義香荳腐食品

營業中

休息中

同閨蜜係九龍城買完野, 其實應該返屋企晚餐架喇, 不過2個饞嘴又想食咸既小食, 咁岩係美食天堂天九龍城無理由唔食者 剛好行到義香個條街, 又係openrice上見到不少推介, 一於行去食啦!  行到附近見到有條龍以為6點都要等位, 心諗唔係掛, 原來係再前面的一間牛肉舖, D人係排買肥牛打邊爐~ 可惜我家中沒有飯開, 不然我都買D試下~講返義香, 傳統荳品店的模樣, 磚牆吊扇...  除左豆腐花, 連煎炸食品都非常吸引! 結果2個就要食晚飯的人每人一碗豆腐花, 仲叫了2大碟煎炸小食! (之後就後悔因為真係太飽...)閨蜜叫了紅豆豆腐花, 一加了紅豆(另外仲有綠豆或者涼粉甚至其他糖水)就只有凍豆花, 因為唔係傳統糖水舖無熱糖水, 紅豆份量都不少, 有差不多半碗, 甜甜的~  閨蜜好喜歡豆花的味道, 有豆香得黎又夠滑, 又不會太淡, 係有一種特別的味道...而我就想熱的就咩都無得加喇, 熱豆花味道更濃, 落了黃糖甜甜地好快就比我倒晒入口...XD煎三寶--魚蛋, 豆腐, 韮菜餃, 新鮮即煎非常熱, 同時都好熱氣... 不過又不會煎過火太燶, 所以一層薄薄的脆外層就夠香口! 沾上辣醬更惹味!

就是因為這間店﹐我實在忍不住寫我的第一篇食評!今天在附近吃過午餐﹐打算買杯豆漿飲。公和就一向有光顧﹐所以決定到義香買。首先﹐在門口負責的那位男人非常粗聲粗氣﹐只是短短的一分鐘已令我感受到那麼差的態度...不過也沒所謂﹐反正我只是外賣.......買了兩杯凍豆漿﹐但是有嚴重的燶味! 是像煙熏的那種煙味。實在是不能接受!後來﹐媽說之前去買豆腐卜也被老闆娘'串'。以後一定不會再去!!! 如要買豆品﹐會去另一間。起碼不用受無禮對待!

食完泰國野 未夠鐘打羽毛球 再周圍搵野食 經過街市 見到豆腐店 知道好出名 緊係要貢入去試試 店內係好舊格調 右邊有大形雪櫃 冇咩冷氣 姐姐們好有威嚴霸氣 我地兩個因為天氣太熱開係 一人一碗凍豆腐花 豆腐花都幾滑 但好似唔太香豆味 元朗呀媽香d同滑d 同埋本身已經幫我地加左糖水 唔可以自己話事加幾多 要唔要由我揀 如果糖水再有埋薑汁就perfect 我地仲叫左煎讓豆腐 其實係半煎炸 豆腐一咬落去就有好大浸焦燸味 應該係煲豆腐煲燸左 豆腐較硬同多油 不過埋單$24 算係咁 而家唔係咁易搵到香港小吃 仲要係自家製

去到九龍城必食豆腐花,以前去開公和睇怕以後都係轉場好.叫左:豆腐花,青椒三寶,黑豆漿豆腐花:味道如舊有小小炭燶味,感覺有小小粗糙.青椒三寶:大大件好新鮮,魚肉都幾多,不過豆腐就實左小小.食完重買左支黑豆漿,超正!好重黑豆嘅天然燶味,唔會太甜.

五月六日 (星期二)倆口子由旺角出發到九龍城，本身目的地是首天開業的聯發可是，走到門口，閘已半關一問之下，原來是日提早關門，真掃興 也不想空肚而回，前面就是衙前塱道，便想起義香接近七時，仍有不少食客食豆腐花倒有一陣子沒吃過豆腐花，就先點兩碗，加杯未試過的黑豆漿，再來一客煎釀豆腐黑豆漿只有凍的供應呷一口，有一陣濃郁的豆香，再加以這裡獨有的微燶氣味看看牆上告示便知，因為用上自家的秘方製造肚子打鼓，來客煎釀豆腐也不錯豆腐的確嫰滑，面的魚肉份量也不少，挺厚身，味道就...豆腐花還是熱食好，黃豆味會更加突出入口非常嫰滑，多吃也對身體好哩！再買四両豆卜再肯罷休，再到街市買餸!!!

義香鋪面大人流多假日下午來的話請耐心等一下因為人很多有堂食和外賣的外賣最多人買豆花 大菜糕 涼粉 豆漿 豆腐豆花豆香香濃，呢度比九龍城另一間既豆花 豆花身比較挺身(個間比較滑身)/ 豆香香濃好多(個間比較淡豆香)呢度豆漿豆香最濃郁涼粉有咬口,無膠味,夠滑夠彈，唔會死死車實，九龍城最靚既涼粉係呢度la!係度食甜品又得,咸食都好出色推介-碗仔翅米粉，小吃細細碗, 碗仔翅好味,特選米粉又滑又彈牙-炸韮菜餃，比韮菜餅精巧，皮較薄,韮菜敕口，整隻餃子美味多汁香口-什果水晶珠涼粉涼粉爽滑,水晶珠爽脆,夾埋什果,清涼消暑!

1. 黑豆漿 ~ 有燶味2. 青椒三寶 ~ 魚肉一舊粉 最離譜係炸一陣 拎入去micro wave 整熟佢 3. 荳花 ~~ 好食  夠滑有速度 但食品無質素老闆/伙記落單好混亂如果你懷念以前澳牛光速餐 (澳牛現已有改善), 可以一試這時我不會再光顧的小店

今天，經過九龍城，被這間裝修懷舊豆花舖所吸引，感覺這類老舖應該不會差得去邊，於是便決定和女友一起嚐一嚐。一入去，就被一個男人和一個粗聲粗氣又無禮的女人留下了深刻嘅印象！叫了一碗豆花，一杯豆漿和青椒三寶。一飲，豆漿似煲濃味，於是便和那個粗聲粗氣又無禮的女人講，那女人即指着牆上大聲話呢到係食呢啲味！唔係就去第二度食！於是我便向牆上看，又冇寫到，[ 豆漿要飲煲濃味才好飲😤！！ ]。就算這裏的濃味特別好飲，又或我唔識食，她亦只須告訴我們，而非這樣的無禮貌！簡值豈有此理！豆花是滑，可是係香港要食到滑的豆腐花，我想也不是難事，是但去一間糖水舖食，我想豆腐花也是滑的！青椒三寶簡值出眾！從未食過油浸青椒三寶！😱😱席間，又見到那男人係客人頭頂取物，攪來攪去！塵土飛揚，毫無衛生所言！又見到有個阿婆對那男叫了碗豆腐花，點知那粗聲粗氣又禮貌嘅女人經過又問阿婆嗌乜，於是阿婆又要講多一次要碗豆腐花，恰巧又被那男人聽到。那男人即說：阿婆嗌左唔好再嗌阿嗎，跟住那女人和舖內其他女人妳一言我一語責罵阿婆。經過這天的遭遇，我想你們也不會有第二次的光顧吧！

女的態度十分惡劣, 好趕時間咁, 猛問要乜, 自己又吾係快男的担住支牙籤, 話個婆婆,唔好用手店,用眼好la女的叫個伯伯坐對面個位,因他多野令他行不到,但伯伯是同個幾歲細路女一起的,他也跟他指示個伙記跟住仲話阿伯"兩個人要食兩樣野架!"唔想做就結業羅,使乜係度作業!我唔會再去,食得唔安樂,過幾條街有另一問好食過佢豆花八元,好滑吾計d砂糖 無豆味  青椒三寶15多油,不夠熱

 去到九龍城好似唔食過豆腐花就是有D唔完滿嘅感覺.今次唔食公和,走去食義香.之前食過,豆腐花會有小小炭燶味感覺有小小粗糙.今次真是有D唔同,好滑好香豆味,份量又大碗,正.不過個糖水就淡左小小.食完重買左支黑豆漿,超正!好重黑豆嘅天然燶味,唔會太甜.下次一定再幫襯.

起九龍城行行下，見到＂他來自江湖＂豆腐婆既豆腐鋪，即刻入去懷舊下先〜我地叫左必食荳腐花，好滑，唔會散，再落左好多黃糖，再配老香港既環境，真係好舒服好正！之後再外賣左2枝荳漿，好大枝，好有荳味，非常誠意之作！

來了九龍城辦事九萬年都唔會黎呢邊，難得入到黎梗要試下呢度啲美食呢間荳品店係街市入面，遠遠行去時已經見到招牌，唔會太難搵三四點時間都有幾多人食緊野豆花嘅配搭選擇都幾多但係我堅持食最簡單嘅野先會食到呢間舖嘅實力！叫了個熱豆腐花， 夠晒熱幾滑豆味唔算突出，唔駛再加黃糖都夠甜很快便被我KO掉

9-2-2013(六)平常在九龍城區吃豆腐花，我多數會選擇去「公和」；是次想轉轉場地，想試下未曾去過的「義香荳腐食品」。是日上午工作完畢後，便與同事 Queenie 坐巴士來到九龍城。我們共點了豆腐花及煎釀三寶。 豆腐花：當豆腐花端上桌時，看到賣相頗吸引，同時，陣陣的豆香味撲鼻而來，豆香很濃郁；吃下一口，很熱燙，很滑溜，滑溜得可直入喉嚨；沒有過甜的感覺，也沒有人工的味道。只售 $ 7 一碗，絕對是美味的經濟小吃。 煎釀三寶：各種都好吃！其中豆腐最好，使用厚身的豆腐，表層釀上鯪魚肉，外層炸得酥化，煎得很金黃色，既香且滑。鯪魚肉的份量也很多，口感濃郁。售 $ 14 / 6 件，又是另一美味的經濟小吃。這裡的環境極具懷舊的風味，一桌一椅、一瓦一磚盡顯上世紀六、七十年代的老店情懷，大家前來影張相也值回票價哦。

本身對豆類的製成品挺喜愛的, 愛它的高蛋白質高鈣質, 看似淡而無味卻又變化多, 演繹出無數的美味成品來。 不過原來自己沒很多次到豆品店, 剛巧有意無意地路過九龍城, 又有藉口一訪這具五十多年歷史的小店。 店子陳設古舊, 很一般的環境, 來這裡的人也很隨意, 不會計較太多, 見外面有點熱, 心急得先要杯黑豆漿。 喝起來雖未夠冰涼, 至少不會像室溫, 微微的黏稠, 輕漿著雙唇, 感覺較實在, 豆味純淨鮮活, 沒有雜質, 豆香真實, 像嚐出一陣近似焦味的味道。單飲豆漿也許太單調, 一場來到, 真要徹底地嚐盡豆品, 閒時家人也會做煎釀豆腐, 一件一件的豆腐就放在大鐵鑊裡邊半煎炸而成, 看到鍋底的油份, 似要令人卻步, 底面兩邊都煎至金黃脆口, 不會油得可怕, 組織鬆軟細嫩, 卻不會鬆泡, 有著粗疏的氣孔, 滿咀豆香, 面頭那塊魚肉雖薄, 但未至於單薄如紙, 細軟富彈性, 帶著魚的鮮香。之後循例再點了一碗熱豆花, 始終熬食最能吃出豆香, 豆花是完整的一大塊, 不會拌兩三下便散碎, 甫入口即直滑進喉中, 豆香真實, 感覺很清甜, 滑度跟豆味都能平衡得到, 不會側重其中一方, 簡單加少許黃砂糖和糖水

天氣熱到可以熔左我，經過義香立即撲入去食豆腐花。同女朋友兩人叫左一熱一凍. 佢地慣性幫助客人落糖(黃糖+白糖)，唔食甜要記住早講。豆花非常滑，有豆香，較稀(硬身唔一定係好，可能係多石膏粉)，算係高水準. 素食選擇佢地有素雞撈米同芋頭餅.