秘 (享成街)

營業中

休息中

🥩黑松露吉列牛💰$148，+$38升級晚巿套餐，配秘之飯素🍚，楓糖溏心蛋🥚🍱蒲燒原條鰻魚飯💰$98⚡️隔一段時間就encore嘅🐮荃灣秘•吉烈牛，依然咁好食，今次特登試咗黑松露款式，不過黑松露味冇想像中咁濃🤔不過肉質依然軟嫩富有牛肉嘅鮮味，店員都好細心咁不時幫我地更換火種同清理鐵板👍🏻☺️下次想試下吉烈豬扒同小食🤤⚡️蒲燒鰻魚飯依然高水準👍🏻$100內食到厚身嘅原條鰻魚真係好難得🥰所以每次黎都一定會點黎食🤤

✿ 板燒安格斯吉列牛 $118秘係我由讀u起食過起碼十次既吉列牛👅佢地既質素遠遠高過”吉列牛忌廉烏冬專門店”同”日本野”既吉列牛set 秘既性價比仲要高好多添!!秘既吉列牛既份量好多 採用咗美國安格斯牛肉🥩所以肉質軟嫩亦都好重油脂感 燒之前先用附上既一小塊牛肉脂肪抹抹鐵板 咁放喺上面煎既牛肉就唔會咁容易痴底 吉列牛既皮炸得好香脆 本身吉列牛已經用咗鹽同黑椒調味🧂味道啱啱好 煎到七、八成熟就食得 唔洗再點佢提供既照燒醬汁都已經好夠味 定食本身包咗白飯同麵豉湯🍚 一啖吉列牛一啖白飯咁食真係好滿足*⸜( •ᴗ• )⸝* 評分ʕ •̀ o •́ ʔ 👅味道：♥♥♥♥/5 💰cp值：♥♥♥♥/5🤟🏻回頭率：♥♥♥♥/5

呢間好出名食石板燒牛肉嘅餐廳有幾間分店，今次嚟到荃灣試下先，店面沉色嘅木板外牆上面有大大個立體嘅「秘」字，幾有氣派，入面就係簡單工業風，空間唔大，燈光偏暗食物選擇唔多，主打都係石燒套餐、鰻魚飯同野菜鍋。午市包一罐汽水，另外可以加錢配定食(+$20)包括秘之飯素同一隻楓糖流心蛋。所謂秘之飯素就係白飯加紫菜碎、飯素同甜甜嘅日式醫油，但飯素太多略嫌偏鹹。溏心蛋半流心，蛋黃唔會過熟，蛋白較硬，麻麻地楓糖浸甜味，少怪。自助燒肉套餐一人一爐，可以慢慢邊食邊燒，鍾意生啲熟啲又得，而且燒嘅過程都幾好玩。價錢偏中上，份量雖然睇落唔多，但食落都夠飽_➤板燒吉列牛🐮🥓$118+$20外層預先炸好嘅美國安格斯牛肉已經切好一片片擺得好整齊，賣相唔錯，份量都唔少，有十幾塊左右。連埋一個細細嘅燒爐，燒前先用牛脂塗勻石燒板嘅表面，咁就冇咁易痴底，每面各燒幾十秒，七成熟左右就食得，不過掛住傾計，差啲燒燶咗😂吉列牛脂肪分布都幾平均，望落色澤質素唔錯，切得厚薄均勻，食落肉質鬆軟有油香，不過有少少筋。吉列脆邊唔會過厚，燒完都仲好完整唔會散開，食落香脆(尤其頭尾部分)，外脆內軟，正! 面頭灑左黑椒同鹽調味，唔使額外點任何醬料就

荃灣不嬲都多野食 而吉列牛好多區都有但依間朋友話唔會令人失望 會試過返尋味位置都算易搵 係千色店直行過搵球場就望到但記得晚市係5點半先開始 不過預早少少去等位都差唔多入到去坐低 睇下叫咩食 都5點9陸陸續續都有人坐低 過多陣已經聽到嗌飛果然唔講得笑 多人食到咁 令我開始有期待板燒吉列牛 $118+$38 晚市加配定食燒黑松露吉列牛$158+$38首先兩個套餐都加左定食 包括一碗飯加左秘製飯素,有一隻糖心蛋同一碗蘿蔔湯吉列牛肉質好粉紅 燒4-5下已經可以食咬落去外層係脆 裏面肉軟而黑松露有哂吉列牛既口感不特止再多浸黑松露味 煎緊既時候更加香不過應該最多煎40分鐘就唔夠熱再煎所以要爭分奪秒啊

相信大家對依間野都唔陌生，平時經過都會大排長龍。見咁耐冇食，突然間好想食吉列牛，就嚟咗依間食啦🧡🌈板燒安格斯牛小排 $118+$20（套餐）套餐包括左一份牛小排+有好多飯素嘅飯+糖心蛋+汽水食之前要攞佢比你嘅牛脂開咗個石板先，再將啲牛放落石板上面，自己調節適合嘅生熟程度～牛小排油脂分布好靚，有牛味，而且冇筋，送飯一流😍糖心蛋都十分入味，岩曬蛋控～成個套餐份量都好多，食晒都真係幾飽🤤如果女仔細食啲嘅，其實唔使加套餐都夠晒🤔我同行有兩個女仔都食唔晒 嘻嘻😜餐廳環境比較昏暗💡枱就比較細嘅，如果大啲就會坐得舒服啲啦～不過值得一讚嘅係服務員都好勤力幫大家fill着火嗰舊嘢🤣佢哋通常見你差唔多冇火嘅時候，就會主動幫你fill嫁啦

次次經過都見到排成長龍 今日突登早啲去 終於食到呢間人氣吉列牛餐廳!今次就試下佢地既吉列牛🧐🧐食吉列牛既好處就係可以自己控制熟成 可以每塊都成唔同熟度! 我平時食牛肉唔鐘意太熟 所以今次吉列牛都係煎大約10秒左右 牛肉食落牛味幾重 亦都唔鞋 因為唔係煎左好耐既關係 所以肉汁都足夠! 但如果煎再落啲 個焦香感就會再重啲 所以叫啲就要因人因異🤨但大家記住唔駛加餐啦 因為唔係太抵 加左都係得一隻蛋同飯素 就咁食吉列牛同飯都可以～

第一次食係五六年前表妹準備去美國嘅Farewell飯~ 由荃灣舖食到去佐敦舖，食親都係同一個set 😹👨🏻‍🍳🤳🏻 秘 • 燒黑松露吉列牛 定食 $158 + $38 （晚餐）❤️‍🔥佢地所有石燒套餐嘅肉都係切好一片片用碟上枱，會比舊脂肪你燒熱咗個石鍋再逐片肉燒嚟食🤤 外面好多石燒牛都係sell成舊牛擺上個已經燒緊嘅烤版上面上枱，其實覺得好難避免燒到一半啲牛已經開始老，我不嬲食嘢慢就會覺得燒到好大壓力驚食唔切😂 ，所以超級滿意秘嘅做法😋 咁多年佢地牛嘅質素都keep到，每舊嘅脂肪比例都平均，燒完會有牛肉香加少少黑松露香，點少少醬汁食一流🤤 碗飯有滿滿嘅秘之飯素，好好食!! ✨ 牛配飯食可以解下膩(/ω＼) 同埋佢嘅份量預得幾好! 我每次都食得曬同時會覺得好飽\(//∇//)\ 就係要呢種滿足感\(//∇//)\ 記得第一次食嘅時候屋企人嗌過豬同吉列牛燒，試過之後覺得都係黑松露吉列牛最好食!! 所以咁多年都食呢款😹 佢晚餐定食有3款可以揀，我揀飯+ 麵豉湯+溏心蛋 加$38，午餐就淨係有飯+溏心蛋嘅定食選擇~ 佐敦店只收現金‼️佢哋兩間舖嘅裝修到幾靚，印象中兩間舖係一幅大嘅木紋牆，上面有個喺

秘一直都想試下石板燒牛肉，咁就同男朋友2個人去咗荃灣風評唔錯既秘試下，獻出我地既第一次石板燒牛肉。餐廳既燈光好暗下，比人一種神秘感，但坐低既時候，睇餐牌都有少少困難。我地午市時間去，叫咗以下2樣野，試下佢先。板燒吉列牛等咗無耐就到，吉列牛既份量比我想像既多，大概有15塊到。牛肉係美國安格斯，油脂分布不錯，睇落十分唔錯 雖然牛肉比較細片，但我地2個人分就啱啱好。除咗牛肉，隨餐亦附送一隻溏心蛋，煮得啱啱好，雞蛋都好有蛋香。由於每個餐都附我上一個石板，因此大家可按自己喜好，燒出自己喜歡既生熟度。燒牛肉配上有飯素既白飯，好唔錯。蒲燒原條鰻魚飯蒲燒鰻魚飯整個擺盤幾靚仔，鰻魚都好大條好肥美下，上面有少少木魚碎同紫菜做點綴。整體鰻魚好肥美，但由於汁醬味道太重，味道過甜，亦食唔出鰻魚有烤過既味道。令成個飯打咗個折扣。

Passed by this restaurant many times and there was always a long queue, finally got a chance to try it out on my day off. We arrived at around 6 pm and waited for just 10 minutes for a table. The restaurant is quite small with just around 20 seats. We ordered the signature beef set, grilled sea eel rice and wasabi octopus with tofu. The beef was prepared half raw and you can grill it according to the degree of doneness you prefer. The texture of the meat is more of a chewy side instead of tender

• 秘·燒黑松露吉列牛定食 $178 睇到呢個post嘅你點都要食一次！😱完全複製日本味道💓😭😭真係好好食啊媽啊🙈上碟有10幾塊牛 賣相已經冇得輸💓 燒完放入口嗰下簡直係天堂 鍾意黑松露又鍾意食牛嘅一定要試！😎 唔係入口即溶但一定唔會硬😆 好香好香！不過食晒成set有啲滯同埋膩🥲唔使食晚飯啦😂• 板燒安格斯牛小排定食 $138 呢個同樣有好多塊牛同埋正賣相😍 似食緊牛角🤣 牛小排爆汁有油膩滿瀉嘅感覺😆 搭埋飯一啖食落去好滿足👻 ~~~同黑松露嗰個相比就冇咁惹味 不過食晒成set都唔會話好膩～🤍Ig : @dinewithpisces

啲肉好好食可以慢慢食，唔洗怕牛肉好快熟會變老，啲肉唔使加醬都好夠味，加左就係另一種風味，食幾多整幾多，飯素飯都好食店員服務態度唔錯，唔會嫌客人煩個爐熄咗，會幫我整返，平時好驚煩到店員

成日都見要排隊， 有一日特登係佢開門時間黎， 不過都要齊人先入得。 開門時間黎基本上唔使排隊， 好快可以坐低吉列牛係呢度必叫之選， 基本上枱枱都叫， 吉列牛份量好多， 成十幾舊， 真係超級抵食， 而且量多同時質素都係水準之上， 咁既價錢真係值得encore!!!個吉列好脆， 牛有牛味， 難怪咁多人幫襯！一個set 食完已經好飽， 下次多d人黎希望可以share 其他野食試下係唔係一樣咁高質而家愈開愈多分店， 銅鑼灣都有， 對港島人好方便～

看不到裏面 充滿神秘感的「秘」🤫就咁經過睇門面 未必會知道食啲咩 有趣～🔖 板燒吉列牛吉列牛份量都幾多 沿著碟邊圍得滿滿的ꉂ(ˊᗜˋ*)首先將鐵板上的一粒小肉 擦混了鐵板的表面分泌出嘅油脂令之後燒肉會無咁易痴底💖加咗$20要秘之飯素和楓糖流心蛋白飯加飯素是完美配搭 簡單而好味流心蛋中間晶凝通透 仲要原隻 呢個價錢都幾抵!!🔖 秘燒黑松露吉列牛選用新鮮黑松露加上日本麵包糠酥脆嘅外層加入黑松露 顏色對比很強烈呢比原味嘅口感層次更豐富呢🥳 但略嫌松露的味不夠突出 如果有埋松露香會仲正值得一讚的事 店員非常貼心 會留意著你的火爐竟然會比進食者更快察覺火快熄滅呢😂 勁!

難得早放工，專登提早去食吉列牛，平時晏左排勁長飛先有得食，今次等左5分鐘就入列去，吉列牛嘅外皮好似吉列豬扒咁，入面就係要自己燒嘅牛肉，夾埋一齊口感好有趣，飯素飯都好好食，就咁食唔駛用肉送飯都得

除夕天想在荃灣揾食，在開飯喇找到"秘''，决定一試。小店隱身於車房林立的横街，幸好不太難找。大概1:45 pm入座，免等，有運。【板燒吉列牛定食】：原以為跟在京都吃過的類似，可以直送口腔，卻原來要先在石板上燒一下，生熟程度自決。份量頗豐，共有十多片吉列牛肉。先用牛脂抹勻燒板，卻想起煮豆燃豆箕，莞然。入口肉質鬆軟，周邊的吉列香脆，加上醬汁，平衡得宜，好吃。飯也精彩，摻了飯素和紫菜條，一大碗的，再加一隻糖心蛋，不怕不飽。【浦燒鰻魚飯】：長長的鰻魚豪氣地躺在白飯上，先聲奪人，鰻魚燒得剛好，油脂豐裕而不膩，滋味不俗。【芝士吉列豬柳定食】：較失色的一道菜，豬柳份量頗大，但炸得硬梆梆的，肉乾味寡，要沾上芝士汁添味，但兩者未能互補不足，格格不入，個人覺得沾牛扒汁更好吃，大兒子吃了一半便放棄。 【後記】：不明白店員為何堅持，要顧客先點菜才能進店入座，有點狼狽。通常試新店，都會看看左右吃什麼作點菜參考，但這招是次不管用了。