緬甸招牌湯米線 (已結業)

各國菜之中，東南亞美食款式數之不盡，除各個地區各具特色，更有獨當一「麵」。今日首嚐緬甸麵，也許只係香港嘅一小眾，口味未必適合每位香港人，但試一試，或者會鐘意由中緬混血老闆娘煮出嘅招牌魚湯米線，湯頭用鮮雞及鮮魚熬成，還加入黃薑粉，不加味精，味道鮮甜。米線亦用緬甸米線，比較幼身。碗內有魚片、豆卜等還有一塊豌豆餅，香脆而獨特。另外叫了一碗椰汁雞麵，香濃椰奶味，湯與麵比例參半，呈半撈面狀態。麵質似拉麵，雞肉非常之多而且嫩滑，配少少XO醬令味道提升層次，惹味之選。

奶奶是緬甸華僑，係香港真的好難找到這些歺廳。在友人介紹下，我們到油麻地一帶食緬甸菜。原來已經開左分店，主店是何文田。有好人報導過。叫了招牌mohinga 鮮魚濃湯米線，入面有豆粕、魚片、自家炸皮,魚湯米線用魚之外有雞湯十分吸引，仲有一絲絲魚肉。奶奶見到這個魚湯米缐十分興奮。有好多出色緬甸特飲緬甸黃薑蜜特飲$20，黃姜非常有益，有預防感冒症狀等效用，有好味又有益。這個叻督又好特別，有濃味醬汁加上雞絲撈冷麵，再有芫荽、炸蒜very yummy 😋 小食：酥炸黃金脆蝦餅($48),非常香口又有酸辣醬可點。

早兩晚約咗朋友去旺角飲嘢，見時間尚早，又有D肚餓，於是就試下呢間幾有特色的緬甸餐廳試下！店內環境都幾有亞洲風格，全部用木製傢私，感覺很像其他亞洲地區的小店，仲見到靚女老闆Agnes,在廚房位置準備食物。一打開menu, 招牌係魚湯米線，但平日午餐已經有好多機會食米線，晚餐就想試下D新嘢，所以我揀咗咖哩雞麵，另外再加多少少特色食品。小食方面，選擇唔算好多，但都有好幾樣嘢想試下，包括兩款特色沙律，茶葉沙律，同埋薑沙律，另外，蝦餅又係泰國菜必食之選，唔知緬甸蝦餅又有冇咁好味！講到味道，幾樣食物都算唔錯。咖哩雞煮得非常入味，香氣撲鼻；沙律我就揀咗茶葉沙律，味道好豐富；蝦餅雖然也不錯，但我個人就覺得泰式好味D！

真係完全無接觸過緬甸菜，原本打算食碗粉麵，點知誤打誤撞入左一間食緬甸菜，其實同星馬菜差不多的裡面環境都好整潔Mohinga 鮮魚濃湯米線個湯同平時白色魚湯好唔同，顏色方面似咖哩，不過完全無咖哩味，其實係加左黃薑粉、黃薑粉係緬甸必備的材料味道唔會好濃，有清甜既魚味而且塊碗豆餅幾好食雖然有啲硬，但好特別，所以建議要浸一浸魚湯曼德勒紅燒腩肉飯紅燒汁同平時食開的有啲唔同，我食到有少少藥材味，成個感覺突然養生左甜甜地，送飯一流而腩肉雖然好似東坡肉咁，一層肥一層瘦，但又唔會非常肥膩喎緬甸黃薑脆脆雞翼

旺角窩打老道新開了一間緬甸餐廳，未試過食緬甸麵的我決定要來試下。餐廳裡面有大量座位，午市時非常多人。因為新開張的關係，內裡感覺乾淨。緬甸脆香咖哩豬扒配飯$55不知緬甸咖哩是怎樣，所以特意點了一個咖哩飯。咖哩比平時食到的甜，不會太辣。豬扒好鬆軟，可以說是入口即化，個人挺推薦這個豬扒飯。緬甸黃薑脆脆雞翼$48雞翼脆身香口，黃薑味辟膩。肉質嫩滑多汁，香口惹味。緬甸香滑椰汁雞麵$48第一次食緬甸麵，感覺似比較新鮮。醬汁好濃稠，有少少椰香。雞件大磈頭，咬落有肉地。麵質似粣身的生麵。緬甸龍眼冰$20龍眼清甜，淡淡龍眼香，夏天恩物。緬甸黃薑蜜$20黃薑蜜滋潤，薑味濃，適合女仕。

好友介紹，初嘗緬甸菜。閒日夜晚，有位，地點便利。上菜快，食物好吃，味道稍稍濃烈。大廚與店員態度友善，細心。價錢便宜，整體觀感可以，值得一試。留意：只收現金付款。

行過窩打老道見到有間緬甸餐廳開張打算去試一試 結果令人大失所望. 老婆點了一個 濃湯魚米線 成碗傑撻撻,應該用"傑"湯與米線 唔係濃湯米線.食落口完全冇魚味, 女店員仲話用咩魚煲湯淆咗咗四個鐘頭. 食落口似一pat有魚腥味嘅漿糊,米線和獻汁痴埋一齊,極之難入口.我點了一個椰汁雞麵 需時大概25分鐘 差啲想取消柯打 .賣相 是一碗白色傑撻撻嘅漿糊 ,又係完全冇味道 ,雞件也算多,但是食到一浸雪櫃味,唯有用枱上 供應的辣椒碎粒 先至可以食到一半.結果食了幾啖變埋單走人了.奇怪的是梭椏道店 有很多 好評 每次經過總是人山人海 ,為什麼窩打老新店 會有如此的 出乎意料之外. 臨走時 四眼女店員還問我們 係咪很好食呢下次再見你喎,我心諗 呢一世都唔會再嚟幫襯 .如果大家想挑戰自己的膽量 和底線 不妨一試.我提議餐廳廚房應該重新考慮一下食材 和 recipe. 總之一句有待改善空間

見到緬甸食店有興趣去試一試. 首先問店員緬甸面是什麼湯底味道。她反問我你心目中嘅緬甸是什麼味道。態度非常沒有禮貌。 本來想點一個冷麵和牛展。她們說冇貨。結果點了一個濃湯魚麵和椰汁雞面。魚麵5分鐘就到了唯獨是椰汁雞面等了20分鐘還未做好。之後聽到旁邊的客人說椰果飲品飲不到椰果。 又有一台客點點了濃湯魚湯 女店員又落錯單。又有一台客點冷麵結果有沒有冷麵。牛展衣沒有牛展。先不講服務態度，食品味道差到一個景點。店員態度更加是差差差。說真的很久沒有吃到那麼難食的食物。我以後都不會幫襯。今時今日咁嘅服務態度真的是難以置信

偶爾經過窩打老道，見有間新開張緬甸米線，咁大個人都未試過緬甸食品，淨係聽朋友講過緬甸菜式會落好多椰漿，既然個人對椰漿不抗拒，一於入店一試~新裝修的小店帶來一股東南亞風情，感覺很raw、很地道。因為何文田區多學生，餐廳價格應該針對該區的打工仔吧!除了招牌米線外，亦有飯類和小食Mohinga 鮮魚濃湯米線，入得緬甸餐廳，當然不可少湯底食材除了大量魚熬製外，還加入雞絲吊味；至於湯底的調味則有地道的椰汁和黃薑粉，湯底濃稠適中，略嫌黃薑把魚的鮮味蓋過米線軟滑，入口彈牙魚片、豆卜、小銀魚等配菜，豐富了整碗米緞別用泰式蝦餅的尺寸來衡量緬甸的酥炸黃金脆蝦餅，上碟的蝦餅以片奉上，即點即炸，熱辣辣~薄切的蝦餅爽口，而且吃到粒粒蝦肉緬甸珍多冰是用啫喱粒粒配椰汁，感覺小朋友會很愛喝晶瑩剔透的飲品配搭

早前同阿仔學游水，經過見到有間緬甸菜新開張，一直都好好奇想知道究竟緬甸菜係食乜嘅！今個星期六終於可以試吓啦！我哋叫咗一份招牌魚湯米線、一份曼德勒香茅雞配椰香飯。招牌湯米線果然出色，同平時食開嘅米線完全唔同，佢地嘅濃湯散發出黃薑同香茅味，呢啲都係非常之有益嘅香料食材！仲食得出加左檸檬汁，香濃得來唔會太膩!呢個香茅雞配椰香飯，我係第一次食，看似平平無奇嘅飯，單獨食係食到一陣椰子味！幾特別！香茅雞仲有好多汁都好香口！天氣熱我哋叫咗兩杯凍飲，一個特飲係凍檸檬蜜瓜蘆薈汁，蜜瓜甜味加檸檬清新，仲有一粒粒嘅蘆薈果肉好豐富！一杯凍緬甸咖啡，香濃得來唔會太甜亦都係少奶配搭！好啱我哋口味！

早前聽聞何文田有緬甸菜館，所以趁今次黎到何文田，就黎試下。鮮魚濃湯米線$48，香濃既鮮魚味，亦透出淡淡清香雞湯，混合埋有益既黃薑粉去熬制湯底，豆卜吸收晒湯既精華。叻督-緬甸雞絲撈冷麵$48，用料有青瓜、雞絲、炸蒜蓉、芫茜，配以甜豉油醬，撈混後食，每啖好有層次感。緬甸風味咖哩雞配椰香飯$62，濃烈既咖哩，亦唔會太辣，飯亦透出啖啖椰香，配搭得宜。酥炸黃金脆蝦餅$48， 熱辣辣，即叫即炸，好脆口。緬甸羅望子特飲 $20，味道帶點酸，開胃飲品

星期天一家四口來到，本身想食個午餐之後去游水，但因為食物太遲上枱，一齊計劃都要延後。我們一家四口叫了分別兩個飯兩個麵。兩個豬扒飯都正常，但其餘兩個緬甸麵真的淡而無味，我的女兒都完全不想吃。座位又迫，環境又嘈吵。最難受除了食物難食外，就是有一個女職員真的好嘈，全餐不停在對其他職員指指點點。偽ABC，不停叫人要H2O，我回過神來才驚覺原來她要水，又甚麼chemical，又甚麼reaction，我真的好擔心自已吃了什麼化學物質。她本身又粗聲粗氣，整頓飯都吃得不舒服。真的不建議其他人來。

今日見放工出開旺角就去食一路都有食開的緬甸米線。我本身食開勝利道果間，但見到窩打老道都有，就諗住試下，點知好後悔。做生意唔係咁做，為左多枱客，D位窄到我同同事都坐唔到。最攪笑係只要後面個枱有人同你背對背，你坐完入去就定出唔返黎。見盡好多餐廳為左要做多枱客生意而要客人做沙甸，呢間餐廳仲過份，係迫人坐完壓住心口食野。講食野食又唔係特別好食，仲要等好耐，食完我同同行的同事都好嬲。想做沙甸的人可以試下呢間。