發哥粥底海鮮火鍋 (已結業)

天氣開始轉涼，又到左應該要打邊爐嘅時候。但前排先講完要減肥，於是就揀左冇咁邪惡（自以為）嘅粥底海鮮火鍋。🥜一開始黎左兩碟開胃涼菜先（花生、青瓜）。🦀揀左每位$248嘅海蟹餐，每人有半隻海蟹、一盅燉湯、一隻鮑魚、一隻聖子、一隻扇貝、三片多寶魚、兩隻海蝦、一大堆蜆同貴妃蚌、同埋兩大片安格斯牛肩肉。另外仲有得揀多八款火鍋配料。竹蔗水同埋汽水都係忍飲嘅。🍲燉湯都幾濃，幾多料，包括有響螺、淮山、豬骨、雞腳等。味道唔錯。🐟海鮮拼盤佢大部分嘅海鮮都係好鮮甜，大大隻，冇沙嘅。多寶魚好滑。二百幾蚊有咁多海鮮食，仲要食得出係幾新鮮嘅，都幾抵食。🦪鮑魚佢比我地揀要新鮮鮑魚定冰鎮鮑魚，佢話新鮮鮑魚係未醃過嘅，而冰鎮鮑魚就經廚師煮過，調好味嘅。我地就揀左冰鎮鮑魚，覺得佢醃得幾好食。鮑魚都幾大隻，同埋就算醃過都唔會遮蓋左啲鮑魚味。🥩安格斯牛肩肉呢個好食，好有牛肉味。🐥火鍋配料其實見到佢有得揀花膠同多寶魚做火鍋配料都幾驚喜。但因為海鮮拼盤入面已經有多寶魚，所以就揀左花膠、鮮滑雞、炸魚皮、日本黑豚肉、滑牛肉、冬菇、蝦滑同埋美國肥牛。花膠都幾多，幾抵。大部分配料都係正常中等質素。鮮滑雞大推！好食！超有雞味同埋雞肉好滑。

上年經朋友介紹幫襯過，發哥龍蝦鮑魚粥底火鍋！上次試過之後給過好評。而家顯徑站通車後，就更加方便就腳！最重要係水準依然，價錢實惠，食材新鮮。抵食龍蝦餐：$288 每位有半邊龍蝦、燉湯、涼菜兩小碟。海鮮拼盤包括蟶子皇、貴妃蚌、多寶魚、黃金蜆、海蝦、時令貝、安格斯牛肩肉。特別介紹龍蝦鮮味彈牙，而且啖啖肉，建議3分鐘食得。新鮮鮑魚活生生，大隻兼厚肉，建議3分鐘食得。火鍋好處是原汁原味，所有海鮮鮮味保留在鍋中。當然！竹蔗水和各種汽水任飲，另有調味區可以自選調味。每枱可選八款火鍋食材：今次選了魚皮餃、自家製墨魚滑、自家製蝦滑、脆肉鯇魚、日本黑豚肉、鮮雞件、唐生菜⋯⋯樣樣都好食，特別推薦自家製系列！最後，記得留肚食超級濃郁海鮮精華粥，店員會為你加入粥底、芋頭粒、粟米粒等配料，熬製大概5分鐘後食得！粥底火鍋又香又鮮又綿。建議自己加入蔥粒更滋味！

天氣一凍，我又要出動吃火鍋，火鍋種類多，上網見到這家有很多海鮮選擇，可以嘗試。店內地方寬敞，飲品任飲，可以選擇粥底或者羊腩煲，我揀左粥底，白粥底夠暖胃。先來時令燉湯，響螺頭雞腳煲豬肉，滋陰點了龍蝦餐一大盤海洋，原隻開邊龍蝦、新鮮鮑魚、海蝦、帆立貝、聖子皇、黃金蜆、時令貝、多寶魚，款款新鮮，爽甜味美，海鮮控好溝足。自選 八小碟 安格斯牛肩肉 肉味香濃，肉質嫩滑彈牙美國肥牛 油脂不多，牛肉味濃日本黑豚肉 有肉香，肉質嫩滑萵筍 厚斜切，我必食，新鮮脆甜花膠 最滋補，白嫩又幼滑環境乾淨，職員殷勤，屯馬線顯徑站幾分鐘就到，交通方便，下次再嚟～

天氣開始轉涼，尤其朝早夜晚特別冷我既火鍋魂🍲又開始燃起😆今次黎左發哥食粥底邊爐聽聞勁多海鮮🦞 個套餐幾抵食平日食飯時候黎到，餐廳光闊明亮，枱同枱之間有一定距離我地坐得幾舒服😌餐具環境都乾淨企理我地叫左龍蝦餐🦞套餐包左兩款張食，每人一盅燉湯，每人半隻龍蝦，海鮮拼盤，鮑魚，安格斯牛，8款火鍋料，一楂竹庶水另外汽水任飲😍食物份量都幾多，選擇種類亦唔錯落左單，好快黎左小食同飲品鹽炒花生係經典港式酒樓小食花生幾香口，食落脆卜卜，但略感唔夠咸-涼拌青瓜🥒係我地好喜歡既一道開胃菜食落青瓜清甜，涼拌醬汁都幾惹咪，辣辣地幾好食-竹庶水滿滿一楂，我地兩個人飲岩岩好，唔洗拎汽水鐘意佢唔算好甜，清清地有啲竹庶既香甜飲落好清熱下火咁😆燉湯好快都上埋枱，係姬松茸淮山杞子燉雞湯😍我好鐘意飲雞湯👍🏻入口湯頭濃郁鮮甜，少少雞油令成個湯更香而且個湯幾足料，有好多姬松茸、准山妃子同雞🥰主角龍蝦🦞+海鮮拼盤勁大一盤😂除左龍蝦，仲有蝦、蜆、沙白、多寶魚、扇貝、蟶子真心好豐富🤤🤤🤤龍蝦🦞都幾大一隻，幾大舊龍蝦肉👍🏻食落都幾鮮甜，有淡淡龍蝦香，肉質爽口陣牙配少少醬汁提鮮更加好食👍🏻-蝦🦐有4隻，唔算好大隻入口幾彈牙，細細隻但蝦味比

想一次過可以食海鮮同打邊爐、仲要有埋粥底，呢度就可以一次過滿足晒你啦。揀咗龍蝦餐，每人有半隻。龍蝦及其他海鮮$288一位。先有一啲涼菜及燉湯。燉湯熱辣辣，足料！湯嘅味道幾濃郁。然後就有一榨竹蔗水俾你飲，出邊仲有多款不同汽水及其他飲品俾你選擇，全部任飲。海鮮方面可以揀新鮮鮑魚或冰鎮鮑魚。我哋揀咗新鮮鮑魚。其他海鮮龍蝦🦞、有蟶子、桂花蚌、多寶魚、黃金蜆、海蝦、時令貝。海鮮都算唔錯，而且幾豐富。一碟安格斯牛肩肉，呢個好食牛未夠重，食得出係呢牛唔錯。另外自選八款火鍋配料。基本上有唔同肉類、丸類、蔬菜類等等。最後仲送咗甜品俾我哋食。係椰汁馬豆糕，黃豆味好香，椰汁味都唔錯。整得幾結實好食。

呢一餐整體而言，我覺得好抵食😳好飽好飽😳啲職員服務態度好好👍好親切😳我地揀佐龍蝦餐😚包多樣海鮮，一人一碗燉湯同埋八樣火鍋配菜，飲品任飲，仲有兩樣小菜同埋一大壺竹蔗茅根😳好清涼 首先有燉湯飲😳個燉湯好足料，入面有螺頭、雞腳、瘦肉、龍眼、杞子、淮山、雞殼、茶樹菇，多到數唔晒。亦因為咁，個湯好濃味好補的feel😂好好飲。我同朋友將個湯嘅每一滴都飲晒，正！龍蝦餐海鮮拼盤😍入邊有龍蝦、蜆、多寶魚、海蝦、聖子、扇貝，同湯一樣 超級足料。每樣海鮮嘅份量都好多同埋好新鮮，唔係冰鮮既，整係食海鮮都已經食到四成飽。隻龍蝦🦞成隻前臂咁長，好多肉😳海蝦🦐新鮮唔會霉，食到甜味唔係凍鮮蝦，肉質爽彈。聖子有好多肉淡淡滿足。俾既扇貝，啲肉係連殼嘅，好大粒，真材實料。另外仲有一人一粒鮑魚～有新鮮同醃製揀，我地各order佐一隻，新鮮鮑魚仲好生猛😂仲識郁！醃製既都係用新鮮鮑魚醃製，多佐啲蒜香味😋另外我地仲嗌佐其他火鍋配菜，可以嗌八樣，按份量上。好似我地嗌佐牛丸有三粒，兩個人就會六粒，所以八樣係好多😂最後我地都食唔嗮😳推薦佢地既牛丸、花膠、魚腐、墨魚滑同埋日本黑豚肉😋其實食完以上已經好飽，但食粥底火鍋點可以唔加米煲粥呢😳所

最近同小胖女向屋企附近見冬菇亭裝修後見到呢間發哥海鮮粥底邊爐,所以要黎試一試佢,新裝修後座位都比較闊落,我地一人叫左一個大胃王海鮮套餐,開餐前店員先送上熱辣辣既虫草花燉雞湯開下胃,海鮮套餐每人可以選食材,我地梗係一人一隻鮑魚無走雞先啦,另外海鮮方面都樣樣齊,有龍蝦,蟶子皇,鮮海蝦,魚片同蜆,值得一提餐牌上有教埋每樣食材要煮幾耐,十分貼心,當然各款汽水同自家制竹蔗矛根入飲係基本野啦,食樣個堆海鮮都飽哂,再食埋各式肥牛配料,配埋個海鮮粥真係超級抵食

之前食過發哥海鮮火鍋觀塘分店，聽朋友講發喺大圍顯徑邨開左分店，於是就約朋友一齊去試一試。 本來今次想試吓發哥嘅雞煲，但朋友唔食得辣，所以都係食返海鮮首先送上熱辣辣嘅時令燉湯，今晚係響螺雞腳湯，足料燉制，夠滋補。主角海鮮拼盤，蟹同龍蝦新鮮劏，上碟仲識郁，龍蝦厚肉鮮甜，聖子皇夠大隻，啖啖肉，貝類無沙，值得一讚。食完海鮮拼盤，可以自選8款配料牛魔王必揀安格斯牛肩肉牛肉味濃郁，厚薄適中，一啖一片，有淡淡嘅牛油香味。我哋仲揀咗順德魚腐，魚皮餃，美國肥牛，自家製墨魚滑，海蝦等...美國肥牛雖然無安格斯牛咁香肉味，但整體唔錯。墨魚滑食到粒粒墨魚肉，彈牙。拼盤有海蝦，鮮甜唔會霉，所以自選再揀海蝦食到尾聲，職員會加南瓜，粟米，芋頭嚟煮粥，所有海鮮精華就濃縮喺鍋粥裏面，又一次食到捧住個肚走，滿足！

平時食火鍋就食得多啦🙊但發哥粥底海鮮火鍋 x 逸翠軒海鮮小廚嘅粥底火鍋🍲我都係第一次食🙈今次我就去左食佢嘅龍蝦餐😍一埋位店員就上左開胃涼菜，係酸青瓜同花生🥜同埋時令燉湯🥣呢個有龍蝦餐係可以仼飲自家制竹庶茅根同罐裝飲品，而主食有龍蝦🦞蟶子皇、貴妃蚌、多寶魚🐟黃金蜆、海蝦🦐時令貝、安格斯牛肩肉🐄新鮮鮑魚，另外可以揀多 4 樣火鍋配料☺️我揀左蟹粉包心丸🦀讚岐烏冬🍜芝士丸🧀同自家製蝦滑🤩每樣海鮮都非常新鮮👍🏻滾到海鮮熟透之後，海鮮嘅精華已經浸入綿滑嘅粥底，非常鮮甜😋而且龍蝦、蟶子皇、貴妃蚌都肉厚彈牙🤤除左提供咁優質新鮮海鮮之外🤗安格斯牛肩肉色澤鮮艷，而且口感嫩滑

打邊爐次次都剩係食嗰幾款湯底都已經厭曬，想嘗下D新嘢就去左「發哥粥底海鮮火鍋x逸翠軒海鮮小廚」，粥底火鍋我真係嘗鮮得好滿足，因為D海鮮好新鮮，粥底火鍋簡直就滿足埋我食海鮮粥嘅願望。海蟹餐，有半隻生猛海蟹、冰鎮鮑魚、蟶子皇、貴妃蚌、多寶魚、黃金蜆、海蝦、時令貝類，8款海鮮都好新鮮、鮮甜。開胃涼菜，涼拌青瓜辣得尼好惹味，花生都當然唔少得。時令燉湯，煲得好有火喉，又足料，雞腳煲到都入曬色。飲品，有8款任飲，自家製竹蓆茅根必飲吖，味道清甜又下火。日本黑豚肉，脂肪、肉量比例恰當，超好味。滑牛肉，肉質滑嫩。牛栢葉，口感爽脆。高原蛙蛙菜，配粥食，好好味。

朋友屋企附近話有好野食,平日都冇黎咁遠,不過諗住探吓佢,順便出黎大圍食野。外表雖然舊式冬菇亭相連,內容喺新興嘅海鮮火鍋。首先一人一個湯品,偏重口味新鮮海鮮拼盤 ,雖然未到會跳出來 ,多寶魚同龍蝦都好正。但係我覺得清潔程度欠奉 ,當日冇蟶子畀咗帶子我地,可惜好似無洗過,唔太乾淨。肉類都幾好,佢送嘅牛唔算特別嫩,更鐘意自己叫嘅豬。每次食火鍋我最愛點嘅炸魚皮。最黎會加爛米煮食粥,必食推介,最精華嘅都喺哂入面。當日好多人,樓面廚房都忙到冇停手。有D 食材都無哂,可能我地遲咗D,而且又好多人黎。晚市呢邊仲有小菜食。

一到冬天既季節就會心郁郁想打邊爐食啲熱辣辣野🤤 咁啱琴日就同朋友即興去咗食海鮮火鍋食 發哥粥底海鮮火鍋 覺得好得意 想入去試下😆 餐牌上面有粥底同雞煲可以揀 粥底有4款可以揀龍蝦,海蟹,大胃王海鮮餐(原隻龍蝦海蟹),羊腩煲 我同朋友揀咗龍蝦及蟹粥底 夾埋大約每人$2xx左右 而套餐仲包埋2碟前菜(青瓜,花生) 燉湯 同其他小食仲每人有8款配料可選擇😚,另外火鍋當然唔少得飲品啦 呢邊仲有飲品櫃 任飲~仲好貼心有足料既竹蔗茅根任飲 等食火鍋既同時都不忘下火，甜味都好適中燉湯一入口味道好濃郁,用料好足 明符其實足料靚湯👍出菜既時間非常之合適 而且店員都好貼心講解重頭戲海鮮盤~~~入面總共有八款海鮮,龍蝦,蟹,鮑魚,蜆,海蝦,扇貝等 都會根據時令有唔同嘅安排海鮮既新鮮程度簡直肉眼可見 鮑魚非常之生猛 想放去淥既時候仲吸住埋其他蜆😆😆龍蝦同海蝦有埋膏 食落去鮮味濃郁😚蟹肉好札實 完全唔鬆散 而且食完口入面仲有陣鮮味 諗起都想再食🙊仲有最愛既扇貝~~好鮮甜 又唔"鞋"😳😳咁多樣化又高質素既海鮮先$2xx 真係出去買都冇咁平😙😙超級抵食抵食既點又點只海鮮,梗係仲有火鍋配料啦😆真係食完又食 食極都仲有

原來大圍顯徑村裏面嘅酒樓都有打邊爐，仲要係粥底海鮮火鍋。餐牌有幾款主打海鮮，包括龍蝦、蟹，我哋就每人揀咗一款。上到嚟你會見到佢嘅海鮮係好新鮮，特別本身可以選擇新鮮或者冰鎮鮑魚，我哋揀咗嘅新鮮鮑魚上到嚟仲係郁下郁下，其他海鮮包括有扇貝、蜆、海蝦、聖子、蚌等等，種類繁多而且非常豐富。食海鮮之前有兩款前菜有青瓜花生，仲有一份燉湯味道清甜。仲可以揀多八款唔同嘅食物配料，有幾十款可以選擇。我就比較推介豚肉，味道比較香，隨自己鍾意揀選就可以，基本上一定都會好飽㗎！食到最後當然要食粥，已經吸收晒海鮮嘅鮮味，食到超飽，仲可以係咁飲竹茅根添！

位置：如果喺大圍火車站過嚟，搭803K小巴，嚟到顯徑商場就搵到，大概5-10分鐘。環境：雖然係屋村酒樓，但感覺乾淨企理，服務嗰叔叔仲好有禮貌 枱面仲有另一個牌仔，指示一般海鮮大概要淥幾多分鐘，計時就食得。首先套餐送嘅燉湯好正，又足料味又甘濃，飲完暖到入喉嚨。食材：粥底打邊爐，因為無附加湯底，食材新鮮好緊要，龍蝦啖啖肉，鮑魚好爽，蜆好甜，仲有聖子貴妃蛘，滿意。之後有自選嘅邊爐食材，我地揀左啲蔬菜、餃子同牛肉～一品海鮮粥，就即係再加啲南瓜芋頭粒落去，焗一陣就食得，其實都非常飽同滿足！飲品：雪櫃有大量汽水嘅選擇，仲有一大樽竹借茅根添，清熱氣，仲好好飲～唔會太甜阿～

一入到去環境幾好，職員都好快帶我地拎位坐低，效率幾好，唔錯。然後即刻拎餐牌比我地睇，仲逐一介紹邊款餐岩我地食，出面好少有人會咁樣，平時都系帶完位就唔理人）。 然後我地嗌左龍蝦餐同海蟹餐。 系未上菜同時，職員就拎左前菜比我地，有花生同青瓜。花生冇乜特別，但個個青瓜好好食，好夠味，勁開胃，同時佢又遞上左竹庶矛根，幾清涼。終於都到今日既主角上場啦。龍蝦同海蟹，望落系幾新鮮。有鮑魚，聖子，帶子，龍等同蝦。仲要個龍蝦勁多膏，多到嚇親我。然後自選打邊爐料就有皇帝菜，牛肉，雞肉，魚，豬潤，魚片頭同蝦滑。到真系食啦，佢會有個食法表教你邊種要淥幾耐，又會有個計時器系到，完全唔洗驚會驚到老晒唔好食。所以我結肺友都食得好開心，因為真系好好食。另外要值得一提既系佢又附送一盅湯，個個湯真系好好飲，好足料，沙參鄧雞，好重雞味。飲落第一啖比佢辣口，哈哈。如果你地去飲記得要小心D,慢慢飲。後記，同朋友食左兩個鐘到，過左一個愉快既星期五，又有好野食。岩岩去到個陣，心諗屋村鋪都系咁上下，唔方會有驚喜，點知原來真系唔錯，好多方面都系意料之外。最重要系食物新鮮，環境唔錯，職員友善同埋有工作效率！Btw下次去既朋友記得要叫龍蝦