第一腸粉專賣店

營業中

休息中

千萬莫點「招牌腸粉」，除非你中意創新。這就是北京的豬肉韭菜餃子餡料，配上港式腸粉，出奇詭異。一年之前路過吃過，踩過雷，今日又忘記。印象裡叉燒腸粉還可以，總算像手工做出的薄軟狀，不似那種厚厚的機器壓的。腸粉店無炸兩，粥種類只有一種且太鹹。

收錢大嬸黑口黑面，問她招牌腸粉是什麼，細聲回答豬肉鬆，毫無眼神接觸。因我不喜豬肉鬆，再問一次是肉碎還是肉鬆，這才聽到她不耐煩的答肉碎。食物味道再好，已令人不想再來。

自從冇返工之後，日日lunch都唔知食乜，但同時又唔想食得太飽，見今日去開太子，突然諗到去呢間第一腸粉專門店。呢間曾經入過米芝蓮推介名單，實在值得去試試！其實佢地既service都唔係特別既好，不過食餐飯啫，冇咩所謂啦！佢地都有盅飯供應，不過自己個人就最中意叉燒腸同蘿蔔糕了！佢地話腸粉最重要夠軟夠滑，限定腸粉蒸一分鐘，確保唔會過熟，而我最中意佢地既腸粉整得夠薄，食起來非常夠滑！而蘿蔔糕佢地以蒸嘅方法，而且佢地既蘿蔔糕唔係切絲，而係切條的。一條條粗嘅蘿蔔夾喺入面，超級足料！加埋豉油，好好食的！去到太子附近食條腸粉當下午茶都唔錯啊！

剛剛同老公去食腸粉，一坐低有個短頭髮阿姐過嚟執枱，我即刻同佢落單，想快d有得食，因為真系慕名而嚟，而嗰個阿姐亦有回應及重覆我的落單，點知等咗好耐都未有，我心諗可能即叫即做所以要等耐d，跟住有個長頭髮阿媽問我地落單未，我當堂着🔥，坐咁耐宜家問我落單未，我同佢講短頭髮阿姐幫我落咗單， 點知個阿姐話我冇落單，我真係好嬲，你漏單咪認囉，仲要賴我冇落，個樣仲勁串，呢間野我以後都唔會再幫襯😡😡😡😡😡😡😡😡😡😡😡

夜晚十點左右同男友去揾野食，到太子位置試一試呢間第一腸粉~腸粉試左叉燒，牛肉，招牌 同埋 豬潤， 腸粉係滑既，牛肉最好食。另外試左第一粽，感覺好鬆，一d 都唔實正，無咩鹹料咁。鴨腎豬骨粥，鴨腎切左粒，都叫有d趙口，粥都綿既，不過密度唔高啦~

一般單一所謂特色食店通病（例子：九記牛腩、未收購前既灣仔克街靠得住），以為自己煮得好好味，收錢果個好似驚你食佢唔起冇錢俾，或你唔識欣賞佢味道，要高檔就唔好開係太子呢D平民區第一儍：佢地叫咸肉儍，但係冇肉既咸肉儍，粒咸蛋黃得半粒，仲要飛左半粒出黎，而唔係係儍入面，豉油冇特式，只係倒出黎既普通蒸魚豉油（如果你食過大坑民星冰室既蒸肉餅，就知我講咩，人地特色係呢樣，仲要唔係貴）叉燒腸：只係普通粥麵鋪既味道級數蘿蔔糕：食落以為好特別，只係將一舊蘿蔔打散，砌返一舊落豉油，食落叫非一般蘿蔔糕，實際係普通一舊蘿蔔加豉油，香港人就係以為非一般就叫特別，但識煮飯既人就知成本平幾多，時間慳幾多申利：住附近，食過一次唔會再食

行過諗住試下入去坐低睇左陣餐牌想叫野食無人理然後條收銀（可能係老闆）掛正在鬧個侍應姐姐侮辱果隻個姐姐唔係唔做，慢啲遮駛唔駛咁？算！我已經伸手好幾次都係無個人理。好，我向條侮辱人既收銀講「麻煩寫啲野」佢好L 忟咁講「轉頭先啦！」得！我入黎唔係想聽你點侮辱員工，亦唔係受你氣。我唔係食你十萬九千七，我只係想心情好好食野。你啲野好唔好食，我唔想知！但我肯定知你個人好無品！Anyway. 起身走！你比心機啦！祝你門庭冷落。

早收工同妹妹食晚飯，睇到介紹講呢間腸粉店我同妹妹都想試一試🤗店面幾乾淨企理，價錢實惠。首先，一人叫左碗菜乾鴨腎豬骨粥～粥底夠綿，證明都幾有火候，菜乾當然地同鴨腎好夾😌平時煲湯都會咁樣配搭。鴨腎碎上舖係面頭，幾易入口⋯整體味道岩岩好，唔需要再加調味料已經好夠👍🏻到主打”腸粉”喇～我地因爲想試多種口味叫左牛肉 拼 招牌 口味，佢雙拼係前後放不同材料咁樣，腸粉都真係皮薄餡靚，白雪雪滑嘟嘟牛肉腸粉不用多說，招牌腸粉內裡有肉碎同菜圃，有新鮮感！另外叫呢個蘿蔔糕～我同妹妹一致都覺得好鍾意❤️開頭一見到咁大舊都好驚食唔晒，最後我地清晒☺️☺️蘿蔔糕入面係有一條條蘿蔔絲，口感清爽，而且無一般蘿蔔糕厚重既感覺。呢個質感會比平時淋身，入口即溶，所以食多左都唔會膩，上面仲有d蝦米好香架😌叫呢幾樣都認為係有水準既會再幫襯，而且又抵食！

食物係令我想返去再食，但操手問題我食嘢留低袋嘢，打返去話有，叫我返去攞我話冇咁快佢又話得……點知到我真係去取的時候話冇……所以不誠實令我不會再去，大家小心隨身物品

平安夜睇完戲有D餓，同BB豬搵食又唔想被西餐打刦，所以選左食地道野~我真係個賢惠的女友啊～今次係第二次幫襯，腸粉唔洗講，一定要食之外，重點再試埋豬骨粥同埋蘿蔔糕同埋粽。先講個粽，多黃豆少米，正~我最喜歡~不過BB食得鹼水味，話佢包得唔好，入左鹼水，影響左味道。蘿蔔糕D蘿蔔並唔係打成蓉，而係切成方條加粉蒸，都幾保留到原味。個粥明顯唔係第一腸嘅強項，偏咸，而且粥底唔夠甜，帶唔出個味道，不試也罷。上菜非常快手抵讚~

People said this shop is famous for the steam rice rolls and awarded Michelin Stars. Ordered 3 dishes to try. 招牌第一拉腸The ingredients is 菜甫 and 豬肉. The rice roll sheets were smooth, thin and elastic. The taste was sour, not sure because of the 菜甫 but I don't like taste of it.Steamed turnip cake and green bean dumplingTurnip cake was soft and elastic. Would be better if the soy sauce came in a separate plate. The dumpling rice was very soft and salty.Would like to come back to try other rice rolls.

哩幾日食得太豐富， 今日嘅午餐想食得清淡一啲。 所以專程去咗第一腸粉食腸粉朋友就叫咗第一腸粉， 原來呢個招牌第一腸粉入面係有菜脯同埋肉鬆。 因為我本人吾鐘意食菜脯， 所以呢我就自己叫咗另外一碟叉燒腸粉叉燒腸粉都唔錯😊 而且我最鍾意就係腸粉入面冇葱冇芫茜😎 另外腸粉皮都好薄好滑👍👍 值得一試！仲叫咗蒸蘿蔔糕。 坦白講， 蘿蔔糕入面就冇咩鹹㗎啦， 但就好足蘿蔔， 食到好多一條條嘅白蘿蔔， 真係所謂嘅好有口感🤣叫咗碟菜全走， 可惜發現碟菜嚟到嘅時候冇走到油同蠔油。兩個人呢個午餐總共食咗84蚊， 算唔錯！

行落太子地鉄站附近來個下午茶，見到自稱‘第一腸粉專門店，當然吾會放過佢。1. 菜乾鴨腎猪骨粥粥底可以，有菜乾香但卻沒有豬骨香味和甜味。主要是因為吾系燒豬骨，欠缺靈魂！加了鴨腎，吃粥時添了些咬口，不是重點。2. 薑汁豬潤拉腸腸粉屬於厚身煙靱型，豬潤新鮮，不過不失。3. 第一蘿蔔糕蒸蘿蔔糕，糕底偏實，好在中間有蘿蔔條平均番，如果是蘿蔔絲可能效果更加好。面上有點蝦米，裡面卻沒有！整體其實冇甚特色，集團式經營而已。

又黎到太子覓食，朋友想食呢間第一腸粉，幾前年是米芝連推介。今日係星期日，店內客人門可羅雀 。是熱潮過去，還是米芝連既魔力？餐牌。最後，點了牛肉腸和菜乾豬骨粥，因為外賣，唔記得影相。牛肉腸。沒有選招牌腸粉，因為朋友想食牛肉，我很喜歡牛肉，但唯獨不吃牛肉腸，因為唔喜歡爛爛的牛肉，但第一腸粉既手切牛肉粒腸我喜歡，選用手切牛肉粒，不是絞爛的牛肉，腸粉不夠薄，但算滑。因為外賣，豉油不夠多，少少攤凍了，建議堂食，先可以試到真正美味。3/5菜乾豬骨粥。淨係食腸粉點夠飽，第一腸粉既粥只有豬骨粥，可選菜乾或鴨腎，每碗粥都有一塊豬骨，食落充滿菜乾和豬骨香味，食完唔會口渴。3/5總括黎講，第一腸粉味道可以，我以前未食過，唔知有無退步，希望小店更努力提升或保持水準，才可以吸引更多人。

呢間腸粉絕對係好野，耐唔時想食腸粉都會搭車去太子解饞。睇舖頭名都知佢專賣腸粉，不過佢仲有其他小吃、粥同飯賣。兩個人去，例牌兩碟腸粉，加個蘿蔔糕、菜乾豬骨粥同埋豆漿。我最愛叉燒腸，腸粉皮算薄，好滑，好多叉燒，加埋佢製過嘅鼓油，我一個人輕鬆清到一碟。個蒸蘿蔔糕又係另一重點，我本身唔食蒸嘅蘿蔔糕，家人叫過一次我食左啖之後發現係寶。佢其實唔多料，只係得蘿蔔同少少蝦米，但佢嘅蘿蔔係原條切條，好有口感，而且唔會成口粉好似好實嘅質地。另外個菜乾豬骨粥加鴨腎碎喺面，好有咸香，仲有舊咸豬骨，一邊食一邊自覺好下火。呢碟牛肉腸，睇到皮好薄好多料，家人鍾意，我自己麻麻，因為有芫茜。埋單$101，又飽又好食，簡簡單單又一餐。