美心皇宮 (屯門大會堂)

營業中

休息中

星期六跟媽媽來了這裏飲茶,我們等了一會就有位,可能已很晏的關係,我們叫了一碗廋叉燒飯,一碟煎三色糕,一籠素菜飽,素菜飽都幾好味,清清地不會很油膩,煎三色糕有蘿蔔糕,馬蹄糕及芋頭糕,d糕好好味,雖然唔係好熱,但很淋不會很硬,每款都有很多料,好味.叉燒飯也好味,但我覺得d叉燒汁很甜,不知是否加了蜜糖之類的東西,但吃得多就會很膩的感覺.這裏雖然價錢是貴了一點,但環境及服務也很好的.

前天是老婆阿寶的生日，本來想同佢去吃自助餐，佢話自己食量不大，好似不太值於是我們去了屯門大會堂的美心皇宮大酒樓吃晚飯慶祝點了(1)燉沙參玉竹石頭魚湯；(2)乳豬义燒雙拚；(3)金銀旦浸莧菜；及(4)涼瓜斑頭腩煲加１杯西瓜汁及白飯１碗--盅石頭魚湯真係無得彈，鮮甜濃白滑，及醒胃的胡椒，我想沒有加味精(就算有都非常少量)（難怪65元一盅）--個燒味拼盆好好食，义燒半肥瘦，肉質豐腴味甘香，乳豬皮脆肉鮮香炭燒味濃，好似剛剛燒好一樣--浸莧菜就好一般--涼瓜斑頭腩煲：涼瓜爽脆好吃；可是D斑頭腩就真係差，粉多個肉，炸得又硬又乾，很難吃，如果出自大集團作品，可以說，令人很失望--杯西瓜汁好飲（當然，他們是即場鮮榨）成頓飯最令我有深刻印象的只有果個石頭魚湯，我給它80分一向對美心集團都有好的評價（食物質素，服務，裝飾配套)，希望這次是廚師偶有失手罷．

呢幾件紅紅地的東西其實係叉燒．．．．係媽媽下午同友人去美心飲茶時食淨打包返屋企的。影得核突，但都決定放上黎．．．下次會影好啲！美心燒味一向都有不錯的水準，記得蘇ｃ黃曾經都喺節目中讚過美心的叉燒。但經今日一食之後，開始對美心燒味改觀。可能係冇特別ｏｒｄｅｒ的原因，叉燒比較多肥膏，唔多啱我口味！叉燒肉質（個人意見）唔夠再興好，太林．．．蜜汁味道也太過濃，過甜，過度偏重「蜜汁」味。雖然得呢幾件．．．但已經需要廿十多大洋．．．真係好貴。上次喺再興食高水準叉燒廿五蚊食到飽飽．．．今次差唔多價錢．．．牙隙都唔夠攝！美心叉燒，食「名」多過食「物」。點解個ｔｉｔｌｅ係「黃色上的紅色」？睇下墊檯張報紙自有答案。

6月7日黑雨但都要返工呀,放工後同屋企人來了這裏飲茶,等了一陣位,坐樓下,D椅好舒服,我們三個人叫了一碗叉燒飯,這裏的叉燒很好味的,不過今次則一般,叫了蛋散,咸菜豬肚,有很多豬肚,味道也很適中,燸米飽,很淋很好味因這裏的價錢很貴,所以也沒有吃太多的食物,這裏是搬車仔的,很有懷舊的感覺.亦有隔音設備,一Ｄ都唔嘈，很舒服,可以很悠閒的在傾計看報紙飲茶.

最愛始終都係屯門0既美心皇宮~!再次食佢地0既晚飯，今次叫左一斑兩味、燒味雙拼同埋醉雞煲~!一斑兩味($268)：唔記得左係咩斑，一味就係翠玉瓜炒，另一味就係用陳皮加梅子蒸.....0的斑好新鮮~!燒味雙拼($78)：瘦叉拼燒鵝。叉燒真係好好食，師傅好好人，俾左隻鵝脾我地~!醉雞煲(一隻$200)：連我0個位做左20幾年中廚0既daddy都讚佢地~! 隻雞係黃皮雞，好大隻~! 醉酒湯底好正~! 0的紹興酒好純~! 誠意推介~!仲有佢地0既紅糙米飯($10/碗)，一讚之作~! 成碗飯好多紅糙米~! 之前有次試過叫，但經理話因為0的紅糙米煲出黎唔靚，所以唔賣~!總結：不過，價錢確實幾高昂，埋單$680~!

同男友去左屯門市廣場既美心皇宮食飯，食左鮑魚一品煲，菠蘿咕嚕肉，雞脾菇牛油炒珊瑚蚌同埋芒果布甸...鮑魚一品煲- 熱辣辣,整個煲都ok,最好食既係冬菇同海蔘.菠蘿咕嚕肉- 皮脆肉嫩,唔會畀汁浸諗個皮,真係唔錯!雞脾菇牛油炒珊瑚蚌- 呢個餸唔多得,炒得唔夠乾身,水汪汪咁,完全冇牛油味!芒果布甸，味道一般...總括黎講,都可以返黎再幫襯,但有個疑問就係成個菜牌冇打邊爐既菜牌,但隔離張枱有打邊爐既食物,爐同煲? 好大個問號? 係唔係有特別服務??

臨近'收爐'，近幾日也要努力去銀行入數。今日完成入數事情後都兩點多，可能很多人也開始放假了吧，行雲整個屯門市廣場的食市，很多也'爆場'，唯有這裡不用等位。還有數分鐘才有特價麵飯叫，但太肚餓所以先吃了一籠鮮蝦粉果，皮薄餡多，蝦多之外，還有西芹粒﹑馬蹄粒﹑紅蘿蔔粒，吃得份外爽口，以中點計是完全值得。等多陣，終於可以叫特價點，本來想吃個碟頭飯，但今日的不合口味，就要了油雞米粉$18。阿姐好好人，兩碟雞之下，給我雞全脾，肉多又滑；今日的湯底又幾好味，至少不是啖喵喵，吃完後已經飽了7成。再來瑤柱雞球大包$16，點的目的就是看看大包是否那種傳統，有蛋那種...。錯了，原來只是成長版本的雞包仔=w='''''味道OK，肉球又不是超大，吃到尾尾才吃到幾絲瑤柱...化不化算見人見至，能吃得飽我的話我是覺得化的。吃飽飽又要立即點公司了，還有兩天到我放假，期待~~

明明叫自己不要再去飲茶了（到了今日才想起有’膽固醇’呢家０野．．．），不過對腳唔聽自己話，行下行下就入左黎ｌｕ～今日吃的點心款式也幾特別（只是自己未吃過）排骨蒸腸粉：這個配搭很新鮮呀，蒸排骨的豆豉汁用來撈腸粉吃，雖然油是多，不過味道濃濃﹑甜甜的是不錯啊；排骨很多也是肉粒，而且蒸到好林。瑤柱蝦膠節瓜環：終於食到這款式。學樓下那位食家話齋：加了瑤柱的點心會升一級數的呢！幾條不顯眼的瑤柱絲，放在蝦膠上，蝦餃膠彈牙﹑大粒；配上節瓜，清清地。其實收大點價錢是畀得落的，只因為口味很對^^蒸金錢肚：d 金錢肚又UN又硬﹗件件都係硬吞下...反而墊底的芋頭件又林又入味，真係妹仔大過主人婆=.=''''''紅豆沙：豆多﹑連子多﹑起沙﹑甜度剛好；但比較傑，吃到最尾像吃紅豆蓉般~又忍不住吃了四大碟。真係要戒去飲茶喇...唉...PS：吃了半小時，即下午兩點半，他們已經開始佈置晚上的宴會，其實每次來，也會在三時多開始佈置(不明日日也有宴會開的嗎﹖)，平時已經覺得這樣做很』趕客』，今日更甚：除了提早佈置﹑食到中途(即兩點半)已經問我還用不用要點點心﹖服務員走哂去佈置，舉手添水也要等﹑叫埋單連帳單還未出(+給我過

今次吃了咸水角(皮軟餡夠熱)﹑魚湯魚腐拉麵(魚湯幾好飲；魚腐是魚肉粒；中式拉麵，很幼滑)及蕃薯糖水(加了雪耳的還是第一次吃，蕃薯和雪耳也煲到好林；是否因是最後一碗﹖糖水中有很多黑色小粒粒呢)

又黎呢到食lunch~作為一位business major學生o係美心點心身上~有一絲啟發。首先係「蘿蔔糕」平平無奇的廉價貨成本低...之但係加上瑤柱呢兩隻字即由醜小鴨變鳳凰!!!再黎o既係「節瓜甫」同蘿蔔糕一樣加上瑤柱呢兩個字變成左大點...試問呢3件野o既成本駛唔駛$5?瑤柱的確係將廉價貨變成高級貨o既好朋友!

只不過放了一日假，今早就變得幾忙。下午辦完公事後，就來嘆一嘆茶。蝦腸：腸粉皮如常又薄又滑，蝦很大隻不過就'粉'左D。鳳爪拼排骨：全部蒸到入哂味，好味。燕窩椰汁糕：面頭有少少燕窩，就可以將在其他酒樓賣小點的椰汁糕升為大點；不過確實好好食，甜味及軟硬度是沒多沒少，剛剛好。瑤柱灌湯餃：下午茶的特價點，很多人覺得灌湯餃很京貴，但我覺得它只不過是水餃的巨型版。這個就比較多肥豬肉粒，味道一般...

平安夜...~梗係要飲茶保平安!尋晚食得太飽...飲茶食唔到好多野>潮州粉果 高quality!皮薄~ 裡面有花生、馬蹄、菰等等~ 有d似上素餃!>煎三色糕 3隻糕都好好味! 煎得o岩o岩好~冇野挑剔...~>上素飽 包身唔駛講...梗係軟熟啦~ 裡面以菜為主!o岩哂我呢d鐘意清清地o既人!就係咁...食左$60~good!

美心皇宮~果然比美心大酒樓差好遠~聽個名都知道...當然..有咁o既水準...價錢都成返正比~小點$14..中點$20...因為食左早餐先黎所以唔食到好多野..煎馬蹄糕~鮮甜爽口!有好多馬蹄粒~正!煎得o岩o岩好~~馬拉糕~熱熱的~軟熟~good!帶子腸~料多..~抵食!2個人食埋單$80~算係咁...黎得呢到唔慳得~

本來要和新同事食飯，幸好她被同事點了外出辦事，既然可以就自己所以去美心嘆茶^.^煎三糕(蘿蔔糕﹑芋頭糕及馬楴糕)：這是小點真的超值；每件糕都煎得很好，每面每角也煎到脆脆地，吃落香口非常；味道就前兩者保持一貫水準，反而後者外脆內軟，驚喜~雞絲春卷：雞絲﹑紅蘿蔔絲等餡料塞滿卷中，可惜油膩非常，吃了兩條已吃不下，很滯呢。馬拉糕：突然想食才叫。味道普普通通，反而面頭幾粒的欖仁脆脆的幾好食，最後灘凍了糕已成石頭般...韭菜鮮蝦餃：韭菜豐富﹑蝦也很大隻；味道很好，雖則韭菜超多但又不覺滯；可惜不夠熱，上到檯也只是微暖而已。為了推車仔點心，今次要求坐大堂(車仔多過二樓的)，被編座房內。只有一男一女的服務員，仲要懶懶閒的，服務還是二樓的''比較''好。無意見到男服務員與某推車仔阿姐打打眼色，兩籠點心就給他'偷運'去了...

已經拎了飛響稻香等位，辦好正經事後（一個鐘後）回去，問知客要等幾耐，重覆兩次她也不回答我，自己迫入人群去望本簿才知還有十多個，不明白今日為何這樣旺場，嬲嬲地去樓上美心飲茶～預我所料，兩點多已經沒人在等位了，入到去後才知知客寫錯了檯號，服務員立即執拾好另一張檯給我，不用我等。銀芽鮮蝦粉包（中點＄２０）：我點菜的‘弱點’是一見到食物有芽菜﹑韭王這類淡而無味的材料，就會不假思索下就要！＝＝這粉包有齊兩種材料，大喜＾＾粉皮一夾就爛，但沒所謂，因為與甜豉油和成餅銀芽＆韭王撈來吃，吃起來估不到又不錯；蝦有４小粒，對我來說此點心的'主菜'還是銀芽＆韭王而已。XD芋粒糯米包（中點＄２０）：已經好耐未嘗過此點心～皮薄餡靚，糯米飯炒得唔錯，不油膩，我吃到有蝦米﹑冬菇粒。連食三大粒，滿足滿足。油雞湯麵（下午茶特價點＄１８）：雞肥﹑肉滑，吃後不久口腔才開始覺得好鹹><”；麵條吃起來幾爽，湯是普通的上湯；份量以這裡賣＄１８來說已經叫多，至少吃完都幾襟包。本來服務我想給５分，不過中途我要舉手兩分鐘才有服務員見到，見到我的不是金衫普通級，是黑衫級，忍不住發了脾氣﹗其後幾位店長﹑廚師坐我隔離的檯開會，