牛蓋 (已搬遷) 新店位置

聽啲人講話好好食，又話慢煮。。。坐低先發現冇極上牛，得普通牛，唔緊要，照試下啦....點知啲牛煮到熟哂。。。真係好嬲，食到牙骹都軟埋。牛唔好食都算，個珍珠米淋哂，一pat 咁。。。。食落完全唔似珍珠米，但門口放咗一大袋美國珍珠米架喎。。。啲珍珠米煮咗去邊呢？根本同大學canteen出品冇分別，冇下次。咁啱果日去，店內得幾個阿嬸睇檔，唔知個大廚去咗邊。。。可能有啲影響! 不過點都唔會再食，去食吉野家好過!

呢間餐廳男女小編一早已經mark低咗要嚟食😆睇完早場想食啲嘢，但又唔係好肚餓，所以決定share一個餐🤩餐廳鋪面面積唔大，大約只有10幾個座位😚成間鋪基本上只係得老闆同一個員工打理，所以由揾座位、點餐、取餐到歸還餐具都係自助形式😫當然都貼咗好清晰嘅指示啦👀❤呢到餐牌上只有牛同雞，雖然款式較少，不過望落都好吸引🤤#慢煮牛扒蓋飯 ($68)😋好味指數：(7.5/10)有分2個size，$68就150g，$88就220g💁🏻‍♀呢個牛扒係牛肩胛嚟嘅，另外仲有一款係牛小排，當然價錢會貴啲啦😆有成10幾塊牛鋪咗係碗飯上面，超正的😍牛扒嘅厚度切得岩岩好😚牛扒中間仲係粉紅色咖😋老闆將煮好嘅牛放落焗爐焗咗一陣，所以外面有小小脆😝中間嘅肉雖然唔係入口即溶嘅感覺，但都算係嫩滑，而且食落去牛味好香，夠晒juicy😆👍🏻另外不得不提佢嘅醬汁😋個燒汁真係幾正，甜甜地咁，加埋牛扒嘅汁撈埋啲飯一齊食真係一流🍚😍不過如果再多小小燒汁就好🤔.⭐溫馨小提示📌外賣每盒加$2

男友人見親牛肉都會發哂光，呢間仲要係慢煮，無唔食嘅理由。佢點左極上牛蓋飯，係最大最貴嘅，我就食牛扒烏冬，見到啲牛肉一樣樣以為一樣味啦，原來極上牛蓋飯先係最好食囉，因為牛小排呢個部位先係最正，配烏冬嘅牛肩胛就失色好多，男友人碗飯一出，隔離枱係咁裝，因為佢地只係叫普通嘅牛扒飯，睇得出係無咁好食嘅。

難得早收工，諗住同朋友去食tea，開open rice見到1200-2200營業中，滿心歡喜去食好西～點知去到門口，只見到門口有張凳，上面寫住張紙仔：6點見。。。唉。。。點解有落場時間但又唔寫出黎呢。。。當時仲有另一pair人，都係失望而回希望可以寫清楚少少，少啲無辜辜人摸門釘

收工本來想到因為一張告示而成為屯門區群組焦點嘅雜大大開餐，可惜光頭老闆話壞咗雪櫃，要到再過三幾日先有機會重開。唔緊要，即時想起同場另一家人氣小店 - 牛蓋。用扶手電梯落到地下就見到個牛招牌，原來係陸她娜舊鋪位，難怪網上一直講小店，小得只十多個坐位，要自己點餐取餐還餐具。步入店鋪只見老闆一人對住爐頭忙碌工作，無第二個伙計，正宗一男子小店，稍稍等咗一陣先可以點餐。晚飯時間，大約等咗15分鐘先輪到我取餐。取餐時發現老闆先張慢煮好嘅牛扒放上火爐，稍為烤烘，再切片上菜，見到呢個過程再配合傳嚟嘅香氣已經令人狂吞口水。第一次叫咗個大份牛扒蓋飯(220g)，餐牌上寫住牛扒係慢煮美國安格斯牛肩肉。飯面鋪上滿滿牛肉，牛肉無因為要外觀上好睇而切得過簿。慢煮過後保持住本身肉汁，咬落鮮嫩有嚼口。經過烤烘，更能發揮油脂香味，外圍燒得焦香微脆，有如燶邊叉燒嘅效果，食得更過癮。汁係帶甜嘅燒汁，味道同外間普遍食到嘅唔同，配上牛扒本身肉汁同油份，要食晒成碗飯並唔係難事。食得出貨真價實嘅美國牛肉，份量同質量並重，$88價錢絕對合理。下次要再嚟試一下皇牌極上牛蓋飯(慢煮牛小排)。

早前在假期雜誌看到日式慢煮牛的料理店，今個星期就碌碌下入屯門華都同肥樹熊嚟咗試食～屯門華都花園樓下一個小店，勉強只可以容納10位客人，廚師店員清潔打雜一腳踢共2位。同肥樹熊愛愛地坐左一陣先知道原來係出去自己叫嘢食，呢個設計有同日本某連鎖炸豬扒店的模式相似喔！幫我們下單的是好似唔識講廣東話嘅鬍鬚男，見他仔細地重複單字讀出我們下單的菜色，服務態度良好絕對有別於一般的街坊食店。牛肩胛（飯）加肉點可以唔試吓呢度嘅王牌慢煮牛肉呢！雖然不能稱作入口即溶，但可以吃出牛肉的本質絕對不差，咬下去亦不會有牛渣的感覺。我尤其欣賞他的牛肉醬汁！吃出不是用買回來的醬汁調製而成，而是自家研製食譜條配出來的味道。亦吃得出店主是有心去研究配製牛肉的味道以我在日本東京食過的牛肉飯店（個人店非連鎖）相比，牛蓋就番令香港人的喜好口味稍作調整，略甜以及胡椒味也較為突出。（必須加插一句，牛蓋不能與吉吉家那大眾化毫無特色的醬汁相提並論喔，那是另一個層次）胡椒雞（烏冬）落單時環觀四周都是點牛肉飯，所以雞排上台時驚訝：咁大塊！要知道香港食材價錢高漲，大家都習慣了「圖片只能作參考」的文化；故此我真的想不到雞扒的大小跟圖片是一模一樣，真

店內有16個座位，午市12:30黎到唔多人。全店得老闆一個人一腳踢，所以自己行埋去點餐，取餐，還餐盤，店內有指示教大家做。老闆係日本人黎，可以用英文點餐，不過我開頭唔知就直接係餐牌指牛扒蓋飯餐牌有寫牛扒係慢煮既方式煮牛小排蓋飯同牛扒蓋飯都有分大小，牛小排蓋飯$168（220g），$118（150g)牛扒蓋飯（牛肩肉）$88（220g)，$69（150g)我就叫左平啲既 $69 牛扒蓋飯，牛肉份量都唔少，肉質少許韌，如果可以再淋啲會更好。有啲燒汁係面，都岩岩好夠食哂成個飯，珍珠米好食👍我都會想再食，唔太貴，又幾好食

今日終於可以忙裡偷閒，去華都牛蓋吃個牛扒烏冬。雖然最近有報章報導牛蓋，不過沒有因此多人去光顧，反而比開業時少人來。對我來說是好事，因為可以快些上餐，對小店來說當然不好，希望下次來的時候會看見第一次光顧的光景。上次吃過飯，今次我就試試它的慢煮牛扒烏冬吧。烏冬與牛扒分開上碟，應該是怕湯影響牛扒味道和肉質。慢煮牛扒精準控制火侯，使甘甜牛肉在慢煮之下，造就外脆內鮮甜柔嫩的美味。烏冬方面，湯頭採用日本湯麵最基本的豬骨口味，喝起來不會死鹹和膩味。烏冬偏向幼細，掛湯度不俗，不過稍稍軟腍，可以更有彈性。比起烏冬，我竟然少有地更愛飯，可能因為牛扒肉汁滲透飯粒，充分發揮牛扒的味美。

小店唔算係太多位置 坐得算舒服老闆原來係泰國人 但煮日本菜食物不錯 有牛味 煮得岩岩好唔會太熟個汁襯個飯都幾好食 上面仲有d粉 碎脆脆地咁幾夾一個飯大約$65 係野飲 但如果食日本野算係咁 值得一試 支持小店

今日獨自一人尋午餐，無意發現陸她娜搬了店，取而代之是主賣日式牛肉 蓋飯的小店牛蓋。雖然是老闆一人主理的小店，但光顧的食客絡繹不絕，當然包括我。由於牛蓋員工只有老闆，他包攬店員，廚師於一身，所以食客也要遵守點餐，取餐，歸還餐具三個守則，方便老闆也方便自己。這裡牛扒蓋飯真的貨真價實，我看見其中一位男食客88元220g牛扒蓋飯份量可堪稱巨無霸，完全密鋪整碗飯，雖然我蠻吃得，不過都是吃68元150g那款，不要浪費美味的牛扒。對著這牛扒蓋飯，我已將減肥二字拋到腦後。主賣牛扒丼飯的食店在屯門區較稀有，而老闆對牛的肉質，火喉，烤法的追求，從品嚐這飯就得知。那紅潤不帶血水的牛扒，滿滿的鋪在飯上，口水直流。牛扒肉質並不單薄，厚度扎實，真材實料，口感軟中帶有嚼勁，我特別喜歡那微焦微脆的外層。牛扒本身的鮮甜與肉汁肉油配上白飯很搭配，灑上芝麻使飯色澤更豐富，一口享用，過癮得很。個人比較愛喝湯，所以另外加點味噌湯。這味噌湯很不錯，不會有一般的死鹹，喝起來頗順口，配牛扒蓋飯一流。

小小店慢煮極上牛小排蓋飯 重量級雞扒蛋蓋飯😛落雨天 懶得出去😪 偽文青大胃D決定留守屯門掃食！我地已經留意左呢間蓋飯一段時間 佢個極上牛蓋飯 真係睇相 已經留哂口水🤤==============================•極上牛蓋飯$118 (150g) 10塊牛小排與我say hi😎加上雞蛋 蛋汁與燒汁沙津汁混合 甜甜的🤤 慢煮牛小排 慢煮能夠保持肉質鮮嫩 原汁原味 廚師再放上烤爐 烤一烤 味道更佳 牛小排更香口 肉質嫩滑 咬落去有肉汁滲出 🙊 10塊唔夠喉 有後悔無點個大蓋飯 220g😢 唯有下次再挑戰重量級極上牛蓋飯😈.•雞扒蛋蓋飯$58 比吉野家仲好食既丼！滑蛋雞肉飯 小山丘咁 睇到都開心😂大大舊既雞肉 有成8大舊 即係同一塊雞排差唔多既份量！.味道同吉野家既親子丼差唔多 用左甜醬油 味啉煮 雞肉食落唔鞋 仲覺得有dd嫩 ok喎！吉野家d雞我都覺得有d鞋🤦🏻‍♀🙁唔知係咪又係慢煮雞黎既呢👏🏻 .飯量都唔少野 起碼有一碗半左右 我都驚唔夠撈飯食 但原來有蛋汁係個飯底到 所以食哂岩岩好 ！d洋蔥切得幾豪邁 幾有口感 炒過既洋蔥又係正既 甜甜地😘===============

見佢新開張，咁咪試下羅，點知超伏，叫左個牛扒飯，D牛UN到完全咬唔到，同個飯又唔夾，又冇味，又貴，又唔飽，嬲到我呢，搞到我要特登開個AC...建議真係唔好去試..