美心皇宮 (屯門大會堂)

營業中

休息中

我記得我有次登了某店.某收銀張相上來..不滿又不直接講...仲罵我要好服務.就去五星級食店同貴價食店...我個次係有的唔開心...更加覺得自尊百分百要錢買回來..呢間店價錢就貴..裝修又華麗..眼見就華麗,個厠所衰過舊式商場....而服務就十問9唔應,要加水,都要求5次以上....點了的食物蝦腸...個皮好滑.而蝦好爽.尚算唔錯燒賣..個賣相差...的肉不是新鮮肉.味精勁重....而我個對食無要求的媽媽...都話重味精...咸菜豬肚湯...暖暖地...都幾好飲.豬肚無異味...爽口,咸菜都好多.加上胡椒粒...飲落味道鮮甜.而帶點辣味尖椒.同埋忘記左叫乜名的食物一般...好似忘記左吸油....星州炒米放到凍...先拿出來...係足料的...但咖喱味好少....茶餐廳仲好過佢食物整體唔差....叫皇宮貴我都甘心.....但係有點金玉其外.敗絮其中的感覺....

上星期六和家人來了這兒飲茶~叫了很多東西,當中有部分是手推點心車上拿的有些則是要下單..不過食物好快便上到來,效率很好百花紫菜卷像波波腸手指般,脆卜卜再加上沙律醬,正!XO醬腸粉以為是勁辣,怎料是不太辣的..嘿嘿鯊魚骨湯鮮竹卷:湯好喝之餘也很補身!?聽說的=V=其他的點心也不錯~蝦餃燒賣,包點,腸粉,粉果,羅蔔糕etc.也是至於環境,非常高檔,也不太嘈吵,可以徹底地享受舒適愉快的下午茶價錢較貴,不過下次一定要再來!因為太好吃了!

見到d度有好多朋友仔話呢間酒樓唔錯,所以今日放左工就同媽咪黎試下。媽咪大約13:35已在等位,我就13:55左右先到,我黎到等左一陣好快就有位了,我們被安排坐在2樓,我自己就喜歡地下個層,因為行過時,覺得涼d,,我地仲要坐係射燈下,所以就比較熱。我問媽想食咩,佢就只掛住睇價錢,小點都要16蚊,嘩~~是旦叫2碟小點就好了。第一碟:牛仔骨,其實我都覺得妁 好味的,不過媽又說,呢碟野廿幾蚊,梗係唔值啦第二碟:BB鴒:呢碟38蚊,唔算貴,不過味道唔太好第三碟:羅漢齊湯麵:呢碗28蚊,我同媽每人有2小碗,不過味道就只能用個怪字形容因為亞媽不停說貴,所以我地就食左呢3樣野,加埋2位茶錢埋單係117.7大元。不過我諗都應該唔會有下次的了,因為除左價錢外,其實味道都唔係咁好再加上我同亞媽都唔知係個位置問題定係D侍應有癮,我地2個簡直係瘋狂比佢地撞同踢到,本來未黎試之前諗住下個月父親節加弟弟生日,想黎呢度食飯,但而定都係考慮第2間了。

星期六放咗工三個人去飲茶，十二點半到，預咗要等一排，不過都唔緊要，因為都好好味。美心皇宮環境幾光猛，同埋有車仔堆，有紙選點心，啲服務員都好勤奮。 鳳眼餃—好正，皮唔算好薄，但係上面啲翅同蝦子幾好睇，下面粒蝦好鮮好甜，總之好好味！旦王燒賣—好薄皮，上面粒旦都幾香，不過如果冇咁干會更PERFECT，下面粒燒賣豬肉好好，好有肉汁！山竹牛肉—汁同牛肉係分開上，唔似其他酒樓會倒落去就算，好比心機，味道當然好！咖哩魷魚—好有驚喜，平時其他酒家都會好鹹同埋好靭，哩間好唔同，佢係汁好香濃而不鹹，而且魷魚係好林，好厲害！基本上我哋都食得好滿足，以後我諗我哋都會去哩間食嘢飲茶！

慘,每天努力保持身體健康的我再次病倒T_T學醫生話齋:感冒菌你係睇唔到架~(冏)不過今天的節目響兩天前預好哂,所以不能取消.早上看完醫生後,照樣去心愛的美心皇宮飲個茶.食個飽.平時我見到點心車就會很HIGH的XD,但今日見到完全提不起勁..(死得)...先點住清淡系列,有粟米魚肚粥,雞包仔,鯊魚骨湯鮮竹卷.個粥非常足料,最估佢不到是魚肚,多到丫...每一羹起碼有3,4塊魚肚(每塊有半隻手指公咁大),粟米夠甜,粥底又厚又綿,好香好味道~而個鮮竹卷因為有上湯浸住,層腐皮完全零油膩,裡面舊豬肉有木耳,蘿蔔絲,無咁濟.不過個湯味道則無乜特別,我仲以為會異常清甜.吃開左,胃都開返點點,另外點了個炸蟹鉗和棉花雞.棉花雞都是魚肚天下,厚厚魚肚索哂汁,爽爽地,梗好味.雞脾肉滑,又甜.由九點半食到十一點半,今次吃得最耐.哈哈.因為我無什麼精神不想郁.這餐由老友奉獻出尊費之CASH DOLLARS.PS:早前報導說美心集團旗下的酒樓有假經理出現,其實我都是在埋完單才醒起.汗...好在一直幫襯開這間,我認到誰是經理所以不用膽心.

飲茶啦飲茶啦,再去美心皇宮飲茶囉回味了糯米包,蝦餃和炸蟹柑後.再吃了雞扎,瑤柱節瓜甫,新款的茄旦鮮竹卷和燕窩椰汁糕.雞扎裡的魚肚非常大舊和軟淋,吸盡碟底的精華,甜美度升級,雞肉大舊又嫩滑,由鮑魚菇代替芋頭,當然不少得火腿一件.節瓜甫賣相精美,節瓜蒸到全熟透,但口感又不會淋到劈野,時間掌握得剛好,中間的蝦膠爽口鮮甜.配上有瑤柱的獻汁,清清地實在不錯哦.減肥期間是不可以吃鮮竹卷的我!但..見到紅噹噹的茄旦汁,口水猛流吃就吃啦!鮮茄混入大量茄粒和蛋絲,甜甜地帶點酸,好開胃啊有碗白飯配就完美無暇了 XD 鮮竹卷裡頭是豬肉混入大蝦粒,啖啖肉.甜點選了燕窩椰汁糕,上面那一少口燕窩,已令我滿心歡喜椰汁味很重很香,糕身彈下彈下,十分味美.今次坐在卡位,不似上次咁'隱閉',所以服務員加水和收碟都很快手.埋單$206.80,老友再奉獻40元現金劵....不過就算呢餐每人付100,我都覺得好抵吃架.

我係美心的熟客,大大話話飲左超過15年啦,之前係屯門美心大酒樓,依家改左美心皇宮,我地都經常去幫襯飲茶同食飯!先講飲茶,比較過其他酒樓,美心d點心係唔錯,價錢的確比較貴,但有質素!不過唔係經常都咁好食,有d點心可能放左係點心茶太耐,已變得好腍,尤其是d包,個底濕到好核突!請亞姐換過籠靚d,有d熟0既就好好人一定會換,但有d新入職0既就非常唔耐煩,仲會加多句"籠籠都差不多架啦!"我覺得最好食0既點心係蝦餃,牛仔骨,蘿蔔糕,炸芋角,蒸蘿蔔糕,腸粉,馬拉糕....服務方面,我覺得反而係d新入職0既亞姐好相與d同勤力d,做左好多年0個d就做野好慢,做又36,唔做又36,當分區經理在場時就突然變得好勤力,佢走左之後就又故態復萌!!而且成日掛住同d茶客傾計,一傾就傾好耐都唔捨得去做野.同埋可能唔夠人手,冇咩人加水.環境都算闊落,唔算迫,但個地下就唔算乾淨.d杯碟洗得都幾乾淨,不過都試過隻碗有d食物仲痴住係到,又或者肥立立.此外,想彈一樣野,就係呢到0既派點心紙問題,佢地通常下午4.00左右就會收點心茶,跟住就派點心紙俾我地填,奇怪就係4.30就唔俾再落order架啦,得半個鐘俾人填係0米少左d呢?

星期日同屋企人嚟左呢度飲茶,2點左右嚟到,勁多人,攞飛要等100幾個nos.但係只需廿分鐘就有位,因為d人走晒,可能俾個數字嚇親.五個人叫左:薄撐-好多料,熱辣辣,好味,好多海鮮,有帶子的咸菜豬肚-亞媽最愛食呢個,都好大碗,好多豬肚,咸菜呀,雖然唔算好重味,但都好味金錢肚-好味呀,個樣好靚,唔會好似人地其它酒樓咁個樣已唔吸引,好似一"pat pat"咁,味道都好入味呀,爽口彈牙雞絲粉卷-都好多料係個粉卷入面,唔係淨係得肉,仲有西芹等等馬拉糕-最鍾意食個邊,顏色都幾深啡,好味,唔會好甜,好鬆化上湯鮮竹卷-都好好味,因個湯底都好甜,又係足料煎腸粉-好味呀,好多蝦米及條條都係熱的,同埋好滑煎芋頭及馬蹄糕-都好香,煎到金黃色的楊州炒飯-算細碗,但都多料,有好多蝦及叉燒,炒到好乾身,好味呀蛋散-好少,得三大條,但都好香好鬆化的呀美心食物係有水準及保証的,但如果多人食就好貴,因為價錢都唔平呀.

今天好想去美心飲早茶啊,老友都同意,正.早上九點半開始等位.經過N次在早上時候等位經驗,次次都有同樣情況,就是如果你拿到的飛仔和實際叫的號碼相差幾十至一百的時候,不要因為驚而走左去呀其實不是等很耐架,等半小時左右便可入坐了.因為實在太多人走左 XD 所以飛了很多NO今次坐在的位置,是窗口的角位,而且又給高大的碗碟櫃遮住,所以服務員都很難留意到茶壺要加水,或者點心阿姐很少推車仔入來.豪氣之下,我們又要蝦餃又要鮑魚燒賣再來老友鐘意的紫菜蝦肉卷和我愛的炒糯米飯.呵呵呵.人人歡喜 XDDDD美心蝦餃是美味的,餃皮煙韌,蝦肉滿滿一大粒,又多汁呢.而第一次接觸的鮑魚燒賣,賣相非常別緻,其點心籠是Q版的,好可愛啊鮑魚軟淋,醬汁味香濃,燒賣則乾了點,豬肉餡都較鞋.炒糯米飯,飯粒濕潤了些,味道有臘味的香,還可以既.而紫菜蝦肉卷都是我第一次嘗試,見到那炸面仲驚好油淋淋,相反又不是,那層炸醬是非常脆口,真的一點也不油,而脆卜卜的紫菜包住超大條的蝦肉,勁彈牙呀牙呀牙呀美味!本來想吃多個飽,搵包車搵左陣,都不知去了哪.放棄!今次四碟埋單,價錢總數140,算是不貴了,最緊要的是吃得滿足又開心~

至離開小西灣後，一直很少光顧美心喝早茶。今天又有機會來了，真是有久別重逢的感覺。美心皇宮似乎有點今非昔比，排隊的人少了，想當年要排百多張檯。。。今天等了不出半小時就被安排入座，在樓上的大堂。樓上大堂，一直都不是茶客理想之地，因為不方便。但坐在窗邊的位置又可令作別論，哈！先來一籠豉椒鳳爪，哎呀！第一味就賣相不佳了，汁太濃太多又太稠。鳳爪更是「連體嬰」，汁把爪漿住了。用柚皮墊底，不太喜歡。香芋糯米卷，天氣凍凍，總想吃糯米。美心的糯米卷是我吃過最好吃的，可能是我見識少吧！用香芋包住糯米，我覺得很新鮮，比起用麵粉弄的皮，香芋皮實在好吃多了！香芋的香味浸入了糯米，糯米又有臘味、蝦米作伴，米不硬，口感與味道都是頂呱呱！香煎腐皮卷，唉！中點作價，但比其他酒樓的遜色。腐皮卷煎得過火，燶了！不知是否長途跋涉拿過來，皮已經軟了，一點也不脆，腐皮卷的賣點沒有了！卷不是漲卜卜。。內裡的料有豬肉、菇絲等等。不好吃呢！都是腐皮之過。埋單差不多要８０元，在同區的酒樓來說，可算是貴了！同區的酒樓多了，美心也應好好管理一下食物的水準呢，快要被其他人比下去了！

美心皇宮是屯門市廣場之中讓人消費最高的酒樓，但連我在這半年內光顧的次數也頻密了，對她上癡了。2009年10月2日，多謝公司，讓我們可感染到閒日放假之悠閒感。早上我和老友去美心飲特價早茶(11am前)。不知道是否還有一小時便完特價場，$9.8的點心沒有上回我遇到的那麼多呢我只拿了時菜鯪魚球和潮州粉果。不過，因為我們預定今餐是慢慢嘆慢慢享受的關係，所以都試了些正價點心煎腸粉-每條腸粉穿著淡黃色的外衣，皮的那層帶有微微的脆口感，剛剛好。因周不時遇到的煎腸粉不是煎完等於無煎，就是煎到硬哂呔。而腸粉皮軟身微滑，裡頭佈滿蔥粒和蝦米粒，香而不膩!冬菇百花釀豆腐-冬菇厚大且炆得入味，百花是蝦膠一大球，蝦膠彈牙又多汁最可惜用的是炸豆腐，我還以為是布包豆腐來添。去掉本身不會吃的那層炸豆腐皮，又估不到炸過的豆腐，入面的豆腐肉仍咁嫩滑。素菜包-因為等了好耐也不見雞包仔的出現，就轉要素菜包。包身厚厚地，素菜有好多碎白菜﹑木耳(?)，我反而最驚喜吃到有冬菇粒，令個包不只是有'菜'味而已煎芋頭糕-美心出品的糕點我之前也有寫過，今次吃的當然也如以往一樣好味道。每件糕中內含很多粉粉芋頭粒(滿足)，咬下的口感是先脆再軟，

媽媽從美心買回外賣 , 然後在家加熱, 分別有蝦米腸 ,燒賣 ,雞飽仔.蝦米腸 : 自行加了homemade xo 醬, 所以＋分惹味, 腸粉質感軟滑: 軟度適中,不至於爛, 頗好, 而滑度只屬普通, 有進步的空間.燒賣 : 每隻燒賣也有 2 - 3 只蝦 , 份量＋足! 而且是真正的蟹籽, 並非假扮的胡蘿蔔, 配以爽口鮮蝦, 豬肉和魚肉, Yummy . 其中一粒燒賣上的蝦不見了 , 蟹籽直接點在肉上 , 幸好每隻燒賣也有 2 - 3 只蝦, 咬起上來也不乏蝦味與爽口的感覺雞飽仔: 雞肉嫩滑, 加上帶點辣味而爽口的炸菜 , 椰菜 , 冬茹片 , 十分好味 , 而且各項材料份量剛好, 飽亦做得出色, 是日精選啦!! All at all , 大致上都不錯, 雖不是大師級水準, 但一定不是粗制濫造 , 而且價錢相宜 . (p.s. 本想吃叉燒腸, 可是2:30 p.m. 後便賣完 , 可見新鮮

今日老公放假,於是去美心皇宮飲下午茶,点知食到一肚氣.這間酒樓下午茶2pm開始用綠色牌做特價,每碟9.8元,而紅色牌為正價.我叫了一碗粥,牌明明係綠色,但蓋印時我冇注意到,原來佢吸正價,到我埋單才知,但粥車己收,都唔係重點.最令人嘔心嘅係點心籠上有其他點心嘅漬,這碟鮮蝦粉果又有異味,好明顯之前個籠裝過其他食物後沒有清洗就放其他點心,如果個籠冇洗放在地上又域者幾日前有老鼠爬過,我真係唔知點解,總知咁大間又有名嘅酒樓唔應該有這些事發生.

今天我們這一家人跟姨姨一家到美心喝茶和爸爸去到的時候大家已經到了，哈哈又當遲到大王。蒸羅蔔糕：其實自己不太喜歡，不過一坐下已經來了兩小盆，所以便吃了幾口，嗯，個人認為口感不好，太「爛」，比較喜歡實身一點。魷魚條：惹味好吃，我想應該是熱氣食品?不過的確不錯。燒賣：不算大粒，但份量適中比一味大粒的好，蝦肉彈牙，好吃!叉燒腸粉：沒有一夾便散開的問題，叉燒新鮮好吃，腸粉皮也不錯。欖仁馬拉糕：差不多整件都是我吃的，質感鬆軟，有微微的香味，很好吃呢～棷汁燕窩雙皮奶：熱呼呼的，表面已經看到有燕窩絲，雙皮奶挺好的，奶味濃郁。鳳爪：汁多味美，算是大隻，不是得層皮和骨的貨色。美心是稻香閉門裝潢之後人氣比較高的茶樓，不過阿姐要叫幾次才理你一次要改善一下，叫人加水叫得很辛苦呢。價錢不清楚，很食物質素的確良好，是不錯的。

早在四月某假日捧過場，那次點了蝦餃﹑燒賣和椒鹽魷魚，前兩者無論味道和用料都有返咁上下(始終是美心出品…)，特別是蝦餃，滿滿的蝦和蝦汁，一籠二人分非常之唔夠喉；至於椒鹽魷魚不是我們想要那種炸的，是用炒的方式，魷魚鬚彈牙有勁，味道香香辣辣，這個配搭是幾特別的哦~可惜份量不多，沒記錯是頂點來的，如可多返幾條我們就開心些啦。三個點心兩個茶，埋單已經10x元，所以事後無耐，見她忽然間在早茶和下午茶時段推加優惠點心9個8後，成日心思思想去想去的我，終於在八月份有這個機會啦，仲可試到兩次添。9個8系點心數來數去得十款左右，鳳爪拼排骨﹑鯪魚球﹑山竹牛肉等等，它們在外邊酒樓在同一時段都不需10元，當然在美心皇宮這類消費高的酒樓，「身價」自然提高，正價時段至少都要15/20元，所以我可以以平多十元八塊的情況下有得吃，計下計下，其實算抵好多了。XD糯米包：每次來到美心都必吃的點心，此乃在外間酒樓少見的款式。皮薄飯多，件件飽滿，非常吸引!糯米飯的飯炒到粒粒分明沒有黏著，相當有咬口，而且香氣十足!除了蝦米蠟肉外，今次吃到還加入香菇粒，香上加香，配搭很不錯!潮州粉果：粉果每件較細少，層皮幾薄不過夠煙韌，餡料除了花