牛陣 (形點 II)

營業中

休息中

天氣咁凍梗係要去打邊爐啦🍲牛陣詢問度極高嘅「SUKIYAKI壽喜燒」終於返嚟喇🥳呢個壽喜燒真係好正🤤絕對一食難忘😛今次去咗元朗形點分店嘅牛陣🐮我地食咗日本黑毛和牛及北海道四元豚放題套餐🤩日本黑毛和牛及北海道四元豚放題套餐套餐入面嘅日本產黑毛和牛、澳洲產特上長期穀飼牛、嚴選牛肉、北海道四元豚、歐洲產豚肉、牛舌都係任食🤩自助吧亦提供多款火鍋配料、醬料、飲品、小食、甜品等等🫶🏻另外凡惠顧滿指定金額,可以任食海鮮😍好似我哋嘅套餐可以任食：蟹籽蝦滑、仿皇帝蟹棒、原隻魷魚仔、墨魚、帶子、半殼青口、鳳尾蝦、日本產生蠔🤩相當豐盛😛今次食嘅關西風壽喜燒🔥同關東風嘅烹調方法相當唔同😆一開始店員會好細心教導😚跟住以下步驟就可以享受到美味嘅壽喜燒🐮1️⃣ 以和牛脂肪起鍋,引出和牛嘅甘香2️⃣ 加入洋蔥為壽喜燒增添香甜風味🧄炒至稍微金黄及釋出香味後推至鍋邊3️⃣ 日本傳統會以生雞蛋配壽喜燒,嫩滑口感昇華和牛滋味🌟充份攪拌雞蛋,備用🥚4️⃣ 把肉片舖於鍋中,輕炙至微焦後淋上壽喜燒汁,肉片均勻沾上燒汁後夾起,再點上蛋液品嚐5️⃣ 於鍋中加入肉片及野菜,淋上更多壽喜燒汁,慢火烹煮肉片及野菜至個人喜好嘅柔軟度後品嚐6️⃣ 推薦於最後加入烏冬,

相信大家都去過好多次打邊爐放題🥘牛陣d牛肉真係每一碟都可以提供番同一質量嘅牛肉🥰🥰絕對唔會呃人最吾中意就係d餐廳第一碟就比好靚嘅牛你之後既都係就降曬level💩💩我地果日揀左壽喜燒黑毛和牛及北海道四元豚肉套餐🇯🇵佢地係會提供會人一個獨立既鍋同爐吾洗用人爭🤣🤣一開始有職員好細心講解如何操作壽喜燒仲會話俾你聽，建議烹調溫度仲有一嚿牛既脂肪提供俾你牛肉真係超高汁😋雪花油脂分布好平均加埋壽喜燒汁完美組合呀🤩🤩好似去左日本旅行🧳食到甘上下你仲可以加番鰹魚湯變做打邊爐😙😙好開心一餐有兩種玩法\(^o^)/個餐仲包無限飲品有埋教主最新代言既OOHA除此之外，仲包埋任飲既Asahi🍻仲會送上豐富既海鮮拼盤自取區仲有好多款蔬菜，菇，丸類選擇仲有小食炸物有一個區域仲要係俾小朋友自己整棉花糖，同自取雪糕👦🏻🧒🏻最後甜品時間仲有4款Haagen Dazs雪糕呢個餐既牛肉係超高汁😋食物又好豐富好多選擇👍🏻可以再encore🤩

今日晚上8點同朋友兩個人book左形點呢間牛陣食放題打邊爐，我哋揀左每位$289放題套餐。坐低時職員都有講用餐時間係90分鐘，有好多蔬菜選擇，比較特別有冰菜，秋葵。甜品係Häagen-Dazs，迷你窩夫，pancake，又有小朋友最愛嘅棉花糖機。飲品都有汽水，果汁，自家製桂花烏龍茶，個價錢都合理。隔籬枱2男1女我坐低時他們已經打緊邊爐食緊，我同朋友9:15已經埋咗單，我哋可以食到9:24pm,到時間大約9:35左右，有位女職員走過來同我哋講用餐時間已經夠左要求我哋離開，我同朋友其實已經戴緊口罩準備執嘢走。但係坐我哋隔籬枱嗰兩男一女完全冇人走過去要求佢哋離開，可能因為係佢哋係熟客關係，全程食嘢嘅時候見到d侍應走去打招呼傾計。我當然知道夠鐘要起身走交檯，但當時出邊都冇客人排隊等候，職員走過來出聲叫我哋走，我哋完全明白覺得合理，只不過佢點解唔將呢番說話同隔離嗰張枱嘅食客講呢？好明顯係不公平對待，好想知道係咪食和牛放題套餐（價錢高）可以任坐唔會趕你走或者嗰檯熟客仔經常買嘢食請呢間店d職員食所以特別好禮貌地招呼？

環境：環境寬敞明亮，入門口係新鮮食材嘅自助食材吧，旁邊見到師傅用機切一盤盤鮮肉，望到都勁有食慾.食物：「和牛遇上嫩雞蛋，給你雙倍的滋味」，入到去畀呢個期間限定嘅日本黑毛和牛四元豚壽喜燒放題slogan 吸引到，即刻叫嚟試下.呢個壽喜燒採用正宗壽喜燒做法。先炙熱肉類，燒到咁上下就加湯轉打邊爐。.日本黑毛和牛油脂雪花紋勁靚，入口牛味濃郁入口滑嫩。豚肉肉質軟腍，兩者加入嫩雞蛋再食，口感更添滑溜.自助食材吧放咗蔬菜類、丸類火鍋配料、醬料區、雪糕可以任拎。.回本位推薦食營養價值高，而出面食又好貴嘅羽衣甘籃同冰菜，另外當然唔少得食返幾杯haagen daz 雪糕啦。.飲品位除左有自助飲品吧，仲有asahi啤酒無限暢飲，啤酒配邊爐，一凍一熱，爽呀

朋友一向鍾意揀壽喜燒湯底，見牛陣出左個壽喜燒餐就黎試下，$359/位90分鐘放題，有日本產嘅黑毛和牛同豚肉，同包埋自助區嘅所有食材。裝修後的牛陣，自助區濶落左又多左野攞，由其係甜品，除左任食Haagen-Dazs之外，仲有棉花糖機同窩夫等，好受小朋友歡迎呀💖落完餐，店員好快就送上食材，先有蔬菜一盤連開鍋用嘅牛脂，黑色樽身係壽喜燒汁，白色樽身係鰹魚湯，至於食法，可以要店員示範，亦可以跟枱上指示做啦。主角黑毛和牛，睇落好正喎～仲有豚肉同牛舌👅海鮮盤🦑同蠔🦪先用牛脂開鍋，炒香洋蔥，再放入牛肉同壽喜燒汁，炒兩炒就食得啦，勁香啊～沾埋蛋汁食正係勁滑，太好味了😍壽喜牛舌都好正，韌韌地嘅口感。食夠燒肉可以加湯打邊爐，放晒個蔬菜盤落去先。除咗用本身個燒鍋，都可以換做平常的邊爐鍋一樣可以揀湯底。肉同菜都食夠，就梗係要食埋雪糕啦，是日有黑糖奶茶味🤩落左幾次肉都係即刻到，質素又keep到，90分鐘無稀場不停食呀😆

這間牛陣位於元朗形點二期2樓店舖，係一間高級火鍋同時都有壽喜燒食，店面環境係以木系裝置柔和色調🤔感覺都唔錯，地方寬鬆坐著感覺都好舒適😙，同時我覺得都幾特別有自助棉花糖自助機，烘烤機，扭彈球機及Haggen-Dazs雪糕自助任食多款口味😚!.90分鐘 壽喜燒 - 日本產黑毛和牛及北海道四元豚套餐 $289/位 .套餐肉類：日本產黑毛和牛澳洲產特上長期穀飼牛呢兩款黑毛和牛/長期糓飼牛肥瘦均勻🤔，賣相佈滿雪花色澤新鮮紅潤厚薄適中，牛嘅味道濃厚😋肉味鮮味，同時用嚟食火煱又得壽喜燒一樣咁正😋!.牛舌整碟牛舌望著色澤鮮潤大大塊，食到入口牛肉味道香濃😙帶點爽口又有咬口!.歐洲產豚肉呢一碟䐁肉肉質味道鮮味😙，厚薄適中肉質腍嫩又有咬口😋，口感味道都幾好!.海鮮拼盤這一款海鮮拼盤都有：青口、蝦、墨魚、蟹柳、墨魚肉等!.蔬菜籃.自助區前菜 小食火鍋配料飲品甜品.食物選擇多，可以再去。

食肉獸至愛的日本的人氣火鍋店牛陣，佢哋以任食不同的牛肉及Häagen-Dazs雪糕為主打！還提供多款新鮮蔬菜及配料任食，多款特色湯底任挑選，一人一煱！除了火煱料之外飲品種類也有很多選擇，而且有自己弄棉花糖的迷你棉花糖機，小朋友一定好鍾意！今次我哋2人選了麻辣火鍋！麻辣適中，配上牛肉，好美味！另外最愛當然係雪糕啦！放題價錢也不算貴！愛吃肉的朋友不要錯過！

呢個充滿油花既和牛 唔係咩貴價壽喜燒係一間男朋友好鬼鍾意食既連鎖邊爐集團既牛陣🥰呢個係日本產特選黑毛和牛及日本產豚肉 90分鐘放題套餐晚市💰429/一位其實仲有其他價錢既套餐，有平有貴。湯底選擇好多👇🏻1.日本產鰹魚清湯2.關東風壽喜燒湯3.美肌豚骨湯4.藥膳香辣湯5.新鮮蕃茄湯6.香濃雞白湯呢個特選黑毛和牛餐🐃已經包括其他牛肉同豚肉都可以任點🐃日本產特選黑毛和牛🐃日本產黑毛和牛🐃澳洲產特上長期穀飼牛🐃澳洲產長期穀飼牛🐃嚴選牛肉🐃上級牛肉🐖美洲產豚肉🐖日本產豚肉🐃牛舌建議可以特選和牛同穀飼牛都嗌，咁就可以食得出和牛既口感同牛味完全完勝🤣👍🏻不過當然和牛食得多都會膩所以呢個套餐其實仲有海鮮盒包埋，裡面有魷魚、扇貝、墨魚滑、翡翠螺、蟹柳、青口等嫌唔夠食，出面自助區仲有N款 蔬菜、菇菌、丸類、粉麵任拎出面有雪櫃自助𢳂Haagen Dazs🍦 我自己就麻麻哋呢個牌子🤣同埋覺得冇得杯裝好麻煩，但鍾意食雪糕既絕對回本總結：而我地食量唔多既人黎講$4xx，就算唔食其他嘢，剩係食靚牛肉已經回左本🤣👍🏻係真心喜歡Btw 牛陣有好多分店，荃灣、尖沙咀、九龍灣、大埔、元朗最近屯門都開咗間新嘅😂

未食過一間火鍋啲牛肉咁垃圾 唔係人食咁 啲牛肉好似雪左耐咁 好似食緊擦膠咁 又薄 好難食 話呢間嘢啲牛肉好食嗰啲人都唔知係咪有問題 定係佢哋冇食過好嘢？我哋揀嘅係澳洲牛個套餐 都勁難食 啲牛肉冇咩脂肪 打邊爐梗係主要食牛肉 樓上牛大人最平嗰個好食過佢10倍 同埋出邊啲嘢冇咩選擇揀咁 以後都唔會再嚟食 永久黑名單 入場時本身揀了90分鐘 食咗陣已經唔對路 跟住想轉返60分鐘 店員問過經理 同我講過咗30分鐘冇得轉 我立刻問幾點入場 再望一望時間 發現都未夠30分鐘 最後幫我轉 跟住個經理同我講 夠60分鐘要即刻走 好似比說話我聽咁 第一次出街食嘢個體驗咁差

☀︎ 𝗦𝘂𝗺𝗺𝗮𝗿𝘆：牛陣近日推出冬日限定主題「日本の冬のおもてなし」主打壽喜燒 X 一人一鍋打邊爐🥳每人$359就可以係90分鐘內任食任燒至Top嘅日本產黑毛和牛仲有澳洲產長期穀飼牛，日本產豚肉片期間限定嘅關東煮，鯛魚燒等等◈ 壽喜燒店員先上一大盤由日本產黑毛和牛由日本自家農場飼養並直運到港！均稱嘅雪花紋，色澤鮮嫩一睇就知質素確係有晒保證😍根據關西風壽喜燒嘅食法先用牛脂肪喺鐵鍋上起鑊輕輕炙一炙和牛再淋上自家製暖笠笠嘅壽喜燒汁入口係滿滿嘅牛肉香，甜甜的，油而不膩最後蘸上日本蛋液，帶出牛肉嘅餘韻😘◈ 一人一鍋shabu shabu食完壽喜燒，可以叫店員加湯轉打邊爐湯底係清甜嘅日本產鰹魚湯可以將一開始已經送上嘅扇貝，鮮蝦，青口牛舌，日本產豚肉片，魷魚，蝦滑，蔬菜籃等逐個放入去涮一涮🤣食哂仲可以問店員再次Encore🥰另外仲有多款蔬菜，粉麵，丸類係哂自助區推薦：羽衣甘藍，芋頭◈ 調味料值得一提嘅係調味料款式真係豐富到爆😂超過30種嘅特別味道For打邊爐：花椒油，本枯乾冬菇醬油，18禁辣醬鮮磨生薑蓉，BB青檸，日式焙煎黑芝麻等For壽壽燒：黑芝麻鮮菇粉，櫻花蝦海鮮粉，山椒粉等◈ 飲品，雪糕，關東

冇得去日本都要食下日本野🤗呢啲天氣就緊係去打邊爐！冇晚市緊係星期六日去食下好野，今日經開yoho又入左黎打邊爐🌟壽喜燒日本產黑毛和牛及日本產豚肉放題套餐🇯🇵🐮 $359/位壽喜燒係日本係過年就會食。啲牛淨係賣相已經🈵分，雪花紋勁靚❤️油脂唔會太多，店員教係咁易燒一燒再落啲壽喜燒汁就食得，然後蘸埋蛋汁一齊食仲更加嫩滑☺️入口即溶，呢個係一個關西風嘅食法。覺得乾就可以加少少鰹魚汁落去。唔知係咪耐冇黎，而家轉左做一人一鍋，所以我就一鍋放湯食，一鍋燒住食🤤除左和牛仲可以叫牛舌，輕輕烤一烤就食得，太耐會韌。湯底就偏甘甜，清醇。除左牛，豚肉都好新鮮，顏色呈淡粉紅，唔會有多餘嘅油脂，薄薄一片食落唔厚實，軟淋淋。一黎到店員就會上晒海鮮同埋壽喜燒啲配料，唔夠食就可以出去自助區到自己拎。啲海鮮都好新鮮，有扇貝、青口、蝦、墨魚滑、魷魚、八爪魚等等，勁豐富自助區仲有關東煮🍢、鯛魚燒、Haagen daz、waffle同埋棉花糖等，我就貪得意整左支棉花糖食😎醬料方面有好多選擇，有好多平時出面見唔到嘅醬🤩有18禁辣醬、黑芝麻醬、青森林檎醬油等等，黑芝麻醬夠特別，比普通麻醬再香啲，配牛肉食唔錯呢個價錢包埋飲品同asah

近排真係好凍下~最啱就係去食燒烤火鍋之類嘅嘢暖暖身🔥！ 呢日好似平時咁又同男朋友去元朗Yoho行街街，行到咁上下見餓就去咗「牛陣」試佢呢排新推出嘅和牛壽喜燒晚餐放題！ 唔知大家知唔知壽喜燒其實係日本人每逢節日或喜慶場合先會食嘅嘢，今次因為見就過年，所以當慶祝去食餐好嘢喇～ 壽喜燒有分關西風同關東風嘅食法，小妹喺到就唔班門弄斧la~簡單嚟講兩者最大分別係牛肉嘅處理方法，關西風係喺空鍋輕炙，而關東風就所有料一齊落去煮好似火鍋咁~ 🧡壽喜燒 - 日本產黑毛和牛及日本豚套餐   (90 mins) （$359/位）入坐冇耐，一見霜降般嘅和牛上枱就知呢次絕對係揀啱咗！呢個價嚟講靜係食靚靚和牛都超抵！ 呢到嘅壽喜燒係用關西風煮法，先用和牛脂肪起鑊 ，之後和牛每面輕炙一下， 淋返個壽喜燒汁，再點埋靚靚生蛋食，幸福就滿滿咁散發喺口腔入面，完美！ 除咗和牛之外，呢個餐仲跟咗新鮮海鮮拼盤、日本豚同壽喜燒嘅配菜，真係豐富到不得了！我哋食哂呢啲都已經好飽好滿足！ 如果你係大食嘅朋友，其實自助吧仲有好多其他火鍋配料、熟食、甜品等可以自取。我哋就試咗呢期限定嘅關東煮同鯛魚燒，同樣都好高質！ P.S. 我哋

好耐都冇嚟過牛陣、見佢新裝修就嚟試吓。試咗$209嘅90分鐘澳洲長期穀飼牛放題，一人一爐自選湯底，鰹魚清湯同壽喜燒湯唔使加錢，其他就要加$5，老公要咗唔使加錢嘅鰹魚清湯，我就要咗加$5嘅豚骨湯。坐低湯底同牛肉都好快到，首先上一轉嚴選牛肉，澳洲長穀飼牛，豬肉同牛舌。湯底冇乜特別，但真係冇諗到啲牛肉質素咁差，嚴選牛肉直情係唔掂、又鞋仲覺得有渣，澳洲長期穀飼牛都唔係咁好，冇咁鞋但係都係唔多好食，早過我入去嘅兩個男仔坐喺我隔離枱，我哋都聽到佢話啲牛肉唔掂，佢都係同我哋食同一個套餐，豬肉普通到唔普通，好彩有牛舌，牛舌就幾好食，所以我食咗好少牛肉，只係食牛舌，我老公要求唔高但佢都話啲牛唔係幾得，飲品同雪糕種類唔多，蔬菜，配菜同丸嗰啲正正常常冇驚喜，服務生態度幾好，上菜都好快。真係沒有比較就沒有傷害，之前試咗另外一間馬祖，最平嗰個餐Prime Grade牛肩胛肉$208，湯底款式又多又唔使加錢，最重要係啲牛肉好食好多，飲品雪糕種類多仲有M字貴價雪糕，蔬菜，配菜同丸嗰啲都俾依度多少少，五點前仲每人減$20埋單仲平過呢度，出年仲會開另外一間牛大人，聽人講話好好食，下次會去試埋比較。牛陣唔會再嚟食啦！啲牛

元朗站📍牛陣-冬天成日都想打邊爐，今日去食牛陣，發現佢有個限定期間壽喜燒鍋，又幾ok喎，同大家分享下先！😋今次兩個人食$279任食90分鐘套餐：澳洲特上長期穀飼牛沖繩豚放題，一個試左限定期間嘅壽喜燒鍋，另一個要普通蕃茄湯底。壽喜燒鍋本身包左一籃蔬菜盤，而且可以無限添加日本雞蛋點壽喜燒牛肉😋濃郁嘅壽喜燒汁加埋薄薄一片嘅牛肉/牛舌，Oishi😋😋😋佢仲有個壽喜燒操作指示牌，第一次食都唔驚唔知個step！今次兩個牛魔王就冇食到豚肉，兩個人都叫左10碟牛😋正宗食肉獸🤘🏻壽喜燒汁煮蔬菜都好入味！另外個一個蕃茄湯底就淥下丸、菜、肉、烏冬、拉面同埋佢附送嘅海鮮拼盤等等，當然唔少得我最中意食嘅筍片🤤熟食都唔少，好似炸雞、薯條、關東煮、pancake仔可以任食。最緊要係有無限任食Häagen-Dazs雪糕🥶大大話話都食左7-8杯，如果雪糕係杯裝就更方便衛生🤩如果比起係日本食嘅壽喜燒就一定唔夠正宗，而且個燒盤都唔夠大，每次只可以燒到最多2片牛肉（都迫迫地），同埋牛肉有時未必可以一片片完整咁夾到出鍋。不過呢個價錢黎講一解去日本食好西嘅思念都唔錯！🤪環境方面，呢間餐廳不嬲都企理整潔，而且都坐得舒服，90分鐘慢

身為打邊爐狂魔嘅我直頭日日食打邊爐都得呀🤣🤪今日近近地係元朗覓食，行YOHO見到牛陣做緊秋祭活動，正呀！😍我哋揀咗澳洲產特上長期榖飼牛期間限定秋季主題任食火鍋套餐($279/位）整體評分：7.5/10環境：6.9/10服務：8.5/10*點解會比咁高評分最後有講💛人均消費：$100-200地址：牛陣 (形點) (元朗)元朗朗日路8號形點二期2樓A218號舖——————————————————————湯底：美肌豚骨湯🐷：比較普通，不過都幾清甜，適合煮菜藥膳香辣湯：推介呢個湯底！勁香！澳洲產特上長期穀飼牛🐮：雪花好靚😋薄薄一片，唔洗煮太耐就可以食得，牛味好濃，食咗超多碟🙈沖繩豚肉🐷：幾正😻比起普通豚肉好味好多。唔會太肥，咬落去嗰陣豬肉香喺口入面久久不散秋之雜菌🍄🍁：入面有唔同嘅菌類，充滿大自然氣息期間限定-豪華海鮮盛合🐙🦑🦐：入面有蟹柳，東風螺，魷魚同埋蝦滑，東風螺好正！蝦滑口感彈牙，上面好多蟹籽其他：除左肉類同海鮮，蔬菜同丸類種類都好多，全部都好新鮮💖而且仲有一啲小食，五目炊飯、秋野菜味噌湯、炸番薯條等，都幾好味甜品：Haagen Dazs雪糕：有唔同選擇😍個人最鍾意焦糖味蕨餅蒙布朗：秋