美味餃子店 (已搬遷) 新店位置

餃子是可以的野葛菜生魚湯也是可以的混在一起就是不好吃挾硬嚟不可以當創意

對這裡的水餃沒甚興趣，只想來喝湯，一個晚上的十時許，來要了碗細湯。煲得夠火侯，很甜美，是生魚的甜味，也有葛菜的味道，聚火清潤。只8蚊，很便宜，可惜這裡較吊腳，如不是時常也會來喝的。

驚喜的除了湯底之外，就是這樽辣醬了。正呀!仲買咗一打走．．

2008年3月13日晚上8:00 由長發行左20分鐘到左勁多笑面o既美味餃子店, 全店坐滿, 但係無人排隊喎! 即刻叫左大家推介o既1) 椰菜雲耳餃–細7隻$182) 白菜豬肉餃–細7隻$19其實兩款味道差唔多, 雲耳果個爽d羅! 老實講, 個湯我又唔覺好好味, 加埋d餃都落o左好多味精, 好口渴! (我又唔知係咪長發d味精伸延影響?!) 響等緊果時, 看到兩樣o野1) 原來佢就係破產夫婦轉包水餃果間, 成日上報紙電視2) 隔離左右係o禁”bug”豆板醬, 到我地食果時當然要試啦! 嘩! 勁好味, 好特別架! 大家一定要試呢個醬啊!如果講有得坐底食o野水餃店, 佢都算好好食, 但係如果計埋生水餃要自己煮的話, 荃灣民豐實在贏足九條街!總算試過啦! 最出名果兩款都試曬ru! 下次又要去第間ru!

在大角咀找不到下午茶吃，便膽粗粗行出來太子找吃的，即時想起了這間之前好想試的店子。雖然供應的食物種類不多，但都很便宜！今次都係試白菜豬肉餃啦。先喝一口湯，滿足，雖不及媽媽煲的好喝，但都喝得出係足料煲出來的。用湯匙撈起一隻餃，嘩！好大隻，大過隻湯匙不少。吃落有少許湯汁滲出，餡料是菜多肉少，正合心意呀！吃著，還真想買上幾打餃子回家吃個飽呢。環境和服務也是很普通，但為著這麼一碗餃了，值得Encore！

回家前，口癢癢，一於去食碗餃。要了白菜湯餃。送上枱，立刻喝啖湯...wa...好夠熱，好夠火候，味濃，真係好正。有魚味得黎又唔會腥！白菜餃都好得，好正，菜多肉少，好健康！佢地d辣醬有菜甫粒，很惹味！

下班前正在苦惱晚上要去那兒吃晚飯，到最後選了有很多好評的餃子店去嘗一下。事緣我之前去飛鷹餐廳時，路經也看到很多人在店外等待進內，好奇地看一下知道了有不少報章雜誌曾報導這小店的食物。既然一向愛試吃美食的我住在附近，沒有不去嘗菜的理由呢~ ^^到達時大約是下午六時，店內已經坐了90%的客人，我看到有位置便第一時間坐下去了。看一下他們的食物選單，才發現選擇不多，賣的餃子只有三種:韮菜豬肉餃、白菜豬肉餃和木耳椰菜餃。最後決定了選大份的鴛鴦煎餃(韮菜和白菜)，湯餃則選了木耳豬肉餃，它們用的湯底是野葛菜生魚豬骨湯，這樣的湯底也是首次看到，讓我越來越期待了....在我等待的時候，看到在桌上放滿了點菜紙，大約在我之前有十多張左右。這店的舖位不大，勉強才可以坐下大約20人。看著每位客人都不約而同地望著出菜的位置，恍惚間大家都留露了期待的表情，甚是有趣。不知是大忙還是習慣的關係，所有餃子都是即叫即煮的，完全沒有預先煮下來那種有點騙人的手法。在我等候的期間，在店外不斷有客人在買生餃子回家進食。在15分鐘之內，大約賣掉了100隻餃子，賣出量之驚人可見一班。看到老闆跟老闆娘在埋頭包著餃子，夫母同心合力去經營這店

正當冇乜錢又同女友出街唔知食咩好既時候, 記得呢間餃子店係OR的都算好評又平平地咁, 所以就check check個地址, e, 原本見到深水埗岩岩地就腳咋喎, 但係點知check真d 個地圖, 原來咁鬼近太子架喎, 港鐵站一出行一個字就到(其實唔使一個字tim), 估佢唔到咁個環境就ok啦, 唔算污jo, 係就多人果時要坐迫d, 呢d 都係食完拿拿聲走架喇黎到就同女友一個叫湯餃一個叫煎餃啦, 湯餃黎左先, 叫左咩椰菜唔知咩餃, $23有10隻, 食黎唔錯, 最緊要係個湯, 真係有誠意架, 唔係畀味精湯架, 好似係葛菜+魚煲既, 真係正, 成碗湯飲晒!煎餃就不過不失啦, 唔係突出又唔係差咁, $19有4隻叫埋杯豆漿$5, 豆漿普通貨色, 係咁上下.不過下次黎都係一湯一煎好, 如果齋一樣餃就好dry.

睇到呢度食評講得幾好,今日同男朋友去,叫左白菜煎餃子, 韮菜煎餃子, 煎餃子都幾多油, 唔係太健康, 不過就真係幾好味~另外又叫左雲耳椰菜湯餃子, 湯底好正呀, 我地2個飲晒d湯~三種餃子之中, 我同我男朋友一致認為白菜餃子最好味~下次會再去食過~

有次接朋友放工之後朋友帶我黎食我仲笑間野個名點知真係好美味仲要係即叫即整架好大隻好好味

第一次光顧此店,叫左1) 雲耳椰菜湯餃($18/7隻) - 都大隻ga，D料好足及好味，皮好薄，湯底係野葛菜湯超好味．讚！2) 韮菜煎餃($19/10隻) - d料好足，不過就好多油lor，如果佢地係上菜前揾張吸油紙吸下佢，就完美la！3) 豆漿($5) - 一般貨色！舖子細細地，一張枱座４／５人到，多人個時我想會迫左d，老闆係角落努力包餃子！

兩個人點了白菜鮮肉湯餃同椰菜雲耳湯餃各十隻加韮菜煎餃,湯底真的好味餃的味道也不錯.但白菜餃還是佐敦的唯一好食.建議問阿姐要多—個碗仔,"畢"起D餃再點辣椒油食,因為最尾會飲埋個湯(如果唔介意連辣椒油飲的話)

昨晚到過這間餐館. 叫了韮菜湯餃同雲耳湯餃, 似乎雲耳餃比較好味. 餃子內很多饀料, 但又吾係想像中咁咁咁好食.反而特別欣賞煎餃, 加埋佢地提供的辣椒醬, 正, 都值得一試呀...

今曰叫老公陪我試食雲耳椰菜肉水餃,我覺得個湯好好飲,Ｄ水餃好新鮮,而老公試牛腩河,他話好味,其實我已經好飽,但再叫7張煎菜肉湯餃,我覺得好味,最後走之前外買１打雲耳椰菜肉水餃返屋企再食,好正,好好味!!

10月12日20:00昨晚在OR發現這店，喜歡雜糧的我，怎可不試。回港棄灣仔、佐敦，直撲太子。進店時客人不多，要了大菜餃，嘗試要求分開上，亞姐們商量一會；亞姐傲慢地回答：冇咁樣個！(好我忍你>m<")同的女士竟答口：你可以飲完湯先食餃！(好意見^m^)最後餃子上，湯祇有半碗，但加入了兩片唐生菜。湯底：充滿野葛菜的甘美，魚湯的鮮甜，可比美年前灣仔的"蘿蔔湯"。唐生菜：那菜味比西生菜濃厚和實在。菜餃：身長，皮薄，餡料菜多肉少，更突出了菜的剛強個性，味烈怪不得佛、道兩，把菜視為葷菜。辣椒醬：辣味不算特強，但加入了原豉和菜脯有特色，菜脯偏淋，若夠爽脆便完美。湯是我夢想的湯，餃不是我的餃。下次再來是為了碗湯題外話1：我偏好飽滿結實的山東水餃，而北方吃餃子是不帶湯的，從前落單時會問你要多少斤(1市斤=10兩)，我頂多要一斤，因太飽肚了。題外話2：廿多年前的黃金歲月，包餃子曾是假日節目之一，幾師兄弟到市場買白菜、上肉和餃皮，柴娃娃到大師兄家裡，切切菜、剁剁肉，忙了半天，那四不象餃子才到肚。