白鬍子炸魚薯條

營業中

休息中

今次去到中環SOHO區食炸魚薯條為主嘅專門店，入到去有啲吧枱、又有矮櫈坐，位於斜路上面，門面以黑色為主，比較外國Feel嘅裝修，門口附近有一部懷舊嘅大遊戲機，裏面真係有好多年前好出名嘅食鬼遊戲等等，好懷舊啊。首先，當然唔少得我哋梗係要叫呢度有名嘅「招牌炸魚薯條」，見到賣相非常吸引，炸魚揸到脆卜卜，而且好大塊，咬落去好鬆軟嘅魚肉，薯條好粗身好大條，再配埋有八款選擇嘅自選沙律醬，味道更滋味。「羊肉漢堡配洋蔥圈」，漢堡包好的骰，再配以兩個洋蔥圈炸到香噴噴脆卜卜，賣相更為吸引。羊肉漢堡咬落去，羊肉嘅肉汁唧晒出嚟，再配以芝士、蔬菜等等嘅配料一齊食，更為有口感。小食方面我哋叫咗「蒜香炸蝦籃」，炸蝦一共有五條，配以¼個檸檬，將啲檸檬汁唧落去更開胃。除此之外，炸蝦表面有蜜糖醬，食落去除咗外皮香脆之外，蝦半身都好新鮮，食落口好彈牙，好有口感，必食之選。飲品方面，當然離不開我最鍾意嘅「新鮮檸檬汁」，入面真係有幾片檸檬，飲落去酸酸甜甜，最適合夏日炎炎嘅天氣，飲落去即刻成個人好爽好舒暢。總括而言，食物揸得好香脆可口，而且味道不錯，會推介身邊朋友去試吓。

同朋友去到中環Soho區，突然間好想飲杯啤酒，見到斜路上面有一間專門食炸魚薯條嘅專門店，就入去試吓。我朋友見到入面有部好懷舊嘅遊戲機，佢即刻好興奮，呢部遊戲機好多地方都搵唔到，入面記載左好多年前最熱門嘅遊戲，係叫完嘢食之後，我哋就係咁玩部遊戲機。我哋首先叫咗「招牌炸魚薯條」，咬落去口感外脆內軟，再點小小炸魚醬汁，非常鮮味，好新鮮嘅炸魚。除此之外薯條好大條，又係炸到脆卜卜，再點埋茄汁，一流。之後就係「蒜香炸蝦籃」，見到圖片咁吸引所以叫咗嚟試吓，一攞出黎聞到好香，原來炸蝦上面鋪滿蜜糖醬，用手揸住嚟食好爽，而且炸蝦好新鮮，咬落去好爽口。「羊肉漢堡配洋蔥圈」賣相好吸引，羊肉漢堡唔同出面餐廳嗰啲，佢比較細個，望落去入面已經有一片芝士蓋住羊肉，仲有啲蔬菜夾住，一啖咬落去好有口感。羊肉本身啲肉汁唔太油膩，非常新鮮，好有新鮮羊肉嘅味道，幾特別。我朋友就叫咗「新鮮檸檬汁」，我就比較鍾意飲啤酒，呢一款啤酒好易入口，而且泡沫圓滑，一啖飲落去好爽。埋單都係＄300左右，食咗咁多嘢，又有啤酒檸檬汁飲，經濟又實惠，位於蘇豪區有咁嘅價錢真係買少見少了。

白鬍子炸魚薯條有兩間分店，一間喺中環碼頭，一間就座落喺中環一條斜路上，而呢條斜路，就係卑利街，都幾斜架!雖然只係賣簡單嘅野食，店舖雖小，但都有用心裝飾，成間舖都好有外國氣息。左上角一個大大嘅黑鬍子裝飾，仲有後面一道門寫住USED BEER，其實係洗手間嚟，都幾乾淨。中環外國人多，每間食肆都有英文餐牌，或者中英對照嘅餐牌，呢度都唔例外。食品只有三個餐牌︰飲品有兩個餐牌，以酒精飲品居多。每叫一樣炸物就可以要一款醬，我地叫左三款炸物，就揀左三款醬喇~我地叫左檸檬黑椒炸魚薯條$78 ，唔要薯條可以轉沙律、洋蔥圈、薯蓉、薯餅或蒜蓉包，唔想全部野都係炸，薯條就轉左沙律。炸魚好大塊，檸檬味好出，好清新，黑椒味香但又唔太辣。沙律係超多嘅火箭菜同九芽菜，好抵食。白鬍子海鮮籃$78，有炸魚柳、青口、蝦、帶子、魷魚圈、蠔共六款，但唔係用籃上。唔係新鮮海鮮，係急凍野，當然少一份鮮味，幸好炸得香脆，熱辣辣!香辣魷魚鬚 $42，開頭食唔係好辣，點知越食越辣! 炸得太乾身，食落較硬。Mango Kush $40，橙汁沙冰，味道偏甜。Guava Kush$40 ，番石榴沙冰，味道都係偏甜，但多一陣果香味，我哋鍾意呢款

Fish n Chips 可算是英國大人細路都喜愛的傳統食物。英國北部的Fish n Chips 魚柳超大塊、通常用Cod Fish配粗薯條、只會灑上一些鹽、沒有茄汁、佩服當地老人家就這樣乾巴巴的吃也不會喉嚨痛，反正當地人就吃慣了。自從英國回來後，很少機會吃Fish N Chips，今天就跟友人來蘇豪回味一下。。沿著半山扶手電梯上到Staunton Street右轉直行、見到小廟旁一條又直又窄的樓梯、走落去就會見到。招牌炸魚薯條 $75炸鱈魚薯條 $78檸檬黑椒炸魚薯條 $78感覺三款炸魚味都差不多、魚肉雪白結實、炸粉唔算厚、不錯。薯條是我喜歡的粗薯條、但略嫌唔夠香脆。可選四款醬汁 TARTAR。GARLIC AIOLI 。CHILI MUSTARD當中，始終覺得TarTar醬配魚柳最夾吃Fish n Chips 不一定要配啤酒、配冰凍檸茶都很爽

與朋友到中環一遊，慢慢踱步慢慢欣賞街邊美景。素愛吃薯條的我倆偶爾行到一間以炸物為主的餐廳，遂決定一試！門口旁邊放有一部遊戲機，整體帶點工業風！食物選擇雖則不多，不過每款卻很吸引，讓人選不出。檸檬黑椒炸魚薯條 - 即叫即炸，等候時間不會太久，上枱時香氣滿溢。炸魚質感適中，不薄不厚，食落肉質嫩滑且不油膩，黑椒味不算太濃，煙絲隨之飄出，熱熱的味道下顯得更佳！薯條質感厚身賬卜卜，食落不粉稠，薯味濃郁！羊肉芝士漢堡 - 包身鬆軟非常，很香芝麻味。羊肉不膩不羶，羊肉密度不錯，食落軟稔。配上不滯膩的芝士，果真是雙重享受！

琴日去咗中環 咁啱想搵嘢食 身邊嘅朋友都想食漢堡 甘啱OpenRice就搵到呢一間外國快餐店 一去到個裝修好復古 門口有好多酒樽擺飾更加有一好好懷舊嘅遊戲機做裝飾 入邊嘅位置唔多 我食個快餐啱啱好 不過我去到都見到有好多外國人專登嚟呢度食 一入到去唔識分咋鱈魚薯條同炸魚嘅分別 店員好詳細咁話俾我知兩種嘅分別 鱈魚係比較滑身 2個都係紐西蘭入口嘅魚柳 所以就試吓鱈魚薯條 鱈魚同薯條都係啱啱炸好 等待嘅時間好快 首先講咗個份量先 一份有兩三條鱈魚 質地好結實 唔會話好淋身 食落好滑 另外佢俾咗兩個醬我哋揀 佢有八個醬提供適合唔同人嘅口味！揀咗個蜂蜜芥末味同埋泰式辣醬 我同朋友就最鍾意食蜂蜜芥末 點落去鱈魚同薯條 唔會遮左原本鱈魚嘅味道 薯條方面都好厚身 個人偏好食厚身嘅薯條 $75 喺中環來講都算好合理 小食方面叫咗個炸魷魚圈 因為自己本身就好鍾意食魷魚 一碟有六舊 得一讚嘅又係啱啱炸出嚟之前食過好多其他餐廳嘅都唔會係即刻道炸出嚟因為魷魚圈凍左嘅話就唔好食 一咬落口就食得出唔會有好厚身嘅粉漿炸出嚟 魷魚好爽口彈牙

After visited many times of restaurant in Soho, it's a very fresh start to discover Peel Street which quite little difficult to find.There are several tables for dine in. I think most people choose take-out and simply sitting at the stairs outside for a relaxing moment.After trying the signature fish n chip at Pier 7 shop. I must say that Ling cod fish n chip worth the try more than  signature fish n chip! The cod is more firm and tasty than the normal fish n chip. I think the cod is for people

韓國朋友來港數天，當然要盡地主之誼帶她倆母女吃吃好東西。難就難在這位朋友対飲飲食食沒有太大興趣，諗帶她去吃北京填鴨，潮州凍蟹還是地道海鮮餐呢？結果係，她説想吃fish n chips !? 意外吧。不是說fish n chips 不好，只是我比較少吃，一時之間不知道哪裡有好吃的。幸好有openrice ，見這店食評不錯，近近地，就這裡吧。說真的可能我有些少徧見，覺得炸雪藏魚有幾好食呢。吃完了這小店後我改觀了一點，只要處理得好廚藝了得，雪藏的冰鮮的食材也可以化身為美食。 回正題，介紹一吓，小店位於soho 卑利街，門面低調而店內甚有氣氛。open kitchen 即叫即炸但又冇咩油煙味喎。店員耐心講解下，點了signature fish n chip , lemon pepper fish bite salad 和calamari basket . 最先送來的是朋友點的fresh pressed lemonade ，她們喝了讚好，食物未到已經乾了半杯。 然後店員就忙著炸東西，我們就邊等開餐 邊互拍照片自娛一番。食物到了，炸魚果然很有水準，炸槳薄薄，沒帶多餘油份，外脆內熱，魚肉juicy

夜晚想搵個地方靜靜地坐低，跟住就揀左呢間位於SOHO小巷的小食店Happy Hour。環境方面都幾Stylish，詳細就要睇下我D相啦。今次黎到既時候大約7點鐘多D唔太肚餓，所以兩個人都係叫左一份冬蔭公炸魚薯條，岩哂我地呢D愛辣之人。由於佢係即叫即炸，所以食既時候仲係熱辣辣，而且炸魚肉質實淨，炸皮厚度適中。除此之外，佢用左兩個細圓盒裝住魚露和冬蔭公醬，但係個人覺得如果佢係炸完之後淋上去效果會更佳。另外野飲方面我地叫左guava lemonade 和 pineapple express ，兩杯可謂各有特色。首先guava lemonade味道清甜，如果係食完煎炸野之後飲呢杯絕對會加分。而如果唔想飲得太清淡既話就要揀pineappleexpress。整塊既菠蘿配上混了果肉既菠蘿汁，那種強烈既果香和甜味一定會令你飲唔停口。Btw，店主亦放左部月光寶盒4係鋪頭入面比我地打下機，我同友人玩街霸玩到唔捨得走呢，但係要留意返打機既音效有D大，會成間鋪頭都聽到HAHA。

假日同媽咪去上環飲飲食食，我地選擇咗去食fish and chips餐廳門口幾有外國feel，仲帶點神秘感~平時食fish and chips下下都要過百，今次係上環呢間專食fish and chips 都係七十幾蚊咋😍炸魚有幾種味道：招牌、黑椒檸檬、冬陰公，我地就揀咗黑椒檸檬味，感覺會好夾同埋好Fresh另外仲有好多其他小食可以揀餐廳雖然唔大，不過五臟俱全，仲幾有特色點完餐，冇耐飲品就到啦Fresh pressed lemonade : 天氣熱飲呢個透心涼，檸檬味幾出，酸酸甜甜好開胃Lemon pepper fish & chips :份量都幾多，炸魚好大塊，外脆內軟，魚味鮮甜，點埋自選既醬(蛋黃醬，好夾。薯條都炸得好脆，薯味幾濃，食落唔油膩。Captain prawns boat:炸蝦再灑上炸蒜粒，好香口，蝦肉爽口彈牙Onion rings :洋蔥圈炸得好脆，裡面既洋蔥爽口而且幾甜Spicy squid tentacles :魷魚鬚食落好彈牙，有d辣粉係面，幾惹味整體黎講，食物質素唔錯，而且價錢實惠，去開上環都會食多次

昨天陪外國朋友逛逛香港，途經上環長電梯， 走過大街小巷 ，來到這個位於商店林立，斜路旁的白鬍子。 店裡暗暗地，播著英文歌，環境很舒服！忍不住跟著哼了兩句！ 顧店的是外國藉小帥哥，笑容親切。來到炸魚店當然首選是炸魚吧！！選了特別的冬陰公炸魚薯條， 薯條是剛炸的，很脆口！ 點酸辣的泰式汁別有一番風味！炸魚很大塊！！外脆內軟， 魚肉一點都不乾少許的調味料帶出了魚香味，沾一點泰式薑味醬汁 令炸魚味道層次豐富了！然後點了一份NZ 羊肉芝士漢堡， 驚訝的是漢堡竟然加了藍莓醬！！增添了一份甜味！ 羊肉漢堡很嫩滑，很juicy!! 整個漢堡包配搭很夾！洋蔥圈雖是配角，但一點都不馬虎很穌脆！！！大愛飲品有很多款，實在難倒我了！ 經小帥哥推薦下，選了 ：Lemonade. 店內招牌的lemonade冰凍酸甜，很清新，適合熱騰騰的夏天！ Pineapple express. 一片菠蘿放在上面，是小時候愛吃的菠蘿冰 整杯都是菠蘿肉！ 兩杯飲料一上，又想叫些什麼來配著吃！ 於是點了辣魷魚鬚， 它不是中式那種炸皮很厚的，整條都是魷魚鬚，所以吃多了都不油膩！這餐店是開房式廚房，看著廚師煮菜也是一種享受！

炸魚薯條★★★★即叫即整炸魚薯條，坐係位都見到廚師係入面料理既情況，食得夠放心。外層炸王金黃色，加上檸檬汁去左少少油膩。魚肉仲保留到juicy唔乾身。餐廳用左粗身薯條，份量好多，外脆內軟。亦因為餐廳用左粗身薯條，所以啖啖都有口感，好有薯味。 香煎小牛腸配薯蓉★★★★★朋友推介食呢個香煎小牛腸配薯蓉。估唔到佢又無介紹錯，每一啖都有薯味，仲食到一粒粒，唔係好似用粉開出黎咁無口感。淋上磨菇味嘅醬汁，夾得幾好。另外配上一條份量1D都唔小既小牛腸，煎得岩岩好，外皮好脆。

今日帶個朋友遊下中上環，行經卑利街斜坡時，見到呢間特色bar店，就入黎坐下叫d小食店內燈光柔和，擺滿各種啤酒，有位小師哥外藉店員，服務態度不錯點左一杯pineapple express, 上面真係有片菠蘿冰，飲落有好多菠蘿果肉抵飲叫左三款小食：紐西蘭羊肉芝士漢堡、泰式冬陰功炸魚薯條、香辣魷魚鬚漢堡包個包幾香芝麻味，羊肉漢堡幾結實，唔會散開一舊舊。羊肉味好濃好香，帶有少少羊羶味，真心好味！味道同香草、芝士好夾，加晒分！ 附上兩個大洋蔥圈，炸得好酥脆，熱辣辣即炸魷魚好脆口，香辣得黎辣度不高，幾惹味！！吱埋檸檬汁，檸檬的酸調和左炸物的油膩感。冬陰公炸魚，店員叫我地揀一種醬點薯條同炸魚，我地揀左冬陰公味。炸魚一上枱真係嘩左聲，大過我手掌！魚肉炸完都保留到魚鮮味，點冬陰公醬幾有風味，酸酸辣辣好開胃！ 朋友話想試他他醬，店員都即刻拎多盒醬俾佢 薯條都係現炸，所以好好食！整體黎講呢間bar幾有氣氛，墊食物嘅餐紙印有英文報紙圖案，幾外國風。下午時刻好寧靜，可以靜靜地傾下計

呢間主打炸魚同薯條既餐廳，坐落係中環SOHO。想食美食，就要先做一陣運動，地鐵站沿路上去，都係大大少少唔同既斜路，少D腳骨力都唔得，但係為左食，呢D當然難我唔到喇。餐廳既裝修好有特色，雖然舖頭唔算太大，但係睇得出店主用左一番心機去裝飾。炸魚新鮮即炸既炸魚薯條，上枱時應該係熱辣辣，外層炸漿薄薄一浸，食落完全唔會好油，仲FEEL到好香脆。而且雖然外面炸得咁乾身，但係入面既魚柳仲好juicy，加上少少檸檬汁，更加消去左一陣油膩感。香煎小牛腸配薯蓉除左多款炸魚係店舖推介，呢個小牛腸配薯蓉都係必食推介。稍稍煎香左既小牛腸，加上真材實料既薯蓉，食起上黎仲有粒粒既薯仔，好有口感。

Signature Fish and Chip $68·🍎今次嘅飯腳係係中環番工嘅飯友！搵餐廳嘅任務就落咗無🍎身上，但中環真係水平比較高，咩都貴啲啲😅！搞到🍎真是頭大，但比🍎發現咗White Beard Fish and Chips 係中環卑利利開咗新分店🎉🎉其實🍎一直想試好耐，次次經過中環碼頭時🛳，總會見到大排長龍，而礙於等候時間及沒有座位提供而令🍎一直未能幫襯😅今次係卑利街開咗分店，🍎能不去嗎？😏·White Beard Fish and Chips 位於卑利街，接近旅客攝影區📸，不算太難搵！成間店走外國chill~風！鐵酒桶造型嘅凳，門口擺設咗一部遊戲機供客人玩耍❗️·🍎點咗最傳統嘅Fish and Chip‼️❣️招牌炸魚薯條，採取New Zealand 嘅Hoki魚柳🐟同14mm薯條🍟❗️❣️ 有啲人可能對Hoki有啲陌生，但其實Hoki魚盛產於澳洲同New Zealand！因為Hoki魚🐟肉質厚，魚肉顏色偏白，所以常用作於魚柳包，炸魚條或炸魚❗️（聽聞x記都係用黎做魚柳包？！🤔）❣️魚柳經過高溫油炸，口感仍然幼滑，充滿魚香，咬落時居然有juicy嘅感覺！炸粉唔厚，食落卜卜脆，好香脆😆完全