緬甸招牌湯米線 (已結業)

從沒想過去緬甸，也從未吃過緬甸菜，只有一次機緣巧合與朋友途經培正發現一間“Mohinga” 緬甸招牌湯米粉。究竟緬甸嘅味道係點嘅呢 ?真令我萬分好奇🤔🤔。入到“Mohinga 緬甸招牌湯米線”分店食傳統緬甸風味。打開餐牌📋見到有米線、麵、飯類同其他小食等等，看似有種中、印度及泰國的混合版。我就點了👑廚師推介， 曼德勒紅燒腩肉配飯🍚，腩肉肥瘦分明，不覺肥，只食到肉很入味，好香濃的紅燒汁味，肉質很淋還彈牙，口感超好。Mohinga 鮮魚濃湯米粉，先呷一口湯，有重濃厚的魚香味， 材料及份量十足，最有特色得是黃豆餅， 香脆可口浸在湯裏依然香脆。👍🏻👍🏻😚😚緬甸黃薑脆脆雞翼， 食得出很濃烈的黃薑味，雞翼炸得外脆內軟，美味可口。😋😋飲品方面，緬甸羅望子特飲，味道酸酸甜甜，似在飲酸梅湯， 消脂消暑必屬佳品。 另外朋友飲料緬甸黃薑蜜特飲， 味道似紅棗水 非常滋潤養顏。 飲品選擇都多，感覺很健康啊～🤗🤗總括來說，食材是新鮮無味精，全是心機菜餚。部分食物及飲品加有黃薑粉，功效為醫治感冒及防癌健康食品。點解我會話是窩心的緬甸味呢？我在查閱老闆娘的開鋪志願，看到她為鋪頭努力的一點一滴，得確非常難得。初初總店為

講起緬甸菜， 大家有可能會覺得陌生。 雖然緬甸鄰近泰國同印度， 但佢嘅菜式比起印度菜較少用濃烈嘅香料， 比起泰國菜亦冇咁酸辣。呢一間《緬甸招牌米線》 係一間家庭式嘅小店。 老闆娘承繼著媽媽煮緬甸菜色嘅傳統，用心打造最傳統嘅緬甸菜介紹比香港人。第一間分店開喺勝利道， 由於店舖面積較為小， 老闆就係附近嘅窩打老道開咗第二間分店。 店舖闊落咗， 自然就吸引多咗客人來嘗試 異國菜式啦。店舖嘅門口貼滿咗形形式式雜誌同埋電視飲食節目嘅介紹， 深得名人推介。呢間餐廳最出名嘅緬甸菜式莫過於呢碗【緬甸招牌鮮魚濃湯米線】， 幾乎係每一枱客人都必點嘅item， 魚湯嘅色澤呈金黃色， 湯頭用咗大量嘅魚同雞去淆製， 當然係鮮味十足喇~ 食米線之前記得一定要呷一口湯， 品嚐一下魚嘅鮮味以及各款香料嘅層次。 熱辣辣嘅魚湯非常之清甜， 而且仲可以品嘗到魚蓉， 證明真係真材實料。 再食一啖米線， 米線質地夠曬爽滑彈牙。 配合埋魚片以及豆卜等等配料，加埋我最鍾意嘅芫茜， 就形成一碗極具風味嘅緬甸地道魚湯米線， 食得出有家的味道。另外呢款【緬甸香滑椰汁雞麵】同樣令人印象難忘。 初時以為金黃色嘅椰汁一定帶有咖哩味， 一口吃下

從來在香港的緬甸餐廳也不多，猶記得第一次在勝利道見到這一間緬甸餐廳總店經已躍躍欲試，直到現在終窩打老道開了第二分店，今天，終有機會前來一試。餐廳的裝潢帶點東南亞風味，深木色的桌椅與淺木色的燈罩十分配襯，牆上是各式緬甸美食的圖片，以及介紹黃薑功效的海報。青檸蜜瓜椰香特飲，青檸，蜜瓜及椰香這個配搭亦相當創新，飲品冰凍幼滑如沙冰，青檸的酸，蜜瓜的甜，椰子的香一次過在口腔內呈現。緬甸特產茶葉沙律，這一個沙律底部盡是新鮮爽甜的椰菜絲，裏面夾雜了緬甸茶葉以及蕃茄粒，面頭是香脆的炸乾蔥，每一口都在享受過椰菜爽脆的口感後，便輪到緬甸茶葉的一輪猛攻，是味道及口感都相當之特別的一個沙律。酥炸黃金脆蝦餅，這裏的蝦餅並不如泰國的蝦餅一般厚厚實實的一團，如果泰國的蝦餅是脆薯角的話，這裏的蝦餅便是鬆脆的格格脆薯，蝦餅更薄了一點，口感更鬆脆了一點。Mohinga鮮魚濃湯米線，廚師特意在這緬甸招牌湯頭裏加入了黃薑這一個既美味又有食療功效的食材，黃薑的療效包括抗炎，提升免疫力，增加血液循環以保護關節，幫助肝臟排毒以及保護腦神經等極佳功效；米線到來，先呷一口湯頭，湯頭充滿著黃薑的香味，然後便是濃濃的魚香味，黃薑加魚香這個

近排肥妹仔食得西餐太多，都想轉下口味，試下其他唔同國家嘅菜式。 今日係星期五，肥妹仔上網見到有一間喺何文田專食緬甸米線嘅鋪頭， 覺得幾有趣，所以放工之後即刻約咗同事去試下食。Mohinga鮮魚濃湯米線 $48聽過店員講呢一款濃湯米線係佢哋嘅招牌米線， 個湯底係加咗黃薑粉，紅椒粉落塘虱既湯底湧去煮成嘅， 就咁聽就已經好特別喇! 佢嘅配料都有好多，有魚片，豆卜，豌豆脆片同半隻蛋等。 佢呢個湯飲 落好鮮味同有一陣甜甜地嘅味道，不錯! 魚片同豆卜係大路野冇咩特別，但係佢個碗頭脆片就炸到脆卜卜， 好香豌豆味，食落真係又得意又特別。曼德勒紅燒腩肉配飯 $55呢個腩肉飯食落好似台灣嘅滷肉飯，個醬汁似滷肉嘅味道， 真係淨係碗汁都已經可以撈埋成個飯食! 而佢嘅紅燒腩肉件件都好厚好大件， 但係咬落去又唔會好鞋 ，肥瘦適中，肥妹仔我覺得呢個紅燒腩肉飯好好食。酥炸黃金脆蝦餅 $48新鮮炸起脆卜卜，個蝦味都幾濃， 味道其實都幾似我哋平時食開嘅越式炸蝦餅， 果然食東南亞菜就一定要食蝦餅呀。緬甸黃薑脆脆雞翼 $48真係好香黃薑味，肥妹仔我覺得黃薑會係緬甸菜嘅主要香料之一!因為肥妹仔今餐都食到幾多濃黄薑味嘅菜式， 個

一直對緬甸菜的印象都是來自澳門那名店的魚湯粉，難得香港終於可一嘗緬甸風味，找晚特地一試。可惜魚湯粉已售罄，唯有轉戰其他菜式。前菜清香薑沙律有驚喜，椰菜爽口，醬汁微甜，薑絲應該炸過，吃下不會過辣，開胃又養生。鮮茄撈麵毫不欺場，蕃茄蓉香甜，加上瘦肉碎，炸蒜，莞茜等，十分惹味，且用上蝦子麵，煙韌又有蛋香。手抓餅與一般南亞風味的多了些奶香，咖喱偏辣，吃下風味十足。黃薑蜜特飲夠辣，加上不少杞子，十分滋補，冬天喝就更完美。這裏食物有特色質素又高，且價錢不高，十分推薦。

幾年前見有特價機票，買過一張去緬甸嘅來回機票，可惜係當然一時猶豫錯過左去嘅時機，諗返都覺得自己失敗亦都成為左自己嘅一個遺憾。早兩日去完OU睇資料，行經見到緬甸兩個字就心血來潮入去緬懷一番。點左個招牌魚湯米線配雞翼及沙律。一於化遺憾做食量！米線轉左做巴巴絲，口感似係河粉及米粉嘅混合體。本身配料好多，有魚片頭／花生／脆脆餅／滷蛋及豆卜。豐富分量十足。而魚湯非常濃郁，入口就知佢熬煮左好耐將魚嘅精華迫晒出黎，再混合埋各種香料令到個湯味道更深厚。加上夠杰身所以掛麵效果一流，食時更感覺到沙沙地嘅細魚肉質感。好正。生黃薑沙律。初頭以為會好辣，但食落反而係炸過後黃薑嘅香味出晒黎，辣味只剩下啲啲所以好有驚喜。再加上除左醋之外落左少量魚露黎提鮮，令到沙律味道更複雜，浸腍左嘅花生碎及蠶豆更有食緊肉鬆嘅錯覺。雞翼好入味，裡面嘅黃薑同孜然味平衡得啱啱好，而且唔會得個咸字。應該係同佢腌製嘅用料有關，食落有微微甜味加上炸得外脆內嫩，食完時好有ENCORE嘅衝動。龍眼冰。一個非常啱係炎熱夏天黎飲嘅飲品，冰涼清甜嘅味道令暑氣一掃而空。估唔到錯過左去緬甸嘅機會，竟然可以係何文田呢度一嚐滋味。真係要盡快安排假期，黎一個毒闖

記得以前係澳門食過緬甸菜，印象中好似唔錯，事隔咁多年，都無機會食再到今次機緣巧合之下，發現左有間小店食緬甸菜係我朋友屋企附近，又唔貴，真係要回憶返緬甸菜既味道曼德勒鮮茄滋味撈米線賣相好吸引，由新鮮蕃茄製成，蕃茄肉多到蓋麵，醬汁鮮甜，加上乾蒜及類似xo 醬，撈埋一齊食，更加滋味另外叫左緬甸香滑椰汁雞麵，侍應送黎時都有講係椰汁雞麵，雖然我覺得怪怪地，賣相似咖喱汁多d，唔知佢有無俾錯我，但入口真係好香椰香味，加上件件雞脾肉，肉厚又嫩滑，都幾好味，應該無俾錯掛黃薑脆脆雞翼雞翼邊炸得有d d 脆，但外表其實淋淋地，唔知係炸得唔夠，定係緬甸特色呢？不過雞肉嫩滑，加左黃薑染左少少黃色， 幾特別酥炸黃金脆蝦餅，外表扁平，但入口香脆，裡面包住蝦膠，蘸上雞醬係最好既配搭緬甸咖啡，特登想試下會有幾唔同原來咖啡比例比較多，味道ok緬甸黃薑蜜特飲，味道甜甜地，不過覺得幾潤喉，帶少少薑味，反而紅棗味較重，而且底杯有好多渣，可以食埋佢

工作地點有變，放工搭巴士在這附近落車，這店就在巴士站旁，未試過緬甸菜，在密封的門口前看餐牌，是日晚餐只有飯和麵各1款送咖啡奶茶，心想試試無妨就拉門進去。木製枱櫈，暗黃燈光，滿有東南亞感覺。餐牌共有三頁，主食小食飲品。女侍應向隔離枱顧客講解，是日晚餐包飲品只送熱咖啡奶茶兩款，其他飲品另收費用，我聽後覺得ok，事先講聲免誤會，不喜可以起身走。男侍應來幫我寫單，我點，他寫，無解釋收費事宜，原本有點失望，但後來見他們原來要兼顧廚房煮餐沖飲品，又覺得能者多勞要體諒。椰汁雞麵，無湯，而是拌入濃濃汁醬，沒有熱騰騰蒸氣，很易入口。蝦餅本身香脆可口，但上面的蒜片較林，影響了口感。生薑龍眼冰，刺激薑味蓋過龍眼清甜，希望下次可試羅望子。可以再來，試下紅燒腩肉飯。

香港一直被譽為美食之都，集結左各國美食，但緬甸菜就真係未食過。之前係澳門誤打誤撞食過一次緬甸菜，果次對緬甸野留下非常好的印象。呢類菜有d似馬來菜，對香港人的口味相當配合，味道夠香又可口，偏向溫和較易入口。唔似泰國果類以重香料或辣為主。女仕們應該更被吸進。原先想去勝利道本店食，但點知一落巴士就見到呢間店，果刻未知呢道係新分店，見個名一樣就入左黎。新分店個地理位置真方便更多。必試當然係佢地招牌的魚湯米線。湯底微微黃色相信係加上黃薑粉煮湯而黎。湯底唔係鮮甜果type，但魚加雞做出左獨特的香甜味。加上莞茜幫手，啖啖麵麵有足夠的香味。配料方面，有唔客氣份量的豆卜同魚片，就gum數數都有7-8舊豆卜同4片魚片。份量唔似一般車仔麵gum就住就住俾。麵裏面仲有半隻蛋同埋極吸引的脆薄餅。個脆薄餅絕對係重心之一，佢係由豆豆（？腕豆）做出黎，個size有手心gum大。食落好香口，為成個麵增加左層次感。另一個叫左曼德拉腩肉飯，本身期望試試佢地個椰漿飯，不過原來轉飯要加錢（$8），所以先試試白飯先。呢度的白飯係用泰國米，知道呢點並非我有金舌頭，係食飯其間見到佢地送貨姐。至於個肉，個汁出奇好食，少少甜，有民族風味

完全唔知香港有緬甸菜食，朋友有一次落錯車見到呢間小店幾得意，於是我地約食飯佢就揀左黎呢到try try! 地理位置唔算方便，油麻地同旺角港鐵站出都要再行十分鐘，係勝利道附近。食物選擇唔算多，建議第一次食可以試d廚師推介，會特別同地道d。緬甸黃薑脆脆雞翼 (4隻) $48 雞翼炸得超級超級脆肉質依然保持十分嫩滑😳👍🏻👍🏻👍🏻味道似炸牛油雞翼🤣 餣得好入味，唔使點任何醬都好夠味緬甸家鄉手抓餅 (2塊) $48其實係普通酥皮薄餅🤗跟一碗咖哩汁上，咖哩汁味道同一般泰式個d黃青紅咖哩唔同，有少少似港式辣椒油加XO豆瓣醬加咖哩😂 汁入面仲會有d蝦米仔，都幾野味，唔辣的酥炸黃金脆蝦餅 $48蝦餅十分薄身，所以炸得好脆味道係唔錯既，但好似食左陣風咁😂緬甸脆香咖哩豬排椰香飯 $55呢到既炸物都有一個共通點，全部都好脆😍 豬扒亦唔例外喔！炸粉醬唔算厚但亦唔係十分薄豬扒味道還不錯，亦唔dry! 咖哩汁同手抓餅的汁是一樣喔比較特別既係飯係椰香食，嗅落好香椰味☺️ 食落就同普通白飯味道一樣Mohinga 鮮魚濃湯米線 $48 呢個鮮魚濃湯米線係全餐比較特別既一味！湯底質感偏稠，味道有d似薯仔湯，頗鮮味的！建議加入

和朋友出開旺角一帶 想着未試過緬甸食品就進去一試Mohinga鮮魚濃湯米線（$48）：黃色的濃底並非辣或刺激口味 反而都是魚湯的鮮味裏頭有一塊脆餅 吃下去才知道是黃豆豆卜吸湯汁 入味曼德勒鮮茄滋味撈麵（$48）：可以自行選撈麵或米線 因為已叫了米線 所以特地叫撈麵試試鋪在上面的材料很多 蕃茄味十分濃烈 吃下去滿口蕃茄麵量也很足緬甸特產茶葉沙律（$48）：茶葉居然用來做沙律 吃起來也不突兀 和沙律融合在一起椰菜切成一短條一短條的 還有蕃茄粒 都是容易入口的另外也有脆脆的口感 就是撤在最上面的那些緬甸珍多冰（$20）：上面是椰漿 下面是條狀果凍 兩者混起來喝青檸蜜瓜椰果特飲（$20）：消暑飲品 青檸清新 蜜瓜甜甜的 下面的椰果很多 喝到最後還有不少挺特別的緬甸菜 巿面上較少見價錢大眾 而且店員挺熱心的

何文田呢間食緬甸菜小店，其招牌鮮魚濃湯米線一定必食！湯底按照傳統做法非常足料用塘虱魚，雞肉熬製六小時，再加入魚蓉、炒香的黃薑粉和其他香料，所以令湯底呈黃色，鮮甜香濃絕無味精。米線更完全吸收湯底精華味道。另外個腩肉飯都好出色，腩肉層次分明，重點係入口即溶仲肥而不膩，個汁撈飯食絕對一流!  Mohinga鮮魚濃湯米線($48) 招牌湯米線的湯底以塘虱魚蓉加入紅椒粉、黃薑粉等調味料炒香，之後加入用塘虱魚、雞肉熬的湯中，令湯頭鮮甜香濃。配料有魚片、豆卜、豌豆脆片、半隻熟蛋和莞茜。 豌豆脆片係豌豆同米漿混埋一起炸，炸得好香脆，豌豆數量都幾多。 曼德勒鮮茄滋味撈麵($48) 自家製茄醬肉碎，味道清甜，加上莞茜同炸蒜，撈埋爽彈的蝦子麵，非常香口開胃。 曼德勒紅燒腩肉配飯($55) 腩肉層次分明，軟腍入味，味道帶甜，重點係入口即溶仲肥而不油。個汁撈飯食絕對一流。 酥炸黃金脆蝦餅($48) 蝦餅炸得金黃香脆，蝦肉爽口彈牙，蝦味突出。 緬甸黃薑脆脆雞翼($48) 雞翼即叫即炸，帶有少少黃薑味道。 緬甸羅望子特飲($20) 味道酸酸甜甜，非常解渴和醒胃。 / 緬甸黃薑蜜特飲($20) 有薑味，食到薑粒，夠潤

食在香港真係無錯，地方密集又國際化，想食什麼有什麼，而且話咁快就去到。曾經看過一間做緬甸家鄉麪的介紹，今天有緣去到附近，特地去試一下這家緬甸招牌湯米線缅甸特產清香薑沙律，材料很豐富，有花生，蠶豆，果仁類，蝦乾，蕃茄，菜... 可以想像得到花生果仁有咬口，蝦乾甘香，番茄、菜解暑清爽，配搭非常特別，自家油醋旨在提味，只係點到即止，完全做到簡單就是美味。雞翼的食法很多，緬甸式的會用上黃薑香料醃製，脆脆除了是炸得香脆，還有雞翼面上的香蔥炸蒜topping， 一咬皮肉分離，嫩滑雞肉仲爆汁添曼德肋紅燒腩肉飯，醬油調味合度，不會過鹹，而且炆得好入味，腩肉不油膩，惹味得一個大大的白飯全清Mohinga鮮魚濃湯米線，湯底必定是用大量鮮魚淆製，底味濃郁，我不清楚緬甸家鄉是用什麼種類的魚，配合米線爽口彈牙，豆卜、魚片、雞蛋、黃豆餅好有地方色彩、因為加入左黃薑粉，顔色感覺有點似食喇沙，事實卻是啖啖清甜的魚湯味道。緬甸珍多冰，味道不太甜，內裏的爽爽是一粒粒的，一啜入口，爽爽就像啫喱般QQ緬甸多士配香滑咖啡，貫徹的南洋風味是一口一粒的椰香多士，地道凍咖啡不帶苦澀，有點像齋啡，地道的感覺，此時此刻，又是愉快的一餐。

之前食過呢間緬甸菜的本店都唔錯，朋友話未食過，又新開左分店，地方更大，既然係咁咪同佢黎試下囉。新店地方大左，冷氣十足。座位又濶好多，枱上用具乾淨，感覺不錯喎。羅望子特飲 ($20)天時暑熱，梗係飲杯凍飲先。飲下緬甸出名的羅望子，酸酸甜甜，味道十分似酸梅湯。黃薑蜜特飲 ($20)朋友點左杯很正氣的黃薑特飲，好香甜蜜糖味，薑味不太重，易入口喎。緬甸泡菜回鍋肉片配飯 ($52)預先煮好的回鍋肉，落單即刻送上，好有效率。肉片有咬口，幾入味。醬汁有洋蔥仔，蔥，蒜等不同香料，味道甜甜辣辣，完全不像中式的回鍋肉。曼德勒紅燒腩肉配飯 ($55)另一款要腩肉飯，同樣是煮好的，立即有得食。份量都幾多，芫荽，乾蔥等伴碟，很香呀。腩肉不算太肥，軟腍入味，辣辣地幾惹味。曼德勒鮮茄滋味撈麵 ($48)仲有蕃茄撈麵，賣相麻麻地咁。蕃茄醬好多茄蓉，味道偏甜，個人建議加一點辣更好味。麵條是蝦子麵，份量超多，勁飽肚！食物味道走甜的路線，仲以為近東南亞會辣添，感覺又不是，蠻特別的啦，值得一試～

差不多每天收工都經過此食店門口，都有些好奇緬甸菜究竟是什么味道，率之今天就去揾出答案來，二人點了三款食物，有兩個係signature dish，一款係紅燒豬腩配＋7蚊改了椰香飯，奇怪在啲飯吾係熱嘅，但好香椰子味，腩肉吾鞋，另一款係招牌魚湯米線，魚湯無平時飲開嘅奶白色，吾太濃味，食吾出有魚味，材料有魚片，豆卜，飲了一小碗，吾覺口喝想飲水，應該無乜味精，最後加多份薄餅，用咖喱牛腩汁點來食，我就覺得點豬腩個汁好味啲。整體50幾蚊一碟飯，吾包飲料，可接受啦！再食就要過一段時間。