牛記茶室 (已搬遷) 新店位置

2-11-2009忙了一個早上, 極度頭痛兼肚餓的情況下, lunch 只求一餐「住家飯」, 諗起未食過的呢度, 又試試. 對幾款 $26 午市碟頭飯餐興趣不大, 叫了「午市特價小菜」套餐 ($40), 跟例湯及一碗白飯.例湯好似係蓮藕綠豆煲豬骨, 火喉十足, 同我屋企煲的味道近乎一樣, 天氣轉涼飲一碗熱湯, 感覺良好. 小菜係「叉燒韭黃炒蛋」: 簡單的一味, 又估唔到做得幾好 -- 叉燒以瘦叉為主, 無喱蜜味又較韌, 但始終係來貨又唔係主打, 都可以理解的, 而且都有一兩件半肥叉, 算吧; 炒蛋就好掂, 整得十分香滑, 但食落又唔覺得油膩, 加埋條條爽脆清香的韭黃, 好食喎 白飯就太濕又太軟, 不過都幾有米香, 還可以的.呢度係「飯店」格局, 加上阿姐們粗聲粗氣, 環境夠晒地 mou, 感覺真「牛記笠記」放低 $40, 不錯的「住家味」開飯點, 喺中環實在難得, 可以一試的.

21/8/09(五)想試歌賦街上的Sup 1，但偏偏每次都心存倖幸，沒有訂位，結果也是要吃閉門羹。胡亂試不如回家吃飯，呀，是回很有親切感的牛記去。今天有喜歡的煎封海魚和鹹魚蒸肉餅，還奉送老黃瓜湯，很好。小銻碟盛上兩道家常味道的餸菜，記得上次的白飯很香軟，今天略為遜色，但一大碗材料充足的老黃瓜湯頓時提升了分數。二十六元一餐的午飯，在中環也不容易找。其實我不是當妳是副選，家永遠是我們的大後方。

係openrice流連左咁耐 今次第一次打食評 結果將呢個第一次比左牛記 見到有人話唔好味 又見到有人話服務態度唔好 我完全唔覺 哈哈 反而我覺得個老細勁好人 好親切 同我地有講有笑咁 一家四口食左$32x 叫左四個菜 招牌菜清湯牛腩 $80講真我覺得貴左少少 可能我好彩 份量好多 好夠食 不過我覺得唔夠肥 肥d會好味d 椒鹽鮮魷 $70d椒鹽好香口 好好味 岩晒細路仔食 哈哈 食得出佢地d魷魚真係好新鮮 咸蛋肉碎炒涼瓜 $52一直都對涼瓜冇咩好感既我 第一次食涼瓜食得咁開心 因為真係好好味 咸蛋, 肉碎同涼瓜好夾 無錫骨 $55買個菜黎講呢個有d失色 唔係味道唔好 只不過味道比較普通 唔太特別其實本身果日一心諗住行上去食九記 點知撞正佢清潔時間 所以就去左牛記

今日去咗牛記食個下午茶, 叫咗一碗牛腩牛根面, 正確嚟講只係一碗牛腩面, 好細碗, 一粒仔牛根都無, 牛腩好un 呀, 湯底淡, 無腩汁味, 不過肚餓, 都係食都無得剩之前一晚去食個菜遠牛肉飯反而幾ok 喎, 牛肉夠多, 碟頭飯最緊要夠多汁, 炒得幾有火喉, 都係成碟食哂

前排行過牛記, 見人山人海, 門口大排長龍, 原來係蘇絲黃在電視推介, 想必一定好味.尋日再經過, 已唔見昔日的人龍, 店舖入面只得兩個客人, 我見唔使等位, 入去吃個牛腩麵頂肚.坐底叫碗牛根腩麵, 諗一定唔差得去邊, 呢碗麵 20元, 但食落真係唔值 20元, 牛根腩又靭又有渣, 啲麵又 "淋" 又冇彈性, 最敝就係個湯底, 冇牛腩麵應有的花椒八角, 個湯得鼓油嘅咸味. 可能佢地嘅牛腩煲會比較出色卦, 但我試過呢碗牛腩麵,後 我一定唔會再黎搏多次 !

是日週末，四人約定去試試“牛記”的馳名牛腩煲，舖面頗逼狹，坐得唔係咁舒服，本著為食，都無所謂。叫了蘿蔔牛腩煲，網友四月份的食評寫70元，現已是 80元了，是崩沙腩，味道唔錯，以價錢論，“腩”的份量太少了！西蘭花炒牛肉，都炒得幾嫩滑及青綠。豉汁炒蜆，60元例，份量唔多，但絕對無砂無死蜆 (老闆話逐粒檢查過喎)，不過無鑊氣，唔夠香，似豉汁撈蜆多一些！炸豬大腸，我多數在“泉章居”吃，見此處有此菜式，都試試，似翻炸貨，色澤暗、又乾又無味，風都吹得起！由於各菜式份量都是偏少，所以最後加碼叫了“大馬站煲”。嘩，上菜時，蝦醬味香，內含的燒腩半肥瘦、炸豆腐嫩滑、蒜芯脆口，最驚喜的是那蝦醬味道會在口腔回甘，可以話越食越鮮香，這味“大馬站煲”相信是吸引我會再光顧的原因！總括來說，廚藝無特別，但用料偏向中上貨式。食完要急急走，坐多陣都唔舒服。

零辰2點幾放工,睇見牛記未熄燈,咪去睇吓有冇嘢食囉!,去到門口一問之下,原來 牛記有做宵夜(00:30-05:30)我叫左一個排骨飯都幾多排骨都幾好味,重有湯送下次都再去食宵夜

十二月廿八‧晴 農曆年前的最後一個工作天，也要近11時才收工，真箇搵食艱難。約了朋友喝酒，卻遲了整整兩小時，唯有由喝東西轉去吃東西。朋友沒有什麼要求，只想吃地道廣東小炒，否決了大排檔，就二人來了這裡。 時候不早，但這裡還是座無虛席，只見主理人跟其兩位兒子在招呼，也是一間旺場店子。先來一點啤酒，我一向聽話，啤酒姐姐著什麼衫我就喝什麼啤，是晚的是藍妹，樽啤也沒有什麼要求，其實什麼牌子也一樣。菜色方面，不用多想，牛腩窩、生炒骨，加碟炒菜芯，二人已經夠吃。 先來生炒骨，這裡的夠色夠味，吃起來脆口，甜酸也做得平衡，不錯。略嫌是骨多肉少，吃來吃去也是大舊骨，有點敗興；牛腩煲大大煲的，滾燙熱辣，很對辦。如主理人所言，是坑腩來的，夾幾件爽腩。先喝清湯，濃濃的牛骨湯，甜美清澈，很不錯。再吃牛腩，帶筋位的部份爽脆，肥脂部份當然甘香豐腴，廋肉也很鬆化，很有水準。同煮的蘿蔔也鮮甜，二人在努力的吃，不消一會已經吃得煲底見天，是這裡必吃的一味；菜芯青蔥翠綠，要了少油的，果然吃起來乾爽，很好； 街坊小店，服務是很不錯的。 埋單二百二，吃得飽足，經濟抵食。

已經第三次幫襯「牛記」，夜晚係中環「牛記」真係唔錯選擇。今日點左籮白牛腩煲、潮色茄子、田雞生滾粥。「牛記」既籮白牛腩煲真係好好味，湯好甜，籮白又夠入味。不過$70就貴左啲。潮色茄子、田雞生滾粥就一般。潮色茄子味道其實不錯，但相當重味精。食完要飲好多茶。

Our party of six arrived at around 20:15, but the shop was full. We waited for about 10 minutes and were given a table on the second floor of the restaurant. Perhaps it was because one of us is a frequent customer, the waitresses were pretty efficient. The owner also came over to see whether everything was fine.We ordered quite a lot for six people, but it was definitely a great meal!胡椒味菜浸及第 - amazing soup with sufficient white pepper corns as base蜜椒爆雞花 - combination of honey and red pepper was

今日本來想去勝香園食lunch,但因為太多人最後求其入左牛記以為係一般茶餐廳已經冇乜要求點知叫左好奈都冇人肯落單,之後有個阿姐好惡咁話:係咪e+唔抹檯要幫你落單呀?! (明明張檯已經被執左好奈都唔知點解冇搞掂),抹埋自然會幫你落啦!!! 你叫左咪得囉(明明叫左五六次都冇人理)......"之後d飯同野飲都黎左,我記得明明應該有例湯問個男人個餐係咪應該有例湯啦,,點知佢黑晒口面好勞氣又惡地鬧:"黎左就食啦,食住先啦"我覺得佢答一句:有或者冇咪得囉... 洗唔洗咁勞氣?!其實我地去果個時間並唔係多人,一半冇人坐的應該唔係因為太忙而態度咁差連出名高竇既蓮香服務同態度都好過佢地好多d野食好多味精,有位同事食完佢個豉椒抄魷河返到公司要猛咁飲水d阿姐執檯果陣仲直接用手撥人地食完d野,之後再用同一隻手羅野食比我地唔係好明阿蘇點解會推介呢度嚮中環食咁奈野,呢次經歷最差簡直係貼錢買難受

朋友介紹這是他本人的飯堂...姑且一試!等了一會很快可以上樓了, 我們一行4人坐上層. 沒有期望地方靚仔只求好食.叫了出名的清湯腩($7X): 幾好的牛腩同羅白都幾腍, 不過份量少了一點;琵琶豆腐($48): 幾好不過有啲咸生炒骨($48): 味道幾好不過好少, 又冇菠蘿蒜蓉炒豆苗($50): 好味, 炒得好好雖然預咗係零服務但啲服務真係...我哋坐低咗叫極都冇人嚟落單...總括食物OK啦, 但份量真係只夠3,4個人食

本來想叫傳聞中的清湯牛腩, 可惜賣晒..... 滑蛋蝦仁 -- 蛋炒得幾滑, 不像茶餐廳的太水或太乾, 蝦仁亦很爽兼食得出海蝦味, 不是"乸"到爽的下欄貨.雞油豆苗 -- 豆苗炒得剛好, 好味!大荳芽脆皮豬腸 -- 味道不錯, 上菜的時候, 豬大腸還是脆的...白飯 -- 軟硬適中, OK.... 兩人埋單才不過百多元, 抵食又好味. 不過最大缺點是上菜速度超慢!! 下次一定要食到清湯牛腩....

青湯籮白牛腩煲;蘿白真係幾清甜.都覺牛腩ok大份崩砂腩,腩肉肥瘦適中,好食!而且唔似九記咁會見到成層油響面頭(加肥餐咩)!!但係脆皮煎肉并唔多脆

唉! 見阿蘇介紹，今日同朋友去試下，點知 ? 失望而回。本來想點清湯蘿蔔牛腩煲，但賣晒牛腩，咁所以點左另外兩樣野食 :鮮茄牛肉飯 + 沙爹牛肉炒時菜: 無乜特別，普通茶餐廰都可能好過佢，勁油，每碟餸等左勁耐先有得食，唔知佢地點落單，明明遲過你黎遲過你點菜，但佢地d餸菜快過你上幾多呀，唔得唔得，呢間餐廰唔得，無論食定服務方面都唔得。