美味餃子店 (已搬遷) 新店位置

事緣係某日睇完"星期日檔案", 講及店主如何在金融風暴後, 從地產界失敗了再開舖這小店. 當中見到標榜無味精的野葛菜湯底, 於是專程去試下因為只知是那條街, 於是由深水po那邊開始, 一直的行返太子... 和男友行到差不多放棄時才找到!我們試了大的雲耳椰菜豬肉餃, 還有韭菜餃, 各自加了粉, 還加了3蚊的豆漿.湯, 的確不是味精湯, 我和男友喝清了全碗.餃, 很好, 皮很薄, 雲耳椰菜餃很爽, 韭菜餃很香, 只是包出來不是很"靚仔" 豆漿, 一般, 不過不失兩人夾埋五十幾蚊, 好滿意, 食得過!!(p.s. 正如電視及牆上的剪報所說, 老細的確十分好口, 收野速度快, 不過當然, 佢o個度只係得三張台...但總之服務算很好了!)

長話短說。order了小雲耳椰菜湯餃配米線，17加4元，好味道，椰菜甜，雲耳爽，湯底香，正。order了大煎白菜豬肉餃，很多油，煎得太硬了一點，加上煎pan在店外的大馬路旁，故不建議大家食煎的，還是湯餃好，大煎白菜豬肉餃19元。食夠十元可加三元飲豆漿，唔算太稀，有誠意。晚上去餃子會賣晒，建議非午飯時間去試。

真是不知道此店存在，是經網友介紹這家沒有味精的小店。試晒佢三款湯餃子，三款餃子皮好薄好滑，菜多肉少，所以比起一般的餃子無咁易飽肚，而且每隻餃子包得好靚好結實。當中我較欣賞是菜餃，第一啖已食到菜香，反而對椰菜雲耳餃有些失望，完全食唔出有椰菜雲耳，沒有口感，只覺得是菜與肉混合一pat pat腍腍的醬。此店主打葛菜生魚湯作餃子湯底，味道真是幾鮮甜，可惜我對湯水的興趣不太，所以老公連飲三大碗。再試了煎菜餃，第一次食到咁香脆的煎餃子，新鮮即煎。我相信因為皮薄關係，所以特別脆口。再加了自家制的辣椒醬，特別香口。有豆豉、冬菜的辣椒醬好特別好惹味。另外點了三款的車仔，有紅腸、蘿蔔及魚蛋，雖然三款都是來貨，除了魚蛋較腍身之外，蘿蔔幾清甜，而紅腸切得大大件，好有口感，最重要是加了沙爹醬。

這裡主打的野葛菜水餃, 分開來吃水準是不錯的, 但是夾起來又不太對味, 可算是不搭配的代表作。這家都幾多人認識的小館, 就在上班地點附近。雖說是深水土步, 但其實在太子站c出口, 行兩步就到。3個人吃了椰菜煎餃, 韮菜水餃, 牛腩米粉, 車仔麵等等。招牌湯水味道清淡中帶股濃味, 其實伴粉幾怪, 伴餃仲怪! 兩者中煎餃味道比水餃好, 韮菜餃又沒有獨特的香味, 最特別是其薄皮, 跟日本餃子相若, 可提升口感。牛腩米就罷鬼, 咬不開又痴牙的。很難吃! 個人認為味道只是不過爾爾, 但是價錢就幾nice, $13/碗都幾企理的粉麵(雖然同區係賣緊$11), 特別來吃就不必, 經過的話都不失為一個選擇(不過附近一大堆平靚正選擇), 個人就不太會返頭吃喇。

見到咁多人寫呢間店，又咁多人咁笑面，所以都專誠同女朋友一齊佢試下佢。 都唔算難搵，但係就真係會係無啦啦行呢度囉。一入去，只見三張圓桌，店內深處亦有一張小小的方桌，有位呀姐沒帶手套的一邊與同僚談天，一邊包餃子。我和女朋友叫了一碗大雜湯餃子，即是包含了3種餃，$22，惠顧滿$10可加$3換一杯豆漿。 豆漿都ok啦，但係飲飲下有隻蚊飛左入去，同呀姐講，佢開頭係用對筷子整死佢，之後好似想俾番我地，但係之後而換過杯俾我。都幾驚。碗餃子出場喇，我女朋友即刻話好臭，哈哈，因為佢個湯底係用「野葛菜生魚豬骨湯」，唔鍾意野葛菜既佢就覺得佢好難聞，而我就ok。女朋友因為想僻走d野葛菜味所以佢就落辣椒油，又落醋。點知就又俾我地發現到辣椒油係經佢地秘制炒過架，辣椒油入面有豆豉，菜甫等，好香亦好辣。1. 椰菜雲耳肉餃︰入口普通，只有口感，但食不出椰菜雲耳味。2. 白菜肉餃︰平平無奇，亦是沒菜肉味。3. 韮菜肉餃：入口已經有好香既韮菜味，呢隻餃先至叫好味。所以食完呢碗之後再叫多一碗大韮菜肉餃作結。**煎餃就唔係咁想食喇，因為佢係o係店外煎，仲要對住大馬路。

2007年6月19日端午節烈日當空的中午, 男友刻意帶我去食餃子。該小店出品絕對有誠意, 用心。眼見老闆娘坐在一邊忙著包餃子之餘, 不忘招呼客人坐位後, 快步回坐位包餃子, 女服務員不停把售完餃子之盤子放回老闆娘眼前, 她不停地包呀….包呀。約半句鐘, 己親眼目到五, 六盤生餃子被消滅了, 每盤約四十隻。最後多嘴問她, d 皮自己整呀? 她說特別叫人做呀, 唔怪得知d 皮咁好味, 比一般滑及薄。環境: 擠迫, 潔淨食物: 1)湯底: 野曷菜生魚豬骨湯- 親切誠意, 用心, 住家feel。2)湯九韮菜餃-韮菜香, 菜及肉比例六:四, 肉滑帶汁, 絕不會鞋十十。3)湯椰菜雲耳餃-爽口。4)煎白菜餃-皮脆脆, 香, 油多了些。外買$14一打如果在冬天走入該小店, 花十圓八塊, 吃口熱湯加餃子, 好樣肚子舒服及難忘!食物新鮮就是美, 不用太多化學品。**男友備註: 好食過油麻地春和樓好多, 好多, 好多, 跟本無得比較。

未聽過呢間店, 只係上黎見到好多好評, 決定一試。原來呢間店冇想飲中咁遠, 咁難去, 今日超熱, 一入到店內即刻涼晒, 冷氣好夠, 正!叫左: 白菜湯餃. 椰菜煎餃野葛菜生魚湯底好特別. 一入口好似中藥咁. 但又咸咸地. 有趣!湯子的確明薄. 又多菜少肉. 但係味道就一般啦. 唔算得上好吃. 都ok!椰餃煎得幾香. 但太油了. 口感比白餃好得多!+$3 有豆漿飲. 抵!其實整體都係ok 既. 但唔太特別. 不值專程去試

野葛菜湯絕對是南粵地區獨有的地方烹調方法，適合這區域濕熱氣候；而餃子是北方產物，但亦以山東及峽西地區的較為出名，當中亦以以粗糧作主食的山東省所作的餃子花巧食味層次豐富見稱。來到這裡，居然利用葛菜上湯配以餃子這天馬行空的烹調方法而又能闖出名堂的，怎樣都要過來一會。要了份細量的雲耳椰菜餃；上檯時見到真的點滴不油，看到已知健康，嚐口湯，獨有的野葛菜味揮之不去，配上淡淡生魚味道，純來喝口湯都得益，若不是成本問題，改用山班魚效果甚佳，況且大家都是圈養之物。雲耳椰菜餃清新，雲耳的脆口配上椰菜的清甜，比起肉餃的食味不煌多壤。其實兩者不算相當匹配，極其量是食味較新鮮，賣點較獨特，說清兩者分開品嘗效果可能比起并在一起還好，始終兩者都能獨當一面。不過怎樣，用心發掘，用心制作，食味可以，笑臉總是可以，況且環境、招呼、價錢都可以，難有不是的地方。順帶一提，這裡咱家制作的辣醬油相當了得，除了夠辣夠嗆之外，裡頭原粒豆鼓亦能增添口感，而豆鼓熔入到辣醬油內亦令味道層次豐厚了，不要錯過！

叫左細碗既白菜豬肉餃加3蚊就有杯豆漿, 不過要消費超過20元, 我可能中午去啦,等左真係好耐好耐..起碼15分鐘以上, 不過老闆娘好好人, 好多客都投訴慢, 但係佢都好有禮貌講唔好意思..d餃好好味, 皮好薄, 湯好飲..

推介湯雲耳餃和煎菜餃。雲耳餃少肉但多汁，味雖偏淡，但可以和湯分開食，加少量豉油及／或醋，非常好味。而且皮薄唔會太飽。煎餃雖非生煎，卻仍香脆。其中以菜餃最好，比雲耳餃香。野葛菜湯底正到非常，人所共知！生餃好便宜，不過打邊爐食最好另外煮到熟／差唔多熟先加入，因為買生餃通常比多少少麵粉係餃與餃之間。

雲耳椰菜湯餃(細) 7隻餃$16湯底: 野葛生魚湯, 幾好, 成碗飲哂雲耳餃: 比較淡味, 不點醋的話就啖出鳥來, 可幸餃皮算薄.總捁來說: 尚算抵食, 但和預期有差別, 不值得專程去試食.

之前响新香園食過天下絕頂嘅烘底鮮牛蛋治。意猶未盡，大熱天時，徒步沿荔枝角道由深水埗行到太子，一嘗呢度嘅水餃...一坐低，就叫十隻韮菜餃。叫完先醒起先前食過蛋牛治，飽到lei..Selling point就係個野葛菜生魚豬骨湯底。喝一口，家常feel到暈，一D師傅都冇，感動...水餃皮薄，韮菜份量足...食吓食吓，食到碗底朝天...

我食九菜餃湯底好正冇味精不過餃子醎o左少少放工時間去會迫d老闆一直係度講"唔好意思地方淺窄"下次經過一定會再幫襯

白菜豬肉餃$18 (十隻)先講餃, 等緊時候, 有伙計係度包緊餃, 見到d餃皮係圓形, 落好多, 好包得埋, 只係淨埋少少邊位, 伙計好有心機咁將邊位壓花, 利用晒成塊皮, 無咩位剩. 有d舖頭包餃子, 皮大大塊, 一夾起d餃皮會跌晒隻... 食落都好好味, 菜同肉份量差唔多, 所以有菜味之餘亦食到肉味.湯底係野葛菜生魚湯, 好特別湯底, 顏色偏啡黃色, 似係老火湯, 幾清無湯渣, 飲落都幾甜, 連我唔鍾意飲湯都覺得ok.

去完新香園食蛋牛治，專登留肚食餃子。雖則地區叫深水步，但其實近太子多。所以從新香園行落去，中晒招！講番餃子店，叫一個菜肉餃加豆漿。剛剛去完佐敦北京水餃店，所以自然比較一番。北京水餃店餃子較似方形、好大隻，皮厚但好滑，料呈啡色，而味道濃烈。呢道o既餃子屬長形，皮薄料多，但味道相對較淡。而餃子皮的質料、口感，同北京水餃店好唔同。豆漿較甜而冇乜豆味。湯底太特別- 野葛菜生魚豬骨湯，相對一般清湯底，較濃郁而且唔覺有味精。但未必人人覺得好飲就真...總括而言：好味、價錢ok