神屋流博多道場 (已結業)

今日同朋友仔去銅鑼灣食飯, 因為我病左的關係, 所以朋友仔揀左一個佢話食烏冬的地方, 清清地...結果就去左博多道場, 我自問我自己行世貿都行得唔少, 但我真係唔知道世貿有呢間餐廳, 可能因為佢的位置真係唔係好顯眼, 所以平時我真係留意唔到, 如果唔係朋友仔揀左呢間餐廳, 我都真係唔知....入到去個格局都令人感覺幾舒服, 不過可能位置有限, 所以我地入到去幾乎係同隔離檯的客人坐埋一齊, 總之好近, 有d尷尬, 不過都係個別一d檯, 其他我見佢地都有獨立的座位...之後因為我有少許選擇困難症...所以由朋友仔揀食物, 佢點的時候一直唔比我知叫左咩食物, 打算比surprise我, 所以實際上食物的名稱, 我真係唔知道.....但所有食物的味道都比我想像之中好, 特別欣賞「鹽燒蘑菇」, 以前我自己都試過燒蔬菜, 每次都好快就燒到乾哂, 水份全部無哂, 好難燒得好食, 但今次佢地卻可以將蘑菇燒到水份仲保留到, 好犀利...另外黑椒雞翼都值得推薦下, 我起初都好擔心佢會好熱氣, 因為我始終仲病緊...但食落味道幾好, 唔會太辣, 所以可以食多幾件.......不過雖然我朋友話呢度係食烏冬,

果日, 去到邊都要等位等好耐, 因為係銅鑼灣, 又BOXING DAY, 好多人. 而依間野無人排隊, 所以就依間.*****環境:=====好有日本風格~!*D燈幾靚..未坐過入面, 唔知點既樣.次次黎, 都被人安排坐比較外面D D 位.*TICK紙同PENCIL.*果日都重有得選擇既聖誕餐: $598 (二人餐)我地無選依個.都係散叫, 岩我地D.***食物:====唔係好記得係牛肚定牛氣管.又未致於舊舊都係咁, 不過有D好臭, 臭到食唔到. 而且都好難趙~*蔥牛肉麵(上面有隻生蛋)連一個湯, 依個好味~*D串燒好濃味.D串燒: 有芝士肉串, 有唔記得咩調味既另一款肉串, 同埋鰻魚串.唔會太鹹, 又有d新奇, 幾ok.*天婦蘿.有蝦, 冬菇, 同南瓜...個炸漿做得OK.*麵(加海帶)無乜點食, 所以唔清楚~*幾好喎.. 雖然唔多記得入面係d乜...不過睇都睇出, 好有層次感..

話說去完買完曲奇，有d肚餓，本來想食炸豬扒既，但太貴，唔值，所以去左附近的神屋流博多道場 ，因為見佢d set lunch幾抵食嘻嘻我叫左個南蠻炸雞件set lunch個set主要有漬物，煮物，主菜，刺身，飯，麵豉湯同餐飲，唯一係欠甜品，唔係仲更加perfect，(好貪心tim)首先講個漬物先，係蘿蔔漬，酸酸甜甜，有d似食冬菜，幾開胃。之後前菜係蘿蔔炆牛腩，雖然而家唔係蘿蔔時節，但係個蘿蔔索到牛腩，牛腩亦好腍個刺身係甜蝦同三文魚，不用多講，夠新鮮，正，三文魚夠肥，甜蝦夠大隻。反而個主菜太膩，炸雞個sauce好味，可惜佢d炸粉太多，變左食落去好膩，我食左兩舊已經好飽之於個飯係日本珍珠米，good而餐飲凡叫左凍咖啡，估唔到咁好飲，咖啡味適中，而麵豉湯都ok，由於我去既時候係人地就黎落場，所以我都唔慢慢享受，好，轉戰落天后食thomas thrillon cake

昨晚七點幾到，唔洗等位，可能係閒日啦。餐廳入面環境很好，很日本式，有很多卡位，卡位的兩邊座位旁會有塊布，所以很有私人空間。這裡最出名應該係牛腸鍋，也有其他牛腸做的食物，但我們沒吃，因為不喜歡吃牛腸。我們點了串燒（芝士雞肉串、鹽燒雞肉串、雞腿肉串、煙肉蠔串），雖然款式不是太多，平均$25/串，但也做得不錯。那個煙肉包著蠔的串燒真是第一次見到，好吃！其他我們就點了．．．餃子～好好吃，看menu以為份量很大，其實都是小小一粒，然後有８～１０隻，好軟好多汁。炸雞翼～有唐辛子味/胡椒味選擇，我們選了唐辛子味，因為喜歡吃辣，這個也好吃，只是微辣，但份量很少。彩虹卷～總共有五件壽司，包括三文魚、鰻魚、吞拿魚蓉、甜蝦同埋一件唔知咩魚．．哈！全部都新鮮好味。豚肉炒拉麵～用鉄板上，麵很煙韌彈牙，不會煑得過熟，調味很好。明太子飯糰～很大一個飯糰，包著很多明太子在裡面，好好好味，也很飽肚！雖然價錢有點貴，但很特式，一定會再去。

11/12/2010同友人去行world trade, lunch time 時間, 友人選擇了呢間。我之前有食過dinner , 不過就未試過lunch。一人一個lunch set：(我) 雜錦魚生飯 & 炸雞件：魚生ok新鮮。雞件夠juicy。(友人) 壽司併盤 & 天婦羅：壽司都幾多款, 天婦羅d炸粉適中。(share) 雞亦：炸得夠乾身, 帶少少辣, 好味。Lunch set平過dinner好多, lunch set平均都係$80 - $100。不過要留意時間, 因為好似3:00pm落場的。

選擇呢度係因為位置方便,其次是見很多食評都不是太正面, 所以決定試一試.環境, 訂了位, 不用等, 有一個類似房的位置, 不錯.服務, 有禮, 快手, 房內有鐘可 call 侍應, 夠細心.食物, 牛腸鍋加拉麵, 很肥美, 不算太韌; 豬肉飯, 汁同鰻魚飯的一樣, 但豬肉較鹹.串燒的不過不失.問題來啦!食物選擇不算多, 味道不是太突出, 價格一般,服務和環境雖然可補償一點點,但如果客路是年青一代,就需要多一點買點.

一心諗住去食海南少爺, 但見神屋流博多道場唔使等位, 就立即入去.主打牛腸鍋, 一心試試.但WAITER已經2次提醒我地D牛腸好肥同好韌, 同香港既好唔同.我地都唔理WAITER既一番好意, 堅持下單, 結果就出事了.鍋上來, 只見大量既大蔥韭菜同GARLIC牛腸旁邊. 鍋底有少量椰菜.跟佢地所提供介紹此鍋的說明書及食法大大不同.好啦.....滾起準備食既時候, 有個WAITER同我地講要再滾多3分鐘先食.0甘當然聽指示啦.點知....WOW....真係韌到用刀都切唔開果D來GA WOW牛腸由生既時候長2CM一件, 縮到滾完得返0.5CM都冇.得層皮加少少肥膏.如果你係唔食大蔥韭菜同GARLIC, 好似我0甘, 0甘就真係全煲野都唔知有咩可以食.一路食, 一路俾BF 話.唉....我夠知唔OK啦...0甘唔叫都叫左了, 可以點WOW...另外, 再叫左2串牛肉, 2串牛舌, 1串大蔥, 唉....0甘貴既價錢, 我可以去燒鳥居度食好好質素既串燒了.點解0甘簡單既燒牛肉都可以燒到韌GA?!再一次俾BF話.食左一餐唔飽既DINNER, 仲要超唔好食. 仲要超貴, 仲要新年第一日就要為左唔俾

昨夜去銅鑼灣參加新年旅行團，順便上開飯睇有乜介紹，就選咗神屋流博多道場試下，因為話佢串燒唔錯！去到道場差不多八點十分，要等約五分鐘至入座，招呼尚算好。由於有餐牌內食物照，就決定試佢出名嘅牛腸鍋。侍應提點牛腸有啲靭，亦建議叫拉麵或烏冬。由於烏冬單叫$65，老婆就叫五島烏冬﹝都係$65!﹞。先講雞中翼：燒得皮脆，亦唔太鹹，以水準嚟講屬於中上。咁嘅價錢($26蚊兩件!)其實可以用新鮮貨會仲好啲！生蠔煙肉卷：中規中矩，煙肉味略嫌蓋過蠔鮮味，會建議用大少少嘅蠔可能效果會好啲！原本應該三件，不過食咗一件至記得影，鎖你！牛腸鍋﹝豬骨湯底﹞：既然係出名，味道當然唔錯，尤其牛腸相當肥美！主要係唔好烚過籠以致過靭！如果用淨拉麵或烏冬可能會更好味！五島烏冬：食個陣至知衰咗！牛腸鍋湯底味濃，雖然五島烏冬味無咁濃，但係食過牛腸鍋湯再食五島烏冬就過鹹，係自己叫錯，唔怪得人！燒三文魚腩：相當肥美，燒得正！如果有柚子汁淋上去會更好啲！燒牛舌：因為想等埋燒三文魚腩一齊影相搞到凍咗，下次都係食咗至講！全晚消費$375，在銅鑼灣區屬合理，下次都會試！

約左教友返Prayer Night, 咁自己想去世貿新開既「木馬」店食Cake，但係，一舊蛋糕仔點飽肚呢？結果去左三樓去食呢間仲未食過既鋪頭。特登揀左燒檯，大家都知我唔係食牛腸鍋，而係齋食串燒。蔥燒牛舌唔算用左好多黑椒，但係調味也足；之後個汁燒雞肉串雖然蛋黃作唔起咩用，但已經好惹味，個豬腩肉都唔差，唔算好肥．．．．．．係個魚骹鹽燒所以淡味左少少，不過後來都食到佢好滑，件頭亦多，冬菇牛油燒我覺得剩冬菇已經好得。埋單，咦，二三十蚊一個Item,都OK抵Wor......如果糧頭真係可以翻兜.....如果我可以敵得過右邊間sukiyaki的話.......

香港的日本餐廳做串燒不多，可是近幾年好像有上升的情況，多了日本串橈店出現，但是主打串燒的餐廳就不多見，這是其中一間主打串燒的餐館，串燒以外的食物不會有太多選擇，在日本本地串燒是街頭小食，來到香港卻要到店子光顧了。這裏還有日本人佐酒的牛腸料理及五島烏冬，至於其海鮮及食材均由東京每天空運到舖，有不少日本人光顧，當天就撞到幾台的都是日本客人。這裡裝修是一般日式食肆風格，以木造卡位為主，大部份的串燒都是廿多元到三十元，麵食和其他都要六十到百多元，在銅鑼灣來說這個價錢算是適中，服務方面，店員有禮貌，在食物質素上，串燒以外的麵食只是尚算合格，串燒就造得不錯，即叫即燒，原本以為串燒是以肉為主，可是原來串燒蔬菜如東菇也是很美味，其實串燒不用太花巧，只要簡單地用鹽燒也可以很美味的了，雞脾肉蒜頭是心頭愛，雞軟骨也很好，連雞patpat都有，這是日本地道的串燒食材，維港美景加上這裏的串燒佐酒一流，是一個傾計談心的好地方。今次原本要吃博多牛腸鍋，可惜太飽了，唯有等下一次吧。http://icuteee.mysinablog.com/index.php?op=ViewArticle&articleId=2727

本身見openrice食評,大部份意見都話唔錯，所以一試。叫左 一碗拉麵，幾串 串燒。先講拉麵，本身冇期望，非常普通!串燒叫左 煙肉蠔卷，雞脾肉串，雞亦串，免冶雞肉串.煙肉蠔卷比較特別，但煙肉燒得唔脆!其他只係一般水準.呢個價錢，絕對有更好選擇!!

上星期表姐請食飯, 當然是有付出先有得食喇!!!本身諗住食海南少爺的, 不過實在太多人了, 有排排隊!!(*不過後來聽男朋友講海南少爺的廚房......慶幸自己無入去食!!)最後揀了位於銅鑼灣告士打道280號世貿中心3樓312-313號舖神屋流博多道場 Dojo Hakata日本菜2個女仔食, 唔會食得多, 而且係表姐請點都唔可以太貪既,如果唔係未無下次!!! 嘻嘻~~首先介紹全餐最好味的燒三文魚腩真係油而不膩, 而且食落滑滑的, 連皮都好好味!!不過食既時候要小心有骨, 4件有2件有骨!!好想再食!!!!蝦天婦羅熱騰騰的遞上, 蝦肉彈牙, 真係好美味!!燒筍幾爽口, 不過尖尖個位有少少苦餃子(醬油)餃子本身味道不錯, 只是醬油好鹹=.="三文魚子飯(加送麪豉湯)表姐和我都讚好, 因為我地2個share 1個飯!!而且佢既芥辣都唔錯, 令我有感覺!!麪豉湯無豆腐 >o<鹽燒雞翼燒雞翼我自細中意食.....歌仔都有得唱喇!!不過無乜鹽味...燒豬肉x筍上面的醬汁唔錯, 而且唔黏牙我中意食呢款多過就咁食筍!!!

10月6日（星期三）晚，是夜和女友去久未到訪的世貿中心吃晚飯，若沒有記錯，上次來世貿中心吃晚飯已經是小弟寫第一篇食評的時候，即是差不多兩年未有來過。是夜再訪主要是想試試新舊人氣食肆，首先到「丼吉」取號碼籌，不過結果和上次一樣，還是等不到入座；到了三樓像一字排開門三間食肆，我見這裡比較少人排隊便來這兒等，但都等了差不多三十分鐘才能入坐。「道場」通常理解作學習和交流（日本）武術的地方，而這個“道場”卻祇讓客人飲飽食醉。餐牌內食物選擇和居酒屋相若，幾乎包羅萬有，當然包括名物牛腸鍋，但考慮到若點鍋物，其份量必定是二人起，而女友又想試其他食物，還是留待他日有機會約多幾位朋友來的時候再試。我們共點了炭燒三文魚腩、炭燒免治雞肉串（芝士）和炭燒蘆荀豬肉卷各一串，還有明太子五島烏冬（冷）、博多屋台風牛腸鐵板燒和雞肉野菜卷。三串燒物先後來到，三文魚腩肉質幼滑鮮味，芝士免治雞肉串口感豐富，芝士煙韌而雞肉嫩滑，蘆荀豬肉卷內裡的蘆荀爽脆而外層的豬肉片卻燒得有點乾；因我們坐在bar檯的角落位，看見年輕的師傅收到單後才灑味鹽在食物上，這樣才能吃出食物的原味，不過吃了三串燒物也吃不到炭燒的香味，而且遠看串燒爐好像是一

12點來到人不多，有台日本人聊得很高興 座位很不錯，挺有日FEEL，就是冷氣吹到正一正，凍啊。前菜和煮物值得一讚，牛肉入味，蘿蔔味道清甜，鹹魚仔鹹中帶香，很有咬口雖。南蠻炸雞 第一次吃，分不出地道不地道，個人覺得味道有點像M記的雞腿包.....博多豬骨拉麵 不喜歡這种麵貿，湯底還是可以的。中華冷麵 出色的口感和清新味道 麵質比湯拉麵那個好多了，還附上少許泡菜，不錯燒豬肉烏冬 另一樣難忘的食物 出色在湯底都帶有燒豬肉的味道，很可口，烏冬也很滑很有咬口，正啊!SERVICE也不錯，下次還會來再來試試別的菜色

友人生日, 想食日本菜, 我提議去世貿中心的”博多道場”, 因為我地2個都未食過, 又好似幾hit咁。訂了8:00pm, 好彩有訂坐, 因為勁多人排隊。食物：火灸鰹魚沙律 ($75)：鰹魚都幾好味, 不過呢個菜式…其實又唔多覺係”沙律”。如果呢個價錢, 淨係食幾塊鰹魚 (其他都係d 洋蔥、蔥、 蒜片墊底), 又好似唔係好值。明太子玉子 ($48)：睇過食評話呢個好評, 當然又係要試。味道真係好味, 不過就咁睇樣就已經feel到個玉子燒得過咗火, 老咗少少, 有少少”鞋口”。不過都好味。南蠻炸雞($52)：又係食評推介, 當然又要試試。份量唔多, 不過又係好味。好香口, 雞肉好嫩, 配埋沙律醬, 好味。長崎五島牛肉烏冬 ($98)：個樣就平平凡凡, 不過又好好味喎。牛肉好嫩, 真係好有”牛味”。鳥冬好幼, 都幾彈牙。呢個真係好味, 不過, $98一碗嚟講, 又係幾貴。免治雞肉串 (生雞蛋汁) (each $30) x 2：又係食評推介, 好似又係必食咁。我同友人一人一串, 雞肉好味, 不過好似燒得過咗火, 有少少”黑” & 焦味。 配上生雞蛋, 感覺都ok滑。 不過感覺上, 無講得咁好食