牛陣 (已結業)

本來諗住個friend生曰去九龍城利得打邊爐, 但落雨同埋聽其他friend講牛陣啲和牛好味就去試試和牛放題, 可能驚人撈亂平同貴嘅和牛食, 規定要叫同一種牛, 無所謂啦！個friend生日, 三個人都叫比較貴少少嘅和牛 (每位HKD220), 清湯煱底, 原來係一碟碟和牛上, 食完一碟再上另一碟, 但第一碟包埋兩款豬肉(無咁好食)其它菜,菰, 粉絲任食, 不過得個半鐘仲要係由入坐開始計時 (但manual寫由order時開始計), 唉又算！好彩啲女侍應同我哋講可以淨叫和牛吾加豬肉, 到食完第二碟和牛再叫第三碟時佢哋好似刻意上幔啲, 追咗幾次先上第三碟, 跟住個男侍應(好似高級啲), 攞張單埋嚟話仲有十五分鐘交枱要埋單, 但我哋先坐咗一個鐘多少少, 邊有咁快呀, 同佢講佢先走開, 等到差吾多剩十五分鐘先再過嚟, 態度又比較差, 同啲friend講一次夠喇！

移師官塘上班，要重新搵食晏好去處，第一站就係公司附近嘅蒲點APM，當中依間食肆都係比較有特式嘅一間。首先午市食日式火煱嘅已經唔多見，而且價錢都算相宜。午市有四款套餐，全部都係五、六十蚊，而且配菜係自助任食，當中嘅選擇都唔少，如冬菇、金菇、烏冬、冬瓜等等。佢哋個湯底比較清，用電爐好快就會滾，醬汁只有豉油同花生醬，相對來說比較少選擇，而且個人覺得佢哋個醬油調得比較酸，唔太啱本蟲口味。如果食飽之後仲有時間，可以再攞雪糕食，雖然係平價貨，但都有三隻味揀，幾十蚊有咁多嘢食加上地方寬敞，對上班族嚟講都算係幾唔錯。

＄５5　限食一小時,包一碟肉,一杯飲品,自助蔬菜、烏冬＆雪糕。見到食評 差,但經過門口好香，所以都決定試下。開始時serve我地個紮頭髮waitress真係幾無禮貌,講野又快又唔清楚就走左去, 後來有個短髮有笑容的waitress 過來,服務好好多。個湯都幾好味,牛肉係比較瘦, 但對於不太喜歡肥牛的人來說,是幾好。蔬菜種類都ok, 烏冬好好味,不過一小時好快過,除非唔傾計快食,否則唔夠時間. 所以我同個fren下午4點已要食tea.

睇戲前食左一個飽的午餐加下午茶.......都只係八十大元正.......抵.....日式肥牛火煱.....除左牛, 仲有豬肉, 好多菜, 雪糕........雖然服務就一般, 但係都oklunch + tea 就好抵食!和唔和牛就唔就.....不過一定係肥牛呀!

第一次食完後真係回味無窮,幾個月後再次到訪,真係差好遠,同樣叫100元,Ｄ牛肉又乾又嚡,食幾片己經放棄,再叫第二碟試下,都係一樣,唯有食烏冬食飽個肚,相信今次之後有排都唔會再到

今次係第二次黎牛陣一直以黎都好唔明白點解咁多人彈牛陣話佢野食唔得..服務又唔得其實香港食野...服務態度唔得真係預左...再好既地方...都會越做越差實在見得太多啦~至於食物好多人用佢黎同日本既momo paradise比我食過...其實根本係兩間完全唔用既食肆...momo係做平價牛肉火鍋而牛陣係同日本但馬屋一樣做"比較平"既和牛火鍋當然亦都有做普通既牛肉火鍋如果你用平價既牛肉火鍋同momo paradise比的確輸晒...唔講牛肉豚肉淨係D野菜豆付都輸九條街但人地主打既係和牛點解唔試下人地既和牛再作評論呢?和牛有幾貴...識食既人一定好清楚每100G都可能要數百元!而牛陣做到既和牛我唔敢講佢全部可以達到A5既水平但小弟食過兩次一次係頂級,一次係次一級既都絕對係A3-A5既水平絕無澳洲牛混水摸魚亦無一D切定晒...大排檔...肉面痴碟底既情況講真,咁大隻牛無可能每個部位都有平均雪花(例如肩肉)但我亦見倒有貴價既西冷及肉眼部份都用黎做火鍋雖然呢D部位用黎做火鍋未算出色但亦表示絕無昆水好多人想像日本和牛入口即溶...正如我之前Mr. Steak既食評所講全溶根本就等於食牛脂...唔係食牛

呢間野我成日都去食...有D TIPS俾大家...哈哈第一次去要上級AUST牛豆乳底一開始幾得意 好似麥精 但 好快就變左清湯........D牛都愈食愈鞋 忍唔住問侍應係咪俾錯 但佢係都話上級 仲話係唔同部位 SO...我同屋企人仲笑話係咪食緊柴皮.......第二次食最平100蚊 普通底普通牛反而 最正 因為 平 湯底OK 牛仲好過上次D上級第三次食最貴 SUKIYAKI底一開始食 D牛真係好味到升天但之後都..................鞋鞋鞋鞋!!!!D湯底又太太太甜......最唔抵既一次...跟住依家間唔中都會去食 但只會食100蚊了......咩貨色都試過...(除左無興趣試鐵觀音.....)真係100蚊最抵.......其實我覺得有牛豬有少少配料就夠啦.....有時仲有木瓜添 唔錯啦 唔可以同港式大雜匯邊爐比囉不得不提D日本豬真係甜D好味D平時唔鍾意食豬 但去到牛陣都會食下服務方面.....有D WAITER哥哥幾好人有一兩個燥底D囉自己做過服務行都明明地既 真係做到PK架又少錢又受氣 做過就知咩事 所以依家我去到邊有人SERVE我我都好NICE 哈而且任叫任食做到

我同男朋友都係同一個月生日，而且我地都好鍾意食牛，所以就豪一次去食日本和牛，剛巧又係雜誌上睇到這間餐廳，因此就去試下啦!去到睇到啲價錢就真係好貴呀，不但生日一年先得一次，所以都係去食啦! 當日6時去到，冇咩人... 所以就入去食咗先... 貪佢啲食物早啲會靚啲..... 唔知係咪冇咩客，所以招呼幾好，我地點咗兩個$320嘅日本A5和牛餐。等咗一陣啲嘢食就好快上，有一半係牛一半係豬，睇落啲牛都唔錯，豬就唔好食 (因為好"唉")，就好個幾碟都可以只揀牛，那當然唔好俾面，全牛上... 之後個幾碟和牛真係好有水準.... 好靚... (TOTAL食咗4碟半和牛)俾錢走人... 總數七百幾都係值嘅... & 當然最重要嘅係我男朋友食得好開心啦....

平時行開apm, 見牛陣外面都總有o的人排隊, 上星期有日早放工, 就6點幾7點鐘去到個度食, 諗住仲未咁多人排, 個晚一去到唔洗等有得入.之前行開都聞到好香的Shabu Shabu味, 我地點左澳洲牛肉, 有分普通及上等, 我地要上等(好似係普通甜湯底), $140/ppl. 本唻想試和牛, 不過商量過後想先試下平少少o既睇下質素如何, 下次先試和牛, 不過而家應該會打消o係呢度再試和牛.我本身唔鐘意食太肥o既牛肉, 其實呢度會o岩我. 佢地第一碟會先比雜敢唻(有牛肉, 豬肉, 豬頸肉), 第一碟o的肉都ok, 但之後叫左2次牛肉, 越唻越瘦, 最後個碟瘦到連少少白色脂肪都無, 仲要切到勁薄. 我朋友越食越覺得唔掂.o的自助蔬菜又唔多選擇, 總覺得太單調.唔知點解呢度會無sake, 最多得啤酒.. 唯有點成$16杯o既百事...最攪笑我隔離枱有家人點和牛, 我地八卦間唔中望下佢地d肉, 見到個家人o既婆婆, 淨係o係度狂食白飯(食左2大碗), 可能老人家要食飯先慣.. 如果呢度唔係計人頭任食, 仲以為呢家人虐待個婆婆, 唔俾貴肉佢食添呀, haha!

早陣子與朋友聽聞apm開了間任食日式shabu shabu, 住在觀塘的我們當然興奮莫名，抱住一試無坊的心態。在店外等候期間，已嗅到一陣陣肉香味......結果..選了最便宜的牛肉，配最基本的湯底，店內還有蔬菜、雪糕、烏冬以自助形式供應；上桌時一大碟，牛肉與豬肉混合，賣相不差。湯底給人感覺很齋，一片茶色的湯，味道很淡，別人說這樣才可吃出牛肉的真味。吃了第一塊牛肉後，感覺完全變了。就算湯底如滾水般淡，都不會吃出牛味，那些香味只能嗅，但吃不出；牛肉雖薄如紙，亦如沙紙般口，沒有我們期待的軟滑感，口感比火窩店的牛肉更差。反而豬肉較好，至少不會口，應改名叫"豬陣"。沒有茶水招呼，強迫性要另叫飲品，一杯百事要$16；一隻雞蛋要$8；雖說一百元任食九十分鐘總不能要求太多，但總可要好少少的牛肉嗎？一杯水都沒有？要靚牛，請加錢轉雪花牛，看到鄰桌的雪花牛，總覺得要多付二百元，不如去食一餐海鮮火窩。順帶一提，瑞和街街市有檔買火窩配料的店鋪，有雪花肥牛賣，八十元一磅，入口又軟又滑，自己買回家打邊爐，總好過食口牛。

在香港尊食牛既地方唔多...某日行過見到"牛陣"...門面真係有d吸引> <"睇唔明menu問receiption小姐點計同有咩分別...總括"都係d湯底同牛既級數唔同啦" =="~~~我都知....可以既話講詳細小小會好d。入到去可能因為好早6點幾...不用等位簡左$120蚊個果set黎試下，食物ok~加左小小麻醬~~好味!!配菜不太吸引，但其實食個碟牛已經食唔晒...冇能力再叫多碟及食太多配菜；湯底係甜湯~初初覺得好好味...但食食下覺得太甜啦~~要不停飲茶~下次都係叫清湯好d。服務ok~環境ok~但如果唔會電磁爐會好好多。價錢ok~可再試~!

08.04.12　牛陣@觀塘apm聞名巳久的牛陣今天在逛完東港城的台灣夜市節後，再來給它瘋狂的吃7點左右到牛陣巳經在一堆人在排隊我們兩個人，等了約一個小時才能進場這裏全部的牛肉餐都是吃到飽的有各種各式的牛肉可以選擇由HKD100起跳有各級的澳洲牛肉及日本和牛湯底也可以選鐵觀音、豆乳或最基本的日式Sukiyaki吃到飽的除了主角牛牛之外，還有豬柳肉及豬肋肉不是單單的吃牛肉而巳外面的自助夾菜區有好幾款新鮮蔬菜可供選擇還有日式炒飯、白米飯、烏龍麵、豬肉丸、牛丸、紅蘿蔔、土豆片、地瓜片、金菇、本菇等飯後甜品還有冰淇淋呢！進場後開始算時間任吃兩小時在門外輪候的一小時我們一直在研究要那種牛肉比較好來到這邊就不會吃最便宜的那些和牛又太貴了結果我們決定點最便宜的和牛套餐，價值HKD220湯鍋在點餐後一會兒就到了一整盤滿滿的牛肉及豬肉片則在大約十分鐘後送上在這十分鐘，我們先去拿炒飯及自助區的菜類有雪花般脂肪紋的和牛，涮完是一大片白色的牛肉片豬肉片太瘦了，涮完後像在吃口香糖似的簡簡單單的日式炒飯，居然不夠鹹烏龍麵開始是隨便拿一點點煮好後發現它變的半透明又Q又滑有手打烏龍麵的口感！除了烏龍麵，牛丸及豬肉丸也

前日和朋友仔行街街搵食時經過呢間鋪, 睇完大家都覺得好似日本"牧場", 即刻二話不說入去試下(冇得去日本o個間, 頂住先~). 但一開始坐下, 待應服務已首先要打十個大板, "pet"低個餐牌什麼都冇講就走了, 要找人又不見, 好不容易"捉"到個待應, 因為佢的不耐凡我地只好求其點個餐, 怎知連湯底都未揀佢已經即走了去...跟著鍋和肉來了, 枱上的醬料是什麼沒寫, 怎用沒人講, 我地唯有"自由發揮", 看見人家往外面取菜便跟著人家做...說回食物質素, 朋友仔話"牛肉比任食火鍋的要好...",而豬肉可說不過不失, 但湯底鹽味太重, 連蔬菜也給弄得不好吃, 總結是"試了, 但沒下次!"

2008年04月04日兒童節二大+二細, 叫在鐵觀音火鍋套餐\沒有味道的燙底, 日式的普通牛肉接受,其他的食物很小花生醬汁點食物好味只有90分鐘時間不足夠吃住在窗位置,向外望舊大廈與智能大廈比較你想要那一個地方享受食物樂趣~~

今次是第二次光顧牛陣，想不到緣盡於此。上次光顧，感覺得環境比想像中差，因為一般日式食店裝修都很骨子，而Shabu Shabu亦很少使用電磁爐，所以一坐下來就有點扣分。當日叫了$120的日式醬油湯底，當牛肉來了就有點改觀，因為牛肉又簿又瘦，血紅得十分新鮮。雖然牛味稍嫌不足，但對於我這種不吃肥肉的嗜牛者實屬佳品。唯一不滿的是，醬油湯底太濃，鼓油又有點帶酸。雖然牛肉任點任上，但第一盤牛肉的份量很多，最後也吃不完，但覺有點可惜，尤其埋單後見侍應把髒物倒進牛肉盤子裡。雖然知道他們不會再用這些牛肉，但如此糟塌食物仍有折墮之感。由於上次感覺尚算良好，事隔一個月再去品嚐，今次選的是鐵觀音湯底，同樣是$120的套餐。牛肉質量與上次相同，湯底如其名，只是茶而已，沒有為食物加分，但對我來說，醬油湯底確是太濃，所以鐵觀音是比上不足，比下有餘。（我怕魚鯹，所以一直不敢叫最便宜的魚湯底。）意想不到的是，上回贈送的雞蛋沒有了，要的話就要八元一隻，可能是蛋價高企之故。不過也沒所謂，我本來就不吃生蛋。進食過程尚算滿意，導致我不想光顧是埋單時發生的事情。話說女侍應拿來單子，三人合計五百多元，但覺不妥，一看方知他們計算了上