發哥粥底海鮮火鍋 (已結業)

已經好少聽到「冬菇亭」了，今晚要食的火鍋就是位於冬菇亭內。唔洗介紹，發哥粥底海鮮火鍋好明顯是食粥底海鮮火鍋，當然還有其他小菜食。好友拍板，推介A餐。一點完餐，隨即送上燉湯、拍青瓜、花生及竹蔗茅根。鮑魚方面，可以選新鮮或冰鎮，最後我們選了新鮮的，果然仲識郁動，包新鮮。哇～好豐富呀！除了半邊龍蝦，還有聖子皇、貴妃蚌、多寶魚、黃金蜆、海蝦、時令貝。所有海鮮可用一個字形容，正！龍蝦及海蝦都好彈牙，而貴妃蚌、聖子皇及黃金蜆雖然不算厚肉，但勝在鮮甜無沙。色澤鮮紅的安格斯牛肩肉牛味重，煙韌。除了指定的海鮮食材，還可以自選8款火鍋配料。推介有豬膶及滑牛肉，再加萵筍、雞脾菇～大滿足！

今年冬天不太冷，可還是樂享打火鍋的我，應邀到了此朝江居潮州菜館滾一翻呵！餐前有时令炖汤每人1盅及開胃凉菜2小碟有鸡脚头虫草花元肉，各肉质軟香，湯甜又香的！火鍋🔥是米水鍋底正冒烟開了的，原來米水到最後才會放福米煮成清淡的米粥！蔬菜🥬極之給人的感覺是健康無比的，我首嚐到的是皇帝菜，清香味扑鼻，吃上口菜嫩嫩的呵！脆魚骨腩片，魚肉是脆脆的，牛肉片，肉香肉嫩，同是鲜甜可口的！墨魚丸，牛柏葉，蘿蔔，都是不錯的選擇呀！香，爽，也清甜的，棒！安格斯牛肩肉肥瘦参伴啊！烟烟韌韌滑在嘴裏，吃到口中香嫩留齒香呵！😜龍蝦🦞海鮮拼盤我們點了這個龍蝦🦞海鮮拼盤，品種都算繁多的，有帶子及蜆殼類，龍蝦肉厚，貭新鮮，同樣帶子都是厚肉兼肥美鮮甜的呀！😀還有那鮑魚極之新鮮得令人不敢相信的竟然還在碟中搖動著的啊！那大家想想那嚐到的又是哪種滋味的呢？魚肉釀冬菇及魚皮餃鮮美魚肉菇肉也甜，魚皮餃肉貭飽滿，也夠有汁香味俱全！不錯呵！

趁呢排天氣凍冰冰，打邊爐癮又再起，所以出動與好友覓食～當晚6時左右已人座，人流未算太多，大約7時多，已開始滿座。醬油是自助形式，客人自行盛載。餐廳除了有火鍋外，晚市亦有其他小炒小菜可供選擇。我們目標好清晰，當然是火鍋啦！主食有4款可選，我們選的是A餐 - 龍蝦餐。等主食前，先送上竹蔗茅根水及兩款小食 （拍青瓜及花生）。另外，每客亦有燉湯，好足料。看着這豐富的海鮮併盤，包括半邊龍蝦、貴妃蚌、多寶魚、蟶子、蝦及蜆，簡直口水直流。鮑魚上枱時依然會郁，證明好新鮮。先講龍蝦，肉質超級爽彈，好鮮美，絕不欺場！另外，難得有我喜歡的多寶魚，即時心心眼。魚肉滑溜溜，可惜份量不多，不夠喉呀～蝦肉同樣彈牙，推介這裡的海鮮，因為真的好高質。安格斯牛肩肉肉色鮮紅，輕輕焯一焯即可，牛味濃郁，有嚼勁。另外，亦點了豬膶及滑牛肉，前者不要焯太久，否則就會失去彈牙的口感，變得硬實。後者則嫩滑無渣。最後點了一些蔬菜，包括萵筍、雞脾菇及粟米。整體而言， $300 左右可吃到新鮮的食材，份量亦夠飽，性價比高，值得推介。

泥到大圍食發哥海鮮粥底火鍋點左個龍蝦餐。其他野食未泥到之前仲有d前菜比你食住等d花生脆卜卜唔會太咸，青瓜酸酸地令人好開胃兩人份量既海鮮，仲可以點多8款配料龍蝦多肉多汁，佢仲掛上左d粥咬落去好似食龍蝦粥咁🤣滿口鮮甜另外其他海鮮都好新鮮蟶子皇唔會硬到咬唔開海蝦爽口又甜，係意想不到既新鮮度另外選擇冰鎮鮑魚，佢原殼上，但店家又清潔得好，上面仲有小小醬汁加左落去。都係甜甜的以為食海鮮餐淨係海鮮新鮮其他配料都唔錯安格斯牛肩肉脂肪分布平均，食落唔會太油膩滑牛充滿肉味，唔會有果種雪藏味係到“淋淋”既口感仲點左雞件，想令個粥底更甜變海鮮雞粥😍食完所有配料後，店員會幫你加粥芋頭粒，紅蘿蔔粒咁本身個粥已經充滿滿滿既海鮮味加埋個芋頭落去，有d溶左令個粥更綿紅蘿蔔令到個粥更豐富，更有口感佢既飲品仲係任飲哩個竹庶茅根好原始既味道，唔會加太多糖去煲比較天然健康

今日見唔開心，就怒吃一波。近近地去咗大圍嘅發哥粥底火鍋，因為之前朋友介紹過都幾好食。我哋叫咗個海鮮套餐，裏面有鮑魚，顯肉，象拔蚌，全部都好生猛，仲有牛柏葉，而家又好少地方得牛柏葉啦。呢度全部嘅嘢都好易熟，大概都係最多10分鐘，鮑魚好新鮮，又大粒，建議大家一定要切細少少先食啊。牛柏葉就通常煮兩三分鐘就得，咁就會比較爽口，佢呢度嘅牛柏葉俾你出邊嘅好乾淨，冇漂白水嘅味道。我哋仲叫咗啲手打墨魚丸，滑牛肉同埋魚片等等。呢度嘅牛肉一開始都冇太高嘅期望，點知食落真係好入口即溶，而且魚片都冇骨，最適合我呢啲又驚有骨鹽又想食魚嘅人。其實個燉湯一早就嚟咗，因為我習慣關唔會一開始就飲燉湯，佢呢度嘅燉湯真係好入味，冇味精嘅味道，而且好足料，入邊有雞腳蟲草花等等。順帶一提除咗啤酒之外，佢呢度嘅嘢飲都係全部免費，任飲，汽水我哋就飲得多啦，茅根水就比較少飲，所以我都飲咗兩三支！我不嬲都好鍾意食海鮮，大顯肉呢啲如果冇咗呢個工具嘅話就會散晒好難食到，佢呢度餐廳都好貼心。最後一定要食佢呢個湯底粥呀，入面嘅精華入晒去，雖然係咸左少少，但係你食得出係有晒唔同海鮮嘅甜味同埋鮮味。最後，一開始我以為呢間餐廳好難搵到但其實原來都好

大圍工作完畢，就搵了新界區的飯腳聚一聚，最後選了這間打粥底邊爐。 之前食過觀塘店，今次就試大圍店。直接入座後，就馬上送上店家自己煲的竹蔗茅根水，醃青瓜及花生。正好口渴馬上試飲，這水清甜解渴，不會太甜，不錯。難怪一陣就飲哂一支。 這裡還有汽水是任飲的。飯腳話醃青瓜好食，一試，果然辣辣地、爽甜，很惹味。看菜單都跟觀塘店差不多，我們要了一份龍蝦餐及一份海蟹餐，選了新鮮鮑魚。後叫8碟火鍋配料。燉湯跟著上枱，這個響螺雞燉湯，好有水準，味濃而香，而且足料但湯夠清。 上枱熱辣辣，好好飲，一飲，人就暖了。新鮮鮑魚好大隻而且真係好生猛，因為上枱時係不停地動！ 所以放佢落鍋時都有點罪過，但就真係非常新鮮，嫩得不得了，不用力一咬便咬開，非常鮮甜。這碟安格斯牛背脊肉好有牛味，食落好嫩滑，不痴牙也無渣，而且大塊又大碟，配金菇好好味。海鮮好豐富，而且好新鮮，我們要了半隻龍蝦，半隻蟹，雖然切開了半隻，會令味道流失到粥裡，但龍蝦肉仍是彈牙，蟹肉都甜。但因當日有些海鮮如蟶子、貴妃蚌等缺貨，所以就多了一人一隻元貝。元貝好新鮮，而且煮熟也沒有縮水。蝦肉也鮮甜彈牙，多寶魚係我飯腳會食唔怕腥的其中一款魚，新鮮唔腥，食到原味。最

想打邊爐打得特別啲？今次想試啲新嘢所以今次就嚟到大圍食粥底海鮮火鍋，叫咗一個發哥豪華海鮮套餐A（龍蝦餐)，首先嚟咗啲餐前小食先啦涼拌青瓜好惹味，而且當然唔少得有脆卜卜嘅花生🥜跟住就到海鮮拼盤喇，海鮮拼盤有龍蝦🦞，鮑魚、鮮蝦、聖子、黃金蜆、多寶魚、貝類等等八種色彩，全部食材都好新鮮，而且種類亦都好多，全部都好新鮮而且龍蝦肉肉身彈牙厚實😋時令燉湯好足料啊，而且仲有多款飲品任飲添。安格斯牛配上粥底，別有一番風味～咁多精華匯聚一齊，所以個粥底特別鮮甜好食呀！呢度除咗有粥底火鍋仲有小炒食添！

天氣凍，同事們提議最好食火鍋，有住在沙田的同事說顯徑邨有火鍋套餐食，放工後，大家就跟大隊入沙田。火鍋店原來是處於新裝修過的冬菇庭，叫做發哥粥底海鮮火鍋。入座後有小食青瓜和花生送。套餐選左龍蝦餐。先來個足料燉湯，味道清甜。火鍋是用粥水做湯底。之後來了多款海鮮，海鮮份量以人頭計，最奪目的當然是龍蝦，肉質雪白晶瑩，味道鮮甜彈牙。蟶子王、海蝦、貴妃蚌、大蜆等都很新鮮，鮮味爽口彈牙。還有鮑魚，可以選擇新鮮或冰鎮，本人喜歡冰鎮，口感比較爽口。薄切的安格斯牛肉，牛味濃又鮮嫩。從數拾款火鍋料中選八款，黑豚肉豬肉味濃，豬腩片油脂甘香，墨魚滑、雲吞、蝦丸和順德釀冬菇都是自製，爽口彈牙，海蝦、龍躉件新鮮，味道鮮美。食完火鍋料，加入粥膽、粟米粒、芋頭粒，伴均勻煮一陣，就有一碗含海鮮和肉類精華的粥。不過不知是不是粥膽太少，粥太多水，不過都好鮮甜。這套餐還包任飲汽水和自製竹蔗茅根水。

第一次幫襯發哥粥底海鮮火鍋 顯徑村入邊🥳好快開通顯徑站應該會越嚟越方便 佢門口並唔係寫住發哥而係寫（逸翠軒） 入邊嘅格局同酒樓差唔多可能因為新年嘅關係所以晚市都唔會太多人坐得好舒服空間感十足 除咗打邊爐佢哋仲有晚市小菜套餐，應該同酒樓差唔多👍🏻 打邊爐都有四個餐選擇...今日選咗A餐-龍蝦餐 好快店員就送上一瓶自家製竹庶茅根水... 好足材又唔會太甜 配襯打邊爐簡直一流 另外出邊佢仲有汽水櫃任飲 其中一個賣點就每個餐都會附送一個老火湯 勁原汁原味，材料豐富有雞腳...豬肉...螺頭...蟲草花等等啱晒我呢啲平時冇乜湯水飲嘅人👍🏻感覺似無味精...飲完唔會好口渴 好快我哋個龍蝦餐已經到咗....所有食材都洗得好乾淨...而且好新鮮.... 尤其係鮑魚好大隻煮完都唔會縮水👍🏻新鮮彈牙 龍蝦啖啖肉都係一個必選嘅選擇 另外套餐附送的安格斯牛肩肉，肥瘦肉質均勻 另外自選左八款時令食材 全部水準都唔錯....最正嘅就係脆骨腩片 超爽口👍🏻呢樣都係我打邊爐必食嘅嘢 食到最後店員就會過來加粥底，幫我們炮製這個精華的粥... 除咗加粥底之外，店員還會加南瓜粟米芋頭等等讓粥底更加濃郁 自己仲可以去醬料區攞

今晚和老婆專門去了大圍顯徑村這邊食飯，因為之前和親戚朋友偶爾都有來這附近吃飯，周圍都有好多不同特色的餐廳選擇，但唯獨發哥粥底海鮮火鍋好想試一下，哈哈😄坐下來, 侍應們已主動過來打招呼及奉茶. 這裏所有人都很有禮貌, 而且不停倒茶, 招呼一流. 老闆主動介紹有ABC和D餐, 各有特色. 還配有燉湯一盅，一人一碗，湯味很濃, 有龍骨，有靓雞等， 雖不是高價貨, 但一定比起去飲的 "例牌" 好得多. 老闆落足心機去煮!超鮮甜，有老婆保的這麼好味😋這裏除了小菜之外, 也有海鮮, 我們當天所看到,餐牌有多款選擇，每個場選8款小菜，我們只是兩個人, 於是就點了一些最愛吃的花膠，芝士腸，貢丸等。龍蝦🦞和海蟹來了，超級生猛，呢可以看到這些海鮮還在跳，真的超新鮮啊！哈哈，還有聖子，多寶魚，鮑魚等，這個套餐超抵，實在太多了⋯經過一段時間，終於都熟了，超級餓，龍蝦啖啖肉，蟶子夠大隻, 也清洗乾淨, 絕沒有那種腥味; 而且全部味道夠濃烈, 一咬下去, 那種不停湧出的鮮味及香味, 令我口腔內突然高速必了兩滴口水！滋補花膠都有好多，夠份量！還有手工貢丸，芝士腸真的超級彈彈牙，吃完一粒又一粒，不停口，好快就被我們吃

今日去咗大圍行吓，順便舒緩下依家社會上邊唔開心嘅心情。我哋去咗間叫發哥粥底火鍋。一開始以為地點會好難搵，點知好容易搵到啦。首先就嚟咗一個燉湯，入邊有鳳爪，蟲草花，幾好飲架，係咁乾燥嘅天氣，其實係幾潤。我哋叫咗個龍蝦餐，當中有好多新鮮嘅海鮮，例如蜆，鮑魚，當然梗係唔少得龍蝦啦。煮蜆佢有一個特定嘅模具俾我哋，務求令到我哋啲錢用唔會周圍分散，鮑魚佢仲郁㗎，好新鮮，大概煮五6分鐘就可以啦。我哋另外仲叫咗一啲牛肉，牛柏葉。全部都好爽口，入口即溶，宜家得好少地方可以食到牛柏葉咋，所以我哋都好開心可以食到，而且佢啲牛柏葉好乾淨，唔會話好多泥。肥牛方面佢有好靚嘅花紋，入口即溶就唔使講啦。不得不提要提一下佢嘅自家製墨魚丸，墨魚好足料，亦都好有香味。最後，個粥底火鍋真係好入味，有唔同海鮮嘅鮮味，但係我略嫌佢咸左少少，但食完個粥之後就飽啦。順帶一提佢嗰度啲嘢飲係完全免費架，任飲，汽水，仲有佢哋自家製嘅茅根水。總括來講，大圍都算一個地方別去嘅地方，大家如果好想試吓粥底火鍋嘅話，不妨去呢間， CP值都幾高嫁。

姑奶今晚約左我去沙田食龍蝦餐，佢住所附近的顯徑邨，開左一間發哥粥底海鮮火鍋。知我喜歡試新店，所以叫我陪她試下。火鍋店位於新式冬菇庭內，地方寬敞。套餐有多款選擇，我們選了龍蝦餐，首先上了開胃涼菜2小碟，竹蔗水及各種汽水任飲。時令燉湯每人一盅，今晚是沙蔘肉竹燉湯，足料又夠火喉，湯十分鮮甜。用粥水做火鍋湯底。冰鎮鮑魚爽口鮮甜。海鮮一大盆，有龍蝦、蟶子皇、貴妃蚌、多寶魚、黃金蜆、海蝦、時令貝。款款新鮮，爽口鮮甜。安格斯牛肩肉，肉質鮮嫩，牛味香濃。另選8款火鍋配料：日本黑豚肉和西班牙豬腩片，肉質細嫩，豬味香濃。順德釀冬菇，將魚肉釀在新鮮冬菇內，爽口又鮮味。多寶魚，魚肉嫩滑鮮甜。海蝦鮮甜彈牙。自家製雲吞，皮薄餡鮮，自家製墨魚滑和自家製蝦丸，口感彈牙。食完火鍋，最後是將粥膽放入粥底火鍋內，加入少許粟米、紅羅白粒和芋頭粒，煮成一鍋粥，因為剛才食火鍋，有海鮮和肉類的精華留在粥水內，加左粥膽煮成粥後，味道十分鮮甜美味。發哥除了火鍋，還有小炒小菜，姑奶話下次再來陪她試吓！

屋邨酒樓畀人有懷舊兒時嘅感覺， 而冬菇亭更加係懷舊之最 集體回憶。今晚去咗顯徑邨 嗰邊探朋友順便晚飯， 竟然仲有冬菇亭～ 裏面唔係熟食店， 係間都幾光猛新淨 嘅酒樓！ 小菜晚飯，火鍋，式隨專便。天氣凍凍地，我哋打算食粥底火鍋。不是放題形式， 以各種火鍋套餐為主， 再配合前菜，燉湯 ，8款自選火鍋料和任飲自家製涼茶和汽水～ 唔需要大堆頭不過最緊要食物質素ok。前菜咸脆花生和手拍青瓜， 青瓜夠爽夠辣夠醒胃。店員先送上 一瓶自家製竹蔗茅根， 好足料有紅蘿蔔，竹蔗，粟米馬蹄～ 啱曬打邊爐又唔會太甜。簡單地佈置了一個醬料區👍入嚟之前諗定食龍蝦餐， 每人有半隻龍蝦， 肉質新鮮带小小龍蝦膏，超美味！海鮮拼盤鋪排雖然唔係好華麗， 望落又幾新鮮， 鮑魚仲識郁， 海蝦亦好生猛。鮑魚勁鮮甜彈牙， 海蝦肉質結實， 其他蜆類還好冇乜沙， 帶子很鮮甜咬落爽脆又唔會韌。手切牛肩脊也是 二人份量， 雖然賣相都係擺得唔靚， 不過食落好有肉味，肉質夠嫩滑 唔多肥膏！8款火鍋料裝也包括海蝦， 一定要揀因為海蝦真係新鮮。 墨魚滑也是人手打，特別彈牙！花膠仔和魷魚鬚也是眾人之選， 花膠厚身， 唔腥渌完都冇咩點縮水。雖不是任食，

近月天氣冷了，社會氣氛不好，工作壓力又大，令我同媽咪都冇乜心情，經女同事介紹，大圍出口外冬菇亭果頭有間粥底火鍋好好食，所以想帶媽咪去食下火鍋開心下舒緩下心情。今天晩上的天氣不錯，去到顯徑村附近，剛好微風吹過來，迎来陣陣香味，抬頭—看，見到發哥粥底海鮮火鍋的招牌，心想香味應是從入面傳了出来，本身以為冬菇亭會好細間，點知原來好似酒樓甘大間，於是懷著期待的心情入去了！由於好多人食，在門口等了等，經服務員悉心安排後成功入閘，環境好乾浄，坐位舒服。先上了咸花生同拍青瓜小食，另有竹蔗予根水同汽水任飲，仲有好滋身補顔的燉湯飲，試了竹蔗予根水，味道很好，清甜又下火，看了餐牌火鍋料足足有50至60款，除了火煱晩市仲有好多小炒小菜提供，最後我地選了粥底火鍋龍蝦餐A同海蟹餐B。上菜了！嘩好大隻龍蝦！冇來錯地方，肥牛—睇肉色就知係新鮮同高級，其他火煱配料手打丸、芝士腸水餃、雲吞、響鈴及時蔬好味，仲有龍躉片、大蝦、鮮魷！D海鮮真係大到嚇親人，包括特大蟶子、沙井蠔、象拔蚌、龍躉片、鮑魚等等！好開胃！满足的—餐！呢間發哥真係好正吖，隔離仲有小炒小菜添，下次要再同屋企人過來食！正正正⋯⋯

今晚去顯徑邨探朋友, 順道同佢食餐便飯, 話說很久前顯徑邨有懷舊東菇亭, 咁多年冇黎, 東菇亭已經翻新成新式酒樓。逸翠軒主打中式小炒, 如果想打邊爐, 餐廳另一邊為"發哥粥底海鮮火鍋", 當然就係主打粥底火鍋啦!見天氣凍凍地, 又想邊食邊慢慢傾, 食粥底火鍋就最好不過喇~價錢以主食款式而定價, 我地就揀左龍蝦餐, 每位HK$288先送上前茶: 酸青瓜+花生, 同埋冬蟲草燉湯個湯很足料, 味道清甜, 滋潤又暖胃混醬區整潔, 供自由混醬野飲任飲, 有罐裝汽水+餐廳自家制竹庶茅根, 而酒類飲品就要額外收費先送上粥水做湯底,海鮮拼盤都幾豐富,  其中鮑魚可以自選新鮮/冰鎮我地揀左新鮮鮑魚, 果然很生猛, 上檯時鮑魚仲係郁下郁下每人半邊龍蝦, 肉質彈牙鮮甜, 貴妃蚌較細少, 但總算冇沙; 多寶魚滑, 有魚鮮味; 海蝦鮮甜彈牙; 蜆則分為兩類, 有黃金貝同埋花蛤, 但要看運氣, 有幾隻蜆都有沙~未知是否當晚蟶子未有供貨, 所以以扇貝取代, 帶子很大隻, 極為鮮甜, 正!!安格斯牛肩肉 色澤鮮紅, 雖然沒有預期中嫩滑, 但總算有肉味另外可以自選8款火鍋配料美國肥牛、日本黑豚肉肥牛質素過得去, 黑豚肉