籠太子點心專門店 (已結業)

今日同朋友放完工嚟到筲箕灣東大街，突然今晚好想飲茶，出到去見到有間點心專門店，見到都好光猛，咁同朋友入去試吓，侍應帶我哋坐埋一邊一坐低佢就俾咗一大罐茶我哋，原來佢呢度係set咗全部都係玄米茶嘅，咁我哋一到出嚟都有好香嘅玄米茶味，清清地，我哋見到有個招牌就係鮑魚燒賣，咁我哋叫咗一籠有兩隻，之後叫咗個鳳爪排骨飯，跟住叫左個煎蝦膠釀茄子，上湯鮮竹卷，香滑反斗糕，蝦將軍炒腸粉，佢個招牌鮑魚燒賣好好味，隻鮑魚唔係話好大粒但係都係好有鮑魚味，最有驚喜係個煎蝦膠釀茄子，上面嗰層蝦膠好好味呀，好有蝦味同埋爽滑，另外佢個香滑反斗糕，都幾好味有少少似馬拉糕咁，今晚呢餐大概$160左右兩個人除反平均每人$80都幾抵, 另外呢度茶錢每人$3一位，同埋唔需要+1服務費，都幾抵😋😋

今日放假,兩個人黎左飲下午茶 呢度有位唔洗等~!即落單即蒸,等15分鐘起菜蝦肉腸拉 精緻切件上碟再淋醬油,每件都包一隻蝦仁每份5件份量不多,蝦肉大粒腸粉皮夠滑溜煙韌,蝦肉爽甜蝦餃 鮮蝦肉2隻,餃皮煙韌蝦肉爽甜多汁牛肚 幾特別係墊底係放烏冬!!牛厚切厚以黑椒醬汁調味再蒸香辣惹味口感彈口,烏冬好食吸曬辣汁味道!牛肉球 一客3件 大大球,有馬蹄粒同蔥花豆皮,又彈牙又夠香味糯米雞 大大件糯米雞,切開有雞肉餡,咸蛋等配料,足料又飽肚,想食飽一定要加蔥花牛柏葉 嫩爽既牛柏葉加蔥花蒸香,香氣濃但完全唔辣 口感爽口彈牙消費$200G/F, 14 Shau Kei Wan Main Street East, Shau Kei Wan

今日去完石澳，想好好地吃一頓好的。便與朋友到筲箕灣東大街的籠太子點心專門店吃點心。看見很多人都有叫荷葉蒸飯，我們便點了一個蒸飯和數個點心。荷葉蒸飯份量不少，而且飯粒充滿荷葉味。另外石斑十分滑，不像外面乾。另外有一道叫不是炸兩。有點像外面吃到的春風得意腸但是這個更好吃，味道較多層次這裏的蝦餃和燒賣有一個好處便是可以只嗌兩粒，這樣我們兩個人也能不用吃得太飽不論是蝦餃或燒賣，內裏蝦仁十足另外我們還點了金錢肚，排骨和叉燒腸。調味恰到好處，不會十分重口味，吃完也不會口乾下次來筲箕灣一定會再試一試其他點心

是夜有事到筲箕灣，在東大街尾見到此點心店，價值相宜，便與太座飲個夜茶。必點的蝦餃燒賣，皮薄饀靚，不太油膩，又可半盤奉上，不錯。薑蔥牛柏葉入味不過鹹，十分足料。蝦膠釀茄子，表皮香脆，蝦膠彈牙，加上香甜醬汁，香口惹味。翡翠帶子腸皮薄透光，帶子粒結實彈牙，加上爽脆菜粒，轉瞬清碟。這裏都有新派素食點心，素牛肉雜菌煎包，香脆微辣，同樣出色。油菜份量不欺場，表面淋上花生油，滑溜香口。點了一桌點心每人不用80元，質素又不俗，值得推介。

抵食新派點心  即係茶餐廳+點心既餐廳呢間點心專門店就新舊兼備 有大家食開嘅蝦餃燒賣 亦有唔少創意點心例如海皇芝士千絲卷賣相就已經夠吸睛炸到脆卜卜嘅麵絲入面係惹味芝士醬同彈牙蝦肉 配搭得宜 蝦肉鮮甜爽口另一得意點心叫不是炸兩咬落就發現腸粉包住脆脆蝦膠同西芹無論口感定味道層次都比真·炸兩豐富蝦餃皮薄蝦肉鮮甜多汁 蒸包火侯剛好,唔會包身好濕!叉燒餡香甜!招牌煎蘿蔔糕食到好多臘肉同煎得夠香口 !湯餃餡料係鮮肉同蝦混合,連皮連湯一齊飲平均消費$100評分8/10籠太子點心專門店筲箕灣筲箕灣東大街14號地舖G/F, 14 Shau Kei Wan Main Street East, Shau Kei Wan

今次食嘅港式點心店是位於筲箕灣，由於這邊遠離商業區所以價格較平民，亦是我選擇的原因。店裏裝修以簡單實用風格為主，店裏的座位大約容納40多人，中午的時間亦無需用太多時間等位。先是點了午市推介石斑荷葉飯配兩隻蝦餃，由於是即點即製的關係，錫返荷葉飯緊需等約20分鐘，石斑蒸煮得很滑溜，魚肉鮮味會不會太老，食落啖啖肉，加上炒飯底配上荷葉的清香，炒飯底嘅吸收了魚肉的鮮味及荷葉的清香，很是出色，令人再三回味。在等候的過程中我點了牛肉腸及叉燒腸粉，先說外皮，米漿糊又滑亦有米香，配上牛肉的鮮味及蜜汁叉燒的甜香，帶動了我的食慾提升。單純以午餐計，人均40-80左右便可以下樓，相當化算。

點都要寫到間好食既先XD 證明我懶左幾多... 仲有貨寫話說個日去峰G館，我都有諗過食呢間 但要排，所以放棄左，但男人又放我假唔洗我煮就話不如放工去食，所以就咁... 晚餐食點心!佢既點心係中規中矩啦，不過唔知係我個人煩躁，怕熱定點，我地都覺得食到好熱唔多想食鮑魚雞件籠仔荷葉飯 $49呢個真心好食同有驚喜，雞件雖然已變成柴咁，但個飯哂尐雞味同汁較得好，呢尐鮑魚仔又點會有味，都係靠個汁咁XD 呢個真係好好食，49蚊好抵食黃沙潤腸 $26已經好少食到，但亦因為咁我地無期望既，而turnout 佢就比較“鞋”但味係唔錯既香煎蘿蔔糕 $22無特別，但加左佢地既特製辣椒油就成件事唔同哂，所以我地都有諗下次食哂辣椒油可能同佢買龍太子蝦餃皇 $15正正常常流沙奶黃包 $24男人以為我唔食 但佢係少數既甜／包點我會食既，不過我食既時候已經唔流... 男人係一放落黎食個舊就流流地既多汁小龍包 $22小龍包唔算多湯，但都還好. 不過4隻有兩隻夾上黎食前已穿左，同埋其實無必要用咁多個錫紙兜鵪鶉蛋燒賣 $26又係出面已經好少見既點心，佢燒賣既肥豬肉比例比較少，我鍾諗，但如果再食到有肥肉個種，咁呢個唔太係你既預

Work from home 的一天，早上工作到2點先得閒食午餐，去左東區最多小店的東大街覓食。今日點心癮發作(姐偶爾就點心癮發作平時去完旅行返香港第一餐就一定食點心🤓), 揀左食籠太子點心。一坐低就有杯好足料的玄米茶蒜香蝦春卷-非常足料，入面全部都係蝦肉！-皮薄餡多，唔似坊間的皮厚得少少餡黑椒金錢肚-椒味濃，啲椒味入哂落去金錢肚度-唔會太淋，但完全唔韌蝦餃皇-餡好實淨，唔會一夾就散，皮都包得好精美，可以睇出師傅手功好好流沙奶黃包-真係做到流心！奶黃好香蛋黃味好滑, 餡一啲都唔少薑蔥牛柏葉-食材好新鮮，每一舊都大大舊好彈牙好爽-汁唔會太鹹，薑蔥味好出原隻鮑魚燒賣-鮑魚比想像中大隻，好有鮑魚味好彈牙-成粒燒賣食落好滿足!人均Around $100, 滿意的一餐點心。

工作關係來到筲箕灣, 已經到下午茶時間才食第一餐, 相比傳統茶樓, 新式點心餐廳比較得我心, 始終方便多了.餐廳裝潢都以鳥籠為主題, 都幾乾淨整齊, 店員服務都唔錯. 餐廳的茶是玄米茶, 比普洱/鐵觀音易入口黑松露燒賣光是上枱已經陣陣黑松露香味, 燒賣足料大粒, 加上濃郁黑松露香, 濃味之選煎蝦膠釀茄子蝦膠彈牙, 配上茄子多汁軟熟, 加上醬汁, 讚不是炸兩外層腸粉軟滑, 內裡有脆脆, 更有芹菜香海鮮蘿蔔煎薄撐煎得香口, 外脆, 蘿蔔絲的口感令整體提升, 加上特製辣椒油, 咸香帶辣, 令比較淡味的薄撐更惹味籠太子蝦餃皇外皮煙韌, 啖啖蝦肉, 彈牙美味鮮竹牛肉球牛肉球味道唔錯, 帶有芫荽香, 加上喼汁, 更出色咸魚肉餅飯整體唔錯, 落2圈甜豉油, 更美味總結餐廳有花心思於點心創新, 傳統點心亦有一定水準.

閒日夜晚去咗東大街揾食, 見到呢間點心專門店.之前食過銅鑼灣嘅分店, 見東大街呢間裝修好新, 相信係新店.七點左右嘅食飯時間, 基本上七成枱滿.點心種類齊全, 有傳統點心, 亦有新派點心.蝦餃, $15/2隻.皮薄而煙韌, 蝦肉多又彈牙!! 鮑魚燒賣, $30/2隻.呢款係我最鍾意又必點嘅新派點心. 燒賣彈牙又 juicy, 仲有d鮑魚汁滲落去.加上原隻鮑魚, 個人覺得cp值最高!! 小籠包, $22/4隻.傳統的一口一隻, 用咗細錫紙盤, 唔怕咁易穿, 浪費d肉汁.牛柏葉, $26.乾淨, 爽口,彈牙; 份量亦足.帆立貝籠仔荷葉飯,  $49.飯面滿滿的帆立貝!!!加上淡淡的荷葉香, 令成個加哂分!!叧外不可不試嘅, 係呢到嘅自制辣椒油!! 香辣惹味! 令點心口感更上一層!!其他推介:1. 呢到茶錢只收$3位, 無加一.2. 部分點心, 如蝦餃燒賣, 可以半籠上, 方便人少又想試多幾款點心.3. 點心即叫即蒸, 唔似酒樓點心車, 上枱時點心會凍哂.4. 無酒樓咁嘈, 裝潢食物都比較新派, 年青人啱哂.

相約老友記觀賞書畫展，但先祭五臟廟，喜歡嘗點心的老友記推介「籠太子點心專門店」。龍太子蝦餃皇~皮薄、蝦肉味鮮又爽口，美味的。魚肚水餃~足饀料的上湯水餃。吃過水餃，再嘗魚肚、上湯，口感很豐富。香滑反斗糕~小巧的反斗糕有點兒像馬拉糕，微甜鬆軟好吃的。流沙奶皇包~雖然不是很「流」，奶皇饀甘香甜美。布拉腸粉~我們都喜歡吃得清淡點，熱騰騰腸粉配豉油已經心滿意足。南瓜煎堆仔~剛炸好煎堆仔非常香脆，少許南瓜蓉很解油膩。辣牛肉雜菌煎包~它令我想起兒時的牛肉生煎包，牛肉與多款雜菌味道很配合，煎包的香味與微辣也令胃口大開！

東大街嘅籠太子之前食過覺得抵食，今晚再嚟幫襯，坐低叫咗佢哋嘅蝦餃同燒賣，可以嗌兩隻一籠，份量啱啱好，二個人分，唔怕食太多，蝦肉彈牙夠新鮮。上湯鮮竹卷連湯上枱，鮮竹好吸味，索晒個湯汁，非常好味。不是炸兩，腸粉皮包住炸脆及蝦肉，落咗豉油入口仲好鬆脆。名醬善蒸鳳爪，非常入味，薦底嘅瀨粉，索咗汁都好入味。蒜蓉排骨，勁多蒜蓉，仲有少少薑同乾蔥，所以好惹味！雪山叉燒包，外皮非常之鬆軟，加埋叉燒，甜甜鹹鹹組合幾特別。最後叫咗個糯米雞，份量非常之大，裏面嘅雞都係好滑，而且仲有粒鵪鶉蛋，兩人差啲都食唔晒。整體味道不錯，價錢公道，埋單$180算唔錯，街坊嘅價錢，點心都係即叫即蒸，調味剛剛好，點心算各有特色。仲可以加埋自家特製嘅辣椒油，混入炸過的蝦米及蝦乾，唔算太辣，辣味點到即止。

原來東大街有間坐得幾舒服嘅點心專門店價錢相當實惠$29就有原盅蒸飯，仲要可以坐得舒舒服服咁品嘗！呢個雖然寫住「特製辣椒油」，但係一啲都唔辣的鳳爪排骨飯好欣賞呢度嘅盅飯唔會好油膩排骨無肥膏㗎肉質一啲都唔鞋！鮮蝦菜苗餃水晶皮十分軟糯一夾起身好軟，食落外皮夠滑中間 係勁多嘅菜苗，真係好正翡翠帶子腸粉腸粉好軟滑，不過帶子味道就比較淡口！藥膳雞腳呢個100%推介藥膳湯底好濃郁，非常真材實料！雞腳煮得夠哂腍，又入味，軟骨位好容易咬瑤柱灌湯餃個湯好清甜餃子皮夠薄，中間嘅餡有蝦隻、瑤柱！蒜香蝦春卷春卷有啲失望，雖然外層夠脆，但中間第二、三層嘅春卷皮相信炸得唔夠透，食嘅時候有啲軟綿綿嘅口感….整個感覺不太好！

一向喜歡去點心專門店多過去茶樓，一來點心比較有新意，二來比較抵食。來到筲箕灣東大街的籠太子點心專門店，打開餐牌，有很多創意點心，例如impossible 植物牛肉點心，是我頭一次見的，供素食者有多個選擇。另外，魚肚水餃，海皇芝士千絲卷等都是很有特色的。點心最平十來廿元已有一籠，真的是佛心價。原隻鮑魚燒賣    $30/2隻原隻鮑魚躺臥在燒賣上，相當吸睛。鮑魚雖不算是太大隻，但很鮮味彈牙。燒賣彈牙有豬肉香，沒有豬肉羶味，而且內藏很多蝦肉。籠太子蝦餃皇    $15/2隻澄麵皮做得不厚，口感煙韌，內餡包了滿滿的鮮蝦，蝦肉鮮甜彈牙，不會霉肉。魚肚水餃 $22魚肚size 也不少啊，口感爽脆，鮮味不腥。連上湯都有濃郁的魚肚鮮味，真是令我喜出望外。一向喜歡喝「湯湯水水」的我，忍不住KO 了整碗。水餃就是典型的廣東水餃，餡料有有木耳，蝦仁，豬肉等，好爽口。鮮蝦菜苗餃    $23餃皮晶瑩剔透，可以看到翠綠的內餡，餡料相當飽滿，啖啖都能嚐到菜苗的鮮嫩，及大蝦的爽甜。瑤柱灌湯餃    $28又是一道湯湯水水的點心。上湯中有一粒瑤柱漂浮著，雖然size 不大，但$28 已有瑤柱嘆，已經是無怨言了！上湯的

諗返起細細哥學生時代返廣州放暑假係興飲夜茶，香港好似無呢種文化🤣🤣在香港如果夜晚想食點心都幾難，酒樓點心做到4點左右就唔做！上網搵嚇，原來在屋企附近有間點心鋪開到十點😚😚😚一於去食吓👍🏻👍🏻⭐️薑蔥牛栢葉⭐️$26從細食到大，好鐘意食牛栢葉，但而家好多酒樓都無得食！⭐️流心奶黃飽⭐️$24流心就一定，熱辣辣，蒸飽一定趁熱食😋😋飽皮唔厚👍🏻👍🏻⭐️黑松露燒賣⭐️$39黑松露既味香到成間舖都聞到，我都算黑松露愛好者🤩🤩燒賣豬肉係瘦豬肉，好怕食到肥豬肉☺️（另外發現，點燒賣既辣椒醬，好好味😋有蝦米既香味）⭐️原隻鮑魚雞件籠仔荷葉飯⭐️$49雞件好嫩滑，好入味，飯撈埋雞汁一齊食，好味都停唔到🤣🤣⭐️海皇芝士千絲卷⭐️$26外面脆卜卜既幼麵包住芝士同蝦❤️❤️口感好得意😎一路食一路失哂脆脆😵‍💫😵‍💫