籠太子點心專門店 (已結業)

*今日老公話帶我去筲箕灣東大街試下新嘢食,我哋嚟到籠太子點心專門店,呢度地方非常光猛,座位闊落,令人坐得好舒服🙏🏻🙏🏻*呢度的點心種類很有特色,而且多元化,價錢又合理,我哋試咗以下幾款點心😄1）帆立貝籠仔荷葉飯：熱辣辣的籠仔飯端上,大大籠份量十足,足夠兩個人吃,有十粒帆立貝鋪在飯面上,帆立貝煮得啱啱熟,不會太韌,而且很鮮味！飯是炒過的,帶蒜香味,飯既吸收了帆立貝的鮮味和荷葉的香味,吃起來更惹味,即使不加豉油也夠味。2）鮑魚燒賣：大大粒的罐頭鮑魚鋪在燒賣上,鮑魚彈牙煙韌,燒賣中的蝦肉也很彈牙,放進口中,燒賣的肉汁與鮑魚的鮮汁,配搭起來簡直天衣無縫,美味到不得了。3）瑤柱灌湯餃：大大隻的灌湯餃,薄薄的皮內包著鮮蝦和豬肉,吃起來很有滿足感,湯中有一粒大大的瑤柱,提升了湯的鮮甜味道,我把整碗湯也喝光了。4）多汁小籠包：薄薄的小籠包,外皮包着鮮嫩的豬肉和秘製的肉汁,粒粒飽滿,賣相相當吸引！放進口中即爆,湯汁肉汁在口裏四射,令人吃起來更滋味。5）籠太子蝦餃皇：蝦餃呈半月形,皮薄如雪,晶瑩通透,包著大大隻的蝦,蝦肉爽口彈牙,鮮味十足。我一口氣吃了三粒。6）翡翠帶子腸粉：腸粉用料相當豐富,每一條腸粉內

今天放工同老婆去东大街找食。大家都不约而同地对这间点心专门店有兴趣，可以吃到很多款的点心。药膳鸡脚$22: 鸡脚真系好有药材味，我老婆钟意，而我就觉得好有新鲜感。流沙奶黄包$24: 这点心做得好流心，面包厚度适中而且软软的，连同有咸蛋黄的流心咸，好味。煎虾胶酿茄子$20: 这味好香口又有口感。虾胶好味连同软绵绵的茄子，不错。笼太子虾饺皇$15: 皮薄，虾也不少，加上小小辣油，yummy。雪山叉烧包$21: 叉烧包同样做得皮薄，墨西哥皮连叉烧，松软好味。海皇芝士千丝卷$26: 松脆香口的外面包着半溶的芝士同虾胶，好夹，好味。甜品要了椰汁桂花糕$18: 不是好甜，赞。三层晶莹桂花糕夹着两层椰汁糕，好漂亮又好味。

今日去咗筲箕灣嘅東大街，好多嘢食，揀咗一間食點心嘅。試咗個原隻鮑魚燒賣，鮑魚比我想像中大喎，蟹子份量都唔少。再叫咗瑤柱灌湯餃，係我去酒樓必食咖啦，灌湯餃足料，加紅醋食仲正。晚餐有啲飯都好嘅，好彩佢哋有蒸飯，揀咗北菇滑雞飯，冬菇肥美，雞柔嫩。今晚好幸福，揀咗幾個甜點。椰汁桂花糕，桂花清涼椰子味香。香芒沙律盞，造型搶眼，以芒果醬點綴水果沙律。海皇芝士千絲卷，炸得金黃色，香口鬆脆，芝士味突出。其實仲想試多幾樣，但眼闊肚窄，唯有下次啦。

今日去左筲箕灣探朋友, 其實好少黎呢區, 所以都係朋友帶路覓食.佢介紹食點心專門店, 係屋企附近, 貪方便, 同埋啱佢口味. 入面都好大好寬敞, 座得好舒服. 點心都好多選擇, 而且仲有午市餐牌, 蒸飯+點心+湯或飲品都係$48, 我覺得超抵喎. 基本點心外, 仲有每日新品3款, 日日不同, 多幾個選揀.籠太子蝦餃皇超級皮薄餡靚! 個皮真係好薄, 蝦料十足, 仲好鮮味爽滑.瑤柱灌湯餃隻餃好大隻, 皮滑唔會鞋, 仲好足料, 又有瑤柱, 又有蝦等等, 湯底仲好甜, 成碗飲哂!雪山叉燒飽個皮超脆, 一啖咬落去超鬆化, 叉燒餡亦好香.鳳爪排骨飯排骨肉質好嫩滑, 配上蒸飯真係一流.鮮芒果布甸好味芒果味, 有個心形芒果濃醬, 配合埋芒果布甸, 勁重芒果味!

來自籠太子嘅驚喜聽倒同事講筲箕灣有間好正嘅點心鋪，我知女朋友鍾意食點心，於是收工之後就即刻帶女朋友過去試試。我地先試咗個原隻鮑魚燒賣，本身仲諗緊餐廳用素鮑拎個意頭，點知一啖咬落去，上乘嘅罐頭鮑魚從舌尖翻滾至喉嚨，當食落去嘅時候，燒賣本身嘅肉汁與鮑魚內在嘅鮮汁盡收胃底。兩者非常配合，係貨真價實，值得一試。之後就係多汁小籠包。當小籠包放入口中再輕輕以脷底一壓，薄薄嘅外皮瞬間穿開，湯汁即時在口腔內飛射，而且並唔會過份燙口，小籠包係師傅悉心控制火候下，做到入口即溶嘅境界。另外個雪山叉燒包都非常出色，叉燒肉拌勻嘅蜜汁香濃惹味，外面酥皮嘅雪山皮為整道菜加添層次，咬開叉燒包時便能感受到流沙餡的滑順質地。

最近去開筲箕灣東大街想飲茶，原來都開左間點心專門店而且一睇個價格太抵食好處就係早、午、晚都可以食到點心入面都坐得好舒服架，都幾乾淨企理藥膳雞腳 $22呢個真係少地方會食到而且藥膳湯味道好香濃雞腳夠軟淋而且每隻都浸得好入味真係值得去食，仲有個我就飲埋湯底夠滋補瑤柱灌湯餃 $28餃皮薄夠煙韌，仲有蝦、豬肉餡包住食落口感豐富、湯底味道夠鮮香。石斑荷葉籠仔飯來到熱辣辣個份量剛剛好1-2個人食都可以以前食石斑荷葉籠仔飯好多時都好大個籠好多人一齊食呢度可以叫個份量1-2人就可以食到石斑魚入口夠鮮甜，都要小心多骨多魚鱗'至愛咸水角 $19炸到金黃色既脆皮糯，一口落去好脆又軟口感豐富油而不膩，食而不飽內餡鹹香帶甜籠太子蝦餃皇  $15兩隻皮夠軟外又晶瑩的薄透而蝦肉夠彈牙爽口，可以點2隻或4隻都可以鮮蝦腐皮卷真係好香口而比較多油份餡料有有芽菜肉碎味道都唔錯整體價錢都抵食而店內員工都好有禮而且落單都好快完成

今天接朋友放工，跟他一齊去咗有名的筲箕灣東大街搵食。最近真的開了很多點心店，朋友話呢間質素好好，我哋就入去食點心做晚餐。點心的選擇頗多，但由於我們不太餓，所以那些有名的蒸飯都沒有試。原隻鮑魚燒賣一口咬下去，單單吃鮑魚已經覺得呢籠燒賣超值，個鮑魚真係好煙韌好味，燒賣的肉質彈牙，搞到我哋再叫多咗一籠。😂魚肚水餃魚肚水餃呢個名好特別，但原來是水餃旁邊有一塊魚肚，哈哈哈！雖然兩樣嘢分開，但味道不錯。藥膳雞腳我向來喜歡肉骨茶的藥味，自然不會放過嘗試這隻雞腳。想不到藥味超濃，好味到我把所有湯都喝光，再來一碗。🤭海皇芝士千絲卷質感好像蘿蔔酥一樣，裏面的芝士流心，好好味。小籠包不及其他點心🥧出色！總括這間店：抵食又好食！

港式點心好多人都鍾意，依家唔一定早餐，任何時間都食得🥰晚餐突然好想食點心，立即去呢間點心專門店🤩佢點心款式多，不斷創新，仲推出impossible 植物肉點心😌原隻鮑魚燒賣兩件（$30）呢款點心有原隻鮑魚喺燒賣上，鮑魚大隻又好入味，肉質仲幾爽彈。帆立貝籠仔荷葉飯（$49）新口味，喺荷葉飯上放上好多粒帆立貝，鮮味滲入荷葉飯，既有荷葉香又鮮甜。帆立貝都唔會太韌精選老火湯（$18）是日係霸王花煲豬骨，材料豐富，味道香濃，仲好大碗，兩個人飲都夠魚肚水餃🥟（$22）水餃好多料，每粒都脹卜卜好有咬口，魚肚綿滑無腥味。黃沙潤腸（$25）唔係好多地方有黃沙潤腸，好想食！ 豬膶軟綿爽嫩，腸粉唔算好薄，但都好滑溜。蜜汁叉燒包（$19）叉燒包好軟綿，餡料多汁香甜

今天和朋友來了筲箕灣買餸，買完有點肚餓，便到了東大街覓食。原本想吃魚蛋粉，但原來今天食店休息，我們便到了隔離的籠太子點心吃下點心。坐下後，我們點了原隻鮑魚燒賣、瑤柱灌湯餃、石班荷葉籠仔飯，及甜品椰汁桂花糕。原隻鮑魚燒賣非常受歡迎，見差不多枱枱都有叫食材矜貴，鮑魚很有咬口，$30 已經食到兩隻，性價比超高石班荷葉籠仔飯很有驚喜，真材實料，塊塊都是石班片，加上與荷葉一起蒸飯，更見入味班片不單大塊，亦很厚身，魚味十足瑤柱灌湯餃份量十足，用料豐富，加埋上湯一起吃，味道令人回味無窮椰汁桂花糕非常精緻，一共有五層之多，入口充滿椰香和桂花香，確是可以用齒頰留香來形容座位舒服寛敞素食者佳音

東大街開了一間專門食點心的店，今晚冇飯開，就去飲夜茶當晚飯。點心紙上有幾款新品系列，會有不同的蒸飯，點心款式都幾多，我選了幾款試試。<藥膳雞腳>先試一啖湯，湯底都幾濃，有很豐富的膠質，雞腳入味又夠腍，令我想起星加坡人夏天就要開始進補啦！<辣牛肉大春卷>春卷炸得脆卜卜，入口後，牛肉的辣味慢慢湧出來，所以有點噴火，最重要是這個牛肉是用植物肉製成。<鮮蝦燒賣王>燒賣可以揀兩粒或者四粒，蝦新鮮彈牙，大大粒。<古法糯米雞>而家在酒樓已經好少見到有糯米雞，糯米雞裏有雞肉和火腿，米飯都幾黏，每啖都充滿餡料，食食下仲食到有鵪鶉蛋。<瑤柱灌湯餃>灌湯餃的湯清澈，但味道濃，湯餃都好大隻，餡料有蝦，蟹柳，肉等。<香芒沙律盞>香芒沙律是雜果配上了芒果汁，在炎炎夏日裏邊吃這個沙律真是爽！提一提：要試一試店家的自家製辣油，食落不太辣，但又有一啲好香脆的炸蒜粒和蝦米，點蝦餃燒賣食就最正！

原來東大街而家有一間可以飲夜茶的食肆， 平日也不見得很喜歡飲茶的我倆公婆偏偏喜歡試試這種獨特感， 今晚就選擇一試這間籠太子點心專門店。餐廳地方很闊落， 光猛， 座位亦寬敞舒適。 以為這 類比較獨特的夜茶市場價錢不便宜， 但看看點心紙原來非常實惠， 再試試質素又會如何。 快速的點了 黑椒金錢肚， 海皇芝士千絲卷， 辣牛肉大春卷， 期間限定的鮑魚雞件籠仔荷葉飯同芒果布甸作為甜品。黑椒金錢肚這裏的特別之處是比起坊間獨特的帶有一種微微的酸辣， 一定不是變壞了的那種， 但吃起來卻出奇的搭檔， 非常惹味。 金錢肚亦比普遍的但有一種軟滑， 更加吸收黑椒汁， 好好味。 特別在底部放了烏冬， 吸收醬汁精華後多了一重享受。海皇芝士千絲卷賣相未必最好 : )， 但吃起來卻是一流的酥脆。 餡料是 完整的爽口大蝦， 配合味鹹的芝士醬， 非常飽肚滿足。牛肉大春卷今日我的最愛。 其實是用上新牛肉（ 亦即是植物肉） 製造的春卷， 外層鬆脆不在話下， 餡料的新牛肉碎真的好像滲出淡淡肉香， 質地也飽滿， 最喜歡它配上包括少少紅辣椒等配料， 帶出一點辛辣， 如果再配上喼汁， 變成味道非常可口的酸辣脆口春卷。 六件我只留了一

近呢一年疫情雖然有好多食肆執笠，但亦都有食肆可能因為鋪租平咗而開店。我本身住筲箕灣，近排先發現原來東大街前身嘅太爺雞，原來已經靜悄悄變咗一間點心專門店：籠太子點心專門店。所以就決定今晚飲返個夜茶。晚上兩個人又唔想食太多澱粉，於是就決定叫五個點心加一個蒸飯：分別係鮮竹牛肉，藥膳雞腳，雞扎，灌湯餃，仲有店員推介嘅皮蛋牛肉腸同埋期間限定嘅帆立貝籠仔荷葉飯。所有點心都係即叫即蒸，不過等嘅時間都唔算耐，十零分鐘就開始陸續上枱。能夠食到熱辣辣嘅點心，等十零分鐘絕對值得。首先上枱係皮蛋牛肉腸，腸粉皮唔算好薄，不過就好滑同埋有米香，牛肉腸裏面有皮蛋碎，組合都算幾特別，仲有芫荽嘅香味，食落有新鮮感。藥膳雞腳份量唔多，但藥材味超濃，感覺好似好補身。鮮竹牛肉就穩打穩札，加埋喼汁味道超夾。雞扎都做得唔錯，火腿夠大條，雞件亦都夠滑，調味適中。瑤柱灌湯餃就中規中矩啦，話哂都係收你廿零蚊，餃子皮都冇穿，不過就用大量嘅湯浸住，所以都食唔出裡面算唔算多肉汁，但整體味道都唔錯。最後食嘅係帆立貝籠仔荷葉飯，亦係全晚最貴嘅item，差唔多$50，但無論飯嘅份量同帆立貝都算交足功課。飯本身輕輕炒過，有蒜蓉香，所以唔需要落豉油都

今日難得收早，就同家姐一齊去食下好東西因為諗唔到食乜所以想試吓點心夜晚，知道筲箕灣東大街有間開張冇耐嘅點心餐廳就去試吓地理位置好方便地鐵站一出行3分鐘就到，餐廳嘅面積都好大而且比我想像中大好多，多數都係後生仔為主好啱傾，點心嘅種類都有好多我哋點左比較普通嘅款，蝦餃燒賣，牛柏葉，牛肉球，排骨飯，鮮蝦春卷仲有我至愛嘅叉燒腸粉先講吓牛肉球同埋蝦餃都好大粒而且入邊都好足料蝦餃食得出好鮮味而且個皮都好薄，牛柏葉一般正常味道，排骨飯飯正得好香口而且排骨肉嘅比例比較多，而我比較鍾意嘅係呢度嘅辣椒醬因為係全人手炒而且我自己本人唔食得辣都好鍾意，所以我買咗一樽返屋企價錢大概$60一尊，而且佢仲有好多唔同款式嘅點心未試，下次有時間一定會去試，而且朝頭早飲一定好有氣氛。

分別於5️⃣月1️⃣1️⃣日及5️⃣月1️⃣8️⃣日連續兩個星期2️⃣唻午餐，前次覺得啲點心味道都尚算可以，腸粉類則唔熱。今日唻，點心味道變差，腸粉依舊唔熱，內裡帶子仲一陣異味😵。灌湯餃面有死咗嘅細小昆蟲😫。最恐怖嘅係啲點心籠，非常非常邋遢🤢🤮，舖滿灰塵、霉、甚至乾哂嘅飯粒。起初以為只係一籠係咁，點知唻嘅幾籠全都係咁邋遢。不幸中之大幸，點嘅食物中，有幾樣係用碟或碗上。食過呢2️⃣次後，我3️⃣0️⃣0️⃣%絕對唔會再光顧。※另有其他相片較早前已提供※▪▪▪▪▪▪▪▪▪▪▪▪▪▪▪▪▪▪▪▪▪▪

想吃點心，都不一定要去傳統酒樓，近年點心店越開越多，多了很多選擇。東大街內較新的食店，似乎很快便儲了熟客，當日還有不少長者光顧。鵪鶉蛋燒賣 - 傳統茶樓都未必吃得到的點心，即刻要點來懷緬一下，鵪鶉蛋、蝦及豬肉，高膽固醇的美味。雪山叉燒包 - 老實說，是有點失望的，脆皮做得不夠平均，未夠脆口，但味道是可以的。皮蛋牛肉腸 - 本來想試試名稱很有趣的「不是炸兩」，可惜當天已售罄，就點了皮蛋牛肉腸，腸粉質感很滑，牛肉算足料，還有皮蛋粒。生炒糯米飯 - 糯米飯沾了臘腸及臘肉的油份及味道，軟腍易咬，份量剛剛好。乍暖還「涼」的天氣，很適合！