祥利冰室 (已結業)

些類懐舊冰室在香港己買少見少，在懐舊氣氛下喝一口香滑絲襪奶茶，絕對是人生一大樂事。可樂罐是老細一家的珍藏。

無論以前住天后家現在住太古, 個個week都去祥利食tea, 我地一直都無為意佢叫"祥利", 只叫佢做"阿姐度" "去邊度食晏?" "去阿姐度啦" = 去祥利因為樓面全部女將!食物唔算多選擇, 食黎食去都係茄牛意, 腸+蛋+沙嗲牛面, 西多士, "老"水牛治等, 但都經常去, 因為人情味同街坊feel, 只要唔係超級多人, 你都可以有排坐, 唔會好似出面其他茶記, 一食完就收晒杯碟趕你走, 阿姐仲時不時過黎傾兩咀, 仲有呀, 佢d冷氣都幾凍, 好舒服!回應前面有位朋友話閣樓係俾阿sir, 都唔係架, 始終有條梯, 阿組上落招呼客好唔方便, 但如果真係多人多到不得了, 佢地先會安排你上去, 至於生客都會盡量安排坐樓下, 費事話佢"招呼不周"喎!

不嬲都係呢間冰室既熟客, 貪佢個feel, 好好hea!呢間舖頭最好食就係沙嗲牛治同茶走!最好人係眼細細落單果個亞嬸, 如果唔知食咩好, 可以問下佢有咩介紹!黎呢間舖最理想時間係下晝5點, 小人d, 不過有時都會多人, 睇你好唔好彩la!仲有唔好以為可以上樓上坐呀, 就算爆場都冇得上樓上, 樓上係留比d police tea ga!! 我成日去慢慢留意到既, 記住唔好問可唔可以坐樓上la!

　　我得閒都會黎下，因為個feel 唔錯，野飲又good ，野食都唔差！tea 黎食又有set ，都唔會太貴！　　我食過芝士3 文治，牛展3 文治，都唔錯，佢既方包幾好味架！又食過豬扒包，都ok 丫！仲食過菠蘿油同西多都係中上水準啦！雞翼米粉，淡左少少者個湯底～　　而我最特別推介係hot milk tea ，超好飲超滑呀！但凍飲就會太甜囉，可以order 少甜！　　anyway ，我覺得伊間野好值得黎呀！ｐｓ：有相睇～http://mysinamail.sina.com.hk/cgi-bin/album/ualimage.cgi?egp=bZrwX/l4iq86MIlkgeIZlTreMU-MCClgrDMZDlgS78&al=4&ph=7&brev=0

呢排煲了幾次響螺湯，仍意尤未盡，又想再煲。聽聞天后附近的海鮮批發有平響螺賣，同太座來了一轉。買響螺之餘，正值三點三，當然來飲杯咖啡奶茶先，順手又吃點東西。例牌茶走加鴦走少甜，一份鹵水牛治加份蛋治烘底。其實這裡的食物都不算太好，如茶啡不太夠「重」味，麵包永遠是薄薄的，當然蛋餡夠多，而那個鹵水牛肉餡，又是只此一家的。食物一般，但環境當然加足分，不計四周的白磁磚牆壁，那個生鐵秀的收銀機，絕對是這裡的icon。但其實也有東西在默默地演進，君不見牆上的餐牌已全是電腦編印的嗎？不過未來過，絕對要來「朝拜」一下，以前的冰室就是這個樣子的。埋單38蚊，行過想飲杯奶茶咖啡，都會再來的，當然計水準，這裡的食物比勝香園何止低幾班？題外話：所謂平價的海鮮批發，絕對是老點。買海鮮要平及靚，都係去番筲箕灣海皮好過。

小時候好像有很多冰室，那時住在粉嶺，聯和墟有一間海記冰室，如果父親到海記吃早餐，他通常會帶回一個燒餐包給小頭。小頭覺得冰室可說是茶餐廳的祖先，供應冷熱飲品和簡單食物(麵包、蛋糕、公仔麵等等)。此店有一個擺放很多不同款式可樂瓶/罐的飾櫃，天花垂著兩把舊式吊扇，門口有一部仍操作正常的古老收銀機，有少許時光倒流的感覺。鹵水牛展三文治是這兒的人氣食品，薄薄的幾片牛展有咬口而不，麵包也新鮮鬆軟。當然，三文治如何美味也只是三文治而已；到舊式冰室除了吃之外，也為了那一點點懷舊的氣氛—讓我們懷愐一下過去，令褪色的回憶再次鮮明起來。

去中央圖書館之前黎搵食一早起身未食過野,太肚餓,所以叫左個餐加牛展治雖然d野食唔特別好食價錢亦比普通茶餐廳貴但平凡中卻帶點不平凡唔係到到食到既鹵水牛展三文治久違既福字面古老既收銀機同吊扇可見舊式冰室仍然有佢地既生存價值

佢個茄牛飯真係好好食!d汁夠熱, 牛肉夠腍, d飯又軟硬剛剛好最重要佢先係真真正正ge快餐la, 一分鐘內有得食!暗暗燈光, 高樓底, 卡位, 有哂茶餐廳ge特色仲有杯檸蜜好好飲, 好有菜蜜味, 好香!

星期六...一心打算到北角買野同埋去食東寶,所以,下午一定唔可以食得太飽~所以,就黎左"近廚得食"介紹過的牛展三文冶。我叫左一台牛展三文冶,而我朋友就叫左一個特餐(腸、蛋、牛肉麵)首先,講下個牛展三文冶先啦~我覺得味道都OK,但又唔會話覺得好特式~個方包好似我細個食個D味道咁呀,而家已經好少有了。至於我朋友個特餐,我覺得佢地一定係用福字公仔面！至於牛肉,我覺得無味特別,都OK啦~整體來說D食物都係OK啦~一般,試過一次已經好足夠啦！但如果未試去過D去舊式的冰室~我覺得E度都係一個幾好及幾懷舊的地方..HAHA

牛"月展"三文治叫左烘底,好味.第一次試"茶走".又係好好味.難得我自己一人可以飲得晒一杯熱奶茶.平時飲完奶茶我d牙會"鞋",但今次冇囉.工作完,現在時間為朝早七點,我一陣又會去食早餐了...可能會試淨蛋治,但又怕齋蛋會好悶...點好呢?

今日同同學仔亞倫行完美華氏o黎呢度下午茶, 亞倫點了榨菜肉絲腸蛋米同凍華田,我點了沙嗲牛肉腸蛋麵同茶走,另外點了牛"月展" 治兩份食。亞倫覺得個米粉無咩特別,條腸又賣相唔係o甘靚,但食落唔同一般雪鹹味鷄肉腸,而係較有肉味o既小紅腸,隻蛋係太陽蛋無穿無過火,飲品味道唔太淡,但亞倫唔係o甘欣賞個牛"月展"治,話味道一般, 反而佢覺得沙嗲牛肉治會惹味D。我個沙嗲牛肉ok, 沙嗲汁唔太鹹, 牛肉係鮮牛唔係罐頭, 但可能落得太多食粉過腍無肉味, 小紅腸同太陽蛋都好滿意, 個麵好正, 竟然係福字麵, 我都唔知, 係亞倫話我知咋。茶走唔錯, 茶味夠, 唔會一味得奶味。我都覺得亞倫講得無錯, 沙嗲牛肉治會好味D。P.S.多謝亞倫請我食TEA

2006年2月21日10:20上午九時許到灣仔公園，準備為小魔怪打打氣，但因天雨比賽取消。便獨自到維園影花花，再到這店吃早餐。可能是周日，十時許仍有很多客人，熟客更被安排到閣樓。要了早餐A:火腿通粉：湯底清淡，通粉稍淋。煎雙蛋：久違了的完整荷包蛋(帶金黃邊)，若有白方包沾蛋汁便更理想。齋啡：一般傳統茶記貨色。店裝修保持幾十年不變，光線有點陰暗，若天花和牆身塗上較淺色的湖水綠，便更開揚。這裡最吸引我注意的不是那收銀機，而是那裝滿各式各樣可樂的飾櫃。有不同國家和型狀。

西多好好味, 好新鮮, 厚度適中, 又香口, 舊式冰室果然有番以前食物既風味!可惜既係, 奶茶一般, 涷央都係ma ma....

1點黎到呢度,本身因為已經食左兩間野,已經好飽滯叫左一份牛展治,一杯熱奶茶牛展治普通,好既係佢既牛展(唔知係咪叫筋位)好夠plastic,個醬幾夠濃唔好既係佢既包身,一黎擺脫唔到傳統三文治帶有既0個隻微酸味(唔係指叔臭)仲有包身一夾埋0的牛展,就會俾0的汁搞到林batbat,唔好口感,仲有唔夠熱(我諗如果叫烘底,可以揮走以上三個問題,今次笨左)奶茶,唔知係咪我無講既關係,竟然無"茶走",我攞左杯野之後,搞左幾下,無煉奶,失望總體黎講,杯奶保持到傳統冰室既長處,同廣成冰室杯野差不多好

祥利的環境雖然比較舊但食物一向都算乾淨,十年見過小強幾次,而且以前的祥利比而家更好食...波羅油, 茶餐(蛋治要多士) 日日食都唔厭不過大家都未必知道樓上有小小的閣樓.