紅椒力量 (已結業)

老婆話lunch食開呢間餐廳，海南雞和喇沙都好食，所以就入去食晚飯。比起其他餐廳，呢間餐廳晚飯唔算多人。兩個人都可以坐四人位。因為我地唔太肚餓，所以我哋兩個只是點了串燒和炒金邊粉。炒金邊粉炒得太濕，一pat pat咁，我唔係咁鍾意食。不過係啲蝦係大隻和爽嘅，味道還可以。串燒點了雞和牛，雞同牛串燒味道都ok,不過牛就有d靭。經過今次，我有少少質疑我太太既味覺，不過佢堅持海南雞和喇沙係好味，只不過今次我地無點wor.

之前食過幾次味道都可以，今日諗住食下泰國野就再去多一次，叫左個冬蔭公湯麵，食係幾好食下，但要慘係食埋昆蟲，我知廚房多昆蟲，但都唔好比我見到呀。仲要食到一半先知道，即刻想嘔返出黎，食完呢餐全日冇曬胃口，對湯麵有埋陰影。

星期六下午約了姊妹到屯門v city食午飯， 原來星期六的v city都幾多人，揸車入嚟等泊車都排咗好耐隊喎！ 網上見到紅椒力量的好評都幾多所以就試下， 我們三個人點了上湯豬頸肉金邊粉$38， 上湯豬扒金邊粉$40， 海南雞喇沙金邊粉$45， 椰汁咖央多士$28， 什錦拼盤$98， 奶茶紅豆冰$10，珍多冰$10，三色冰$10，還有一杯熱檸水跟餐免費的。海南雞喇沙金邊粉～ 我沒有食這個， 但賣相都唔錯，應該幾好食。上湯豬頸肉金邊粉～ 試了一塊豬頸肉， 厚切爽口的。上湯豬扒金邊粉～ 豬扒比較肥膩， 上湯的味道不突出，金邊粉口感偏硬。雜錦拼盤～ 春捲炸得幾香脆， 串燒比較乾身， 炸蝦餅太油膩。椰汁咖央多士～ 味道太甜。奶茶紅豆冰～ 奶茶味不夠濃。三色冰～ 椰汁味偏淡。珍多冰～ 三色冰和珍多冰都是差不多， 我估味道都大致相同。紅椒力量食物質素中等，服務質素方面就同普通茶餐廳差唔多，價錢算是平民價。

好耐冇入過屯門，人生路不熟，只好行商場，順便食個lunch，經過見到有間紅椒力量，主打星馬泰菜式，睇下個餐牌，都幾啱食，一於試下，假日的下午都幾多人要等。 餐廳內堂以木系為主，燈光柔和，感覺relax。 Menu，食物尚算多選擇。 馬來串燒(半打)，＄68，要了牛及雞各半，味道香口惹味，肉質少許韌。 雞腳湯，跟餐的，味道不俗。 泰式鹵豬脾飯，＄65。 賣相十分吸引，豬脾份量多﹐入口感軟滑，豬皮彈牙香口，味道濃郁好入味，不過都幾肥膩，鹵蛋色水靚但味淡，口感有硬實。 珍多冰，跟餐＋＄10，味道正常水準。食物味道不俗，價格合理，服務都幾好呢。

先談談其食物的質素，海南雞飯的雞沒有去過而且亦有一點紅色，懷疑未熟透，更有些是沒有肉的只有雞皮醬汁方面醬汁亦很普通，疑似比較稠的甜豉油，對海南雞飯來說醬汁是十分重要的，希望可以有所改善。飯亦很硬，亦欠缺海南雞飯應有的油飯香，難以入口。另外，用膳期間，店內管理人員不斷和員工爭執，而其爭執內容是有關員工於辦公時間如廁問題。管理人員不斷指責員工只顧去廁所而扔低店內的事情，這種不人道的情況令人慘不忍睹。希望員工可以有基本的人權。

去左YATA，上一層搵野食，見到呢間紅椒6點已經坐滿大半我諗其中一個原因係好抵食！我地2大1細，叫左個 2人set dinner $ 238 有湯有2款小菜再加個菜，仲可以半價叫飲品 ，及送甜品！Tom Yum Kung 酸酸地十分開胃 而且仲好足料！自己額外再加左泰式鳳爪，隻隻都好大隻！又一開胃菜式！跟餐既豬頸肉，炭燒後更惹味！炒菜心十分有驚喜！夠獲氣！食唔停口！前菜小食已相當滿足～海南雞煮得剛好，夠滑！加 $5 可以配埋油飯～小朋友超喜歡飲珍多冰 其他菜式也抵食，果然係街坊食堂 ！

屯門成日唔知食乜好，雖然偏遠地區，但野食都唔平。呢間之前食過，係大商場但價錢唔貴又幾好食，所以又再幫襯套餐價四十幾蚊至六十幾褲蚊不等，套餐仲包埋飲品，份量夠大岩哂男人食我地嗌左海南雞飯同埋咖哩牛腩飯，份量好多，味道都幾好夠哂味。海南雞飯都不俗奶茶紅豆冰係必飲推介，味道香濃又有口感，堅好味，番來食都係全因爲佢！真心推介，杯奶茶紅豆冰又大杯又足料，飲完真幾飽肚。因為之前一飲難忘，所以今次我地決定一人一杯，大快朵頤

今日去咗屯門食飯，見到間泰菜都幾吸引，又有lunch set，都幾值，入咗去試下。午餐都幾多選擇，有炒粉麵又炒飯，不過泰菜梗要食冬蔭公湯，所以就揀咗冬蔭公河粉，$51，價格屬中位價。湯粉類都有幾款餸揀，心大心細之下，最後揀咗肥牛。一上菜，份量多到呢😂，湯底香濃，夠酸小辣，完美，啲河粉吸哂啲味，正。 而且送餐速度快速，高質午餐至選。跟餐仲配餐飲，改配特飲要加8蚊，小貴，柚子茶普通，除非你好想飲，如果唔洗太期待🤭。同朋友一齊健康人生，所以叫多個菜。馬拉盞炒通菜 $60菜喺主餐牌，所以貴啲，不過無令我失望，炒得超級有鑊氣，好香，稍嫌有點多油，不過依個正正就係美味之處嘛💖

我好想問加$8蚊要雞髀嘅意義係咩？係冇左中間得尾搥同端位既肉？我覺得我唔加個雞都可能會完整少少，我比65蚊出黎買碗粉，自問覺得貴但今日母親節都想食好少少，但廚房好似唔洗睇單隨心鐘意比咩就比咩、要米粉比金邊粉（我唔食金邊粉的），要雞脾比廚餘，咁中間果部份我諗比佢食左，最後真係太嬲打左去講，前台小姐話退錢，但我唔係想為難佢我唔需要佢退錢我只想佢同廚房既人講吓廚餘當外賣出既問題，搏拎番屋企先睇倒，過左海就係神仙，最後我成碗直接掉垃圾桶，感覺太侮辱🤬🤬同埋我特登post係因為免得話我小題大做（有圖有真相）

這間開了挺久，之前食過幾次再次光臨，吃完後覺得水準仍保持得不錯。坐位挺寬鬆舒適，能選的菜款也多，不過就三個吃得不多的人，所以還是沒點太過。冬陰海鮮湯$70，很大一碗能給三或四個人喝，湯味道很香濃且微辣，裡頭也很足料～所以以這價位很不錯。香草辣椒蝦炒飯$72，挺惹味，有淡淡香草味不會很濃，蝦跟香辣混得很不錯，又不會咸，比想像好吃。也夠2個人吃，份量不會少。另外點了馬拉盞炒時蔬$60，馬拉盞味很濃郁，也是配合香港人口味是香多於辣，還不錯挺好配飯吃。因椰青賣光改點了紅豆冰，紅豆挺足，奶味也剛好～

將近下午一點去吃午餐，早就已經餓到前胸貼後背了，就隨意地找了一家環境看起來不錯的店吃飯，服務員的態度是目前為止遇到很好的了(但要看店員，有店員上餐點的時候像是用扔的)，上餐速度蠻快的，沒等多久餐點就上齊了，每一樣的份量都非常多，吃得非常飽，但味道普通，除了咖哩吃起來還不錯之外，上湯粉的味道太淡了、豬腳飯感覺沒有去腥，這頓飯吃完之後，有點失望，不過這家店主打星泰料理，覺得可以試試比較東南亞口味的料理，說不定味道不錯。

下午茶時間到了Pepper Power 試試它的喇沙湯麵🍜喇沙湯底濃厚，喝下去有濃郁的蝦味和花生香。雖然是下午菜，但金邊粉的份量卻不少。反而湯底份量略少，剛吃不久便要求侍應加湯了，幸好侍應也配合，額外給我一碗喇沙湯😍，朋友點了奶油脆豬，味道亦不錯，麵包焗得香脆可口，熱騰騰的！

位於屯門vcity 嘅紅椒力量價錢來講相當抵食每次食泰國菜都會叫冬蔭公湯冬蔭湯海鮮湯 豐富的大蝦🍤蜆肉 青口 魷魚🦑配上微酸辣的湯底 令人胃口大開 垂涎欲滴🥳.馬來沙嗲串燒雞 串燒牛😋肉質嫩滑 秘製沙嗲汁非常入味👍🏻.泰式海鮮炒金邊粉估唔到份量咁大😱大蝦🍤肉鬆 鋪滿金邊粉可能冷氣稍大 很快就冷卻 要盡快進食！每次食泰國菜都會叫通菜😍馬拉盞炒通菜配珍多冰😋通菜與微辣的馬拉盞蝦醬相混和熱辣辣非常惹味 再呷上一口珍多冰 Happy Friday 🍸

今日冇動力出九龍覓食，唯有留返係屯門食好西🤣 近近地揀咗V city 1樓嘅「紅椒力量」食泰國菜🙆‍♀️.餐廳裝潢以木為主，地方寬敞，環境整齊，舒服寫意，座位主要都係木椅配上木桌。.餐牌款式多樣化，圖文並茂，簡潔又易明！泰國菜款有泰式上湯粉類，泰式青咖喱類，泰式炒粉麵飯類等等。除咗泰國菜， 亦有星馬菜款呢👍.馬拉盞炒通菜 （$60）呢碟馬拉盞炒通菜真係好惹味！通菜鮮嫩，食落香辣帶點甜，送飯一流！重點係，分量真係好多啊🙈.XO 醬海鮮炒烏冬 （$65）大大碟嘅海鮮炒烏冬，一碟已經夠晒兩個人嘅份量啦🥰另外烏冬炒得好入味，仲好有鑊氣添～而入面仲有唔同嘅配料，如蟹柳，日本魚蛋，魚塊等等，豐富口感～.香茅雞翼五隻 （$48）作為雞翼控，一餐飯點可以少左雞翼呢🙆‍♀️雞翼炸至香脆，雞皮薄而脆，肉質嫩滑，底下嘅椰菜絲吸收左多餘嘅油份，所以食落唔會覺得油膩😋.炸蝦餅 （$55）口感好特別嘅炸蝦餅～蝦餅炸至金黃色，咬落香脆彈牙，炸皮口感似腐竹皮，所以比一般嘅蝦餅更加鬆脆。而內餡除咗以蝦肉所製成，仲有少量紅蘿蔔絲，青豆等等，口感多元化💕.香草辣椒蝦炒飯 （$72）同Jumbo size無異嘅份量，建議兩至三人

今日好難得約到成家人一齊去食一餐飯，不過今日反而唔煮飯，出咗去食泰國嘢！一齊搭車走到嚟屯門呢度，仲要呢間餐廳都唔會太難揾到，出咗火車站行咗一陣就到。好快就位坐，見到本菜單簿就發現呢間餐廳原來都幾多嘢食㗎喎！哇哇哇～～～～好似本嘢越睇越有咁，好多嘢都食咁，之後就揀咗套餐同加咗幾樣嘢食，個套餐都幾豐富㗎喎！有碗湯、串燒、白飯、咖哩同薄餅、海南雞、菜，炸魷魚鬚，最後嚟埋個甜品！真係好豐富呀！未嚟到都覺得已經好唔錯喇！🤤🤤🤤🤤果然真係好好好多嘢一齊嚟呀！滿漢全席咁款啊！！一樣一樣咁放上枱，好豐富呀呀呀！！🤤🤤🤤好好味咁，我唔客氣了，個湯好好味啊！！又辣又濃湯味！！超好味，飲完之後搞到好好胃口去食埋其他嘢，個雞又大件又好味，好豐厚嘅感覺！！之後個咖哩加薄餅又好好味，咖哩整得好正！！再加埋落啲薄餅度，仲更加出眾！魷魚鬚炸得好好味，我竟然可以將差唔多半碟都食哂咁濟，最後個甜品係紅豆沙，佢唔係普通紅豆沙，而係入面有西米露同紫米露混合版嚟！好正啊～～～～！🤤🤤🤤🤤🤤😁