美心皇宮 (屯門大會堂)

營業中

休息中

今日day-off又可以黎飲下茶嘆世界今次叫左蛋撻仔、芋角、叉燒包、豉汁鳳爪、蝦餃、豆苗餃、鮮蝦腸粉、三色糕當然~美心出品質素一定有咁上下~每一樣都好好味!!~真係好滿意~埋單都係差唔多$200~2個人食~幾抵~唔錯~一餐當兩餐~哈哈~~美心!好野!

美心集團一向都以高質素見稱由西餅至酒樓食物都有一定的水準呢到d點心真係頂瓜瓜!帶子腸粉、叉燒包、蒜蓉魷魚、上素餃、煎蘿蔔糕等等全部都係高質素味道口感都一流唯獨價錢偏貴。不過都係值得的!

放工又是假期的開始，無無聊聊加上心引起，就走去美心等位飲茶。拎左飛，要等150個左右，唔覺得出奇(因為對上一次同一情況來都要等100個，最後等了1個小時)，見有大把時間就去吉之島買下必需品，買完都己過了半小時，再去美心看，還有30多個，情況是預期之內....0既快呢﹗再等多半小時，0岩0岩1個鐘就有位了^^我份人就係咁，去之前只要有心理準備要等好耐，去到就會好有心機兼唔會發火咁等位的了(哈哈)餓得發慌，速速叫了圖片中的點心，可恨咳嗽還未好，必需遠離煎炸甜的點心(嗚嗚)~~味道嘛，不過不失喇。百花蒸魚肚，百花是一舊蝦肉色的肉，但蝦肉應該佔好少份量吧，沒什麼彈牙感；包有2個，一個人吃剛好；魚翅海鮮餃還以為是什麼特別點心，原來是普普通通的魚翅餃吧了=.=不過很久也沒有在酒樓吃到這味，感覺不錯，特別在餡料有幾粒粒粒馬碲，食落蠻爽口的。點心價錢是屬於貴(中點20，大點24)，但有時豪一豪，享受一下，個人都會開心d0既(嘻)

父親生日, 不想走到太遠慶祝, 唯有留守屯門於這間全新的美心酒樓吃個壽宴, HSBC咭有特價套餐, 二話不說便點了這個$500有找的套餐先來一客花膠鮑片燉湯, 湯味濃郁, 膠質都溶化於湯水之中, 花膠及鮑片雖然只是細細舊, 但是味道都算不錯. 北菇雲腿蒸班片份量不大, 雲腿只有咸味而且太硬, 班片新鮮香滑, 口感不錯. 雖獨是茨汁太杰. 滑蛋蝦仁炒得恰到好處, 蛋香少油炒得香滑適中, 蝦仁新鮮又大隻, 十分開胃, 鹽焗雞的雞味香濃, 肉嫩且入味, 件件皆滲出點點的鹽焗香味, 值得推介. 上湯浸莧菜亦是水準之作, 莧菜嫩滑而且用上湯烹飪免去油膩口感, 整個套餐的菜式做得平均, 豐富得來又不會太油膩, 抵讚裝潢有體面, 顏色溫和, 坐椅舒適, 招呼尚算不錯, 可以再去!!

回應"好食記", 這裡的灌湯餃真的好味我吃第一口時同二家姐講好似去"飲"吃的魚翅, 啊!原來這是金華火腿味!

上星期日差不多下午兩點去到屯門美心皇宮，例牌要等位，不過無諗過要等一百五十幾張枱，準備轉呔前借用洗手間，見到酒樓內好多吉枱，用完洗手間唔夠十分鐘，果然已經叫咗三十幾張枱，於是繼續等，電腦錄音一直叫黄色飛一百零一號枱、黄色飛一百零二、號枱黄色飛一百零三號枱、. . . . 叫咗幾十張都無客人應，當然啦，邊有人咁神心企係度等呀，電腦一直叫一直叫，叫咗半個鐘終於輪到我地，yeah！4個人點咗幾樣點心，包括蝦餃、鳳爪、腸粉、鮮竹卷、雞絲粉卷等等，其中灌湯餃最美味，湯底用上金華火腿及魚翅，非常香濃，另外有一架"香港回歸十週年優惠"甜品車，每款點品都只售十蚊，我覺得架甜品車裝飾得好靚，我地點咗椰汁馬豆糕，不過我唔係甜品迷，所以無試到。結論：一家人聚首一堂，傾下計，談天說地，已經好開心，加上一盅兩件，就錦上潻花。

我於佢地開張第二日去同屋企人飲中午茶.點心都多款式,又有推車食物可惜黎到的點心好差- 奶皇包... 好似order返黎咁好厚皮- 牛肉... 大粒但唔新鮮- 炸春卷... 裡面唔知乜黎- 腸粉... 好多酒樓好過佢(海覇同喜喜就好味道)- 燒味飯... 唯一比較好食的東西

一家人在美心皇宮吃晚飯，叫了一個$288的四人餐(有雞、菜、魚及蝦仁炒蛋)，不料吃了不到30分鐘，我就開始覺得唔妥，首先手腳開始麻痺，之後仲覺得頭暈暈，個口又乾，喝了三四杯茶仍然極口渴，不知是食物太咸還是味精下太重手，之前去過美心飲，臨尾又係呢個感覺，總之就係突然間覺得好唔舒服，周身酸軟同頭暈的感覺，總之裝修靚服務好都係假，以後都不會再去美心。

日期：零七年四月二十八日（星期六）時間：晚上七時與友人去了屯門，才知道大會堂旁邊的酒家已經變了做美心皇宮。晚市時分，似乎顧客也頗多，我們一行兩個人卻很快就有桌子了，原來他們給了我們一張八人桌，真是皇宮般的享受呢！裝潢的確很有氣勢，看看菜色又如何？我們叫了醉雞做頭盤，再來半隻燒鵝和一個菠蘿炒飯。有趣的是，菠蘿炒飯竟然比頭盤和燒鵝還要早上菜！不過在我們和部長說過之後，醉雞和燒鵝也立即上菜了，部長也很有禮貌的道歉。醉雞的味道還不錯，酒味不算太濃，剛剛好；雞本身也算新鮮。至於燒鵝，味道也很好，當然心理上總覺得有點比不上深井的老店，但其實已經很不錯了！只是這兩個菜真的比較細碟：醉雞作為頭盤，細碟也無可厚非，不過相對來說價錢就有點誇張了！燒鵝也比預期之中細，不一會就吃完了似的。不得不提的是那個原隻菠蘿炒飯，味道很好，飯本身炒得不錯，加上菠蘿的味道，很開胃！價錢也算是合理吧！畢竟這裡是皇宮呢！最後值得一讚的，是皇宮的環境。裝潢當然是豪華吧，但洗手間也是十分清潔的。沒有只專注於「皇宮」本身而忽略了洗手間的環境，絕對令食客在離開之前再加分！

人物：叔叔，Auntie，男友表姐，家姐，細佬，細妹，外甥女，男友，阿M．日期：24-3-2007時間：晚上七時半尋晚係同Auntie補祝生日，一行八大一細黎哩間慶祝．１．廣東片皮鴨：原來包住ｄ肉黎食果ｄ叫做”麼麼”（北京人叫法）ｄ皮包黎食，ｄ肉就炒蜜糖豆．２．燒味特餐：乳豬，燒肉．３．老虎斑仔：蒸熟咗ｄ，魚肉有ｄ’鞋’．４．脆皮蝦仁：炸得好好味，點甜酸醬食，一流（匯豐信用卡埋單贈送）．５．京都焗肉排：好似甜酸排骨咁，ｄ肉好滑，好腍身．６．二度醬爆：肉，菇炒埋一碟，辣辣地．７．涼瓜炒蛋白：清清地，好酣甜．８．金銀蛋浸時蔬：一般．９．翠玉瓜彩椒炒什菌：青紅黃椒，翠玉瓜，秀珍菇，炒埋一碟，有ｄ苦苦地，麻麻．１０．壽包一打：成個餡都係蓮蓉，個皮好薄．高興得滯，我地叫咗支紅酒飲，飲勝．埋單HK$1,215．

我這平民很少到皇宮飲茶, 那次到屯門閒逛, 順道到皇宮午膳。不知其他皇宮是否如此, 這間開業不久的皇宮真的很有皇宮的感覺, 裝修很有氣派。侍應的服裝很華麗, 有侍應為客人帶位, 按電梯, 出電梯已有侍應迎接, 有侍應為客人拉坐椅等等!凡此種種都很配合皇宮的氣派。食物由朋友發辦, 我們一行八人, 同事叫了一個六人餐\再加點心。六人餐\包括了一個魚肚羹, 一個燒味拼盤米粉, 一個味菜炒牛柳, 一個炒雜菌及一條「斑仔」。魚肚羹每人所分份量不多, 口感不俗, 燒味方面, 美心一向水準不差, 兩個小炒買相精緻, 食物不俗, 而「斑仔」是養魚(也是意料中事), 但口感不差。朋友胃口很大, 叫了很多點心, 包括蝦餃, 燒賣, 牛肉, 奶黃包, 叉燒包等, 點心水準不差, 若以性價比來評論, 則未達「皇宮」級的水準。甜品方面, 我們有的叫楊技甘露, 紫米露, 芒果布丁, 椰汁糕等, 我自己吃紫米露, 紫米露很香椰汁味, 跟紫米味道配合得宜, 其他朋友亦指甜品非常出色。坦白說, 環境確是一流(值得一提的是洗手間也裝修得美輪美奐), 服務亦算相當周到, 食物亦算出色, 唯其索價亦絕不便宜, 食物質素與價錢

完全唔知點解咁多人等囉. 下次真係請都唔去食!蝦餃: 冇蝦味韭菜餃:勁多蝦,多過韭菜!蘿蔔糕: 食粉流沙奶黃:唔夠味最垃圾既係小籠包. ok, 你係廣東酒樓, 唔會expect 好似上海鋪個d咁靚, 但都唔係咁樣呀?! 個賣相已經好唔得, 好核突, 又唔好味. 都唔知d師父做乜, 唔得就唔好賣啦~明明新開,唔明點解個地毯咁多毛球係度,樣衰.扣分.唯一好既係款式都ok多囉. 不過好唔好食都唔敢包喇.

原本的海霸變左做美心皇宮，裝修靚左好多(雖然有少少土氣)，開張左就快一個月，成日都好旺場，要拎飛仔等，但係又冇特價喎...比起屯門市廣場個間好左，當然亦比海霸好好好好多，飲茶都係推點心車，好食過市廣場個間，腸粉好薄好滑，雞包仔好鬆軟有薑味，燒賣、蝦餃D蝦好大粒。外賣燒味仲有每日一特，返屋企加送都唔錯。市廣場間美心都就快摺埋嚕...

一家人諗住去食餐好!! 見到美心皇宮新開咪諗住去試下囉!!點知食到一肚氣!!一入到去!六個人比張四人枱我!想點??擺左兩壺茶成張枱已經冇哂位!好難想像一陣黎d餸放係邊!問d人可唔可以轉枱, 佢竟然就咁攞個茶几黎就算!!跟住叫經理話要轉枱, 經理就好禮貌d!話可以換過張枱比我地!!好啦!跟住叫餸食啦! 叫左一個龍蝦, 再叫一個片皮鴨餐!!跟住個侍應走黎話, 片皮鴨賣哂換隻雞你地好唔好!!我地唔肯!佢仲話返我地駛唔駛咁大聲!!嘩!咩服務呀!離哂譜!!隻雞$200片皮鴨$230 冇乜理由先?? 唔肯都好正常姐! 問佢係咁可以平d又唔答我! 仲大大聲話有d客唔食片皮鴨會換隻雞!!人地換關我咩事????? 最終我地取消個餐!但d餸不停咁繼續黎.......之後我地叫過另一個$498既餐, 問佢知唔知邊個佢都答我知.....但最後張單係寫住$288 個餐=_="!! 我從來未食個一間酒樓既服務係差到咁!! 以後都唔會再幫襯!!!!