當下 (和富道) (已結業)

今日開始有季候風來臨所以下午開始都下毛毛細雨，但剛好有朋自遠方來真係貴人招風雨，依位朋友來自厦門但其實都未曾嘗試過香港一些特色東西，所以下午茶先帶到北角一間上次 我曾經光顧過的蛇王良，食蛇羹及燉湯暖身。晚飯前帶朋友到北角附近的電車路街市及新海濱逛逛，約七點左右便行去當下。不用等都可入坐，其實本身都渴望去試一下，因曾經看過食評都很好。有介紹所以我倆都選了兩人份量晚餐，今晚的湯係 黑松露蘑菇湯及餐飽湯味濃又香，好醒胃啊。再來共享沙律～新鮮蔬菜當然健康有益啦。黑松露野菌闊條麵～濃濃的黑松露味其實已經好吸引再加野菌闊條麵⋯⋯⋯食指大動。蜜汁燒豬肋骨～大大份而且有炸的切件薯仔，到這刻已經好滿足了。飲品方面～朋友要果汁，而我當然要試下鋪內的紅酒啦。以我所知這裏的甜品都是很有水準的，所以我都要朋友一試她最喜歡的是綠茶味甜品而嘗試過後朋友給我的回響是讚不絕口。今晚～由服務，環境，食物都好滿意～一定會再來

為咗慶祝情人節今日就黎到港島一邊去食晚餐因為我個朋友好鍾意食牛所以就來有一間可以食到好大塊牛扒嘅西餐廳而且呢一度嘅環境都好好而且職員服務態度都好好佢同你傾下關於嘢食嘅嘢精選餐湯伴法包$$388我哋就一人叫左一個set田園沙律好清甜好開胃而且份量唔算太大咁就唔使怕食飽咗之後就到餐湯係類似羅宋湯嘅入邊有好多蕃茄蓉呢個味道都比較重同香而且呢個就幾大碟啦都好好飲法式烤焗田螺上面就係田螺下面就係薯蓉而且三舊細細舊可以分享埋同俾你啲朋友味道唔算太濃味道唔錯極黑和牛肉眼牛排(12oz)真係好足料見到佢好大塊而且仲有薯條茄子等其他配菜全部嘢食都係有燒過嘅可以揀黑椒汁或者紅酒汁呢個就係牛扒嘅份量啦一個人你真係食唔晒所以可以同朋友分享同埋叫唔同嘅嘢食我哋就叫咗五成熟覺得好有牛肉嘅鮮味而且好香滑手工精品蛋糕呢一個就係芝士味嘅千層蛋糕唔算太甜都好容易入口而且好draft見到佢每一層都好平均飲品方面的嗌咗杯酒

跟友人因爲看到頗好的評價，所以決定來食。叫了+1後HKD548嘅二人餐，「共享沙律」有點hea，份量少，只有菜加幾粒蕃茄。然後湯偏鹹，連湯上的薄切麫包（真心無見過咁薄）亦鹹，鹹上加鹹，朋友食咗幾啖就放棄。最差的是主食之一嘅肉眼排，薄而多筋，肉質軟爛，汁亦一如其他菜—鹹，而伴菜薯條亦炸得唔夠時間、偏生。飲品我們選了綠茶，想不到亦是質素不好，一味苦澀。比較好的是蜆肉闊條麪。而樓面店員態度雖然親切，但是總要三番四次揮手才有反應、甚至要bar枱同事提，現場只有兩桌人，有點不attentive。第一次寫openrice，因為覺得實在與其他評論不一樣，希望大家可以調整期望才來。

在某個平日的晚上，我們來到人客不多、環境寧靜舒適的當下。我們點了個$498的二人套餐和兩件蛋糕。餐湯是香蒜薯仔湯，蒜味不過於濃烈，加上脆薄的蒜蓉包，味道不錯。沙拉選材新鮮，味道不過不失。黑松露野菌闊條麵，每條闊條麵都沾上了香濃而不肥膩的醬汁，味道剛好。炭烤西班牙黑毛豬排伴薯角，主角黑毛豬排肉嫩多汁；配菜薯角炸得香脆，而茄子、青瓜亦烤得香口味美。最後當然不少得為整頓晚餐畫上句號的甜點。可能是吃慣Lady X的千層蛋糕，結果吃這個抹茶千層蛋糕之時覺得比下去，其班戟皮不夠軟薄。雙重朱古力蛋糕反而是一個更佳的選擇，滿載濃郁的朱古力風味。

今天約了朋友行街，走著走著便到了北角，發現這間餐廳。餐廳以酒吧風作為特色，餐廳一邊是高腳椅和桌。如果不喜歡高身桌椅，另一邊是普通坐位款式供客人飲食。肉腸拼盤，有兩款不同口味的香腸，白肉腸和紅肉腸，紅色的肉質比較實，而且咸一點，另一款則清淡，比較軟身。白酒蜆肉扁意粉，白酒的香把蜆肉味道融入到意粉中，調味上剛好，沒有太淡或太咸。更重要的是意粉煮的時間掌握得很好，令意粉很彈牙。卡邦尼意粉，扁意粉都充滿了濃濃的芝士味和忌廉。麵上還有一隻半熟的雞蛋。

二人世界食西餐，氣氛浪漫和食物質素同樣重要，兩者兼備的餐廳一般都其門如市，這家位於北角的當下也不例外。當見到沒訂枱食客被拒諸門外，立時慶幸有預先訂枱😝。餐廳陳設大玩復古風。點了兩份豪華晚餐（每份$388）餐湯是蕃茄忌廉湯，蕃茄味濃郁鮮甜。精選餐湯伴法包鮮橙沙律 - 配以黑醋汁，清新醒胃。餐前小吃-香酥蟹肉餅蟹肉餅煎得很香，外脆內軟，鮮味十足。法式烤焗田螺 - 田螺肉並沒有連殼上，而是放在脆皮中，提供獨特口感，甚有創意。忌廉汁深海鱸魚爐魚肉質很嫩滑且鮮味，火候控制得宜，配菜也很出色。美國安格斯肉眼牛扒牛扒要了七成熟，皮烤得很香脆，雖然七成是比較熟，但肉質依然鬆軟，且牛味香濃，值得推薦。晚餐包括無限添飲橙汁及甜品，質素亦是不錯。

早前看到這裡有間別緻的西餐廳，已想來到訪；趁能早回下班，便與朋友來試試看。或許是平日的晚上，餐廳客人不多；店內空間感大，坐得頗為舒適。餐牌上的食物選擇不少，因與友人也不算很餓，故點來一份deluxe dinner set ($388)，由前菜，湯，主食和甜品都有。沙律蔬菜挺爽脆；是日餐湯是蘑菇忌廉湯，菇味不算濃郁，幸而質感幼滑，配著蒜蓉脆包吃也不錯。前菜是香酥蟹肉餅，內裡包著不算蟹肉，炸得頗為脆口，卻不會過於油膩，這款不錯呢!主菜點來極黑和牛肉眼牛排，因友人是肉控呢! 五成熟的牛排，還看到粉嫰色的肉；肉質有些較腍身，但筋位較多，富有嚼勁；淋上黑椒汁，味道更為提升。伴碟的薯菜則不過不失，份量可再多一點呢!甜點方面可選芝士蛋糕或Opera，最後點來這個，味道反教有點失望，蛋糕較為乾身，朱古力味不濃，更沒有咖啡香，只可說是普通蛋糕。最後以一杯Earl grey 作結，解一解膩滯。

小弟平時好少過港島區覓食， 就算係都係去銅鑼灣啊中環嗰頭多，因為直覺覺得個頭多d餐廳選擇，同埋質素會高d..咁今次就同女友人黎左北角，呢個比較住宅區既地方, 我地行到攰就係一條較為僻靜既街揾到呢間名為 present既餐廳..我地見入面幾靚就入去試下..餐廳既內在環境幾舒服靜靜地幾chill咁. 野食我地就叫左個dinner for 2 既set, 有蘑菇忌廉湯，前菜沙律同野飲， 主食我地就揀左黑松露野菌闊條麵同埋美國10oz肉眼扒。我地仲要唔夠喉叫左d小食。。。分別有炸洋蔥圈，雞蛋侷大啡菇同埋侷田螺。女友人個闊條麵好正好濃好creamy 不過有d濟,我個10oz肉眼扒燒得唔錯，口感鬆軟好有肉味。 其他d小食都好惹味. 整體黎講係北角估唔到都可以揾到好野食

今日同老細去北角Hotel Vic睇場準備event,走得時候都6點幾... 老細話不如食埋飯先，老細請老細話事啦原來和富道都有品味餐廳架喎～餐廳叫Present, 主打西餐。環境設計我好鐘意，Raw Raw地又有英倫Feel,舒服又雅緻。我地點左個二人餐， 共享沙律 Garden Salad, 蔬菜夠新鮮。是日餐湯係野菌忌廉湯，配上薄薄蒜蓉包一片。呢個忌廉湯超好飲啊，一來夠Creamy, 二來野菌味濃郁。主菜我地點左炭烤西班牙黑毛豬扒拌薯角，有d似慢煮黑毛豬既感覺，因為豬扒夠淋又唔靭，而且調味得剛剛好。店員細心提議黑毛豬扒可選8成熟，但我地覺得豬都係全熟會食安心d;估唔到全熟都可以咁好味最後黎既係黑松露野菌闊條麵，講真黑松露配野菌一定唔會差得去邊；至於闊條麵我幾鐘意，因為闊條麵好難煮，好多時都煮到淋晒無口感⋯呢度就軟硬適中，配合埋黑松露及野菌汁，好味好好味啊！Present環境舒服；食物質素高，最重要係價錢又唔係貴，下次同男朋友再黎食先得！

Weekend 想去北角睇下有咩好食😎😎發現當下嘅門面幾靚餓餓地決定直入！！好復古嘅一間bar restaurant 💕同男朋友點咗個二人餐 兩個人都有餐湯餐包一份沙律一份主食一份意粉兩杯飲品合共$498 價錢還好啦✨沙律中規中矩啦✨用醬特別係胡麻醬😂😂（本身諗住西餐多數都係ranch 或者油醋不過anyway 啦😂餐湯係黑松露蘑菇湯好夠味好creamy 唔會好咸🤘餐包薄薄一片好脆口🐷正叫咗牛扒食💖五成熟啱啱好有肉汁嘅！😆大大一塊好抵食！！薯條都好正❤️❤️❤️忍唔住食多幾條最好食係意粉乾身硬身好好味💖係醬少咸不過都可以接受😆😆麵質贏晒🤘蝦嚟講都不過不失啦本身個set 唔包甜品但係見到個架好多蛋糕🍰好想試一件揀咗opera 😎😎😎小小一件好滿足蛋糕唔算好甜蛋糕鬆軟但係未算好滑唔算好有驚喜😂🙈小結：環境舒適✨店員服務態度好好💕下次會再去

有日同G係港島做完野 去北角搵食 行下行下 見到間好靚既餐廳 叫當下Present 好有意境反正我地都想食西餐 入去試試😀當下唔算大 得大約8-10台 但感覺非常舒適每台客都好盡興 有Happy hour 有dinner 既我都唔執輸 叫番杯Merlot 先作為House wine Merlot最岩白酒煮白蜆扁意粉 白酒將白蜆既鮮味掉哂出黎 加上扁意粉特別可以吸到汁既鮮味 更加鍾意當下好多Vege 增加口感G話想食牛扒 叫左塊5成既Augus估唔到咁大扒 煎得好香啵🤭 仲有紋理tim牛扒夠靚 汁都冇點 當下既食物好簡單 但係你會食得好舒服咩都唔理 Enjoy right here right now~

收工後 男友話係北角搵到間寧靜精緻西餐廳果然環境好舒適 裝修又靚兩個人就叫左兩份set Dinner一份係light meal 主菜係松露奶油大蝦闊條麵($238)另外一份係Deluxe 既肉眼牛扒($328）兩份主菜會另外再配沙拉🥗、前菜、餐湯、同埋甜品都係真幾抵食，light meal 比我想像中都還要大份沙拉菜新鮮 前菜黎講都夠大份 無可挑剔餐湯 今日推薦係蘑菇濃湯再加重料香草🌿忌廉味同蘑菇既比例很好 再值得一贊既係佢配既餐包 蒜蓉包脆片 好香口 好似食緊薯片咁小食就簡左薯蓉田螺正呀 好香牛油香草味，田螺新鮮，不過薯蓉味偏淡另外個小菜就簡左蟹餅，男友話蟹餅香脆可口，但係蟹肉偏少，整體來說都好好食有驚喜嘅反而係呢碟奶油大蝦闊條麵，本身睇個賣相以為會好膩，雖然大蝦🍤得一隻但係都好大隻，闊條麵煮得唔太乾唔太淋 好食我就叫左一大份既肉眼牛扒，真係成隻碟咁大塊，下面仲放着左好多嘅薯菜，我自己就叫咗五成熟，覺得岩岩好，牛扒唔會太多筋，易入口真心抵食！最後仲可以係雪櫃到簡甜品～聽講仲係自製的 相當有心思既餐廳

黎到北角唔知食咩好，就求其喺和富道揀左呢間入去食。近排食大左個胃，我地叫左個dinner for two。餐湯好濃磨菇味，又夠大碗，顯得2塊餐包特別細。沙律被男胖子獨食。黑松露野菌闊條麵，係我嘅，味道ok，但食到尾有啲漏。美國angus ribeye，有牛味，賣相精味，但略嫌有啲硬。飲品叫左有機茶同凍朱。另外再叫左個洋蔥圈，炸得硬左少少，但唔油。最鍾意呢個大啡菇，成塊芝士喺面已經好吸引，切開仲有蛋黃瀉出，好味！田螺都好味，可以原粒食。

今晚收工約咗同事去到公司附近近北角和富道一間小店（當下） 食意大菜， 餐廳雖然地方不是太大，但是設計帶有些復古的歐洲風味，在這裏享用晚餐，可以輕輕鬆鬆地食飯之餘，感覺又好像去了歐洲的小店，享受緊當中的環境， 簡單地活在當下。德國腸拼盤，我的至愛德國腸有多款味道，份量剛好，而腸煎得外脆肉嫩，不會太膩。蜆肉蒜香闊條麵，蜆肉飽滿新鮮闊條麵煙韌爽口，不會太淋，再用蒜蓉同橄欖油、醬汁等來煮成 在面上加上配菜，色香味俱全。卡邦尼意粉，食靚的意粉最重要是不會太腍，這個就可以做到煙韌度剛好，用了溫泉蛋再加上雜菇的配料煮成的卡邦尼意粉，每條都能張獻汁掛上，十分惹味真的有水準。

上網見到多食評介紹, 而且睇相都幾唔錯, 所以食之前都幾大期望下...🥺夜晚7點幾去到, 當時只有一枱客, 嗰下已經覺得有d 奇怪🤯好, 咁我地叫番多食評推薦既$498 二人餐, 沙律加左parma ham , 另加cheese cake同house wine. 首先既沙律唔錯, parma ham 都幾好食. 然後好快就上左餐湯, 餐湯不過不失, 但冇驚喜.🙂比較期待既兩款主菜, 蜆肉闊條面同ribeye 都係差唔多時間上.蜆肉闊條面味道比較淡, 蜆肉還好.但ribeye 🥩真係令我地打左個突. 首先, 最重點既牛扒, 一食落就知係平價貨色, 雖然有牛味, 但"un"到不得了, 好難咬. 叫5成熟, 但血淋淋.. 最神奇係一切牛扒隻碟就郁, 食就食得唔愉快😪埋單收埋加一$700幾, 真係唔抵食, 完全係普通cafe 質素, 去出面連鎖既可以食得据d😣比較可取既地方係, 環境靜靜地, 但我自己就唔會再黎了...