美味廚 (已結業)

係銅鑼灣「濕平」完，好肚餓，一個人又唔知食咩好，又想食飯，諗到頭都大埋，點知朋友仔打電話來，我即刻問「銅鑼灣邊度有好野食，佢就問我係邊，當時我係京士頓街，佢就即刻話（美味廚）啦，一定要叫掛骨菜飯呀，好一於試下先，第一啖食排骨，好鬆化，炸得好香又夠味，超正，再試啖菜飯，都可以，但我覺得飯再乾身少少就真係good good good 喇另外梗係唔少得既就係醉雞拼海蜇,醉雞好香酒味,真係有醉醉地既感覺~~WAKAKAAAA

二個人食飯，好貪心叫曬自己最鍾意既炸野，有炸大腸($38)，炸雲吞($65)，同排骨菜飯($45)。美味廚炸物做得出色，先講雲呑，蝦肉爽彈，皮炸完脆身，沒有吸取多餘油份，就算索價$65，我想信我下次還是會再點。炸大腸也同樣出色，先去除多餘肥膏，入口乾身，也不會太肥，但也保留足夠脂肪，令客人放入口有豬油的甘香。最後食排骨菜飯，沒有用鬆肉粉把豬扒弄得鬆泡泡，保留質感，其實挺好，豬也不太瘦，急凍貨色，交足功課啦。

横風横雨三號風球入黎避雨醫肚一心想試菜飯聽聞排骨出名好食自己又想食燻魚見到個燻魚排骨菜飯岩哂我對食物咁花心同時間可以兩樣都試哂好野 好快黎到可能因為少人既關係冷氣特別凍好快吹到飯餸凍哂失左色賣相方面都可以份量頗大排骨炸到深啡色外皮好脆。冇多餘既肥膏好實身好薄既四片肉有嚼勁但唔算韌但未夠香濃惹味。未至於一試難忘燻魚同我想像中有出入好大件啖啖肉唔係平時炸到薄片脆身既佢有魚皮有骨肉質普通。冇咩魚鮮味伴住甜甜地既汁食比較淡而且凍左既魚肉扣分不少變得硬繃繃菜飯中既菜唔多唔係心中想有既水準勝在飯粒夠綿夠軟又濕潤好易入口依到好在份量夠而且多套餐岩一家大細

是夜三人行在銅鑼灣街頭, 而來這店是一早擬定路線, 又是多得開飯網上食友們的介紹, 當晚客似云來, 並非浪得虛名, 客人多之餘員工也不少呢, 而每枱客枱面少不了的就是那炸豬扒客飯或者炸豬扒, 即使唔識得這店的客人入到嚟都應該知要點乜野食了, 我們也只是點了幾款(分兩次落單) 比較熱門的, 始終是第一次來嘛, 菜式如下 : 醉豬手 – 豬手由於雪住,膠質凝固了, 豬皮彈牙之餘但也比較硬,吃起來有點不便, 浸住豬手的酒汁內的酒糟份量也不少呢, 酒汁的甜味剛剛好, 炸豬扒菜飯 – 豬扒好酥鬆但沒有化學品氣味, 鬆軟的口感同肉內的脂肪分佈平均有一定的互動關係, 真想問店家在哪裡入貨的?是中國貨還是巴西貨?菜是粗切一下放入飯內拌勻的, 但自己好多時會諗點解菜飯的菜一定是墨綠色的?當然明白是放菜後蓋上煲蓋後焗過後菜變成這個並不怎樣討好的墨綠色, 唔通唔可以臨尾落放上去後拌勻就拿出來嗎? 當然咁會關連到菜可能要即炒一下即落, 如此忙的店會變成不停重複炒, 炒不停,燻魚菜飯 – 魚的外層做到好深色, 而且同豬扒比體積細好多, 味道則相對顏色來說較為中間程度的濃口味, 云吞雞一窩 – 半隻雞但質素不高,

蘋果茶愛吃上海菜,當中除了擔擔麵和豆沙鍋餅之外,一片肥味豐腴的炸豬扒,亦即是上海排骨,最得我的青睞,經典美味的代表,大慨就是百吃不厭的最佳例子了。位於銅鑼灣加寧街的"美味廚",主打滬菜,名物就是上海排骨菜飯。就是這片排骨,久不久會勾起味蕾的記憶,想念那鬆化和獨家甜蜜味,於是就會來一趟,也有時候,是在附近"血拚"購物累了,找地方醫醫肚子和歇腳的時候,就想到這裡來一碗實實在在的菜飯,身心都是一種滿足。數年前才發現這間"美味廚",是因為在晚飯時間,外面經常排隊,轉眼間銅鑼灣食肆增多減少不知轉換了多少個星級飯堂﹑過江食店﹑人氣餐廳之類,但這裡仍然安守在加寧街,守著我們記憶中的排骨菜飯。不說不知道,原來"美味廚"是"南京小廚"的分支,也原來,已經有二十多年的歷史,蘋果茶愛上這種經典美食,確實感到它不只是一碗排骨菜飯,而且是充滿內涵,用心烹調的食物,歲月只會增加它的美味歷史背景和珍貴的風味,一直流傳下去,而不會被忘掉。星期六下午,我們三個女孩子坐下來,就點了三個招牌排骨菜飯,和豆漿,當你想念或期待一個人,或一件東西,等待然後到它來到眼前,實在是一種奇妙的感覺,不論等待的過程是長是短,看到你想等待的

發現美味廚的原故是由對面喜喜冰室開始，於喜喜晚膳多次，每次都看見對面街的美味廚亦客似雲來，有時候甚至要在門外等候，決定找機會一試。一年多來，食過美味廚數次，每一次order都會有一個主膽：豬扒菜飯/湯麵！店舖面積不大，店內卻堆滿枱，地方擠迫，坐得不太舒服！一坐下，店員一般會放下一碟前菜及每人熱茶一杯，均為需要收費：酸菜$10，熱茶$2／杯，但如不需要的話，可要求店員退回，便不會收費。2人order:排骨湯麵 $42椒鹽雞軟骨 $30砂鍋雲吞雞 $70茗茶 每位$2total $158 (連加一)椒鹽雞軟骨份量不算多，少少的一碟，雞軟骨熱度十足，應是即叫即炸！但味道及質素一般！味過咸，只是加入了鹽粒、而非椒鹽味！部分的脂肪比例過多，部分軟骨偏軟，沒有咬感可言！而整碟雞軟骨中，更發現其中一粒疑似全為炸粉，內裡並無雞肉！另，亦清楚見到在一大粒粗鹽置於碟中！不論是賣相還是味道均叫人失望！排骨湯麵湯麵跟豬扒分開上，不怕豬扒會被浸林！湯的表面頗為油膩，但先喝一口湯卻是淡而無味！麵的顏色呈微微的淡黃色，有點似蛋麵，但吃落蛋味不重。每一條麵條粗幼相約，橫切面呈方形，但既沒有彈性，咬感亦不足，質感頗為軟

這小店的排骨菜飯，絕對是少數能令人心思思，常常想吃完再吃的食物。而且，質素能長年維持穩定。排骨是不能挑剔的了! 表面鬆脆，內裏仍然充滿肉汁，調味也適度，有薑汁的味道，甜甜的十分可口。與曰式炸猪扒相比，感覺上没有那麼熱氣。菜飯常常成了配角，且有時會過油，有時菜粒切得不夠細緻。故可選配上海麵，若以担担麵配排骨就太濃膩。酸辣湯，菜肉雲吞，花旗參烏雞湯也可一試。

好耐無食、約在舊同事一齊回味^_^一行7人可能9點後去唔洗等位😜我地叫左2個餐酸辣湯、栗米匙、雞絲粉皮、泥白肉、牛腩、醉雞、回煱肉、仲有2個豆沙煱餅、排骨菜飯每樣都好好味T佢個排骨係必食推介👍👍👍食落有淡淡薑味醉雞夠凍每啖都齒夾留香💋💦

跟同事过来的，地方比较偏，铜锣湾靠近名点坊的后巷。主打上海小吃，推荐排骨菜饭，其实菜饭一般，太油菜不够多，不过排骨真的很好吃， 很松软，有弹性，而且有点甜。配的粉皮一般，比较厚。 环境一般，不收茶芥加一。下次再试菜肉馄饨。

行到銅鑼灣，諗住食得清d, 就去左銅鑼灣美味廚，吃碗麵。就左一個雞燴麵，一碟清菜。嘩！隨不知個麵全都是雞皮，一d雞肉都冇，賣成4十幾蚊，埋單过百，都几贵。希望餐厅下次会进步啦!

我由細到大一向都好討厭食菜飯，覺得煮到又腍又濕又爛 ﹗直至遇上美味廚，朋友大力推介。之後我唯一會食既菜飯就係依度喇 ﹗飯粒質感乾爽，味道香甜可口，又嚥嚥靭靭，真係好好味 ﹗舖位細，枱櫈又細又放得密麻麻，想放多碟送都唔得，坐得唔多舒服。只因為食物質數高，我先會無所謂乍。人參杞子烏雞湯，非常甘甜既人參味，濃郁可口，最愛飲雞湯、最愛飲燉湯，double happiness ﹗好好飲 ﹗紅燒大排翅，不過不失啦，高湯美味，顏色晶瑩有光澤，超值。排骨菜飯，排骨炸得鬆化，味道香甜，肉質軟棉，好好味 ﹗必食招牌菜 ﹗唯一一間會讚既上海排骨。到菜飯喇，暫時係我唯一會食、又會讚既菜飯，無其他可媲美。飯味柏濃、乾爽、飽滿、香甜，真係非常好食 ﹗ 薰魚菜飯配紅燒汁，見到每枱食客都只係食排骨，我幫襯過三四次，每次都係排骨，所以真係好奇地想試試薰魚係咩味呢 ﹗試完發覺，都係食排骨算喇。薰魚有點放涼了，有點凍，仍帶點鮮魚味，有肉汁，還可以啦。骨不算多，啖啖肉。味道帶微微煙薰香味，肉質外層香而裡面滑，最衰係唔熱囉 ﹗紅燒汁偏甜，有點膩。菜飯唔洗多講啦，好味，正 ﹗ 紅燒童子雞，即叫即炸，好香呀 ﹗皮脆肉嫩，非常鮮嫩多

假期特別多人 等位食飯處處都係友人想食菜飯 身處銅記既我 就想起"美味廚~豬扒菜飯"有成兩年無幫趁..點解? 嫌人多來食根本無咩大檯 兩條友又要四圍搭檯 總之地方淺窄,坐得逼..曾幾何時仲見TVB既藝員小生也來晚飯最BUY佢既豬扒菜飯 今次水準仍舊 大件,鬆化又滿佈薑蓉味 得 錯在菜飯煮得太濕次選炸餛飩 剛炸起 大大粒 蝦又大大隻 美味酸辣湯 係足料但唔夠酸同辣津白 無咩味道 粗炒 味道都一般..為了心目中既最愛"豬扒" 我會再來

美味廚星期五的晚上, 3人行去晚個晚餐, 在CWB, 太多人了, 想來想去, 想不到哪裡有位子, 忽然想起加寧街很多食肆就跑來找位. 9點過, 還是要等15分鐘左右才有位.點了家常魚頭, 嘩, 一大個魚頭, 每個人都有一隻碟放骨, 醬汁用豆瓣醬煮成, 一點點的辣, 魚頭炸得透, 連骨頭都炸得很脆, 可以食埋. 配菜有很多冬菇, 筍, 青椒。奶油津白, 嘩, 好奶, 好似食緊西餐咁, D菜煮到好入味, 不過唔好處就係D菜煮到淋曬 -_- 而且依個菜要有飯一齊食先會中和0左D咸味。每枱都有一個朱扒菜飯, 我地唔想食飯嘛, 就點了一個淨朱扒。 嘩, 超正, 醃得超入味, 個朱仲有朱味, 不過因為係上海菜, 味道都係偏甜, 炸得脆得來仲有好多肉汁。仲有一個雞C粉皮, 一般啦, 雞C無咩味, 雪味什濃。食物真的很有水準, 只是地方有一點點窄, 另一驚喜係, 依到收信用卡, 仲要接受AE!!

今晚6時半經過見唔洗等位, 窗外望入去見食物幾好睇, 就入去。因為得返一張圓枱, 坐低比冷氣位吹到正都無得轉位。但同職員講叫佢較下個出風位, 佢話唔較得, 一係熄左佢, 一係就咁.... 佢其實無認真聽清楚...見到人人食排骨菜飯, 結果叫左一個排骨菜飯, 鮮蝦炸雲吞同潮式煎蠔餅。排骨菜飯好好味。外脆帶少少甜，內裏有豬味。可惜菜飯有好多油, D 菜好似焗左好耐咁, 唔太新鮮, 要改善下。鮮蝦炸雲吞好大隻。 每一隻都好熱。蝦 - 食時唔夠爽，並唔係鮮，不過咁o既價錢其實係好抵。潮式煎蠔餅 - 切好比埋你, 好細心。可惜唔夠脆, 亦無打冷果種o既口感, 蠔亦細, 亦無蠔鮮味, 不過不失。以38蚊價錢黎講, 係好抵。最後一定要提多次, 一定要試排骨菜飯, 真係好味。

獨自一人在銅鑼灣食飯，唔去茶餐廳，最好就係嚟呢度。嚟呢度我獨沽一味排骨菜飯，係最合我口味的菜飯，別無他選。呢度雖然坐位逼夾，但上菜奇快，基本上由坐低叫菜飯到食完都唔洗二十分鐘，無所謂啦！注意：兩人以上幫襯會俾碟酸菜你，要收錢架。菜飯底有很多白菜，比起小唐菜，我始終覺得上海菜飯是要用白菜才正宗和好味排骨從未在其他地方食過呢種味道，似是炸過，但外皮炸粉甜甜的，跟肉痴埋一齊，肉很鬆化但不是發粉造成的效果，仍然保持肉的質感要減肥的女士注意排骨用上半肥瘦，加上混在菜飯底的油，好邪惡架！