牛陣 (已結業)

我本身都幾鐘意食牛肉，之前聽人講話佢專食牛肉火鍋終於今日就同左女朋友去試下，點知就咁出事!首先入左去無一個waiter行過來介紹，我叫佢過來佢就是但講兩句!!至於服務大致上都同之前的朋友所講差不多，食物，加湯都來得快。其它事最好都真係盡量避免同佢地接觸，免得自己激氣。之後我叫左一個甜豉油火鍋套餐 配 上級牛肉 豬柳肉 豬肋肉 老實講佢d牛肉(以火鍋用來計)望落去真係幾靚。平時食牛都係主要睇佢d肉質同肉汁，但在肉質方面無論我煮幾多成熟都唔覺得佢地入口即溶囉，再者佢d肉咁薄你諗都諗到唔會有咩肉汁可言架啦!!但最攞命仲係個湯底，愈食就愈甜，最後終於頂唔順叫佢比d咸豉油我，佢竟然同我講成間店都無，我即刻比佢吹脹!! 唔係呀麻......去小肥羊食，人地個湯夠唔使加豉油啦，人地都唔會話無豉油比你啦!簡單而言佢唔係難食但亦都唔會係好好食，而且由於太甜我同女朋友其實食左四十分鐘到都已經食唔到落去!! 180/head 的價錢去食d比吉野家好小小的質素，咁既火鍋真係見人見智。

無錯,只係可以吃90分鐘,depends 你吃什麼牛, 價錢由$100 - 300 不等 !!和牛就要$200 以上, 其他材料包括蔬菜, 鳥冬, 面,雪糕都係任食, 仲有白飯任"莊".....碟牛肉仲會包括有白豚肉,肥瘦適中, 入口即溶, 而且肉香撲鼻!!我個人雖然只係叫左$120元個仲牛肉, 但都已經好好味, 多肉脂肪少, 但都係入口即溶,好過其他任食店 如果你想食耐d, 加錢係可以加時呀!!!其他兩個去最抵, 因4-6人都係一個爐

星期六中午吃了那個60分鐘任食火鍋! 除了和牛好吃之外. 只有疏菜, 菇類. 而雪糕是超硬的, 好像叫你不要"畢"! 其實如果你真的要試一次, 你記得一份份叫, 因為60分鐘任食其實30分鍾已有人吹你last order 及埋單, 夠鍾更會叫你馬上離開. 餘下未吃的他們'倒"了都不會給時間你吃完!服務費真是預了白給. 他們是沒服務可言. ( 其實店內都有一, 兩個弟弟服務okay, 只是年長的比較沒禮貌) 我覺得女仔一定要想請楚是否吃得很快才叫這個自助lunch任食60 分鐘!否則吃完一肚火!!

今日晏晝同朋友去左apm 牛陣食 lunch , 我想食左好耐了 ! 自助 lunch 有2種一種係 只限一碟牛or豬 + 任食其他野 , 限時 1 hr $ 50 加一( 其他野係指各種疏菜 , 菇類 , 白飯 , 炒飯 , 烏冬粉絲 , 雪榚任食 ) 一種係連牛同豬+ 其他野都係任食 , 限時 1 hr 30 mins $ 80 蚊加一2個大食狂梗係要連牛同豬都任食啦 ! 一入到去 waiter 就會問食邊種餐 , 豬定牛 ( 而且唔同湯低會唔同價錢 , lunch 有 清湯 和 sukiyaki 湯低 , sukiyaki 貴大約20 蚊)梗係食$80餐啦 ( sukiyaki 越滾越甜我諗會好漏 , 所以要清湯)一豬一牛可以試哂豬同牛 !waiter 好快手將清湯湯低送上 , 而且送上了一大碟肉面向大家既係牛肉 , 豬肉背向鏡頭發覺原來叫豬肉會比你2種 , 一種係豬柳肉 , 一種係豬肋肉夾夾埋埋有3種肉食而我亦都快手快腳去左自助bar 夾左d 疏菜反黎 唔好睇小碟肉 , 牛肉都有十幾塊 , 豬肉夾埋都有十幾塊 , 都幾大碟(圖一)醬汁有2款 , 一款係 芝麻醬

所謂嘅日本和牛質素很差, 同澳洲嘅差唔多, 白色脂肪部份又韌又有根, 一d入口即溶都無. 但係我又無咩証明話佢d唔係日本和牛, 不過我就唔會再去食囉!

12月5日, 87週月快樂~ 今日呀比偷懶放假! 所以今日就黎等我放工, 跟住去apm食我地想試好耐嘅牛陣~ 就算坊間評價好壞參半, 但係排隊等食嘅人依然眾多, 我地ling咗飛之後去行咗陣街, 返黎過咗3個冧把, 但係侍應姐姐都好好安排返我地入座. 不過夾埋都等咗差唔多半個幾鐘先有得食!:::豆乳火鍋套餐 配 牛肉 豬柳肉 豬肋肉 ::: $120/person一直想試豆乳湯底~ order完湯底之後好快就上台. 豆乳偏淡黃色, 聞落有少少豆味啦. 個爐就係好家庭式 (直頭同我屋企個電爐一樣!!) 仲要有條電線兜過台面插住你台底個拖板!出去夾野食, 蔬菜瓜果豆腐款式都幾多, 不過就好似好乾水, 唔太新鮮. 另外仲有白飯, 味飯, 烏冬, 公仔麵等飽肚野. 最開心係有雪糕! 而且體貼地d碗仔同d雪糕1齊雪住, 咁d雪糕就唔會咁易溶啦! 好細心呀!頭一輪超大堆頭嘅肉, 牛肉真係好靚, 脂肪雪花形分佈, 因為切得薄, 碌兩野已經熟, 入口即溶有牛味~ 很不錯! 但係之後黎個轉牛肉就唔得, 肥還肥瘦還瘦, 有相為証實在令人卻步! 不過驚喜嘅係豬肉水準. 食落竟然有微甜嘅肉味~ 感覺比牛肉更好

去APM打邊爐，就揀左牛陣。預先訂左8:00PM四位，選左$160既觀音湯底，食個半鐘。d牛肉比起一般火煱店的確好食好多，比較爽口及大塊。肥豬肉也不錯，彈牙且口感一流。蔬菜基本上自助任拿，豆腐、芽菜等基本上齊，雪糕亦可任拿，不過飲品就要加錢另叫。服務方面尚可，加水加肉速度算快，不過因為間隔問題，要揮幾次手佢地先見到你。

是日選擇: $120, 豆乳湯底主菜(肉)- 不錯! 食第一round, 份量都已經好夠, 味道都唔錯 : )自助配菜- 唔...麻麻地啦...飲品無乜選擇, 而且貴, 飲唔過~P.S. service 唔好!待應走來問我地仲有冇order (見佢拎住本黑色簿仔, 咁我地都知佢係黎埋單)我地好有禮貌咁答: 無啦, 唔該!個"金曲髮"的待應男, 扮晒型咁打開本黑色埋單簿, 乜都無講, "啪" 一聲敦在檯上可惡! 嬲得我地丫臨走同一個似係大粒d的服務員反影一下意見啦, 佢又成舊飯咁...唉...算吧啦~!!!OVERALL, 因為放題90分鐘, 其實都幾趕下...同埋女仔都係講多過食架啦...加上咁有個性的待應, 所以應該唔會有下次囉~!! 呢個價錢, 去酒樓打邊爐仲好啦~

這間在APM的牛陣收費不便宜, 大概100-200一位, 食物資素不錯, 牛和豬也是中上貨色, 配菜也多, 只是, 要在90分鐘 (1小時30分鐘) 內完成, 不是不可能, 但是真的覺得太趕... 好像是為吃而吃, 4個人連談話的時間也不夠 (可能2個人會好一點吧...) 可能真的是被其他食店寵壞了... 要坐多久就多久...

前幾日同d朋友去左牛陣食野~已經唔只一次架喇~每次食完之後去到其他地方食牛肉都覺得唔好味呀!!!次次去親牛陣都會試下第2個價錢既牛肉..都好好味呀!!!不過d員工既態度完全唔掂..好似死人咁..個樣又冇咩笑容..仲好似個樣唔多有善..態度十分之差..但係d牛肉都真係好好味..下次再係咁我一定會post佢地架....仲有佢地d配菜都ok呀!!同d牛肉好夾呀唔知點解..仲之就好味....下次一定會再食過..

一早已訂了位, 被安排坐卡位, 兩人計坐得算舒服, 入座起計兩小時, 點了$140位的牛陣上級火鍋套餐湯底要了清湯的, 味道清甜, 但越滾味道就越甜. 拼盤先上, 牛肉重疊的有好幾層, 肉偏瘦, 口感帶韌, 牛味亦淡, 豬柳肉同樣亦不太好, 反而豬肋骨就不錯, 肥瘦肉相間, 質地軟腍. 另有任食區可隨意選取, 但食物只是簡單的丸, 菜類等, 沒驚喜. 而熟食的牛肉炒飯卻不錯, 飯身粒粒分明, 牛肉味比火鍋的還要濃正如之前食家提及過, 門口放滿清酒, 但店內卻沒供應是一敗筆

最初仲以為會日日食觀塘, 但後尾又發覺冇乜呢個現象播, 都好o既.今天因為時間關係, 豬豬女友不能出外太久, 時間只能去到apm, 看了openrice, 又想食牛, 都來一試牛陣. 雖係咁俾人插話服務係唔掂, 但呢類日式牛肉火鍋又真的不是度度都有得食, 所以都來了.6點來到, 大把位, 仲有窗邊卡位添.4 款湯底, sukiyaki 太甜 (再加豬豬女友會太漏~), 豆奶又冇乜興趣, 都是鐵觀音和清湯好; 但第一次o黎食, 當然係試基本d 的清湯, 下次才鐵觀音啦. 肉方面, 都係叫了中等的 140元. 都好快上, 反正又不用煮...牛肉真的不錯, 以任食來說, 已很好了. 雖然到最後只食了兩碟, 但全部肉質是很好的, 不太肥, 鮮紅色的新鮮, 不點醬也好好味.豬肉有不太肥的豬柳及像bacon 的豬肉, 兩樣都很好, 但前者冇咁肥膩, 女友也吃了不少.今天豬豬的爆炸力驚人, 我已飽了但她仍叫姐姐俾多碟每樣少少吖... 另外菜都是任大家攞的, 都ok 既. 豆腐不錯, 如果有腐竹就好了... 但不知道日式火鍋有否腐竹既呢?雪糕只有vanilla 及士多卑利, 係任食, 但雪到好堅

昨晚約了朋友二人一起到牛陣吃晚飯，因為第一次光顧關係，找了個侍應來解釋一下如何計算及叫食物形式，但第一位女侍應似乎擔心我們是自由行成員，無甚耐性講解，兼且流露一副”無你咁好氣”既神情，講左兩句就走左去．到第二位男侍應來解釋時就語氣及態度都好得多．後來因為友人想試下和牛有幾好味，因此點了二份和牛（同一桌顧客必須點同一級數的牛牛，不能一個點和牛，一個點上牛，很沒彈性！）及甜豉油湯底一試，其他配菜就可以無限任食．來的牛牛因為薄切得緊要關係，落湯底烚熟後沒甚牛味，一般．配菜嘛，都是些秀珍菇，金菇，南瓜，油墨菜，生菜，椰菜等等一般食物，沒什麼可評價甜豉油湯底嘛．．真的甜得太緊要，打到後來變得很鹹，不對胃口．環境不錯，很好坐，要讚一讚的是我友人咀尖，嫌吃水沒氣要求取消點單，那位隨和經理都願意做，比著我就未必肯了，客戶服務態度超常，抵讚！餐廳嚴格執行1.5小時食飯時間．．．太短了吧！總括來說，以這個價錢和這個食物水平，我未必會翻轉頭再光顧～

去之前都無做過 research, 純粹係因為係APM 行街, 見到有日式火煱喎, 於是試下... 我同男友6 點到開始食, 唔駛等位, 限食 90 分鐘, 牛肉, 豬肉, 菜任食, 一入到去已經有人斟水, 主動介紹 menu, 服務唔錯呀!! 我地叫咗上級牛, 清湯底, 頭一碟入面有豬肉, 豬肋骨, 三樣都好好味, 切得好薄, 好易入口.. 菜款有10多款, 仲有白飯同炒飯任攞, 甜品有雲呢拿同士多啤梨雪糕... 就係因為三款肉都好好味, 所以加添時都係三款都要晒, 不過個 waiter 介紹 menu 時已經提醒話, d 客加添梗係要淨牛肉........ 入牛陣當然主要食牛喇, 不過我地唔理, 照要晒3 樣, 正!!!!食緊其間, d waiter 反應好快, 例如加湯, 加肉都好快, 唔會阻你時間, 水亦都會主動斟... 唯一唔好係略嫌90分鐘太短, 90分鐘入面只係埋頭苦幹食... 食...食... 有機會再會黎食過..

同女朋友係APM行街本來想食荷花亭點知行過呢間『牛陣』見到好多人等緊位即管拎張飛等下係出面都同女朋友講似momo-paradise加上聞到0個陣甜豉油名仲似等左唔駛15分鐘有得坐仲係望街卡位初初諗住都係食日本湯底+上牛肉跟住有個哥仔行埋0黎問我地駛唔駛介紹下個menu咁有人係講咪聽囉佢話其實上牛同普通牛都冇乜分別, 都係紐西蘭牛要食到分別就要食和牛(我夠知啦, 不過要270一位呀)後尾揀左個鴛鴦湯(豆腐+日本湯)+普通牛日本湯穩陣, 冇乜特別豆腐初頭揀左覺得有d後悔同肉味好似有d唔match但係拎0黎煮菜又幾好味噃疏菜類略嫌小選擇d (同momo paradise 相比)但係都有d適合中國人0既菜(竟然有冬瓜)仲有甜品 (雪糕)兩個人total $330食物質素算中間偏上啦起碼都算新鮮服務就冇乜特別可能就係個卡位0既關係, 有機會都會再去0既