秀 (已結業)

近年韓國食物盛行，很多其他國家的菜式被比下去，而韓國食物口味傾向辣和香口，實在令人難以抗拒。是晚約了朋友到這裡回味一下韓式風味的食物，雖然我已經在香港了。六小碟: 味道不錯，但不能與韓國的相提並論，泡菜只有辛辣，沒有任何味道可言，其他的平平無奇。泡菜炒年糕:有點兒過辣了，連我平時可以吃辣的人都吃了幾塊便要止步。水冷麵:味道清新，麵條煙韌，夏天吃最好不過了。海鮮石頭窩飯: 伴菜和飯很多，但沒太多海鮮；飯也做不到飯焦；而且伴飯的辣醬太辣了，不是像是在韓國嚐到的可口。芝士玉子燒:"芝士怪"必試，芝士味非十分濃，不過適中，而且一送到桌子時，中間的芝士已經湧出來了，軟棉棉，熱辣辣，一定要試一試。

剛從首爾回來，愛韓食的我仍念念不忘韓式美食。於是即興找朋友相伴吃韓食。一向覺得香港的韓食餐廳不錯，而秀也没令我失望呢。六時多到餐廳，當時人不多，但陸續有訂位客到達。難得是我這walk in客也即時安排到位置，即時加分。餐廳的裝潢很貼近韓風，走年輕路線，店不大，空間較少。較有趣的是不少店員是韓國人，招呼我們的是操國語的韓女，我想是朝鮮族，感覺真像在首爾旅遊一樣，當地的店總有這類侍應坐陣的。以ipad點菜，菜式選擇不算多，但很正宗，流行的炒辣雞，炸雞，年糕，步隊鍋都有，還有啤酒雞。其實店內除了一位侍應能操流利廣東話外，相信只有韓女侍應的溝通能力較高了。她很用心地推介美食給我們，但最後都是由我們自己發辦好了。前菜很快奉上，六小碟，泡菜大豆芽必有，醃茄子等也不錯，說實話香港韓食店的前菜大部分都很豐盛且質素不俗。緊隨的是熱辣辣，鐵板吱吱作響的烤牛肋骨($208)，侍應幫我們把肉切好方便進食。份量特外，少說也有十來塊牛肋骨，而且十分肥美，醃過的牛肉鬆軟帶甜香，牛脂滿布，美味而邪惡，忍不住吃個清光。不用自己燒烤着實十分方便，可惜此道並沒付上生菜等佐食，此乃敗筆。(餐牌上建議配水冷麵，現在想起來也很合

有朋自韓國回，替她接風洗塵。她很捨不得韓國的美食，所以特意選了金巴利道的秀韓國餐廳。提早幾天專程去訂座，卻發現不設預訂。一想到平時大排長龍之像，正想打退堂鼓卻發現門外貼了告示，說在幸福中心開了分店，可以訂座！馬上就訂了四位 當晚去到，第一時間還以為自己去錯地方。比起總店，這裡的陳設明顯比較西化，最驚訝的是，晚飯時間，全場只有三枱客人，尚餘大量空位。這與總店的一位難求也未免差太遠了吧？姑且又試一試分店的水準吧，這裡沒有一般的餐牌，客人用IPAD瀏覽菜單。菜式似乎與總店有些不同，點了幾道招牌菜，部分的賣相與總店也有些不同，這真的是分店嗎？先來前菜六小碟，當中我最愛吃中間的涼拌波菜，不辣，應讓是加了麻油和糖，甜甜的，很香，作為前菜很適合，所以我們很厚顏地要求添了三次韓式蜜汁燒牛仔骨，個人覺得全晚最讚就是這個牛仔骨，肉很多，甚至有點像牛排了。店員很細心地把肉剪開，吃起來很方便。鐵板也牛肉煎得有一點點焦，加上蜜汁，下飯就最合適芝士蛋捲，蛋捲厚度適中，中間的芝士多得都快流出來了。芝士味很香濃的，一定要趁熱吃！水冷面，夏天吃韓國菜必點水冷面，冰冰涼涼的。蘿蔔和青瓜都是醃製過的，酸甜適中，很爽口。韓

韓風太勁~宜家去邊好多餐廳都要大排長龍而選擇呢一間~係因為佢可以訂位, 而且有炸雞食~~~~係韓國食過一次後, 就好懷念韓式炸雞~因為真係好好食架~同香港的炸雞是不同的~~~~~~~我地BK 了7:00但7:30先去到~不過好彩, 未有好多人~~~~六款前菜~泡菜永遠是我的最愛~~~~~韓式炸雞~有兩款味, 原味及甜辣兩款都好好食~甜辣吃第一塊時, 並不覺得辣但愈吃愈辣~~芝士玉子燒~酷愛芝士的人必吃~軟棉棉~中間仲有好多芝士襯熱吃的時間, 仲可以拉出一條芝士絲~~~~炒年糕~好食~年糕好入味夠辣~

第三次再黎食, 唔使排隊, 7點鐘呢個鐘數得2枱人食。兩個人一共點了2樣食品, 一個係餃子年糕湯, 另一個係我最愛既牛肋骨煲。6小前菜：太辣太鹹，如果可以少辣少鹽最好，無辣個啲豆芽就正常餃子年糕湯：個湯都幾香濃，餃子內是豬肉碎為主，有啲辣的, 有啲唔辣, 個味都幾好。年糕就唔算多, 其實全部加埋唔知有冇十舊, 煙煙韌韌, 都幾好咬口。牛肋骨煲：保持水準， 不過冇第一次食咁驚為天人, 因為冇咁香同咁淋, 不過都好食, 特別係啲蘿蔔好入味~如果啲waitess 反應快啲同面口好啲會好啲...

好想去韓國好想去韓國呀呀呀呀~~~但...... 應該有排都唔使出國lu........ T_T不過都係開心事黎既~遲下先講, 呵呵~為了止止癮拉著簡生陪我找韓食但真的間間有點名氣的都排晒長龍......而我們又真的太不喜歡排隊等......所以求求其其找了家不是太多人的韓國餐廳 - 「秀 SU: 」誤打誤撞之下又有一點驚喜~位於尖東區的幸福中心地下不是很熱鬧的那邊, 但又不算太難找~店子一般大小十來檯客人, 多數4人檯是用ipad作為menu的喔!!!!!!!!! 好潮XDD少不得的韓國前菜!!!!! 六小碟~~(我都把它們KO晒了)一定要推介這款 - 芝士玉子燒!!!!!!熱呼呼的芝士, 仲有流心效果!!!!! 超級無敵好食呀!!!!!!!!!韓式牛肉飯, 味道有點淡, 如果加些泡菜, 有點辣辣仲好味呢~~是傳統的韓式炸醬麵!!! 其實小女未食過的~但成日見running man佢地都會點這種黑黑的炸醬麵, 跟上海炸醬麵是兩碼子事喔~~~~個人覺得都不錯吃~~麵很Q彈, 醬汗好濃厚!!不過太大碗了~~ 吃不完喔~~~這間 秀SU: 的東西都很大份, 建議4人來吃會好點一來可以試多點

星期五晚和朋友A 想到韓式餐廳進餐，順道慶祝轉工成功。正當頭痛之際，在幸福中心發現一家不用等位的"秀"，馬上進入。我們點了三個菜：炸雞炒年糕、牛肉炒粉絲和煎餃子。一入口，我們有種被"坑"的感覺，吃不出韓味，而且質素下等。炸雞炒年糕 (3分) - A 說炸雞用椰子油炸，像n年前的jolibee 炸雞，很硬，怪味。年糕的口感也不好。牛肉炒粉絲 (6分) - 尚可，但粉絲是很零碎的一撮撮，顯示廚師功力不夠。煎餃子 (5分) - 沒特別，但外皮太硬。以$500多元的價錢來說，一點的期望最後變成很多的失望。加上服務員的態度欠佳，一次中伏夠了，沒有下次。走的時候，我們也明白為何輪桌的炸雞也剩下一半。

星期五晚原本想去韓國街搵韓國野食的, 點知間間都好多人, 行下行下就去左尖東, 傻下傻下就入左黎, 其實有好多signal叫我唔好入黎食的, 點知都係衰左, 仲要幾貴下....signal 1: 全世界都要排隊, 呢間偏偏唔洗signal 2: 明明食韓國野, 但全間餐廳都係外籍員工 (唔係韓籍喎, 係唔知菲律賓定印尼), 除左一位在廚房的疑似香港老細之外signal 3: 點菜前, 左邊隔離枱亦準備埋單, 見佢地食淨大半碗麵和好多炸雞, 當時心唸佢地真係浪費食物, 但到最後我地食完就當然明白啦!炒粉絲: 要成一百蚊一碟, 味道正正常常, 應該任何一個香港foodcourt有韓國野食賣的都有咁上下水準 。炸雞拼炒年糕: 一野夾件炸雞食先, 咦, 乜咁硬嘅! 另外仲有陣好熟識嘅味, 唸左好耐原來就係那間有小蜜蜂做logo的快餐店, 那間是有名的菲傭姐姐最愛, 熟識嘅味應該就是椰子油的味道了 (而我不知道韓國菜原來會用椰子油的) 咁特別嘅炸雞, 我地真係食唔落。至於年糕我唔comment, 因為我不吃辣的, 但我朋友就話麻麻。炸餃子: 同炸雞一樣, 硬嘅!3樣野埋單HK$53x。今晚浪費了

韓菜癮起，捉吾太好韓菜嘅男友食番餐xd 聽朋友話依間韓國野好正，所以真係幾大期望，但係實在未夠班，阿利水絕對贏左！先試前菜，個茄子幾好食，其它不太特別。要讚一下佢嘅服務，佢會好細心甘幫你剪啲牛肋骨，其後嘅粉絲都係。先講配角，啲羅白同冬菇炆得好淋好入味，好味道。至於主角牛肋骨，太似牛腩，明明係其它韓國餐廳食嘅都吾係甘架，以牛腩嘅角度黎評論係好淋同入味嘅牛腩，但我認知嘅牛肋骨並吾係甘羅。都幾有鍋氣，個汁都吾錯。全晚最有驚喜係依個餃！食落少少辣，炸得都幾香脆，會想食多幾夠！價錢偏貴，食物未夠班，無下次啦。

本來去另一間分店～但因為太多人而轉去呢間分店去到有好多吉位 可能係個位置比較偏僻同朋友兩個人叫左3款～玉子芝士卷真係比出乎意料地好味～熱烘烘上枱入口軟綿綿一流！仲叫左石頭飯同泡菜煎餅～泡菜煎餅啊好煙um 口感好好！石頭飯超級大兜。。我地兩個叫3款+6兜前菜食剩好多雖然價錢唔算平～但以質素來說物有所值 讚！

這年內韓式餐廳數目大幅增長，這次在云云選擇中選了<秀>。當天訂了830PM的位置，不用等位便入座。店內位置不多，大概能容納60人左右，特別之處是店內都貼有BEWARE OF DOG的標誌，也許這店是容許狗隻進內吧。以i-pad作menu亦是大勢所趨，既方便又環保，若然能以i-pad直接點菜會更方便吧。是次點了4道菜:順帶一提，服務員的態度真的要改善。一，雖然座位有限時，但不應以不斷收拾桌面的方法來摧促客人埋單，善意地提醒時限差不多便可以。二，整晚來說服務員都沒有笑容的，感覺上就是趕下班的樣子。整體而言，店內環境不俗，食物質素一般，味道偏淡。若然服務沒有改善，也許會很快被比下去。

韓風依然係我身邊吹呀吹...而家約朋友食飯, 大家都係諗左食韓國野先, 今次亦都唔例外, 試下尖東間"秀"啦, 本身想係tablemap度訂位, 但唔知點解揀唔到個時間, 可能係揀星期五關係特別full, 打去訂要講英文, 初初以為係韓國人...去到原來唔係...似係菲律賓姐姐...又係要分兩段時間, 一係就7點到8點半, 一係8點半食到收舖, 其實都好討厭呢個時間, 7點又太早, 有d朋友未收工, 8點半又太晏, 放工又要搵地方hea....最後揀8點半啦, 唔想趕住交台...我估大部分office做既人都係有咁既諗法掛...8點3去到都真係無台比, 要8點半入去就有喇...暗暗環境, 都可以有幾張大台, 我地今次一行6人,可以食多d...用ipad做menu, 又環保又清楚有相睇, 唔會叫錯野啦...大部隊鍋, 其實個名唔係咁, 不過我見食d野似係...我地叫左個大, 都見台台緊係有一鍋野食緊, 眼見一堆粉絲,一堆芽菜,好似唔係好多料, 個湯又淡淡咁...滾起左撈一撈, 原來有個底有好多泡菜,一溒個湯都轉晒紅紅地色喇, 仲有好多腸呀, 餐肉, 年糕, 豆腐咁...不過我唔係咁欣賞食

唔知係唔係間餐廳唔識用openrice; 明明網上訂位都話冇記錄; 真係怪人怪事不過好好彩; 佢唔係FULL晒; 仲有位可以坐.....呵呵環境 : 唔錯 雖然餐廳細細 但唔會覺得有太逼感覺 亦很清潔服務員 : 2位 貌似韓國侍應 以英文溝通MENU : 以PAD機展示食物 非常簡潔清晰 但種類唔多

睇左食評而黎的, 雖然評價唔多但冇負評!位放尖東, 地方唔難搵, 不過係商場走左一圈先搵到.去到原來咁細間! 招呼服務一般般。2個人點左牛肋骨煲同雜錦飯。前菜6小碟: 由於我們唔食得辣, 所以只食左唔辣的, 蓮藕都幾入味~其餘都唔錯牛肋骨煲:點左最細份量的(2PCS), 一上台已經覺得都好大份, 2個人食算好多, 蘿蔔好入味好好食, 牛肋骨啲肉好淋又香~~十分好食! 必食!雜錦飯: 份量都好多啲, 呢個就普普通通~隔離台食啤酒雞, 好香好得意~~可惜我們食唔落~下次會再黎食其他野~~~

睇完啲食評，抱住好大期望嚟試。1. 炸餃子。本身係要炸泡菜餃，但係啲侍應又唔係好識英文，我更加唔識韓文，所以食咗呢個普通餃子。冇特別，叫第二樣嘢食好過。2. 炒粉絲。唔錯，好多餸，如果粉絲多返啲會更好。3. 牛肋骨年糕。牛肋骨可以揀份量，要兩條三條四條都得。我哋要兩條，份量都多到食唔晒 。牛肋骨幾好食，啲配料白蘿蔔都好入味。年糕得四條仔，又出奇地俾咁少~4. 泡菜餅。個餅煙煙 un un，口感似糯米，唔係我食開嘅 texture。好唔好食就睇你鐘唔鐘意呢個口感啦！總括嚟講，啲份量好大份，我哋一行三人食完全部要打包。食完個口好渴，味精都幾重，最大嫌疑應該係牛肋骨。坐得都舒服，不過坐正廚房前面，窗外仲有大盞燈射到應一應，一路食一路出汗。有得 book 枱，記住唔好坐窗口嗰邊。服務唔好架，韓國餐廳係咪都係咁上下招呼？