義香荳腐食品

營業中

休息中

朋友介紹的小店，傳統店舖環境，無冷氣，簡單既枱凳。老闆對客人無咩禮貌，見到有客人入黎時都呼呼喝喝，可能唔怕無生意🤣叫左個煎釀豆腐同涼粉，豆腐剛炸出黎，好香口。涼粉不過不失，下次可以試下豆腐花，不過唔會係食飯時間黎，怕多人！

聽聞是老自號，又聽聞有風味⋯⋯豆腐花好好味，黎到之後即刻叫嚟試吓。堅滑，雖然細細碗，配埋其他美食，也是滿意。呢個食法，紅豆溝豆腐花，其實冇咩特別，不過想食熱嘅時候就冇。不過呢款嘅豆腐花有啲老。呢一款比齋豆腐花大碗。試吓呢個炸三寶先，有齋雞，雲吞同豆卜，唔係唔好食，如果雲吞大粒啲就好啦跟住落嚟，呢款$20煎釀三寶，有青椒，茄子同豆腐，不能改款（可以散的其他），我個人認為最好味，夠熱，夠厚身，啖啖口感必食呢間舖頭有其他獨特美食，例如燒賣撈米，碗仔翅撈米咁，應該冇咩舖頭有得食，不過就唔係我心水，如果你有興趣，不防試吓，我見都有熟客叫嫁！補充一句，佢哋嘅豆腐製品有陣「炭燒」味，都幾特別。最後買咗呢瓶靚腐乳，話晒有五十年老字號，點都唔會太難食，細的$35，大的$65有辣有唔辣，售貨員介紹食唔到辣都可以買辣嘅試吓，好味啲試完再同大家分享。

我看見店裏有很多人和店內好像係老字號，所以我就買返屋企試試看。我就買左一枝豆漿和三碗凍豆腐花。點知，豆漿超級難飲和一些炭味，凍豆腐花溝白糖。凍豆腐花一點也不滑、沒有豆味和有豆衣還有一些怪味，店員禮貌非常非常非常差。此店必須大大改善！！🙏🏼🙏🏼

同女朋友拍拖去九龍城行下，見到有間傳統豆品舖 就忍唔住入去食個下午茶。花奶溝熱豆腐花($15)豆腐花香滑，再加埋花奶滑上加滑。我鍾意一層層咁食落去，唔會搞爛曬，所以面頭就會無甜味。食到落底，無曬花奶就會食到有糖水，越食越甜。黑豆漿溝涼粉($15)超級足料，好多涼粉。凍黑豆漿甜甜地超好味。下次叫黑豆漿溝豆腐花應該就無敵喇。每人一大碗都幾飽肚。見隔離枱有人叫淨豆腐花($9)， 好明顯比我哋個碗細好多，就睇你食量喇。

下午三點幾同老公係九龍城處理完事務口痕痕想食下午茶醒起好耐無食過豆腐花一於就去食返碗先天氣太熱 一坐底先黎杯黑豆漿好好飲 唔算甜又冰涼 解暑一流本身想食豆腐花但見到碗仔翅又忍唔住😂將食豆腐花呢個任務交左比老公😆😆老公話好食到想嗌多碗 最後忍住嗌杯黑豆漿一路食見到老闆娘兩姐妹同d客人閒話家常講下街市邊檔買咩平買咩靚除左食物既味道外仲有濃濃既人情味

耐唔耐小公主都會好想去豆漿婆喥飲豆漿～豆漿有陣陣炭香味，呢個味噌我們這一家都好中意～大家又中唔中意呢？好多人都這豆漿婆好惡屎，其實都係辦事效率快姐～荳花 $9 亦都係最傳統果加糖水、加黃糖～識食既梗係熱食啦💕今次仲食咗3寶架⋯但太肚餓所以已經食咗🤣🤣其實店內樣樣都貢好食，特別係豆漿！好多人去九龍城都中意去公和，下次又不妨一試義香🥰 地址：義香荳腐食品 (九龍城)九龍城衙前塱道74號地下#肥dodo食記

呢間老牌舊店， 食嘅係最原始大人細路都喜歡嘅小食， 而且仲有一班老夥記， 不單止食物保持水準，而且人情味濃厚😘！煎釀三寶係招牌貨 除咗用上大大件嘅 青椒矮瓜之外， 魚肉仲特別煙煙靭靭， 煎炸起上嚟 剛剛好 魚肉 不會有太多 粉漿！仲有炸雲吞炸豆卜， 呢啲都係有細細個都喜歡食，大個嘅時間耐唔中都會返嚟呢間小店懷舊一番🤗！食完煎炸嘢，梗係要食返啲甜品，呢度嘅熱豆腐花特別搶手，賣曬就冇了！不過豆腐花真係好香豆味， 其實凍豆漿都唔錯 分外清甜！

間中會去九龍城買吓潮州食品，這間店舖原來有煎釀三寳，點知要等到下午一點才營業，更特别係即叫即煎，但真係可以確保熱辣香脆，青椒，矮瓜好大件新鲜，釀魚肉都幾厚，煎釀豆腐尤其美味，點埋甜辣醬食，欲罷不能啊!

九龍城衙前塱道74號的義香荳腐食品有一定的歷史，店舖一枱一櫈和裝修都能見証歲月。但雖然食店其貌不揚，卻能屹立不倒在原址，必有其獨特之處！義香多年都以其鮮製豆腐聞名，可以稱得上是街知巷聞。今天下午來到九龍城辦年貨，一定不會錯失良機來到義香嘆一碗多年沒有吃過的傳統港式豆腐花。這裡的豆腐花有熱有凍，任君選擇。熱豆腐花上枱時是和暖的，綠色的碗襯起白白的豆腐花，黃糖已加了在豆腐花的中央，構圖悅目，顏色吸引，人見人愛！吃下一匙，入口即溶，清甜和柔軟幼滑的豆腐已掉進了喉嚨內。這𥚃豆腐花的製作步驟一絲不苟，每一碗都是做豆腐的人的心血結晶，難怪深受街坊食客多年支持。

去開九龍城有時間嘅話我，都好鍾意走去義香荳品食返碗豆腐花或者飲杯豆漿，如果肚餓更會加啲煎釀豆腐或煎釀三寶。星期六下午四點左右，義香一如以往座無虛席，好彩剛有食客離開，好讓我唔使等就可入座。一坐低店員即刻已經問你食啲乜嘢，即刻嗌碗熱豆腐花另外加個煎豆腐。不到1分鐘熱辣辣嘅煎釀豆腐就即刻係我面前出現，熱豆腐花已經幫我加埋紅白砂糖煎釀豆腐$10～豆腐大大件煎得好香脆可口，內裏是滑滑的豆腐花$9荳香味夠亦滑溜

九龍城的豆品店，開業多年，堅持以石磨製成豆品，款式有豆花、豆漿、豆腐、豆卜等外，有自製燒賣，亦有炸魚旦、煎釀三寶都有。此店無冷氣，雖有多部風扇，夏天吃時也難免有些熱。不過飲冰凍豆漿除豆香，而且在熱辣辣的環境下飲，又爽又解渴。煎釀豆腐唔係嫰滑型，似較硬豆腐多些，但很有豆味，環境熱些都值得來吃。炸物都很香脆，食物都大件夾抵食，配豆漿來吃好正。此處小食多多，而且價格非常相宜，10零20多蚊就可吃飽。如你怕熱，現在快要入秋，天氣漸涼後不妨一試。

天氣實在太熱，因為要驗身，經過九龍城，本來是想找糖心皮🥚，買粽子吃，路過一間老店，客人在吃東西，便進去望望有什麼可以吃，老闆娘便問我想吃什麼，我問她有什麼吃，她説這麼多品種，不能詳細說明，叫我入去自己看，心想有無誇張咗，有這麼多？坐下便看到張大 poster，真的不少，有興趣的也很多，我叫了個魚肉加碗仔翅，碗仔翅才十多元，兩樣便廿元，我之前以為加兩元，所以覺得有點貴，幾分鐘就準備好，一吃有點腥味，吃下來才知道是真的魚肉，大大塊，數量也不少，起碼有八、九塊，我平日有買魚肉釀青椒，所以也知市價，小小的一舊便十多元，所以真的魚肉我倒認為相當掋，味道也不錯，我加重糊椒粉同醋在這裡，想講一講，老闆娘是個粗人，禮貌一般，不過人還是可以的因為天氣熱，吃完便想試一試凍嘅糖水，於是便吃了碗紅豆涼粉，一樣好吃，紅豆很大粒好香，涼粉味也濃，不過我覺得可以再甜一點，可以帶出紅豆味多一點點總括來説，整體不錯，環境也很衛生

唸住迄晚食大餐，但肚餓，揾小食食下，去左九龍城食嘢。一入去，見到呢個menu咁係到揾食。黎得當然食同豆類有關嘅食物，menu揾左紅豆豆花。加個一款小食，有魚蛋，魚肉豆腐同埋魚肉腸。叫完先知“嘢”，因為紅豆又飽 又蓋過豆花香味（$15） 我見對面食齋豆花，就知自己豬左了。 應該係原品品嘗下個豆味嘛!不過紅豆唔差嘅，不過普通 但就真係少少蓋過豆花嘅味道了。豆花滑，有豆味，正!個豆腐加魚肉係好香好滑，紅腸當然一向喜歡食，仲有小許“腥味”嘅魚蛋，咁就保證新鮮同埋夠彈牙!小食（$20） 仲有杯$7豆漿，都係正。有空要黎過食原味呀！

前排食完飯覺得口渴，見到呢間算係老字號嘅荳品鋪諗住買杯$8蚊嘅豆漿飲。點知我思考要咩size同口味(黑/黃)，個阿姐同另一個阿叔同時不斷地催促我，因為佢嘅杯size無明確分別，我好清楚話要橙杯都聽唔明😠過程中一直比佢地串！簡單買杯野飲都要受氣，非常失望同憤怒嘅經歷。佢地係會睇人黎串，個阿婆慢吞吞都唔會比佢催而我呢啲年輕人係頭號受氣對象。味道方面非常普通而且唔夠凍，求奇一間鋪頭嘅豆漿都係咁嘅味。我下次情願行多幾條街去公和荳品廠好過！

青椒三寶 $20🍆🥒有豆腐，青椒，茄子，每樣各兩件義香d豉油好咸，但係咸得黎好好食，魚肉又厚，一d都冇偷工減料。老闆娘好惡係賣點黎，惡足咁多年都咁多人幫趁，所以話個d cafe寫個牌叫冇耐性既客人唔好入黎都唔算有性格😂舖頭幾細幾多人，所以行入去記得行快d唔好企係門口。我頭先都係一鼓作氣咁衝入去，再大大聲落單😎Btw 煎寶太多人叫，等得佢黎已經食完上個post既豆花😔