羅富記粥麵專家

營業中

休息中

😋雲吞麵$32/碗，我飲晒成碗湯，肉丸弼$40/碗，弼很軟綿綿，油菜(菜心)$18/碟，所有價錢合理抵食，也好味，細細間舖頭，未有發現差的一面，所以絕對推介👍

點解點解自取外賣咁細碗？今日去買幾碗粥外賣變咗好細碗嘅？變了用細嘅膠兜以前係用大碗裝嘅發泡膠兜而家變咗好細碗呀個師伕有冇搞錯呀！！！！！而且啲職員好冇禮貌！做得又慢！

琴日試左細蓉同凌魚頭，今日就試埋薑蔥撈麵同魚片粥。點解入呢間鋪頭係因為平時都見有人排隊，不論外賣定等位，諗住唔會太差，試一試。細蓉正正常常，個湯都ok, 但雲吞普通，凌魚球冇想像咁好食，都係普通。魚片粥，粥底幾好，但冇味，個人黎講唔太喜歡。薑蔥撈麵直頭得個油字，又係冇味。琴日$54 , 今日$74. 試過就算，應該唔會返轉頭。

又嚟到中環揾晏艱難系列，間間餐廳都要排隊，唯有又係買外賣。其實都好嘅，快d食完快d開工，希望唔使OT 到咁夜。一到冬天就想食d温粒粒的野，今日就㨂咗間中環中心附近的粥店買外賣。本來諗住食皮蛋瘦肉粥加油條，誰不知12點幾就同我講賣晒，勁失望lor. 所以僅有淨係買個粥la. 即叫即有，唔使等，大讚。呢個皮蛋瘦肉粥返到office 都仲係好熱，料就不過不失，價錢方面係好啱一般打工仔。唔知係咪無食油條，好快就肚餓😅

轉天氣發覺自己開始鍾意食粥，希望淡淡地 清下腸胃。哩間d食評睇落一般，一於試下。嗌咗個肉片粥一個人食，粥煮得好好，肉片都好彈牙，應該用胡椒粉煮過嚟，食完有小小喉嚨上火，違背咗食粥嘅意義。但 整體粥味道OK😊可能病人嚟食要睇我嘅食評，了解咗成份先嗌。唔好食完病上加病呀

約六時在中區剛完成了工作, 想起以前這出名老店, 正好再去光顧👏👏佈置如舊日, 地方亦不算大, 只是作輕食, 簡便的叫了出名的雲吞麵及蠔油菜心😋😋真的尋回昔日味道, 麵條爽口軟硬適中, 雲吞味鮮有口感, 湯底大地魚香四溢😋😋👍👍油菜炒得好軟透, 加了鮮味蠔油更有菜的清甜味😋😋👏👏好一個美好的昔日回憶

在中環上班已有一年多，出名的雲吞麵老店都試過了，這次就來到默默無聞的羅富記。位置：在機利文新街路口，就在馬路旁，很顯眼的位置。環境：裝潢與傳統粥麵店差不多，在門口左邊是粥麵檔口，右邊是收銀櫃，正中是放置了幾張圓木桌椅，白色階磚牆身，光線充足明亮。服務：上菜速度快，沒有甚麼特別服務。午市：雲吞麵$32平常光顧有名氣的老店，一碗雲吞麵都要六十，這個價錢只是老店的一半，所以你當然不能要求有老店的質素，但也不差。首先雲吞在底，麵在上，是正宗的擺法；其次是湯色清，但喝起來有味精，湯底一般；麵沒有鹼水味；雲吞一口大小，有兩隻鮮蝦，算是用料足，味道不錯。如果你想吃一頓快而便宜，但不要求飽肚，這也許是個好選擇。

睇完醫生，有啲肚餓，見附近有間羅富記，立刻入去醫肚。叫咗一碗雲吞麵， size非常細。麵質還可以，冇鹼水味，且麵幼及爽。湯底有落大地魚，亦加了少量豬油。雲吞呈魚尾狀，但體積細小，蝦好爽但豬肉份量略少。食完碗麵，好似冇嘢落肚。叫多一碗牛腩麵，牛腩比較瘦，食落唔算好腍。柱侯醬味道唔算好出，結果要落啲辣椒醬吊味。總括來說，味道不過不失。埋單約$100 ，以此價錢來說，味道跟唔上價錢，亦有其他出色麵店可以選擇。

聽好多人講話呢間D粥好正，係咪因為幾十年經營嘅關係，所以特別被追捧，我食完就覺得一般般，禮貌都無謂提😅—————————-🟫及第粥：味道也算ok，材料有豬潤、豬肚、豬腰、肉丸.......等等好多地方我都唔係好敢食豬腰，怕有陣臭味，但佢呢度製作過程又真係做足.完全無呢個情況，直得一讚👏—————————🟨魚片肉丸粥：感覺上一般般，又唔覺得係D人講到點好點好咁😅—————————🟥蜆芥鯪魚球：炸得脆又香，鯪魚球也是爽口彈牙，蜆芥也做得不錯👍————————🟪炸水餃🥟：呢個真係要讚吓，又大隻、又足料，炸得又脆口。入面材料足，蝦肉彈牙、足料木耳絲又夠爽口，呢個我覺得超讚🟪湯水餃🥟：無論湯水餃或炸水餃🥟都做得好好👍————————🟩菜芯：無乜特别，較為老咗D—————————有D字號老嘅舖頭D人好客氣.....而有D 字號老嘅舖頭D人就好鬼串⋯⋯真係好兩極化.......————————🔷整體來講，食物都ok，有出色有普通，但就未至於好似D人講得咁好，可能係字號老比人覺得嘅感覺🔶禮貌就不願至評.........😅————————-

This is a long established Guangdong restaurant, which is famous for its congee and wanton noodle. I went there alone after work and ordered their meatball congee this time. The shop is small but still comfy. Due to the social distancing and dining restrictions set by the government, the restaurant is already full house (even each table still have some seats left) and have one or two people lining outside. The food arrived around 5-10 minutes after the waitress taking my order. The congee was sm

今日去中環見客，一於試吓呢間老字號粥麵店。我叫咗豬潤粥$44同細蜆蚧鯪魚球$22。第二度嘅粥好少見到一粒粒米，但老字號粥店嘅粥係有米㗎🤪。粥底軟綿綿又幼滑，黏度適中，成碗粥有成10大片豬潤。雖然豬潤唔算好滑，但勝在夠厚，有口感，食之有物。食到中段，我加少少胡椒粉落個粥，味道即時提升到加一個香點👍👍。炸蜆蚧鯪魚球大粒過乒乓波，皮脆肉嫩，彈牙可口，鯪魚肉裡面加咗老陳片，唯一缺點是香味不夠。附送嘅蜆蚧汁好鹹，所以我都無點到，呢個係蜆蚧汁嘅特質，非店之罪。

即將暫別中環辦公室, 明天要遠赴疫情相對險峻的應變中心上班, 由於日日都在中環食晏, 但今日過後, 相信要等重光才可回來怕且有一大段時間, 所以就肆意放食, 行到邊度就食到邊度啦, 首先經過無冷氣嘅大排檔, 老闆娘話仲有一隻炸🐔脾, 好啦, 見佢盛意拳拳, 上檯時話隻🐔脾唔係幾大, 搭多半件🐔扒, 再送多隻煎🥚放响飯面添, 先食🐔扒, 味道唔錯, 醃得幾好, 點知隻🐔脾咬落完全無味, 我唯有輕吻佢多一次便告別, 五分鐘後鏡頭一轉, 我已坐在一間餐廳柯打咗碗魚蛋粉, 上到檯, 但見湯色泛白, 啖落帶有胡椒香, 只係唔夠鹹, 配河粉就嫌味道有啲寡, 魚蛋唔會只得個爽字, 魚蛋有魚味, 應該呀, 食哂啲魚蛋, 飲多兩啖湯, 又係時間同啲河粉講拜拜, 行出餐廳只覺意猶未盡, 企响門口度就好似孤獨五郎上身咁, 再食咩好呢？行吓行吓見到一間年前曾經中伏過嘅粥麵專門店, 突然想食水餃, 心諗叫碗淨水餃咪避開啲陷阱囉, 一上檯, 即刻試啖湯先, 果然預料之內, 無期望就無失望, 浮响湯面嘅韮黃食落脆口, 加返少少分數, 到食主角水餃, 哎😞。。。, 恕我粗鄙啲去形容, 有如用一個尺碼36D胸圍, 包住

上環老店羅富記今天去左上環個頭，因為太餓，見到在電車路旁的這間羅富記，就行左入去食，點知又中小伏😅店內環境光猛，兩個人坐在卡位還好，四個人的話就應該會太逼了！我地今晚叫左個牛腩撈麵，雲呑河，一碟油菜$21牛腩撈麵$47無瀝水, 搞到成碟麵都係水，賣相不討好！食落個鹼水麵，鹼水味重到好D浸左個人落鹼水缸甘，除鹼的程序不足, 令個麵帶苦味！牛腩香味欠奉，又不夠淋！牛筋還好！雲吞河$32傳統造法，雲呑放在麵下👍🏾雲呑一口一粒，細細粒， 外皮夠滑，蝦肉爽口，用好小豬肉包👍🏾 湯就同水無咩分別麵質好淋，有小小煮過頭，而且份量很小，男人完全唔會飽埋單HKD100, 雖然雲吞做得唔錯！但overall來說不好食！不會有下次！

自從此店裝修後，一直也未去吃過。今天中午到中環，便決定去吃碗很久也沒有吃的及第粥。舖內間隔跟前沒有大改變，廚房仍然在入口的左手邊，座位安排也跟前差不多。當然裝修過後，光猛了也整齊些。及第粥$37，粥底很綿很滑，吃得出不是開粥楜，是新鮮煲粥。粥料有肉丸兩粒、豬腰兩件、豬肚兩條和豬潤三塊。豬腰沒有押味也爽脆，豬潤淋不會硬實，反而豬肚就實了一點，肉丸是新鮮搓。不知是否現在都市人要求吃得健康，粥較以前淡味些，但吃後沒有口渴感。這裡還有炸魚球$22三件，咬一口軟淋配特別醬汁吃。

接手經營者可知道何謂雲吞(撈)麵, 麵一早淥定, 倒返落水翻熱再撈起用鉸剪剪兩嘢,軟林及碎濕程度同食糊仔無兩樣, 又無瀝水, 掀起箸麵, 一碟都係千年淥麵水, 浸住些已經爛皮爛尾的雲吞, 鹼水麵是這樣的嗎, 雲吞麵質感應該是這樣的嗎? 淪落如斯, 真的烏呼哀哉。若不熟悉如何烹製廣府雲吞麵, 大可以轉型供應其他麵食, 如果要沿用羅富記這一個招牌, 請你出去找些與你同等享有名聲, 又或者求其找間雲吞麵舖比較一下, 你就知道你的出品到底有幾大問題。