福門海鮮菜館 (已結業)

這次因某舊同事升職，就請了我們幾個吃個晚飯慶祝一下，不知為何會選址大角咀，可能是在他的住所附近吧。由於小妹是個路痴的關係，所以還是約好在旺角鐵路站再一齊走到餐廳比較好果然是海鮮菜館呢～門前已有個漁缸，缸內放滿了各種生猛的魚類呢！可能是閒日的關係，菜館內人流不多，所以完全不會覺得太吵耳或太擠迫先送來一碟鹽焗花生及菜脯先看看餐牌，㕑師推介內有多種海鮮供選擇，可惜這晚我們與海鮮無緣，不知怎的，中蝦也售罄了，還是選其他吧還有一本正式的餐牌，除了海鮮外還有各款小菜最吸引人的是4位或以上惠顧晚飯時段送足料燉湯姫松茸燉螺頭竹絲雞［評分：8/10］最先來到的是姫松茸燉螺頭竹絲雞，雖然是送的，但份量及材料相當的豐富呢，一大煲的送到枱上，侍應再為我們取出湯渣及分好燉湯。燉湯充滿了陣陣松茸及雞肉香，鹹到適中，油份不多，而且喝得出是真材實料姫松茸燉螺頭竹絲雞取出來的湯渣有半件竹絲雞、螺頭、松茸、雞腳及豬肉等。當中最為欣賞的就是雞腳了，煲至軟腍腍的，非常入味好吃蜜汁叉燒皇 $88［評分：6.5/10］很少在晚飯時點叉燒，感覺比較普通，其實比較想要乳鴿、燒鴨或是腩仔，不過舊同事做東，就由他發板吧。一整排的叉燒下是

楊某我最近轉左工，真係去邊都覺得遠。今晚有個朋友話出來聚一聚，平時習慣放左工就返屋企O既我都出來蒲下頭。呢間野就唔係話好多人，所以傾偈都幾寬敞。咁啱餐廳做緊推廣，話4條友以上就有湯送而今日係姬松茸炖竹絲雞，都多湯料嘅，作為習武之人，呢個湯都強身健體，而且飲完之後，真係成個身好HOT !叫左個呢度個餐牌推介嘅蝦籽柚皮，本來$88有兩舊，但係我地有2個朋友就話唔太鍾意食，決定問下店小二可唔可以叫一塊，呀! 又俾喎!我鍾意佢無澀味，蝦籽O既味道都叫帶得起個柚皮。又淋，完全唔似食緊柚皮一班麻甩佬無理由唔叫肉，呢度個叉燒王都算靚，好肥，每一舊都差唔多大。又肥瘦有致，蜜糖嘅表面都好甜，好有口感。每個人除返百幾蚊倒，真係好化算啊!

有個舊同事無啦啦升左職話請食飯，其實只要咁主動嘅邀約，我起初是拒絕的，但係佢既然咁盛意拳拳地「曬命」，我就唯有去下。其實Openrice呢個app 都係幾準嘅，的確旺角站行A2出口7分鐘就到。而且外型亦都幾靚仔。你滿心歡喜來到呢個海鮮菜館，期待有海鮮食乃人之常情。誰知落單才知，這裡很多東西都無...... 例如：其實我點左半斤蝦，侍應生話「唔好意思，今日無蝦。 」下?! 蝦都無.........唔單止.... 仲要叫蟹都係無。 好心位舊同事搵間好啲嘅嚟曬命啦! anyway, 呢度呢4位 (最後竟然有3位傻人出席....) 就有個燉湯送，真係咁大個燉湯係送!!! 你不得不說這裡的燉湯係足料嘅~ 今日嘅燉湯係姫松茸燉螺頭竹絲雞! 非常滋陰嘅一個燉湯。湯飲完之後完全能夠有增強抵抗力嘅能力，特別係今朝開會俾呀sir話完我面無血色，真係補一補嘅佳品，而且仲要係店方送!!! (我開始懷疑，其實係位舊同事想飲呢度嘅湯而叫左我地3個嚟....) 其實，位舊同事話已經叫左少少小菜，唔夠可以任叫...... 但係叫到咁上下，又話不如食左先再叫啦! 咁...... 即係你點菜啦.....=_=" 於是叫左

最近一直忙公司搬遷，終於搞掂好，可以休息^^也不用捱飯盒啦!! 有時間約朋友到外面吃飯順便聚一下...位於大角咀福臨海鮮酒家，其實從旺角走過去也是很方便來一小杯啤酒，今天可是吃海鮮呢@_@惠顧晚飯時段，優惠大放送 4位或以上惠顧可享用足料燉湯(二選一)►姬松茸燉竹絲雞►金銀菜白肺湯我們選擇是姬松茸燉竹絲雞燉湯是挺足料，湯肉渣有大量的營養成分還是在裏面，不要喝湯不吃肉。湯清甜，蘊含着很多材料精華，清潤又滋補，很岩飲。 這裡的主打菜品是海鮮，蒜茸粉絲蒸元貝，做的非常美味。吸收了蒜茸的香味道，元貝口味非常好，粉絲也很美味！清蒸膏蟹一直傾計一直吃蟹，朋友特別多口水，蟹新鮮，口感細膩，肉質極其鮮美。濃湯花膠浸娃娃菜用上魚湯配娃娃菜，加入花膠、雲耳，這樣更加美味，健康又養顏。

早陣子和屋企人到旺角買東西後搵食，妹妹就帶我們去近他家的福臨海鮮酒家食飯其實地點應該是大角咀，當日是星期日，人流很多，不過我們都只是等了１０分鐘左右就有位了～要一提的是這酒樓是在地下，不用上樓梯，對於屋企老人家平均年紀超過８０歲的我們家，是十分吸引～即使和坐輪椅的長者也很方便～，而且門口還可以上落客，而入面的通道也很濶絡先來一盅燉湯姬松茸燉竹絲雞~用料十足，很滋補，是女士最愛～味道清甜，足足可以分到９碗！竹絲雞肉鮮嫩，點上鼓油食味道更鮮～金蒜蝦乾蒸勝瓜無論瓜，蝦乾和粉絲都十分之惹味～看起來簡單的菜，在家永遠做不好勝瓜蒸得夠軟，一口咬進去就盡是蝦乾的鮮味。食一只蝦乾，你又會食到瓜的清甜～粉絲是平價的東西卻是整個菜的精華之處。很推介這個菜呢～燒鵝王$128例份量很多，燒鵝有點肥，如果廋一點會更好，而肉質很有彈性，夠入味。不過始終有點膩，還是淺嘗好了～

朋友係大角嘴返工，為左等佢收工食飯，所以就出現呢餐大餐，朋友介紹開左半年既海鮮酒家—福門評價不錯，海鮮新鮮，最重要唔貴同埋唔洗出到西貢😁先來個—燒鵝併盤，很大份，有叉燒、燒肉、燒鵝、燻蹄和海蜇～很好味～叉燒是半肥瘦、很軟～海蜇很爽口～～然後點了—酥炸美國蠔，超大隻～又炸得外面酥脆，裡面juicy...超級推介！👍🏻濃湯花膠娃娃菜—用的是濃郁的魚湯、煮得很軟的娃娃菜、加上花膠、杞子，喝了幾碗都不膩～而且非常養顏美容～一口牛肉—用肥牛肉切粒，每一口都係軟滑的肉和油脂～帶點黑胡椒和伴以茄子炒的香，有點微辣口感，超正～～四位用餐～所以點左四個菜～～超大碟～～差少少食唔哂～～最近附送上糖水—馬蹄露～作為完美結束！❤️️

陪媽媽去大角咀探朋友，與媽媽級食飯，首選當然係酒樓。阿姨介紹屋企附近酒樓，以前補習成日都係旺角行去大角咀，原來就係呢個轉角位。部長介紹~「口水雞」，雞肉嫩溝，雞皮爽脆，但麻辣香味不足，可再香濃一點。燒鵝一上枱已經覺得好靚，遠遠都已經有香味飄過來，吸引!「燒鵝」皮脆肉嫩，脂肪不會太厚，可以食出濃濃的肉味，係街坊酒樓真係諗過可以咁好食。「姬松茸燉竹絲雞」~湯料十足，原盅燉湯，味道清甜，雞湯算幾清，媽媽摯愛。「蒜茸蒸勝瓜」~夏天我好鐘意食勝瓜，蝦米粉絲夾埋一齊蒸，惹味又消暑。「大花竹蝦兩食」~第一食係上湯焗頭煎米、第二食係豉油皇煎蝦身，賣相超精味。米粉吸收晒上湯的味道，加上煎到脆脆地食法幾特別。不過我覺得如果少丁丁上湯無咁濕會更好。花竹蝦大大隻，幾彈牙，煎得啱啱好，唔會過熟，蝦頭都好味，送酒一流。平時係旺角要揾間好食既酒樓真係唔易，原來只要行多幾分鐘，就可以有間座得舒服又好食既!

一間位置比較偏，但食品，服務，環境也值得一試的食店！叉燒，肉軟滑多油，正！粟米龍躉，香脆美味，有水準！燒鵝，皮脆肉香多油，好味！冬瓜盅，料多火喉夠，唔錯！椒鹽瀨尿蝦，彈牙味濃，只是略鹹。紅豆沙，清甜味濃，美味！總體十分有水準！

每一年的團年飯, 我也得到旺角去吃,因為親屬們多住旺角,所以大家的"中心"點就變了旺角,他們還經常喜歡選一些位處偏僻的地方,說是什麼比較便宜云云,難為我要走那麼一大段路才到呢...對這個位置也不陌生了,因為福門以前就是客家好棧,我也為此投訴了一會什麼東西?那麼色彩班爛的魚真能吃嘛?聽聞蛇跟深海魚也是, 越多危越危險...Anyways, 首先我們嘗了嘗蟶子,果然肉多味美不帶沙,既有鮮撈的鮮甜, 亦有椒汁炒的辣香,肉質亦彈牙卻不難咬,也難怪它會叫作美人種子,只要處理得好, 絕對是會變成美人的酥炸桶蠔那麼浪費啊?其實不然, 咬下去時發現炸粉不厚,肉質鮮甜而多汁,吃蠔的肚腩時還有一點肉汁漏出,沒有因煮得太久而收水,整體來說還是出色的齊全而不排列整齊的燒味,燒鵝肉非常肥美,整隻脾上很漂亮呢,燒肉層層均很分明,用上五層腩制作而成,叉燒亦沒有欺場,肉均衡而不漏, 不用點已經是半肥瘦東瀛一口牛油脂非常豐富,脂感均勻地散佈在牛肉粒上.肉質鬆化易咬,配上日式燒汁非常惹味用上魚湯煮的花膠津白,津白吃下去非常爽脆,花膠份量充足,絕對上佳的配菜這個看似平凡的小傢伙,其實是燕窩椰汁糕,燕窩的養顏功效相信也不用多

 都唔記得有幾多年無去大角咀了, 今個晚上, 收工後去八掛吓, 見到間福門海鮮菜館, 即管試吓, 環境清靜, 整體來說, 這菜館算是不錯呢    太好了, 送甜品 晶瑩透明燕窩椰汁糕, 可惜 椰汁糕比較甜了一點點 ......

又一新發現大角咀美食真是多不勝數~ 除左有BURGER, 埃及菜, 車仔麵正之外.... 仲有呢間酒樓, 由小食, 前菜, 主菜, 海鮮同樣滿意~看似平平無奇的酒樓, 水準比預期高呢!原先點 <燒豬拼盤 $218> , 不過賣晒喇, 改為要左燒鵝拼盤~ 拼盤很豐富, 每樣都有D~ ^^- 燒鵝 鵝皮燒得好脆, 肥瘦岩岩好, 肉質保持嫩口&JUICY感~ - 炭燒腩仔肉燒腩仔一粒一口,  燒腩仔做到皮脆唔少得, 調味方面恰度好處!- 叉燒叉燒瘦得黎帶小小肥, 食落唔會乾身, 口感鬆化 , 如果蜜汁多少少仲正!- 燻蹄 & 海蜇 有時在外食燻蹄海蜇難免食到D雪得太耐, 當食既時侯口感仍是冰冰的,  值得一提這裡無呢個問題~ 整體黎講, 燒味質素相當滿意！超愛青瓜，見到馬上要點XD <蒜茸拍黃瓜 $38> 一碟份量不少，醋呀蒜呀足晒了，調味好，唯一建議青瓜拍得散d, 青瓜表面入味，裡面差小小。<東瀛一口牛 $98> 一上抬，香氣撲鼻，一口牛肉味濃郁，肉質有咬口（是沒有加鬆肉粉的牛肉,good）醬汁香而不咸，旁邊的合桃甜甜的又脆口，不可錯過。噢！

三五知已共敍, 相約去了大角咀"福門", 貪其夠大無須等位, 平日又比較清靜可慢慢聊天, 不錯的地方.見到枱枱都有個冬瓜盅, 當然唔輸蝕要番個食啦, 材料好豐富, 有燒鵝粒, 瘦肉, 蓮子, 蟹柳, 蝦, 磨菇.....等等.  湯底清甜無比, 瓜肉浸入了所有材料的精華、啖啖可口.  嚟個湯水最適合潮濕多雨的季節. 講得海鮮菜館, 當然要試下海鮮, 先來個陳皮蒸鮑魚, 件頭夠大隻, 食落好軟熟夠口感, 絲絲的陳皮好香帶出到鮑魚的鮮.  第二味海鮮是上湯焗波士頓龍蝦煎米粉, 龍蝦肉質爽口彈牙, 啖啖肉, 好彩那玻璃茨汁不是太稠身剛好, 經常外出食到的都是"傑撻達", 見到都唔想食嗰種.  通常上湯龍蝦會伴伊麵底, 煎米粉是我第一次食,  不油不膩的口感非常好, 但如果再略煎焦一點就更加香口.  燒鵝大王不可不叫, 要了個例牌, 份量並不少.  嘩! 好瘦身我鐘意, 最怕那些肥膏厚厚黏著塊皮, 未食己滯咗先.  薄薄的鵝皮夠香脆, 鵝肉鬆軟, 鵝味濃郁, yummy~係時侯食番碟清淡餸菜了, 蒜茸蒸絲瓜, 瓜肉蒸得剛好不過腍, 有爽口感, 蒜味濃郁, 要讚下那豉油汁不會過鹹, 所有加起來好

大角咀這幾年也改變了很多，車房，工廠減少了，多了—些時尚的餐廳，今天改吃中菜，此酒楼其實都很方便，由旺角地鐵走過來不用10分鐘，坐下看見燒鵝不錯叫了例牌，燒鵝好正，皮下沒有一層肥膏，皮 脆上湯龍蝦煎米粉，米粉煎到脆脆加上上湯非常之入味，龍蝦兩隻 鉗啖啖肉yummy,如果龍蝦再大Ｄ多肉Ｄ就好啦！陳皮蒸鮑魚，鮑魚比想像中大隻，蒸時間剛剛好，又非常有彈力加上陳皮的香味回味無窮帶子草菇炒時菜，不過不失蒜茸蒸勝瓜，勝瓜非常之甜美，加上小小豉油及蒜茸食指大動店家送上燕窩椰汁糕，椰汁香濃甜度適中，非常之豐富的—餐。

有晚去左大角咀果邊搵食想話食下 local 中菜，見到幾旺場就不如試下呢間啦咁！先嗌個乳豬， really 係堅正，皮做得幾脆又香加埋啖乳豬海鮮醬， yumzz佢個冬瓜蛊都幾唔錯，夠大份，掂！天囗熱食返個冬瓜蛊靈舍正，有蝦又有豬肉有蟹肉，足料～想食啲海鮮，叫左個瀨尿蝦，classic 椒鹽瀨尿蝦隻蝦大只到有西貢食戈d咁大隻炸到金黃色卜卜脆肉質彈牙爽口！另外個蒸扇貝先正，大隻到呢。。。粉絲舖面好味～ 又炒過香䓤入味，滿分！講到奢侈，都不過於個粟米班塊人用石班佢用龍躉！犀利～ 食落有咬口又香，同時不失粟米甜美～燒鵝例牌個鵝脾真係幾有肉地，而且皮又脆，爽！最好就係個紅豆沙！不會過甜、超好味起曬沙！

自大學畢業後做野都兩年幾了，好少同屋企兩老出街食飯，佢地成日前都想同我荷包慳d，且覺得街外飯始終未及屋企好，今日繼左下年約，加左人工，決定帶佢地去威番晚。放左工由奧海城行過黎都幾方便，落橋後遠遠便見到閃令令既招牌。酒樓分左上下兩層，我最愛食飯送電視。餐前小食炸魚仔好好味四個人食左都幾多野，唔怕啦，間唔中食豪d！大熱天時，先叫個冬瓜盅解解暑幾有睇頭，擺曬d料o係邊，見住店員逐一將他們推到瓜內，然後見到一碗滿滿的放到自己面前冬瓜湯清甜加埋材料十足，又有蟹肉，蟹柳，帶子等，絕不馬虎冬瓜肉燉到索曬d湯精華，可以食多幾碗肉去水腫燒鵝皮夠香但唔係好脆，不過包著鮮嫩既肉，帶埋少少肥膏，無so味得黎，香滑多汁，一d都唔韌。乳豬帶陣陣炭燒肉香，皮爆花，口感香脆，肉質唔會太肥或太瘦！瀨尿蝦炸得好鬆脆，差d想食埋d腳同殻，炸得很乾身，正!最好味係d避風塘蒜粒，香氣撲鼻，咸咸香口好想叫碗粥.蒜容粉絲蒸元貝大粒過我手掌，最鐘意粉絲吸曬味龍躉片粉薄乾身，炸得香口，最鐘意粟米醬，甜甜，食薯條咁東瀛一口牛，牛肉肉質鮮嫩無渣，咬落都好juicy，火喉控制很好，核桃好蜜糖，甜甜可口清清淡淡，消油膩感!晚餐兩老滿意，我也感