百樂潮州酒家

營業中

休息中

had lunch here the other day, generally food standard are ok, menu is a bit restricted compare with causeway bay park lok, seats are not very comfortable. One thing good about this shop is during lunch time they will have a smaller protion of their signiture soy sauce goose and fried oyster egg omellete. Their soy sauce (lo shui) smells good with little bit of sweet taste, oystet egg omellete are well cook with pan fried rather than deep fried. the egg skin are slightly hard and have put enough

杏汁白肺湯是需要比較長時間去弄, 因為要沖好多次先可以將個豬肺洗得一乾二淨, 所以平時跟本不會在家裡煲這款湯水呢, 這些錢是要給人家賺的吧! 好香杏汁味, 個湯好白好滑, 其實好似飲緊杏仁茶咁!

之前公司出左3千幾蚊既超級大花紅比我相(等於我半個月人工),所以就決定用黎請親人食飯,去了ELEMENTS既百樂潮州酒樓~貪佢地點夠方便.當中叫左個$388既潮式糯米炒肉蟹係當晚最貴既菜式.重點當然係個糯米,吸收蟹既精華而成,十分鮮甜~肉蟹都新鮮厚肉!$168烏頭亦係抵食之選,魚肉實而甜,帶少少黃油,又無咩骨啖啖肉,配埋佢地個唔太咸既普寧豆醬,正!$98蠔烙亦都好煙韌,蠔落得夠多,而且餅底唔乾,帶濕濕地既感覺(有一點點似台式柯仔煎)!最後當然要食埋手工甜品反沙芋,貪佢外面層糖夠脆夠甜,不過芋頭味不太重,懷疑食材唔靚.5個人埋單$1434,唔算太貴呢!,仲有2千蚊剩...

今天和朋友在圓方露天酒吧 - 喝酒/聊天。傾左個多小時後, 個肚就係度叫, 餓餓地就想找下附近有咩食, 又唔想食中菜/西菜, 坐係酒吧度用 "OPENRICE" 搵下搵下, 就決定嚟 "百樂" 試下啲潮州菜。八點幾到餐廳,無人排隊, 有空台, 但啲台剛剛在執要等兩三分鐘左右才入得。兩個人叫左四個菜, 一個湯。潮州菜最出名當然就係凍蟹啦。咁, 先嚟隻潮州凍蟹! 試試先! 涷蟹: 個人覺得隻蟹無嘜鮮味或蟹味, 唔係幾好食, 而且隻蟹細細隻, 收我八百幾蚊, 覺得唔係好值。鵝片: 肉味香濃而且啲肉又夠滑嫩, 無嘜肥膏, 唔錯! 唔錯!螺頭湯: 嗰湯幾濃味, 清甜可口! 啲湯料十足, 雖然煲左湯, 但好好味, 所以差不多食晒啲湯料。四季豆: 唔食唔可惜! 啲豆夾埋啲欖菜同肉碎食, 就太咸, 所以最後就挑晒啲豆食, 食剩啲欖菜同肉碎。菜甫蛋: 食落去, 就似食緊一塊煎蛋, 菜甫同肉碎唔夠多!

潮州百樂是一間老字號，友人說小時候在銅鑼灣百樂門口，泊的全是名貴跑車房車。所以小時候很想很想有一天可以入去吃飯。現在人大了，不但經濟許可，而且潮州百樂的價錢也因成為連鎖餐廳而變得平易近人。平日晚上的圓方很多人，本想吃泰菜，要多等個半小時，次選川菜，大約十多人。再去潮州百樂，等約十分鐘。我對百樂沒有印象，進去餐廳後感覺似高級茶餐廳，人很多，枱很密。友人說了上一段的說話，便去洗手間。我一個人打開餐牌看，嘩，眼珠跌了出來。晚餐的選擇，有每位$3680, 或者每位$6280……完全聯想不到這個環境是這個價錢！後來侍應端上了熱茶，也多了一個餐牌。嚇死，小菜是$60到百多元左右……合理。先有開胃菜，很爽脆的蔬菜。欖菜肉碎四季豆，略爲太軟身，味道普通。鹵水鵝翼，我吃到有件特別重酒香味，應該酒是後灒的，未夠均勻。鹵水味鹹度不重，多吃也不漏，潮州店鹵水就是靈魂，這個鹵水膽果然名不虛傳。梅菜扣肉，味道較爲普通，炆得很淋，友人不喜歡浪廢，但自己又吃得少，一直迫我吃，還要我吃梅菜。我說扣肉的肥膏已經迫出了油，不肥，友人卻說這是錯誤，沒油是油渣樣，扣肉的樣子還很滑嫩呀。得得得，說到咁肥又要迫我吃清光……嫌我太瘦

!4點幾肚餓。。圓方搵食。。點知問左幾間都話開六點!終於問左呢間百樂available ..crab...taste good but so expensive to eat crab in summer海鮮價。。一兩兩計。。38兩。。一兩40...omg幾欣賞chef把crab開哂骨但無破壞佢形狀塘醋面。。煎得幾香。。吾浸糖好食dtoo much oyster !多到腥chinese dates jelly好香濃。。好彈牙but the service is not good  enough..only幾枱客。。可以主動d加下水

去圓方百樂潮州酒家飲茶。環境寬敞舒適。潮式食品好味，蠔餅香口唔腥，魚蛋粉魚蛋爽口彈牙，河粉爽滑。其他點心亦不俗，叉燒包包身軟醬汁濃，蘿蔔糕味濃毋須點豉油，白粥亦算綿身。如此環境質素，價錢略高亦值。只是以為星期美點抵啲，原來只是推銷並無特價，有點失望。

不知所謂！星期六飲茶，叫黃沙潤腸粉，啲粉鞋，豬潤老，賣相完全唔得，啲豬潤同粉腸近乎完全分開咁上碟! 職員態度懶慢。食到火都黎埋!!! 食到一半大概係兩點再叫咸菜豬肚，又話無哂! 點呀！潮洲菜館!!!

一向對無論位於或潮有信心，質素控制得很好。今天我們二人午餐點了三個點心：潮洲豬腳凍，這個冷盆功夫多，要將豬腳煮熟，然後又要起皮又起肉去骨，再在模中重整加入之前從豬腳熬出來的汁，雪凍後切片上碟，配以蒜蓉醋點食。爽腍的豬皮挾著豬手內的肉及肉汁啫喱，簡直一流!鮑汁鳳爪，是我朋友的至愛，鳳爪炆得很入味，每隻都肥大肉厚。配以腍甜的花生，一絶。煎韮菜粿，皮厚薄適中，煎得金黃，腍中帶脆，饀內有韮菜蝦米，可惜韮菜有點過'老'。然後，點了一碗蠔仔肉碎粥，，蠔仔新鮮肥美，粥其實算是泡飯洽到好處，湯底鮮美，惟方魚略嫌硬身。

早前與朋友來到圓方聚聚，這次去了我們很久沒去過的百樂飲茶。酒樓內裝修光猛企理，枱與枱之間擺位是有點密，但尚算坐得舒服。既然來到潮州酒樓，除了一般點心外，我們亦點了一些潮州菜色。先說點心，蝦餃的蝦肉爽甜新鮮，不過餃皮稍厚；而燒賣的剁肉和蝦肉質感和味道都好吃，有肉汁。兩款'經典'港式點心水準滿意，印象不錯。香煎花枝餅煎得頗香，吃起來彈牙，好吃。潮式食品中我們選了煎蠔烙，鹽焗黃油烏頭和方魚肉碎粥。煎蠔烙煎得乾身金黃，吃起來香口，蠔仔的份量算一般，可以放多些少就更好。鹽焗黃油烏頭的魚肉甜嫩，還真有黃油流出，很好吃！我們吃過後真有衝動encore再來一條呢。魚肉送方魚肉碎粥吃，吃得舒服。我們結果沒有多點一條魚，因為還是把肚皮的quota留給了甜品。我們選了潮式甜品清心丸綠豆爽和福果馬蹄片甜湯。兩者對我來說都太甜了，淺嚐1、2口就夠了。餐後亦依足潮州菜的習慣有熱辣辣的功夫茶。其實總括來說，我們頗滿意這餐的食物水準。但是服務不夠主動（如加茶，要提醒再提醒才終於加），而且全部都'木口木面'，笑容欠奉，這方面希望店方會注意和改善。

味部鵝肉片 $118肉厚, 味平. 不值一試. 點心潮式韮菜粿 $36皮薄, 香脆, 飽滿, 韮菜留香. 香煎蠔烙 $68蛋香, 蠔肉少, 厚度適中. 可以更好雜菌XO醬炒腸粉 $78色香味俱全, 唯定價過高蟹子燒賣 $46毫無特別, 物非所值主食沙爹牛肉炒河粉 $108沙爹取勝, 引人食慾.甜點蓮子棗皇糕 $38清香水滑, 蓮子不突出總結上等價錢, 中上等水平. 可以再試

我早一日打去訂左間房,佢話要食夠5000以上先可以訂房,我話冇問題,但位小姐態度都幾惡.去到見到間房,門都無一對.出面見到入面.入面見到出面...有房同冇房根本冇分別.可能仲衰D,因為間房太細坐入面個幾個想行出去洗手間都唔得,間房有一邊牆全部通隆.勁嘈!我地有十多人所以叫左好多野食叫左一個併盆,一個鹵水併盆,一碟凍蟹,香煎蠔仔烙,川椒雞球,胡椒咸菜豬肚湯,杏汁豬肚湯,雜菜煲,烏頭魚.反沙竽,仲有幾個糖水.開頭個併盆好靚好大個.主要係炸蝦蟹球.但要600蚊.值唔值見仁見智...最搶眼係大大條鹽做的彩魚.可惜唔食得.跟住個鹵水併盆超細..好似俾兩個人食咁兩隻凍蟹超大隻,味道唔錯,埋單先知佢地值3千幾蚊,其他野食一般.甜品就幾好食.其實間潮州食物真係幾正宗的.同阿媽煮的差唔多..香煎蠔仔烙好似阿媽整果隻,潮州人係用鴨蛋整.入面仲有超多蠔仔.所以好好食糖水仲有薑薯.同潮州式糖水綠豆爽..唔係周圍都有得食不過食開烏頭魚的潮州煮法都係咸檸檬同冬菇蒸.依間明爐烏頭搞到好似泰式味道咁.大家都好失望最最最要留意係...我地將枱近電腦入單位,D員工成日一路入單一路講D客人壞話,又話果個叫得少,又話果個孤寒

整體食物一般ok, 無surprise 但整體服務態度就真係不知所爲！我1.5歲兒子不小心打破了一個碟子，我已馬上say sorry，但d waiter 同個manger 馬上黑面並且拒絕清理地上的碎片？！仲叫我地將d 碎片抹入枱底？！今時今日都仲有d咁慨服務態度~可能佢地真係對得太多自由行了。無話可說

是日，約了姑姐見面，去到圓方，男友已在百樂潮洲酒樓拿了位等我們，怎知姑姐家來了個小女孩客人，她必須陪家裏的兩個小女孩吃完飯才能下來，於是我們先叫了菜邊吃邊等。這家酒樓已吃過好幾次了，每次必叫的是豪仔粥，豪新鮮，不會太腥，粥裏還有香脆的肉脯，以及香菇絲，食起來味道更是多元化，吃過很多間餐廳酒樓的豪仔粥，這一家算得上是比較好吃的。鹵水鵝片，屬於鵝脾部份，肉質不老，但喜歡吃的反而是它的配角-------豆腐，墊在鵝片下面的豆腐，吸足了鹵水汁，確是美味。接下來的是一碟不知是什麽名的齋菜，清清淡淡，沒什麽特別。吃完這三個餐之後，姑姐才姍姍來遲，她也不想再吃，也就沒叫別的菜，只是向侍應追之前下單的“反沙竽”。也不知是不是“反沙竽”是不是特別難製造，等了好久好久才見端了來，其間正好讓我們聊聊天。“反沙竽”是我的至愛，炸過的竽頭好粉，加上外層的糖衣，吃起來香甜香甜的，別有滋味！買單$543，貴了點！

約媽咪去ELEMENT飲茶，有幾間酒樓選擇想帶媽咪爹d去間坐得舒服d嘅酒家我哋四人見到百樂環境幾舒服就入咗去正宗高級潮洲酒家，大部份點心都以潮式為主，亦有傳統點心款式 當老公睇到點心紙有d點心寫住【小碟，小份】,問侍應點為之『小份小碟』?答案：細細碟再問糖醋伊面係點嘅？答案：煎咗嘅面再睇MENU，覺得menu菜式值得試，點心紙嘅原隻鮑魚雞粒酥幾特別所以。。。。order~侍應亦話呢幾度係招牌菜！又其鹵水& 糖醋伊面！ 鹵水雜錦拼盤$158 菊花石榴雞$160 四位 韓江四寶蔬$88 糖醋伊面$98原隻鮑魚雞粒酥$98 兩件ｘ2 其間上菜時詢問侍應呢個係咩名?侍應完全唔識 糖醋伊面來到時，附上糖及醋，但沒解擇點食，再問侍應，答案：糖+醋+面一齊食 老公對餐廳感到唔專業！ 鴨舌，鵝片，雞蛋，豆腐，好入味而且夠腍，但份量少包得幾好，功夫唔錯，可惜餡太少而且普通 金華火腿good~入口已經開始溶化，材料新鮮煎功好，夠均勻，如果兩邊都煎香中間保留濕度perfect 非常精美，飽魚底有碎雞肉，唔錯 高級食府服務要改善，希望餐廳提高員工對菜式知識及解答案人問題水平