義香荳腐食品

營業中

休息中

食完lunch，有朋友話九龍城一間出名豆腐花，一場黎到試下啦，雖然已經好飽，不過我係好like 豆腐花，所以又受引誘喇🙈🙈點知係失望嘅，失望一，朋友介紹係熱豆花，冇！要每日兩點半先有失望二，咁唯有食凍豆花啦！豆花一D都唔滑！又冇乜豆味！失望三，唔滑都算，連我覺得重點嘅黃糖都唔係全黃糖，真係覺得有冇搞錯，黃糖溝左白沙糖簡直係可以用太過份來形容，我真係冇食過一間係溝白沙糖仲話老字號？！環境係幾老字號嘅！不會再幫襯，要吃好味豆花，去南丫島個婆婆度啦雖然遠左小小

近年去九龍城都會去義香走一轉，因爲肚餓可當正餐，飽就可作小食止口痕，飯後又可當點品安慰下個胃；最重要就係夠地道、夠平民😂當然煎釀三寶好多人介紹，但今次食義香，我返而唔係推介佢哋嘅炸物，而係我喜歡有成十二種口味嘅大菜糕（我無食足十二款，只係數佢哋雪櫃寫出嚟嘅口味咋）自己就食過原味、芒果、杏仁、椰香、青蘋果，我最鍾意原味，係兒時有疍花嗰隻，必要多花奶添。除左大菜糕，我想講佢哋嘅腐乳，三十幾蚊，個人而言，好食過廖X記😋

50年老字號，不遜色於公和，明火石磨荳漿工序繁複，店內卻全女班一手包辦，街市人快人快語，對自己人亦是，不明白聽進耳卻相當反感蒸燒賣（$10）軟綿綿加埋自家調較甜豉油正呀！炸釀豆卜（$10）脆卜卜食唔停口、炸魚蛋（$10）冇乜特別，只係老公既兒時味道，炸三寶（$20）一碟豆卜唔夠喉，叫多碟又太多，於是揀炸三寶，食埋釀豆腐同炸雲吞，今日真係大滿足食完熱氣嘢，叫返杯大菜糕清熱氣，甜味啱啱好，口感都唔會實的的，如果杏仁味再濃啲就好喇

今日一大班朋友去九龍城街市買食材，準備打邊爐 ，經過呢間豆品店，有朋友就推介入去試試，佢話食過都唔錯， 很有兒時風味。我們點了燒賣，炸魚蛋，煎釀三寶， 釀豆腐 碗仔翅及韮菜餅。甜品方面就叫了豆腐花，大菜糕，涼粉，熱豆漿。先講食物， 燒賣頂呱呱很煙靭唔同而家喺便利店食到嗰啲, 韮菜餅超正豆腐花都好有水準, 涼粉花奶夠多夠滑更見到一大班小朋友，入嚟， 爭住要叫呢樣做嗰樣， 感覺不錯可惜環境比較狹窄 煎餅嗰個說話比較粗魯 食完就想你盡快交返張枱

上次九龍城食店「公X荳品廠」的食評刊登時，有位知名的食家朋友寫了留言給我，建議我可以試試九龍城另一間豆腐食品食店，店名叫做「義香荳腐食品」。後來，我改天從西貢轉車轉過來九龍城，就是為了光顧這位食家朋友推薦的豆腐食品食店。這家「義香荳腐食品」，外表和樓面規模都跟「公X荳品廠」十分相似，都是沒有花太多時間裝修，裝修風格比較市井化的小店。雖然「義香」跟「公X」一樣，都有甜味豆腐花出售，但是「義香」很明顯，不像以豆腐花為店舖招牌食品，和招徠食客上門幫襯的食店。甚至可以大膽講句，「義香」應該不是以豆腐食品為鎮店招牌菜。如果「義香」像「公X荳品廠」一般，獨沽一味以豆腐食品為招牌菜招徠客人的話，「義香」前途未必樂觀。因為我光顧「義香」之後，發現「義香」的店員服務態度，其實不是我期望那麽好。講句難聽點的說話，「義香」店員時而叱喝顧客的服務態度，實在很像佐敦同樣有名的「四大奇食」，「澳牛」。像「澳牛」此等，極具爭議性和「仇家者眾」的食店，自從我上次試食和寫過「澳牛」的食評，就惹來很多「haters」和「仇家」「狙擊」和「追殺」，我曾經有一刻不敢看留言。我一入到「義香」樓面，已經立刻進入以前光顧「澳牛」時

不知是否老字號的毛病，服務一定欠奉，九龍城幾間愛罵客的老字號，真的不敢恭維！雖知沒有顧客沒有你們今天的財富，罵客店其中一間義香豆品，她們不罵你是好彩，每次惠顧都會聽到鬧顧客，受不了無端端被罵影響心情的，不要光顧好了，反正食品非外傳的好，本來較好吃的豆腐花郤不是用傳統黃糖，改用了白糖撈黃糖，質素次了，大菜糕有時清水一樣，有時又過甜，非常參次，沒有統一制作分量，可見並不用心。

嚟親九龍城主要都係食泰國菜，不過今次行行下竟然見到呢間豆類製品嘅老鋪，仲見到煎釀豆腐即刻忍唔住入去坐低慢慢嘆！店鋪唔算好大，陸續有客人入嚟食，門口外賣仲keep住做唔停，睇嚟呢間店都幾受街坊歡迎！2個人叫咗份$20青椒3寶同一碗$9熱豆腐花，唔洗3分鐘就上枱喇！（1）青椒3寶煎釀豆腐、煎釀茄子同煎釀青椒各2，即叫即炸熱辣辣，仲要好大份啊！個人認為雖然煎釀豆腐豆味無想像咁濃郁，但煎得好香好脆配埋個好好味嘅豉油汁$20真係好抵食啊！（2）熱豆腐花上面有落埋黃糖，唔算好熱但豆腐花好滑身食落味道未夠濃但每一啖都有淡淡嘅豆香！成間店好人情味感覺，聽到有街坊一口氣買咗7杯唔同口味嘅大菜糕，下次一於試下先！

吃得唔開心好想吃豆品，也不要幫襯這間駡人店舖，有位呀姐同呀婆鬼死咁惡，坐下就要點餐，4個人要點四份，我們四人叫三碗，之後外賣豆浆又話唔上枱，出門才可叫，出門叫外賣又要自取，唔拿畀你！知道地方細要翻枱，兩個人叫一碗為何不可？又唔係四個人叫一碗，坐到咁，都唔會坐好耐，吃完就走，坐都唔舒服，真係無下次，談不上懷舊風味。豆花一般，無味，環境差，衛生麻麻！作為消費者，唔應該畀惡呀姐同呀婆用來出氣！當然會幫襯其他豆品店都不會幫襯！

今日出開九龍城，平時去開公和，公和變咗立食，諗住同 bb 坐低，抖返陣，所以去咗義香，結果換來一肚氣，個阿姐態度超差。我同 BB 一坐低，我已經將餐具移開，盡量控制 bb，個阿姐大叫我唔好比 bb 搞餐具……之後，我叫咗杯凍豆漿、釀豆腐，豆漿一到，我同阿姐講:唔該可唔可以比枝飲管我，阿姐即時黑面，態度極差，鬧我一早又唔講，搞到我令佢行多次… 豆漿味道麻麻，釀豆腐一般……花費 $19，換來一肚氣，永不回頭食嘢仲要比人鬧到……

口癢癢，想食下小食，就來呢度食豆製品，呢度係可以坐，不過好迫，要食快點，佢的豆腐花好食，釀豆腐及炸豆腐卜，好好食，炸得脆，加左個鼓油之後，提味，好食，我最愛豆腐！值得一試

煎釀豆腐（$10）凍豆花（$9）👅等我跟下九龍城地膽黎食碗靚豆花先😎😎呢到既豆花唔算最滑，但豆味幾出👍🏻👍🏻比起大埔個超級滑既阿婆豆花，義香豆花個質感會實在啲😉唔會食完好似無食過一陣風咁😀😀當然我都係中意愈滑愈好既豆花🙈🙈不過呢個豆味濃啲都唔錯😊地膽極力推薦既煎釀豆腐幾有驚喜😆😆平時啲豆腐會釀住好大舊嘅魚肉，但呢度嘅魚肉只有薄薄地一層🙂相反豆腐佔嘅比例大好多🤓🤓估唔到咁樣反而更加好食😋魚肉好鮮味而且食落爽口，加埋外皮香脆而入面超滑超有豆味嘅豆腐🙈熱辣辣好燙口好正😝😝

今曰同木先生去到九龍城食完餐泰式lunch, 我就帶佢食返碗熱豆腐花，飲返杯豆漿。雖然豆腐花不太滑，味道還可接受。但豆漿太甜，沒有豆味呢。食完之後，木先生叫理煎紅腸食，味道還可以。

中學時代已在這小店食豆腐花 炸燒賣撈米 翅撈米等小食 （偶然是lunch)已是常客！當時老闆偶爾還會多炸數粒燒賣轉眼已七年再次回到這裡老闆及老闆妹都不認得我了但親切感依舊這裡沒有任何裝潢 就像街市內的店仔一樣速吃速走⋯夏天來時確實會有點熱⋯但不要緊 你可以一碗凍豆花 或者一杯凍豆漿或者大菜糕⋯頓時便會有透心涼的感覺這次冬天來 我就點了凍豆花、凍豆漿及久違了的九菜餅凍豆花 豆漿依舊充滿豆味⋯豆漿沒有豆渣，甜味恰到好處！很能解渴！也不會喝到舌頭有種張著的感覺！至於豆花除有豆味外質地不會實實的、沒有石膏粉很多的那種感覺⋯但每一匙不會很易就碎開⋯很美味至於韭菜餅（$8）最喜歡就是他那脆脆的外皮 很香口又不會燶！即煎好即上⋯咬下去 暖暖的！脆之餘還有軟軟的後感⋯配上啖啖韭菜⋯真令人垂涎三尺不過缺點就是這次太油了可以再去油一點放乾就好不然感覺會很罪疚！但我下次還是會再點的啦！這次除了這三款外 沒有再叫舊時最愛炸燒賣撈米 因為原本已經吃飽飽了才過來吃一點不太飽肚的但記憶中⋯炸燒賣也是煎出來的,一樣煎出脆脆又軟軟的好吃感！必點！

食完樂園緊係唔夠啦, 立即再出動去食豆腐花,真係好少會行到去衙前塱道個邊, 呢間舖頭都係第一次見兩個人又係餓鬼咁, 叫左凍豆漿, 紅豆豆腐花, 煎釀三寶+紅腸其實MENU中都有好多選擇, 豆腐類, 魚蛋, 亦有麵食.凍豆漿好有豆味, 平時飲到既有豆味但就會無乜甜味, 好淡.但呢杯豆味重, 甜度均勻又不似飲糖水咁,好味!!!凍紅豆豆腐花 ($14), 紅豆好多,紅豆已經煲到起沙, 夠淋, 豆腐花滑, 但糖水唔夠, 要自己另外加黃糖調味.煎釀三寶+紅腸, 夠熱, 加上豉油已經好好味. 不過我食唔慣呢款魚肉, 有少少腥味. 扣少少分.整體味道唔錯既. 如果將來再黎九龍城都會翻食.但另一個問題係...我都有睇到大家既食評, 都覺得有位姐姐講野比較大聲. 當日我都有留意到, 當然說話大聲唔係問題. 我自己都會. 但係姐姐既說話時既語氣+說話不自覺會令到聽者會有Hard Feeling.出色既食物固然會留住食客, 但說話既技巧亦會影響食客既印象, 會不會翻食這些小事都很重要的

用心做食品係感受到的，呢間家族式豆品舖周末除左好多人買餸，仲有唔少遊九龍城嘅遊客黎食甜品:豆腐花豆漿......煎豆腐。豆腐花不論冷熱都好重豆香，熱嘅滑身d,凍嘅食落仲有少少沙沙嘅豆渣口感喺入面，店員仲會上枱前主動加左糖漿先！~