一陣1成熟的牛排就來到，勁厚身，SASA聲勁吸引。當切都怕咁厚身難切，點知切落去勁軟熟，入面紅紅的再用石板燒燒剛好，牛肉味都幾濃郁，保持軟熟度。出面都有不同醬汁，但我自已就最喜歡落少少鹽已十分好味道。湯都是依然好濃郁牛味，配菜勁多，最後都係會飲2碗先收手，扒因為都幾片，食半碗飯加少少紫菜碎已足料，沙律菜都新鮮落芝麻醬最夾。

牛極高CP石燒牛 最愛半自助朋友大力推薦我呢間勁多分店的牛極，因為CP值超高，最平既牛肩扒$85已經有足足180g，仲要好有肉味，採用半自助模式，白飯、日式牛肉湯、和風沙律都係任食，先在門口買票，唔使5分鐘就有得食，又快捷又好方便，飯點時間都幾受歡迎，不過等候時間唔算好耐。牛肩排（180g) $85雖然係最平，但係個人最喜歡這一款，肉質很嫩少筋，輕輕炙燒數秒就可以吃，肉味也很濃，加上自助區蒜茸，好惹味呀，自家製燒肉汁微甜，口味也不錯！餐湯：日式牛肉湯雖然寫住叫日式牛肉湯，口味比較像羅宋湯，茄味很香濃，超多肉肉，見到旁邊的男士連續飲了三碗就知道正，為咗呢碗湯一定要再嚟—————————————————牛極 (大全街) (大角咀)大角咀大全街38號地舖—————————————————⠀⠀⠀⠀⠀⠀⠀⠀⠀

呢間石燒牛扒店好多地方都有分店，成日都見到但從來都未試過，今次行開呢頭見價錢幾抵就試下。以為全部都係食牛但原來都有其他嘅，有雞扒、豚肉同小食。.首先入門口有部購票機，買左飛先入坐。.跟住羅宋湯、白飯同沙律就可以自己拎，仲可以任食。.羅宋湯極多料.細心位，有墊以防有油彈到。.調味料都幾多，燒汁都有兩款，仲有提供蒜蓉。.我地叫左一份豚肉眼，一份牛肩扒。豚肉眼都幾厚切HKD75，肉質幾腍，有啲驚喜。.牛肩扒 $85 (180g)肉質厚實，幾腍，加埋燒汁都幾好送飯。唔想食well done 就要快手😆.另加左個小食，燒汁魷魚鬚 $45惹味👍

未上肉前 可以到出邊既自助區拎沙律菜，飯同埋日式牛肉湯。 石燒肉，一上碟就會燒到咋咋聲，需要反一反燒，同熟度可以隨自己喜號調節。5成就熟度同生度一半一半，口感同肉汁都適中。牛肩胛一大塊石燒牛肩胛，口感比較厚身煙韌，肉質豐厚較結實，纖維較粗糙，口感爽滑富有嚼勁，牛肉味較濃厚。牛柳牛里脊係比較普遍牛肉部位比較嫩滑，肉質比較腍身，易入口，肉汁較飽滿。所以石燒出嚟嘅肉汁鮮嫩牛味出色。整體牛嘅質素都好高，唔會有好多根或者咬唔開，牛味都好足夠，非常唔錯食。

好似越黎越多地方有得食石燒🤪先點餐後入座 共有6款牛可揀 連和牛都有喔仲可以自行揀肉的份量 由180g-400g不等怕彈到油仲好貼心地有提供圍巾～最好應該是有自助吧 沙律.飯.湯都可以任添價錢都合理 不算太貴就可以吃到牛扒 頗不錯的選擇.沙律🥗可以選麻醬/柚子沙拉汁 飯也可以灑上芝麻紫菜粉!湯是日式牛肉湯 近似羅宋湯但味道更香濃我喝了差不多三碗🤪 湯控來著XD.▫牛肩排 180g $85用石板熱騰騰地上碟(ᯅ̈ )記得適時要翻面和切塊 以免全熟枱上有海鹽.粉紅鹽.黑胡椒可以再調味因為有一定厚度 所以吃起來充滿肉感還蠻有肉汁同牛香的🤤 點埋燒汁和蒜蓉更惹味喔!

當我想食下牛扒既時候經過牛極 門口大大張poster 牛肩排 180g 先85蚊張圖仲要幾靚仲要有湯、沙律、白飯都任裝😂睇落好抵 所以就入去幫襯啦一入到去就係自助點餐機點完就俾埋錢之後就可以搵個位坐低擺低完啲野就去出面自助吧拎湯同飯個湯係日式牛肉湯 少少似羅宋湯 但就無咁酸都幾好飲白飯任裝正常白飯啦重點來了牛肩扒～佢仲喺排上面有張紙巾驚啲油彈到大家打開個樣都幾靚絕對值$85😂然後就切做細細舊煎一煎佢切完之後都差唔多鋪滿成個石面份量都唔錯切嗰時都覺得好容易切唔會好韌唔會太肥又冇筋真係幾好😂食完都推薦枱面有鹽黑椒嗰啲自己可以加喺個碟仔度點嚟食更加好味😋另外喺自助吧旁邊見到有圍裙都幾貼心如果大家有需要都可以去拎黎用牛極應該大家都常見質素都幾穩定牛極（大全街）大角咀大全街38號地舖