神山麺屋 (創紀之城五期(apm))

營業中

休息中

📍神山麵屋厚切豚角煮好入味，肉大塊好淋麵質夠曬彈牙，沾麵湯夠濃，每啖麵都可以吸收湯嘅精華大滿足！食麵必配溏心蛋，沾埋湯食味道更加絕配啱曬重口味的我

廣島蠔 ，炸粉唔厚，食落唔會成啖粉，同埋無腥味，整體都唔錯，可以一試。.神山湯餃，成餐最好食呢個，個湯好好飲，雖然有少少油，但我都忍唔住飲左幾啖。餃子係煎過再浸湯，所以同平時既湯餃唔一樣。咬落會有爆汁。.白神山豚角拉麵，湯底幾濃郁唔錯，不過食落只係一個好普通既拉麵，無咩驚喜，但肉質都夠冧，睇得出有下過功夫，初次去既朋友仔都可以一試。.叉燒沾麵，其實個湯味道不錯，唔會好鹹，而且麵既口感好好，有咬口又唔會好硬。但衰左係湯唔熱同肉好靭，碗湯上到枱唔熱唔暖咁。而且肉又咬唔開，又大舊，成碗野就扣左好多分。

APM 分店，外賣自取竟然有minimum charge，而家咁嘅時勢, 我特意出來向你買個便當$68-80 來支持你已算係咁。你此舉確實絕不合理;不再光顧。TST店都無MINIMUM CHARGE.講真，觀塘區$50~$70, 有很多其他好選擇, very competitive ，無論是日式便當還是外賣一餐food in general. 你做呢盤生意，做到咁DESPERATE.

沾麵 is always the most popular dish at 神山麺屋. However, I have ordered the ramen soup instead.The soup base was very very rich and the cha siu was tender and juicy. The soft boiled egg was just right.I need to drink plenty of water as the soup base taste too strong.神山麺屋 is located in APM which is very convenient for people who work around.  There were always people waiting outside this shop during lunch hour.I would like to try other flavour and  their 沾麵 next time when I come. 

Always heard about how popular Hey So Nuts is, finally got a chance to have a coffee date here with my beloved one.We ordered mille-feuille with red wine pear and vanilla ice-cream. The pear is rich in red wine flavour and the ice-cream is firm and rich in vanilla flavour. The layer of the mille-feuille and the dried orange was the spotlight of the dish. It took 20mins waiting time for the dish to be ready. So be ready if you would like to order the mille feuille when you come to Hey So Nuts. Th

假日出開APM買啲嘢，唔想行太遠就喺返APM搵食啦。知道神山拉麵其實前身就係麵屋武藏，印象中唔係話出色，但都不過不失，所以就揀咗食神山，諗住都正路，起碼對得住80幾蚊再加一嘅價錢。叫咗角煮豚肉拉麵，無諗過可以咁乾。諗住一件乾咗啲唧，另一件睇落都幾肥，應該會好少少，點知：好啦，溏心蛋應該唔會出事喇啩？咬嗰時都小心啲，唔想個流心融於湯中，但點解咁熟呀…不過講真，湯同麵都仍然不過不失。朋友叫沾麵，麵條比湯麵更好，但佢哋話勁鹹，反而湯麵就還好。服務態度嚟講就好個別，上菜位侍應心情似乎麻麻，黑口黑面掉低碗麵就走咗。但其他侍應都有啲ok嘅。

難得路經觀塘APM又想食下拉麵，見神山門口只有5個人排隊，大約等左10分鐘就可以入座，所以就嚟個速食拉麵之旅。之前亦曾經試過佢地既神山豚角沾汁麵，豚角大大舊多汁好味，所以今次就想試一下另一款既拉麵。叉燒醬油拉麵叉燒配上溏心蛋，蔥花及大量芫茜。醬油湯底味道濃郁但略為偏鹹，比較適合重口味人士。叉燒質感偏淋同比較薄身，肥瘦比例適中，味道唔錯。溏心蛋曾經醃過，做到流心效果，都好食。但食完成碗拉麵會感到口渴。至於價錢方面亦都係性價比之選👍🏻。

落完單5分鐘後食物就黎 黎得好快叫左碗蕃咖湯拉麵 同 山神沾汁麵唔係好好食 又唔係難食既好普通 水準一般 好淡味 又唔係好熱個蠔又係 暖既 唔係熱辣辣成個感覺好似快餐店咁唔會再黎第二次既然俾得錢 都要食哂佢既

晏晝午飯時間都唔少人等位，等候約15分鐘就入座。叫左呢到出名既沾麵-神山豚角沾麵。豚肉沾滿醬油，略嫌過咸，肉身乾燒得比較乾同柴，不過中間夾肥膏，所以都唔會太難咬開，食到少少油脂甘香。掛麵汁味道濃郁，可取之處係麵身本身又有坑紋，掛汁能力大大提升💦💦，令每淡麵都能充滿湯汁👍🏻麵質口感都實淨彈牙，但豚肉質地調味需要改善。🧐總括黎講，沾麵本身唔錯可以一試，但配料扣分，侍應接待一般，回頭意慾不大。

APM搵嘢食，差唔多9點呢度門口都幾多人等位目測等3-4張枱，不如就試試佢😂外賣自取價錢親民，不過今次試堂食先呢個魷魚彈牙，醬料冇特別沾麵彈牙，湯底好濃好味，同外面嘅拉麵店有得比😋😋叉燒超級肥美，兩嚿已經好飽溏心蛋係原隻上蘆筍炒菇，都ok，冇特別至於黑芝麻湯底拉麵，好咸，返到去要係咁飲水😅😅😅總括嚟講，都尚可以，比期望中嘅水準嚟得要高，本來商場舖頭唔expect個湯底會好正，有少少驚喜

第一次係哩間鋪頭食湯拉麵叫左白神山豚角拉麵（佢冇得自己揀麵軟硬度、湯底濃度、油膩度）拉麵一上枱 見到個湯底好清點知會再真啲 原來係有一層好厚好厚既油係上面湯油分離咁層油真係厚到嚇親我哩碗拉麵咁多油飲哂肯定不得了唔係肥幾磅 就會係食濟左真係要問店員拎個碗仔整走啲油先食到總括嚟講湯底味道幾好既 湯底飲完一淡會想再飲豚角煮都夠淋 一半肥一半瘦蛋都幾流心 幾好食不過拉麵偏硬如果唔鍾意硬既麵既話就要注意一下喇落單前要同店主講聲不過其實食完都幾口喝

係APM行左陣唔知食乜好，見food court 有一間食拉麵50零蚊，咁不如入舖食。叫左碗沾麵，店員叫我睇熱，仲心諗會好熱，點知只係暖暖地。温度沾麵黎講唔合格。落order前問店員有無熱湯，諗住用黎溝淡番個沾麵食，點知店員唔知係乜。但間舖明明sell沾麵🙃塊肉係幾好，其他真係好普通。

白神山豚肉片拉麵 🍜$80 - 個湯白色以為味道好清，一入口，就想飲第二啖。豚肉夠薄身，拉麵又彈牙，配上流心溫泉🥚。正! 黑神山叉燒拉麵🍜$80 - 湯底用黑蒜醬油好惹味， 叉燒夠淋， 拉麵同樣彈牙，配上流心溫泉🥚😋😋

星期日晚差唔多9點入座 當時入面係有空枱當時我地係2位大人 2位中童 1位bb，有推bb車我地入座時已經同經理表示 我地bb車收唔到 bb可以坐係bb車上面 希望佢分到張可以放得落bb車既位置點知男經理分左張係鋪頭最入口面係緊急出口隔離既4人枱俾我地 經理表示bb車可以放係枱與緊急出口之間個個位置 因為個個位置根本放唔落bb車 我地同經理講個個位置放唔落，點知經理既回覆係 你地架bb車咁大架 態度係用唔耐煩既態度 其後我地同經理表示 有張6人枱 我地可唔可以坐係6人枱，我地間左經理3次 佢3次都冇表示可唔可以 🤷🏻‍♀️咁既服務態度 真係俾錢買難受仲要係‘鋪頭經理’

以往黎食服務及食物質素都唔錯 , 但昨晚9點入座 有個帶眼鏡的女同事負責落單 ,我地就叫左2碗 招牌神山沾麵加左個小食 , 點知開頭送餐果個同事話 先比住1碗你地先 , 咁我地就以為另一碗應該仲煮緊...點知過多15分鐘左右 , 我問另一位同事 佢話幫我地跟跟 , ok... 如是者 我再等多15分鐘 見都仲係未有 , 再追問另一位同事 , 果位同事就覆黎緊 , 咁我見佢地咁覆 正常理解應該係有落到單 而唔係漏單 , 再過多15分追問另一個同事，佢答我黎緊啦（好唔耐煩既語氣）。最後都無黎，問多次個男經理先知落漏左單