美味餃子店 (已搬遷) 新店位置

在公司附近發現這小店, 餃又款式不多, 只有白菜餃、九菜餃、椰菜雲耳餃可選煎餃或野葛菜生魚豬骨湯底另店內有車仔麵和小食, 不過本人未試過餃子好食, 魚湯有益值得一讚. 我最開心是不用吃味精湯底. 這小店有很家的感覺, 會見到店員在包餃子, 感覺上食得很放心, 煎餃很香口, 配以特別辣醬, 一絕! 辣醬是我從未見過的, 內有豆豉, 可能是自家做的湯餃就冇咁熱氣, 以椰菜餃最有新鮮感, 同埋雲耳爽口, 口感不錯! 不過湯底係咪要有d轉變呢?當我食到第三次就開始有點厭了, 在幻想, 如果間中轉第二款湯底就好了, 咩湯底都好啦. 不過睇來都冇望...以一個女士來計, 7隻白菜湯餃, $17, 是一餐很化算的lunch呢~

晏晝繼續清淡之旅，去開太子就嚟食吓餃子。中午時間好多人，堂食同外賣都多，老板娘加埋幾個伙計阿姐都做到踢晒脚。餃子得三款：木耳椰菜、白菜同韭菜肉餃，亦有車仔麵，不過配料種類都唔多。煎餃同湯餃一樣價錢，叫咗個木耳椰菜湯餃（細$18）加麵$4，個湯唔係味精湯，標明係野葛菜魚湯，飲第一啖覺得好似幾淡，但飲多兩啖就覺得好清甜，而且肯定無味精。餃子就幾大隻皮滑但饀料唔多，不過都有鮮味，睇住阿姐一路包，包好就即刻渌，梗係好食喇。聞說佢地D自製辣醬好正，雖然肚痛都要食少少，果然名不虛傳，夠辣又夠香，下次嚟要食番夠本。同檯有位大哥帶埋佢個外省老婆嚟食，佢老婆都話正，証明真係有料到。

美味餃子呢個名阿b話想食好耐今日終於同佢嚟咗~ 叫咗一碗白菜豬肉餃子 $21 有 10隻 (好抵呀...) 加埋一杯豆槳 $5 餃子都好大隻呀!!!! 味道好清 , 無乜特別 ~ 但係加埋佢吔辣椒油 又真係掂喎 !!!!!個湯係最特別呀~ 不是一般湯底呀~ 阿b話係藥湯嚟 (但我吔不是太欣賞呀)豆槳: 一般 但夠凍 我唸係佢既辣椒油最吸引呀

先不說水餃的質素，辣醬是自製的，每桌都有客人拿一大碟點湯餃或煎餃我都係見到人點我先點，點完先發現辣醬才是主角真係好特別，因為有豆豉及菜圃粒，醬都可以有咬口我食了雲耳椰菜湯餃和白菜水餃，味道一般，不太特別野葛菜生魚湯我個人不太鍾意

25Aug2007 1714係上個月頭諗住幫襯，撞正裝修，今次機不可失。一場來到，點了一碟乜都有煎餃及一碗野葛菜生魚湯。煎餃實而不華，最好味的當然是傳統之一的韮菜餃；對我們來說這裡的賣點是野葛菜生魚湯及自製的辣椒醬，在現今出外用膳、各大烹飪班實戰及仿間烹飪書藉，即使標榜住家 felt 的湯水，也已經商業化，就算之後再實戰，已經吃不出住家味道，這裡又好奇怪沒有以上的問題，你話好唔好我當然話好，點解好？我只可以說是老老實實；至於辣椒醬係自製，主要分別係裡面有豆豉及菜圃粒，講創新我會俾滿分，講味道同粉嶺群記還有一段距離，同其他普通食店來講已超超額完成。下次有機會還會再來。題外話：2007年年尾在新聞透視電視節目中，其中一節訪問就係這店的主持人盧生盧太，談及點解要開這間舖，結論係踏實搵錢最快樂。

因為好鍾意食餃子..特登走去太子試呢間有勁多好評既店(雖然佢地址o係SSP, 但係太子MTR行過去近D)間鋪好似得3張大台...都幾細,老闆娘坐埋一邊不停包餃...因為都幾多人叫外賣(生餃帶走)試左白菜&雲耳餃(湯)同埋白菜&9菜煎餃仲好無聊咁叫左燒賣(因為見到好大粒, 但食落其實唔算好味)湯餃比煎餃好, 二者都係比較淡口味的我覺得OK, 但男友覺得唔夠味反而佢鍾意個湯我就覺得個湯係有益...不過唔係咁鍾意陣味囉始終冇想像中咁好, 雖然有好多笑臉餃就巧興好食d, 不過巧興超超超唔就腳呢度贏個湯(我男友意見)

韮菜煎餃色:7/10香:5/10味:6/10雲耳椰菜湯餃色:6/10香:5/10味:4/10豆漿色:8/10香:710味:7/10野葛菜生魚湯色:6/10香:510味:5/10好長的食評環境就不多說了,我一向只重味道.首先講下韮菜煎餃,即叫即煎,火候都ok,不會過火/唔夠脆口.但係d餡似溝過水,韮菜還韮菜,豬肉還豬肉,質地一點都不結實.而且餡料一夾就散,呢d明顯係材料比例不當.隻韮菜煎餃無肉味都算,但連韮菜味都不太夠.味道仲差過旺角街邊10蚊串的韮菜煎餃.跟住到講下雲耳椰菜湯餃,食落無味,除了得個"爽"字,乜味都食唔出來.皮算薄,但一夾隻餃就斷開來(失敗)湯餃同個湯味道不夾(失敗)連野葛菜生魚湯都鮮味欠缺,飲落無乜味道,叫做好過飲水啦(失敗之中既失敗)其實要湯餃好食,餃子應該用蒸的,上檯時加上清湯.呢間食肆不會再幫襯

14/8(四) 8pm下午到"上壽司"虛花了胃納的配額,晚上吃不了多少.路過此食客雲集的餃子店,外帶白菜豬肉餃及椰菜木耳豬肉餃$17一打及韭菜豬肉餃半打($15一打)回家.摒棄其野葛菜生魚湯,用上"濃湯寶"的魚湯,效果也不失禮!一眾餃子外皮滑溜,餃皮隱約透出其味道甜美的內餡;樸實美味的可人兒!

去開深水埗﹐所以就順路來呢度再食成年前食過而又覺得幾好味既水餃。因唔記得邊種好味﹐所以叫碗大三色來(10隻)refresh記憶。椰菜較細隻﹐味道亦比其如兩款淡一些。因會去深水埗再食野既關係﹐所以原本仲想留肚﹐但因唔係成日來既關係﹐所以最後都再加多碗大(白菜同韭菜)。味道幾好味﹐但本人覺得佢地d餡料比起一年前來食多左少少肥豬肉。希望質素唔好越做越差啦。

當日去是身子有點不適想吃清淡d美味餃子店岩晒啦!叫左10個白菜餃+麵都只係$25!!!d餃係算好大的,入面菜多過肉少少,個人好鍾意!清淡得來又好味如果吃出面普通的店子叫水餃麵,通常細粒中要得4-5粒水餃這間真的好抵吃,行多幾步來吃都好啊~

此店在外母大人的住處附近，某星期天打算來吃，誰知當天該店居然休息不開鋪，真有性格。這日要到旺角某鋼具店取小卡的高背椅，便再來碰運氣。這次沒有碰壁。店很小，擠了不少街坊在吃水餃或車仔麵，來買外賣的也絡繹不絕，生意真的不錯。據悉此店是一對炒賣店鋪失敗的夫婦開的，破產後重頭再來，卻在幾年間搞得有聲有色，又是一個典型的獅子山下的故事。小卡之前來過探路，說韭菜餃最美味（另有白菜餃和雲耳餃，而餃子可灼或煎），不假思索便要了一碗大的韭菜餃。大碗的餃子有十只，另加生菜一片。最具特色的是那湯頭，以野葛菜生魚湯配餃子，小臣也是第一次領教。小時候小臣爸有時也煲野葛菜生魚湯，早已成為小臣美味回憶的一部份，故此特別有親切感。此湯雖未算最濃，但火喉不俗，野葛菜的甘配上生魚的鮮，是一種極特別的味覺刺激。餃子採粵式包法，餡料卻很上海式，餃皮極薄，用筷子稍一用力也可把餃子夾斷，但灼的時候又沒有弄穿，可算巧手。豬肉刴得有勁，韭菜又惹味，讓人一只接一只地吃不停。另外點了一客豬手試試，鹵水不夠濃，八角味過重，不算太出色。雖然還是比較喜歡上海餛飩，但這個野葛菜生魚湯真是要加分。可以再來。

08/06/28 由太子站步行要十多分鐘，不太就腳。舖面細少尚算乾淨企理。有車仔麵供應但樣子不大吸引，倒是煎餃賣相不錯，便來一頓餃子宴吧 木耳白菜煎餃 ($22/大)九菜湯餃(小)+粗麵($17/七只餃+$4)白菜湯餃(大)+油麵($22/十只餃+$4)生魚野葛菜豬骨湯(大) (好似 $15 )餃子皮薄又滑，三款餃子都好味，白菜餃咸味略重，九菜野味，木耳夠爽。之不過煎餃略勝一籌，香脆味美配紅醋同食頂瓜瓜 野葛菜湯也很出色，清甜濃郁絕不油膩，大碗份量足二人前 還有自家制辣醬，內有菜甫豆豉增添幾分特式。

野葛菜生魚湯：清清地但味道足夠，幾好有：九菜餃、白菜餃，雲耳餃…雲耳餃：我較愛，有口質…咬咬下~!

今天晚上跟同學來了吃餃子。 店内衛生比其他“小店“ 好。 老闆態度不錯。 他們不供應茶水， 我初時有點不悅， 但後來想想：他們是小本經營吧？沒辦法啦。 只要他們的餃子好吃就行了。我跟同學每人點了一碗耶菜雲耳湯餃， 然後我們share一碟白菜豬肉煎餃。湯不油 （好！），湯餃爽口不會太多肉（但多餡而且大舊 -- 好）， 湯餃皮滑 （好），煎餃比較油 （ok la), 但煎餃美味脆口 (好）， 餡料新鮮 （好）。個人討厭魚湯但幸好湯不腥。 我意外地吃到9菜煎餃 （他們弄錯了一舊餃子）。我討厭9 菜， 但竟然覺得那餃子小美味。沒有試辣醬因爲個人現在不太用醬。 但是， 那美味的湯餃和煎餃根本不用靠它也吃得我津津有味。賣單每人30多元。便宜， 好吃， 新鮮， 簡單但絕不單調。 我吃過正宗東北人做的餃子。 這跟東北口味不同但絕對美味， 我推薦！希望能夠再去吃（如果我認得路的話）。

之前食過2次都沒有白菜餃, 剩係得九菜餃和雲耳餃九菜餃好食過雲耳餃, 味道match d不過d皮 沒我想像好食,有d 似機整野葛菜生魚湯, 好飲, 似住家湯, 沒油, 下火其他食物,例如車仔麵等一般老細好好人士