美心皇宮 (屯門大會堂)

營業中

休息中

上星期六同媽媽來了這裏飲茶,例牌等位等得耐,不過都俾想像中快,因為地方夠大,所以人都去得快d. 1:00幾左右入去坐低,媽媽一早叫左煎芋頭糕及煎腸粉的,跟住見到有桑寄生蛋茶,即刻叫,因我好鍾意食呢款糖水.美心第一次有桑寄生蛋茶賣架.煎芋頭糕及腸粉都嚟埋啦,煎到好香及熱辣辣好味呀,芋頭糕都好足料的,同埋係好軟身,唔係硬身的,所以好好味,煎腸粉都係熱辣辣的,有些蝦米及蔥好香及好味道.桑寄生蛋茶有些蓮子,一隻雞蛋,糖水唔算好甜,蓮子只有數粒,少左d喎,雞蛋都係似啱啱放落去咁,唔係好入味,不過都ok的.最後我地還叫左一個百花釀魚肚,魚肚好似有一點點黑色,唔係太乾淨,蝦丸ok.其實美心係出名貴價酒樓,但係都好多人,因為坐得舒服,食物質素都ok,不過唔係長時間都可以維持都水準,有點起伏的.

朋友S的兒子在屯門大會堂舉行畢業典禮,有份上台表演及領獎,我也湊熱鬧去參加,最估唔到是現在的幼稚園畢業典禮,可以這麼隆重及盛大,有區議員,消防局長,校監,校董這些人物參與,還要我們全體起立唱國歌,真的是第一次,唔認大鄉里出城都唔得啦畢業典禮完畢差不多5:30pm,時間雖然尚早,但大家都想找個地方坐下來,見大會堂傍邊有 '美心皇宮' ,自然成為今晚的飯堂,來到門口女接待員說要等一陣,今次不是人多要等位,而是酒家還未到營業時間,好在等了約10分鐘可以入坐了.朋友B說要作客當賀小朋友畢業,其實每次同他出去食飯,有那一次要我們拿出錢包呢?他還一口氣叫了八,九樣餸菜,見到這裡推介一種矛台酒,他亳不猶疑要了一支,說要同小朋友的爸爸飲番幾杯.今晚的餸菜整體都唔錯,依希記得餸名有燒味併盤~~除了海哲淡而無味,乳豬,豉油雞,燒鵝,叉燒都幾好金蠔銀絲~~蠔豉幾大隻,不過唔夠蠔香味,但用上湯煨的粉絲,加上唐芹菜,好清香的一啖湯酥炸門鱔~~略嫌唔夠酥香脆金銀蛋莧菜~~不過不失韮菜什炒~~其實這個餸有個幾特別的名,不過唔記得了,韮菜夠爽嫩,,配合冬菇,魚片,炒到好惹味,送酒一流,另外用腐皮包著魚肉做的魚卷亦好味

今朝去美心皇宮飲茶...坐左好多人...不過唔多人等位...所以一去到就有位...不過.....員工少....等開茶...等擺位...都幾耐....雖然要等....但我地好體諒..食物都係推車仔...唔係用點心紙...好欣賞D 姨姨...知我地想食蝦餃...即使唔係佢賣...佢都會停車...幫我地去搵....令人最嬲O既事...O係埋單發生....叫左埋單....等5分鐘先有單...(我體諒)侍應A 拎左我張credit card....又等5分鐘....(我又體諒)侍應B 拎我張credit card 番o黎比我簽....我簽完名...侍應B 就比番credit card 底單...點心卡,同埋收據我....同我講"多謝哂, 拜拜"..之後即刻走左...我好奇怪...點解佢比埋張點心卡我...因為通常都係茶樓keep...我想問...不過個侍應已經走左.....於是我心想...可能美心入哂電腦....唔需要張卡啦...咁張卡又有我信用卡簽名....我就拎走埋...檢查清楚...我就撕左張卡...呢個時候...一個無名o既侍應C 跑出o黎...佢見我手上張撕左一半o既點心卡...佢當住

微雨天,加上早,等位只用十分鐘.不過是坐房仔,而且最埋邊的一張枱,有點叫天不應的感覺入到廳房問負責阿姐XXX號是邊張枱?粗聲粗氣加兇神惡殺的她指住張枱方向加說"個張啦"...哇得罪了她?嚇得我丫!!我來美心皇宮多次都是首次體會"貴賓式"服務隔離枱位先生齋坐廿分鐘了,無服務員前來問開茶,最後見阿叔走出去罵外圍的服務員先人來幫手.怪不得輪侯前幾批客都不願坐廳房,服務比外廳差一半架~首兩味分別是"例牌",即老友至愛的糯米包和我至愛的魚翅餃糯米飯炒到粒粒分明,無黏到一舊舊,而臘味夠多,每一粒飯都油香滿盈.今日的魚翅餃內有勁多馬蹄粒爽爽聲,豬肉餡香甜多汁,毫不油膩!平時要在11點後才出品的炸紫菜蝦肉卷,眼利的老友發現炸點車仔內竟然有幾碟存在立即要!!不過炸層和紫菜已軟淋了,應炸了好一陣子了吧.炸物要保持脆卜卜才正啊不過當中滿滿的蝦膠,超級彈牙,再夾帶荀條,妙絕.我諗住飽肚點,所以要個蒸蘿蔔糕要多蔥阿姐果然很'重手'呢,開心開心蘿蔔糕質感剛好,內有很多蘿蔔絲,而臘味蝦米非常多,反而我愛的冬菇只有一粒仔...可惜個豉油咸得濟,蓋過蘿蔔味去了.雜菌魚肚和蝦膠魚肚同是大點我發現後沒有落實要,點知阿姐老遠

今天中午同屋企人嚟左呢度飲茶,要等70幾張枱,嘩,使唔使咁多人呀!!不過呢度好彩有兩層都叫得快的.我地等等等等左都差唔多45分鐘先有位,四個人坐樓上.叫左三色糕,即係蘿蔔/芋頭/馬碲糕,一碟灼什錦,胡椒豬肚,叉燒飯一碗,咖喱魷魚,鯊魚湯鮮竹卷,美心的食物好有保証的,所以都唔擔心唔好食,雖然價錢係貴d,不過都物有所值的.我好鍾意個鯊魚湯鮮竹卷,個湯好鮮甜,熱辣辣好美味呀,咖喱魷魚都好入味,好香咖喱味不過唔係辣果種,豬肚都好大碗,個湯唔算好辣,都好多料的呀.叉燒飯d叉燒都好靚好味的,我地叫左廋叉燒但又唔會好柴皮的.三色糕都好好味,好足料及煎到好香及熱辣辣的.原來什錦漏左單,不過我趕時間走所以冇食,只係見到啱啱整起個樣,都幾大碟及多料呀,有肥牛,菜及牛栢葉,魷魚.個樣都好似好靚呀!我走既時候樓下仲有人等緊位的.不過就已少左好多啦!!

今天天氣超凍的,但無阻我九點半已經到美心等位亦因為天氣凍,人流比之前少,廿張枱只等了廿分鐘就得今次翻炒糯米包和鮑魚仔燒賣.美心的炒糯米飯一向都好食丫,炒得香口又足料,特別夾帶粉粉的芋頭粒,我特別鐘愛.這趟鮑魚仔炆得夠入味,老友說此鮑魚比昨晚在東海食的鮑魚團年餸更為好吃燒賣以大大粒蝦和豬肉組成,兩者皆多汁.凍凍地好想食點粥,魚肚粟米粥是我首選,因為較健康!每人分到兩小碗,粥底又厚又綿.我鐘意傑粥粟米粒勁清甜,份量勁多,淋淋的魚肚吸盡粥底的甜美,升呢成美食.蝦膠釀豆腐的蝦膠大大件又彈牙!而那半炸豆腐仍KEEP著嫩滑體,只嫌獻汁太厚和過濃味,有感浪費原來應是清淡配的它.最後一味是忘了名字的點心,賣相有如鳳眼餃,而菠菜出來的碧綠色實在透徹鮮明,顯得特別SHARP...就叫翡翠餃吧餃皮煙韌,底部的汁邊吃邊流出來,正呀~門口放著很多蘿蔔糕,芋頭糕,今年更將原盤馬拉糕和雞蛋糕,新增為賀年佳品,看到糕外的包裝紙,出現水蒸氣,新鮮程度可想而知可惜我一人吃不掉一大個呀,得個望字囉

早茶，並不便宜，而且也得等位。但點心卻是值回等候的時間。懷舊絕跡於主流茶樓的：鵪春蛋燒賣、糯米包、馬拉糕新潮的；紫菜春卷、三色腸粉、鮑魚燒賣。貴，不便宜都是對菜單的評價。但一定是好吃的。

美心皇宮向來都是我飲茶首選之地，因為食物質素一直保持水準而且環境好，雖然價錢較貴，但絕對是物有所值！南乳豬手，不是我吃的，而是家中之寶的至愛。不能為此作味道的評論，但賣相絕對比其他食肆好，一件件的豬手分明，汁不會太多太稠，唯一的問題就是天氣凍之時，豬手會很快「起膠」‥‥‥蜂巢芋角，哈！每次到美心例必是一客，因為做得太出色！蜂巢的表面，十分鬆脆～內裡的芋蓉黏黏的，加上蝦仁、叉燒、冬菇作配料，口感豐富之餘，味道也有層次！可惜的是有時會不夠新鮮，芋角沒有溫度，油份積聚在底部，墊底紙吸油吸到滿滿‥‥‥真希望美心可以將擺放已久的芋角拿走，不要照賣給客人‥‥燒鵝脾米粉，忘了拍照‥‥‥指明要脾加＄５，但依然值得！因為貨真價實，原隻脾完整奉上，不過ＳＩＺＥ好像細了一點。米粉大大碗，一定吃得飽。燒鵝肉質嫩滑，配上酸梅醬的確一流！離開時見樓下排住長長的人龍，是下午茶的吧。我比較喜歡吃午市，因為款式齊全；下午茶時份，有很多點心已經售罄，想要吃的多數也沒有了。

又係生病ge時間,時好時差ge天氣想點呀..........我同C6一齊睇完醫生都差唔多中午啦.點都要食返多少野先可以食藥架.見e到咁多人都話美心皇宮有懷舊點心食,諗都唔想諗就去食啦~~可能有2層,so唔駛等仲鍾意坐邊都得.搵咗個窗口位坐(光猛D都好呀).點心車呀~~~~~好耐都冇見過酒樓有點心車啦,好興奮呀........碗都未洗就行過去睇吓有咩食.柚皮鳳爪喎,C6話好耐冇食過就叫咗碟返嚟食.阿姐好有禮貌咁叫我返位坐,佢會攞過嚟比我喎.真係好啦~~~一試之下........好入味呀,辣辣哋唔錯唔錯.之後仲叫咗奶王飽(冇叉燒包為有叫佢啦),蝦餃,奄春蛋燒賣(隻奄春蛋炸過架,睇等出心思位)都好好味.唔夠喉,仲叫咗一窩雪菜火鴨絲湯米,雖然未到下午茶要成$7X但勁多料曪.(都唔明病都可以食到咁多野)一路飲茶一路網上睇返刑警大結局,咁就過咗2個鐘啦.埋單$23X~~(嘩....2條友飲餐茶要2舊水,但一次半次都唔太過份ge.D野食都唔錯,都會有下次!)係時候返屋企食藥休息啦>~<

weekend我最鍾意去飲茶喇...不過今次係晨咁早去完元朗先再返屯門市中心飲茶... 喺美心飲茶最大嘅好處係等位唔洗等好耐..今次都係好快有位!我地今次4個人, 坐低先叫個叉燒包 (不過我自從細個睇過d恐怖戲之後就唔敢食叉燒包), 所以我冇食到... 跟住叫左1大堆點心...本來想叫我心愛嘅腸粉, 不過見到佢之前已經叫左煎腸粉....唯有等下次.. .我覺得美心d燒味真係好味d wor.., 我地次次都叫架... 今次仲1碟飯4個人share添... 話晒我都成日黎丫...如果可以免埋茶就更好喇!

得知美心「老點‧家‧老菜」系列出動後,一直就好想試,本身對舊一代的東東感有興趣,何況今次關係”食”的呢~嚐老菜就難一點,所以老點就成為囊中物!前後兩次試了幾款懷舊點心,今篇可總結小小…呃篇食評先XD茶居腐皮夾(大點)：一盎四件的’腐皮磚’,腐皮與好多餡料玩層層疊,有金華火腿,冬菇,紅蘿蔔,香蔥,還食到有層油脂物,難道是傳說中的古代最受歡迎的--豬油!?算我不懂吃怎樣也好,呢層我吐出來沒吃入肚哦.腐皮非常滑,配上醬汁一齊吃,除了金華火腿有點咸香外,整體味道都較為淡.羊城雞球大包(大點)：包的份量有兩個拳頭,但餡料和雞包仔幾乎一樣,除了多四分一隻烚雞蛋,冬菇,草菇以及雞肉多一點之外,今次呢個包皮就差得多啊,乾鞋,未夠鬆軟.三菰六耳鳳眼餃(中點)：賣相很特別,面頭有劈髮菜加粒杞子,中間的餡我食到有蘑菇,冬菇,莞茜,馬蹄,雪耳,木耳等,有素菜餃的影子,不過口感多了個脆口(雪耳粒),餃皮韌了少少,味道清新,我覺得幾好食的.市橋白滑賣(中點)：樣子如普通白魚蛋,做法是蛋白撈入鯪魚肉打到起膠再蒸,簡簡單單兩種平價材料,撞在一起真是有火花喎,魚肉OK彈牙,重點是好滑好滑啊!魚肉混有香蔥蝦米,份外香口.

今日一起身就去飲茶....去到門口見到一條人龍,仲以為實有排等....好彩行近d發現d人其實係換緊月餅... 結果等左一陣就有位... 我地2個人,叫左以下呢d野: 鮮蝦韭菜餃 - 好好味,d蝦夠鮮,皮又夠薄燒賣 - ok, 我覺得平時好味d,今次多左少少肥肉,唔健康山竹牛肉 - ok, 不過不失蛋撻仔 - 超好味,新鮮出爐熱辣辣呀...燒腩仔油雞飯 - 美心燒味一向都好味架啦, 燒腩仔唔肥唔瘦,d皮好脆, 個油雞仲要係雞脾添.. 甜品 - 唔知咩名堂,好似都唔平架....聞就好香,不過食落就甜得滯.... 我飲完茶見到hsbc card特價仲順便買埋hellokitty冰皮添!

屯門市中心間間酒樓都好易爆,特別係美心,星期六日去飲茶真係有排等,我地都好鍾意去美心飲茶,佢仲係推點心架,lei期出懷舊點心仲有白糖糕食tim,佢o既點心燒味唔會差得去邊...不過lei期d蒸排骨唔得,差左...仲有飲茶時,佢地d service麻麻囉...同埋飲茶點都會貴少少架喇平時飲茶多,今次食下晚飯,都要講返幾句先...三個人食小菜,叫左三個送食ja...叉燒拼油雞, 美心o既燒味真係次次都ok,特別係叉燒,就算去飲茶都要叫叉燒飯食,雖然有次個飯好硬,但d叉燒個味好好,半肥瘦o既話真係好正...仲有個油雞都唔錯丫...涼瓜炆魚腩,普通啦...好新鮮咁,d魚就唔算多骨,不過有得揀我寧願全部冇骨,因為我好怕食到魚骨,涼瓜冇炆到好林,ok..土魷蒸肉餅, 蒸野就要等耐d,用個金色碟黎蒸好似high左少少,d肉好林,好梅咁,可能落左好多鬆肉粉"拿"過,冇左肉餅o既口感....麻麻....麻麻...都飽lu,冇食甜品喇,又冇得送...美心係大集團真係唔會太差...keep住呀!

跟家人到了美心皇宮「下午茶」.到達時也蠻多人等位; 大約叫了十三個號碼便入座;待了一會兒; 點心車開始出現` 懷舊燒賣- 比較舊式的燒賣,冬菇很香而且軟硬適中,不像其他茶樓硬硬的..欖仁馬拉榚-到美心必點的,很愛吃馬拉榚. 夠鬆軟+淡淡的欖仁味.三寶鴨腳扎-我沒有吃鴨腳,但它的艼頭很香口,汁也不會太鹹時菜鯪魚球-比以前差了; 肉很實,沒有了那種質感咖哩蒸魷魚-整碟給我吃光了..魷魚爽口; 薯仔應該是炸後再炆.香艼糯米卷,沒吃,不過賣相還可以吧.下午茶比正價時段便宜得多,特別是在美心,一半價錢但同質素。如在正價時段吃同樣的點心,價錢應該多一倍了。

昨天同媽媽及家姐去飲茶,本來是想去另外一間的,但超多人等位,結果我地諗住嚟呢度睇下有冇位,唔算多人,攞張飛都係等廿張內,就係度等位啦,這裏叫飛叫得好快,可能d人攞完張飛見要等咁耐都走晒.其實依家等位的時間已經快左好多,因為同區另一間酒樓裝修完,吸引左好多人幫襯,所以這裏就變得冷清了很多.我地等左唔係好耐就有位啦,坐樓上,仲要坐係最入既枱,坐正係龍鳯下面,勁多射燈好熱呀.這裏是保留推車仔點心的,但都有劃點心的,但選擇一定少好多,我們叫左茶後就叫點心啦,點左煎芋頭糕及廋叉燒飯多汁,樓上好嘈,好似坐位冇以前咁寛闊,迫左好多及嘈左好多,最重要係好熱,唔夠冷氣,坐左一陣都唔覺得涼,環顧四周見都有部份人在撥涼呀.我地坐得太入,所以每當點心車經過都唔會睇到係有咩食,仕應又唔出聲問及推銷,只將點心車放在路口跟住讓食客望下就走,我地完全睇唔到點叫呢?隔離枱每次都自已行出去望下係咩,這些服務唔得囉.我們加埋叫左以下食物:芋頭糕-這個好味,煎得黃金色,好香,個樣已好靚,食落去都好好味,軟淋淋及有好多料食入面.同埋係熱辣辣架.廋叉燒飯-叉燒賣相都好靚同埋好味的,有好多汁,都好淋身,唔算太廋,好味呀.百花釀魚肚