美味餃子店 (已搬遷) 新店位置

雖然大風呼呼吹，但仍然無阻主人與奴隸獸尋找美食的熱情。由於朋友們及多個食評的推介，專程光顧此小小餃子店。（店內只有三張5－6坐位的圓。）我們點了：1. 菜肉湯餃（大碗10隻HK$19）：簡直難以置信，菜餃與野葛菜煲生魚豬骨湯底配合得天衣無縫，好好味，食完餃子，奴隸獸還飲哂D湯，碗底朝天。2. 雲耳椰菜肉煎餃（大碟10隻HK$21）：蘸著辣椒油，奴隸獸食得停不了口。美味！！3. 豆漿（HK$3）轉眼間，二十件餃子消失於無形。主人與奴隸獸覺得不虛此行，還會再來呢！

Well, dumplings have always be my favorite, yet, i haven't had any good dumplings in HK. This is until last week, when i visit this tiny restaurant. First of all, its location is much more accessible than it sounds. Anyway, back to the dumplings. they only offer 3 different types, call me traditional, but i still like the 韭菜the most. the dumplings are very fresh, actually, they made them right after i ordered. the soup base is different from other places. I think not everyone may like the

因我是北方人, 所以特喜餃子. 我去過這家館子多次. 評分是不錯. 但有次回家途中, 剛好是它們星期天輪休那天. 閘門虛掩. 我看見好幾堆大白菜就這麼放在地上. 嘩! 有冇攪錯. 衛生差一點喔. 想想可能下次吃的餃子正包門外帶進來的垃圾, 真有點反胃.

第一次光顧此店, 叫了一碗大韭菜餃和豆漿, 餃子的皮很薄, 豬肉配合韭菜的香味令人回味無窮.加上野葛菜生魚湯底有意想不到的效果.老闆娘一面包餃子一面親切招呼客人.店雖小但讓人吃得開心.這種美好感覺在那些集團連瑣式食店是找不到的.

在地鐵裡想起很久沒有買花花點綴一下家居,即時改變行程在太子站下車;首先要填填空虛的肚子,腦中突然想起這間餃子店,一對肥腿就走到這裡了。小店只有三張圓桌也坐滿了客人,幸好剛有一個最角落的位置給我坐下,真幸運!點了著名的雲耳椰菜餃後,看著旁邊的老闆娘快速的包餃子,等候也不會太悶。拍完照後第一時間喝一口野葛菜生魚湯,隱約喝到野葛菜獨有味道但沒有想像中濃烈,也許店方改良了吧?無可否認湯底是清甜好飲,有別於一般的湯底,這方面是頗有特色的。餃子外皮很薄很軟滑,雪一聲就滑進口裡!餡料菜比肉多,吃到爽口的雲耳碎和椰菜碎,餡料味道偏淡,這才可以突出魚湯的味道,感覺也很清爽,不會太膩滯。吃到最後,跟旁邊的小姐都拿起湯碗將魚湯一飲而盡,痛快!

第一次去個陣時，就一食難忘，再食鍾情，三食上癮！！！絕無花假，唔去就一定後悔啊呀！！

今日去左食白菜豬肉湯餃，個湯幾好，ｄ餃好味道，最正係要加埋ｄ辣菜一齊食；之後仲外賣生既白菜豬肉餃，同雲耳耶菜餃返屋企食，雲菜餃都好好味！

星期一成10:00先去到,得返9菜餃,當然照食湯餃,來到時候,第一口飲啖湯先,真係好屋企feel,無味精,正,之後食餃子都ok(比我想像中無咁好),因為太多菜很少肉,好似欠緊d野,之後朋友食了車仔noodle,d送都係普通野,不過略為湯底太咸,不過算係有誠意的車仔noodle。順帶一題,該店老闆人好,服務周到,感覺滿意!

本人同老婆係罕有過海之人﹐但係之前見到食評話呢間D餃子好味﹐所以琴日星期六放工專登叫老婆過海試下。盲鐘鐘唔係幾式九龍方向既我地﹐行行下又比我地有找到。一坐底以經肚餓到爆。因為未食過﹐所以ORDER一個大三色(白菜餃+韭菜餃+雲耳餃)一共10隻試一試邊種好味。老婆就ORDER魚蛋+冬菇+墨魚SO車仔麵。可能得一個阿姐負責煮野﹐所以每樣野都要等一段時間先有得食。差不多食完時﹐顧客坐滿﹐佢地D單亂SAI龍﹐唔知邊張單係邊個顧客。混亂得很。所以都係人唔係太多先來為妙。本人覺得韭菜餃比較香同濃﹐所以再ORDER一個大(韭菜餃+雲耳餃)。一濃一清的配搭幾好味。老婆就幾鐘意佢地個辣椒醬﹐好野味。

因為我家是北方人，對香港大部份的餃子都存有不滿不過我還是常常幫襯美味餃子店，一是因為靠近朋友聚會地點，另一是為了他的湯底。因為我家是北方人，所以沒有湯水，我很鍾意佢個野葛菜湯底，有時路過齋買佢個湯底走。反而大家講既餃子，可能係標準不同，以北方人既標準，佢ｄ餃料太”鞋”了，肉和菜不能融合埋一齊，已經是大大的失敗，我們食餃子不放湯，現代人又不會自製餃子皮，所以餡料是最重要既技術體現．．．我雖未得家人真傳，但若我係屋企整五人份既餡料，足足可以忙上三四小時，從打肉餡，絞菜，拌餡料，每一個步驟都有技巧，所以我對他的餡料很不滿有幾次好想叫老板娘．．．不如你煮十個餃子皮俾我，走餡．．．．．．

見咁多個笑面，今晚特登去幫襯，可能期望過高，食後覺得一般。要左個湯餃及煎餃。湯的比煎的好，兩者都是餡太少了，味道尚可。今晚這個煎的，餡少得可憐，整個餃很薄，比其他食評相中的煎餃更加薄。我寧願餃的數量少些，但餡多些呢。

03-AUG-07 6:45PM今日我同bf可以準時收工, 於是相約到美味餃子店試一試.睇過OR 既資料, 再睇埋黃頁地圖, 就知道點去, 原來係搭車成日經過, 不過無為意. 店內人不多, 可能時間尚早. 亞姐好快就問要咩餃. 我地望左個牌, 有雲耳椰菜/菜豬肉/白菜豬肉餃. 由於未試過, BF 話先叫一碗大三併(10隻). 等了15分鐘, 有D耐. 原來好多人叫外賣! 卻得一個亞姐碌餃. O係等候期間, 眼見有兩位亞姐/亞叔輪住包餃. 感覺新鮮!亞姐好醒目比左一隻碗我地, 餃子賣相佳, 皮薄, 餃皮一睇就知唔會厚, 因為仲可以睇到佢係咩餃, 深綠D既係菜, 有D黑黑地既係雲耳, 淺色既就係白菜喇. 我比較鍾意雲耳餃, 爽口D. 佢好在多菜少肉, 好岩我呢d唔多食肉既人. 正!!不得不提係佢既湯底.“葛菜生魚豬骨湯”色澤濃郁. 野葛菜又香, 生魚又甜, 係我既至愛~. 平日我一向都會買外邊既生魚野葛菜水飲, 睇黎而家唔洗去第二度了~是晚食完已念念不忘, 好想再食呀!!!!!!!!!!!!!

朋友o係深水埗返完工, 話未試過呢間, 所以就試o下. 但我覺得個地址有o的誤導, 明明就近太子多好多... 十點鐘左右去到就只有韮菜餃淨低. 相議過後, 決定要煎餃, 再加兩碗兩食送麵同豆漿. 車仔麵無咩特別, 不過沙嗲醬稍辣. 餃子偏油, 不過我幾欣賞佢個辣椒油, 比一般潮式o既食味豐富得多. 下次會再o黎試雲耳餃同野葛菜湯!

見到噤多笑面，於是路過時也來試試。生魚葛菜湯作湯底頗少見，雖然味道特別，還是正常的湯底較可取。湯味頗重，令椰菜木耳餃子的味道偏淡，要細嚼才可試真其味道。就是因為未夠喉，特意試多一碗韮菜餃，發覺後者的味道比較濃沃和有質感。(雖然我不愛吃韮菜)價錢頗貴，廿二蚊得十粒餃子；但加三蚊的豆漿不錯。

(29/4)　　我倆對於餃子的喜愛程度有別，可能以往的出品沒有令他產生太大驚喜，怎料這店的出品開了他的心扉，結上了，相信除了食品的質素，還有店東經歷的逆境往事增加不少印象分。　　笑談過後，餃子陸續上桌，9527吃後說：「也許我沒有吃過雲耳椰菜的餡料，咀嚼時不難發現菜肉的新鮮，很爽、很清新。」我反問：「味道如何？」他笑說：「看桌上的碟子便知分曉。」吃了一口的雲耳椰菜肉煎餃，外皮香脆，醬汁滿溢，內裡的餡料新鮮，切得細小但不會散開，椰菜、雲耳隱約可見，無論是否蘸上醬汁也不俗；另一邊廂的韮菜、白菜餃水準也接近，同樣美味。伴以另上的野葛菜生魚豬骨湯，入口的湯濃郁，野葛菜的香，味道相配，喝後也不需要大量喝水，同樣不錯。結果一碟又一碟的煎餃子，被送往五臟廟，往後的一個月，沒有接近過餃子類的食品，嚇怕了。