發哥粥底海鮮火鍋 (已結業)

天氣涼涼地最適合打邊爐！朋友建議我哋去冬菇亭，佢話呢度有間新酒樓裝修好好，價錢又實惠，海鮮亦都好新鮮。一去到見到個環境大家都好滿意坐得舒服，一啲都唔迫。我哋食粥底打邊爐套餐，我哋要龍蝦餐，每人有半隻龍蝦一開始先飲個燉湯，滋潤下先大家見到個海鮮拼盤都嘩一聲，二人份量已經咁大盤即刻開波先！最期待當然就係龍蝦啦～龍蝦冇令大家失望，啖啖肉，又鮮味！其他海鮮都好食，蟶子皇都好正煮完都仲好大隻，冇乜縮水，口感爽脆！之後就叫咗其他配料，可以揀八款。我哋覺得雞件、脆鯇、豬潤都好食煮完咁多嘢食個粥底都幾好味！差啲唔記得講飲品，呢度有飲品櫃自己攞飲品。飲幾多攞幾多唔浪費～

推薦指數：🤩🤩🤩🤩估唔到屋村都有粥底火鍋，價錢又算唔錯，食海蟹海鮮套餐都係每人$248！包左好多款新鮮海鮮，仲可以自選8款配料，野飲又任食，性價比都算唔錯嗌左海蟹套餐，仲可以揀冰鎮鮑魚抑或新鮮鮑魚😛梗係要新鮮鮑魚啦 一上枱有驚喜，超新鮮又大隻，新鮮到隻鮑魚係咁郁🤣海鮮包左嘅都幾多，有海蟹、蟶子、花甲、海蝦、多寶魚、貴妃蚌、黃金蜆。海鮮份量按人頭比，都幾足料，每樣海鮮落落去，個湯底愈滾愈鮮甜😍所有精華鮮甜味都集於一煲，未去到最後食粥底已經想像到有幾甜😏至於配料自己選擇，份量就睇下係咩配料，佢set好哂每款配料的份量😃雖然唔係任食 但其實套餐包嘅份量都好足夠 最後仲黎個粥底，夠哂飽又滿足。飲品方面仲有自家製足料竹蓆茅根水，潤肺清甜，好match食海鮮的粥底鍋！第一次食七火鍋係唔覺油膩，反而都幾健康，主要係海鮮為主😘一啲都唔覺heavy😎

聽朋友講係顯徑邨冬菇亭出左海鮮蒸汽火鍋，天氣又轉涼，見近近地就去左嚐鮮平時火鍋店既醬料區通常都好亂，但黎度都算好企理龍蝦餐、海蟹餐(各一)6款海鮮拼盤二人份量海鮮拼盤，兩個人食真係岩岩好，適合每樣都可以試d。有聖子皇、貴妃蚌、多寶魚、黃金蜆、海蝦同時令貝。樣樣都夠晒新鮮安格斯牛肩肉牛肉肥瘦均勻，好靚既雪花紋，入口軟腍，肉味濃郁火鍋配料配料可任選8款，我地揀左滋補花膠、自家制墨魚滑、蝦滑、自家制墨魚丸、貢丸、牛根丸、肥牛同菜。自家制真係自家制，用料的確足料新鮮，相比起貢丸同牛丸就比較遜色。竹庶水及汽水任飲值得一提既係竹庶水，一d都唔會死甜，係岩岩好既竹庶甜粥底將栗米粒、芋頭粒、南瓜粒同米飯加入充滿海鮮鮮甜既湯底煮成海鮮粥，味道又點會差。煮到粥底軟綿，連鹽都唔洗落整體得分：4 / 5

發哥蒸汽火鍋係觀塘出晒名新鮮又好食，👉今次新界人有口福啦，想食發哥終於唔洗去到觀塘甘遠，去顯徑就食到，食物質素仲仍然保存龍蝦餐 $288海蟹餐 $248(美味指數: 😋😋😋😋)上次聽發哥講，粥底一定有蟹先能夠帶出鮮味👍，所以我地今次都唔例外揀左海蟹餐龍蝦餐各一。仲有前菜同飲品任飲蟲草花螺肉雞湯發哥既燉湯始終係我既最愛😍😍，夠晒足料，鮮甜入味海鮮拼盤唔知煮幾耐都唔洗怕，發哥有tips建議食法。二人份量既海鮮都唔算少，海鮮夠晒新鮮🤗，全部都好鮮甜彈牙。火鍋配料另外可以揀8款火鍋配料👍，又有花膠又有靚肥牛，我地仲揀左墨魚滑同蝦滑，真係除左海鮮之外，火鍋配料一樣正粥底最後粥底落埋南瓜粒、芋頭粒同栗米粒，加埋湯底海鮮帶出既鮮甜味😍，就算飽到上喉嚨都忍唔住食左兩碗🤣😋整體食物質素：4 / 5💰性價比：4 / 5👍推薦指數：4 / 5

朋友是要見的😄 約左住附近嘅朋友落大圍發哥打邊爐，順便傾下來年計劃，當然唔可以待薄自己啦🥳我地叫左個🍲龍蝦粥底火鍋，好抵食，每位只係$288，包🦞龍蝦、新鮮鮑魚、聖子皇、多寶魚、黃金蜆、海蝦、時令貝等等生猛海鮮！ 仲有開胃涼菜、時令燉湯、安格斯牛肩肉、8款自選火鍋配料、廚師自製竹蔗水、汽水任飲！不得不提，鮑魚同🦐海蝦上枱時仲好生猛不停郁，龍蝦煮熟後啖啖肉，鮮味超出預期😄食到尾聲時，🦞海鮮同🐂牛肉嘅精華都滲晒入粥水，發哥係呢個時候加🥣一大碗結結嘅粥底，將粥底同鮮甜嘅粥水mix埋一齊，再加啲粟米、芋頭、蘿蔔，餚多一陣就可以食粥！由粥底至粥料都好鮮甜，仲非常飽肚，下次要帶埋屋企人去打邊爐至得😋

本身自己住係沙田，最近聽聞發哥海鮮火鍋係大圍顯徑邨開左分店，之前食過觀塘間分店，回味無窮，但因為最近都無去觀塘行街，所以都無再食過。今次發哥開左係大圍，對我黎講真係個好消息 我上OP睇過地址，搭鐵去大圍站，轉一程小巴，好快就去到顯徑邨，去到原來係同一間酒樓痴埋一齊，分開左2個地方，一個係酒樓食小菜，另一個就係發哥海鮮火鍋。 大圍依間發哥原來仲有得任食58款火鍋配料，不過我同朋友得2個人，任食都食唔到好多款，所以我地決定都係叫返海鮮套餐，而且仲可以對比返觀塘分店同大圍分店水準添。我同朋友各叫左龍蝦同海蟹餐 首先上左時令燉湯，當晚係響螺雞腳湯，燉湯夠曬熱，香氣撲鼻，飲落味道清甜，好潤喉！ 海鮮一眼望落去好新鮮，我地用筷子篤下隻鮑魚仲識喐，而且處理得好乾淨，龍蝦同海蟹我揀左龍蝦食，龍蝦厚肉又鮮甜，貝類無沙又鮮甜，最好味係聖子皇，大過我手掌，爽口又彈牙！ 顏色金黃，食落又軟又滑，魚味濃，又帶少少甘香。 安格斯牛肩肉牛肉呈雪花紋理，肥瘦適中，一d都唔肥膩，牛肉味重，食完返尋味！海蝦新鮮又彈牙，好好味 魚皮餃外皮好爽口，魚肉味重，餡料好結實，好有鮮味 雖然紋理無安格斯牛肩肉咁靚，但食落牛味都重，肉

應朋友要求去大圍同佢食飯，都唔知有乜好食佢就推介左呢一間粥底火鍋。抱住一試無妨嘅心態去試吓，點知又真係唔錯喎。佢有好多款唔同嘅餐今日我哋揀咗個鮑魚餐食，首先打邊爐之前餐廳送咗兩個燉湯俾我哋潤一潤先。個湯好清唔似味精湯，而且入邊嘅料10分足夠。除咗可以打邊爐之外，我見都唔少其他嘅食客都有叫小菜食。個賣相都仲要幾靚，因為覺得呢度打邊爐嘅材料都幾新鮮。所以下次有機會都可以黎試吓食小菜，我諗都會幾好食。講明粥底火鍋，火鍋湯底就冇其他出邊火鍋店嘅油，只係用粥水來做火鍋嘅湯底。雖然只係用粥水都係用粥水嘅湯底來打邊爐，但可以食返本身材料嗰種鮮味！以下我揀咗幾款需要特別推介嘅火鍋配料。首先個鮑魚係非常之新鮮，一上枱佢仲識郁！ 十分推薦！ 另外呢度嘅遠去同埋吼鴨都10分好食，餐廳話佢哋係手工制嘅。咁唔怪得啦！最後海鮮拼盤入邊嘅海鮮都10分新鮮，我就冇食嗰個蟹啦大朋友就話個蟹好鮮甜而且其他嘅海鮮例如蝦同埋聖子等等都好正，咁嘅價錢真係好抵可以在encore啊！

天氣開始轉涼，又係食火鍋嘅好時機！同朋友行過顯徑邨，見到餐廳門口燈光非常光猛，立即被吸引睇下有乜嘢晚飯優惠，這店竟然推出海鮮粥底火鍋套餐，非常矜貴又吸引，決定一試！果然有驚喜呀！首先入座後，店員立即送上兩碟小吃，分別係手帕青瓜🥒和脆花生🥜，還有一瓶自家製竹蓆茅根水，邊食小食邊聽店員介紹套餐內容。我們二人都點了龍蝦鮑魚餐，呢個套餐包括有一盅足料燉湯、新鮮鮑魚、生猛龍蝦、生猛海蝦、貴妃蚌、多寶魚、時令貝、聖子王、安格斯牛肩肉，一共八樣特色配料。另外每人還可以點四款額外火鍋配料，非常豐富。最實惠係飲品款式多仲要係無限添加任飲！其實火鍋主食有四款選擇，包括龍蝦餐、海蟹餐、大胃王海鮮套餐、古法枝竹羊腩煲。鮑魚上枱時還非常新鮮生猛，未見過鮑魚扭扭令令好似跳舞咁，必點！燉湯非常足料，湯料味道濃郁！龍蝦大大隻而且有膏，非常鮮甜啖啖肉。海蝦上枱時仲會腳仔郁郁，可想而知肉質結實爽口。扇貝大大隻，記得不要滾太耐，若下鍋時間剛好就一定易咬又甜美。蟶子皇夠晒大隻，要分幾啖先可以食完一隻！自選配料：竹笙和花膠，絕對是矜貴的火鍋配料，愛美之人記住點這兩樣喔到左火鍋嘅尾聲，唔好以為已經飽肚唔能夠再食。正所謂好戲在後頭

朋友住喺大圍顯徑嗰邊，約我打邊爐，我問佢有咩推介佢就推介我去去近近地樓下嗰間餐廳，雖然出面大招牌係寫住「潮江居」，但係隔離都有塊大大塊嘅「發哥粥底海鮮火鍋」，裏面除咗中菜之外都有粥底海鮮火鍋！餐牌上選擇主要有幾個大Set，其中一款有雞煲，其他就主打海鮮，我哋兩個就一人揀咗一款海鮮餐，一款就係蟹，另外一款就係龍蝦。同埋佢另外有一樣野選擇嘅就係鮑魚可以揀新鮮鮑魚或者冰鎮鮑魚，我哋鍾意食最新鮮野就兩個都揀晒先啦！佢嘅海鮮上面有多款不同的時令海鮮，雖然size不算大，不過都算係新鮮。仲有啲前菜，都值得一試，出面就有配料櫃同埋飲品櫃可以自行拿取。佢仲會提供一款湯水，煲咗好多個鐘味道好入味！除咗食呢個海鮮之外佢都會提供一個高質素嘅牛，你會見到佢幾靚㗎，而且幾好食，不過因為高質素所以都係一次性。另外仲可以揀多八個配菜，其實佢啲豚肉同埋豬紅，竹笙嗰啲都唔錯，都係視乎自己鍾意去挑選，佢會按人頭提供相應份量。食到最後個粥因為索哂d海鮮鮮味，特別係蟹嗰隻香味，所以最後加埋啲芋頭，粟米等等嘅配料，係好甜的！

之前食過另一間發哥，呢間同果間都幾唔同，呢間係中式酒樓feel! 呢度一樣唔係任食，可以揀食雞煲or粥底火鍋！揀咗粥底，個餐有海鮮，有丸，有肉，有自選餸菜！餐有蝦有蟹，最尾揀咗一蟹，一龍蝦！個煲一黎到，食蜆先，如果有沙就換湯底，防止污染埋d粥，就哂咗！食曬d蜆，得一兩隻有小小沙！海鮮都新鮮，貝殼類清得幾乾淨，滑牛好濃牛味，肥牛就正正常常，其他自選材料都正正常常！最尾食埋個粥，爭在得兩個人，個粥底太少蟹，唔夠鮮甜，但都好食嘅，多人應該再好食d，兩個人都捧住個肚走！總括黎講，滿足一餐！嘢食新鮮，環境舒適，價錢合理！Tips: 最尾個粥，記得早少少落d芋頭粒，店員冇提，我哋落遲咗，唔夠軟糯！

天氣開始凍 個人就想食熱辣辣嘅嘢呢個天氣打邊爐就真係一流朋友話想食粥底邊爐於是就去左呢間聽聞幾抵食既中餐廳我哋兩個人都叫咗龍蝦餐（每位$288再加一）一開始就會有人送上開胃涼菜，之後就會嚟一盅燉湯。當日既湯係燉雞湯來既，好鮮甜同埋足料。個餐包左既海鮮有（半隻）龍蝦、鮑魚、聖子、多寶魚、黃金蜆、海蝦及帶子。另外有安格斯牛肩肉，同埋可以再額外揀8款火鍋配料。火鍋配料我哋揀咗日本黑豚肉、美國肥牛、巨根蟹柳、娃娃菜、蜂巢豆腐、響鈴、花膠，以及自家製蝦滑。除咗海鮮之外，啲肉嘅份量都俾幾多，抵食！重點係啲牛肉質素高，除咗牛肩肉之外，我哋重點左一盤肥牛，同樣都係好新鮮，好香牛味，仲有陣新鮮肉先有既甜味。另外海鮮都好新鮮呢，特別係龍蝦、鮑魚、蟶子同埋帶子。我就勁鍾意食個鮑魚，上碟時仲郁緊架！擺入鍋4分鐘就食得，爽滑得來唔會韌😋平時食豉椒炒聖子就食得多，白烚真係好少，但咁先食到個鮮味，食材新鮮，就咁點少少豉油已經好正。8款自選嘢入面，我覺得最抵嘅就係可以揀花膠！平時自己出去買都唔平㗎，個份量仲要俾左幾多下！佢哋本身已經幫客人整熟左，只需要放落鍋幾十秒就食得架啦😋個蝦滑都好正，爽滑彈牙，值得推薦！食到咁上

近排天氣有d涼意 係時候打個邊爐 食下好野餐廳面積幾大， 分開左邊爐小炒區 位置幾好坐海鮮套餐有8款海鮮另加8配料 帶子非常飽滿 鮑魚彈牙又新鮮，上枱仲郁緊❤湯底好清更容易食出海鮮的鮮甜。沙白硯好飽滿 洗得好乾淨。 我同朋友分別叫左龍蝦同蟹套餐 海蟹雖然肉唔多但鮮甜 落左蟹個粥先會有蟹既鮮味 一定要點 好新鮮既海鮮配料好多款 叫左墨魚丸 肥牛 響鈴！ 必點仲有大量其他高質配料嗌套餐嘅關係仲送一盅時令燉湯 幾驚喜好足料有螺有雞腳 唔似味精湯 飲哂成碗好滋補！岩哂冬天飲最後食返個吸收曬海鮮精華的粥底 加入南瓜粟米香芋 好甜好棉 非常滿足 食左勁多碗呢個簡直係我等左成餐既精要幾飽都要食多兩碗粥先夠開頭仲怕食海鮮食唔飽 最後飽到上心口 棒住個肚走呢個價值性價比都幾高好過去食雞煲佢飲品都好多款 有情熱自己煲既竹蔗茅根有好多款既汽水 茶 都幾吸引 我地當然要左自家製茅根 唔甜 岩哂我怕甜既人

今日天氣咁涼，當然要去食返啲保暖嘅嘢，知道附近有間食粥底火鍋，咁啱我同個朋友都未試過，所以一於決定去試試。呢度嘅侍應服務好好，一坐低即刻拎咗兩碟涼菜、花生，同埋一支竹庶矛根水 & 雞腳湯，佢哋話係師傅自己親自熬出黎，非常貼心。難得我同個朋友都好鍾意食海鮮，每人各自嗌左一個龍蝦餐同埋海蟹餐，試晒所有海鮮！先試佢哋最出名嘅龍蝦，賣相望落夠新鮮，食落滋味！然後食埋個新鮮鮑魚，上枱果陣仲係生，仲識郁！同個湯底入晒味，超級鮮甜同夠彈牙！差唔多食晒所有料，都係時候叫師傅上埋今日既重點，話明粥底火鍋點少得主角，個粥本身有埋芋頭粒同栗米做配料，加埋成個鍋既湯汁，簡直係好食！整體：環境、衛生一流，食物每碟雖然量唔多，但可以叫好多食物材料，試蛋幾款，食落完全夠飽！

呢幾日天氣凍左，好想暖身打邊爐呀，聽聞顯徑開左間粥底打邊爐，係新加menu，同屋企人過左黎搵食。地點都易搵，響顯徑商場出面，裡面環境都幾乾淨。Self-service bar for making sauce.呢個熱湯真係幾好飲，好甜好暖胃，問左server原來係花膠螺頭蟲草雞燉湯，好鍾意。一點左餐已經serve左一Jar竹蔗水，服務好好，飲完仲有其他任飲汽水。我地揀左龍蝦餐，另外仲包埋八碟配料，其實都幾多野食揀。龍蝦仔好爽身，其他海鮮例如蟶子、鮑魚等等都新鮮，成晚都食指大動。其中墨魚丸好美味，似係自家出品，而且夠彈牙。其實未食粥，已經飽左7-8成，不過粥底海鮮通常都好甜，加左啲南瓜粒更加有口感，成餐都好滿足，冬天必食。

天氣凍食火鍋最岩，我和朋回頭再吃大圍車公廟路69號顯徑邨地下3號亭，發哥粥底海鮮火鍋，我們點龍蝦🦞餐$288，有花膠響螺燉湯、半隻龍蝦，肉質爽甜和勁多膏，無得輸。海中蝦肉質彈牙鮮甜，滿足感滿口，蟶子十分爽，左口魚、貴妃蚌和花甲很鮮甜、全部海鮮非常新鮮。另再選8樣花膠、蝦🦐滑和墨魚滑、肥牛和黑豚肉、豬肝和滑牛肉、生猛鮑魚，食哂海鮮到最後有專人幫手煮粥，加芋頭、南瓜🎃、粟米🌽融合海鮮的鮮味，美味絕頂，雖然我很飽也吃粥。竹蔗水和汽水任飲，真鮮味又抵食。