翠園 (德福廣場) (已結業)

今日年初二,跟爸媽去拜年,約埋公公婆婆及其他親戚一齊飲茶,入到酒樓反而比平時少人,可能今日飲茶會貴啲 人少少環境令人好舒服 平時好少飲茶,好耐冇食過酒樓啲點心,覺得牛肉腸燒賣特別好味,我哋6個人飲茶,叫咗約十樣點心,都唔食得多,埋單成6舊水,都幾貴下!

翠園年年都係我地既團年指定飯堂，我最印象深刻係佢個芝士龍蝦伊麵，好滑好香，非常出色，個乳豬燒我好脆，唔會食到成口油，價錢中等，食物環境合格，服務態度非常好，大時大節不二之選，

相信很多朋友對翠園絕對不陌生，是美心集團 旗下的一間中價酒家。 家人很喜歡到這裏用膳，每逢假日一家人見面，我多數都是跟大隊的！ 星期日好多地方搵食都很難，難得德福的翠園仲有位，我們立即飛車過嚟！ 一坐低便點了幾度菜，而上菜的速度亦都十分快。燒腩仔 ~ 皮脆肉嫩鮮蝦帶子炒翠玉瓜 ~ 鮮蝦和帶子份量足夠，雖然賣相普通但味道唔錯。椒鹽排骨 ~ 香脆惹味， 但每人一嚿已經好夠了，因為比較熱氣。魚腐 ~ 上枱的時候脹卜卜白雪雪好吸引啊！ 入口軟綿綿，口感得意！叉燒皇 ~ 部長送上來的時候他說這一碟叉燒王不得了， 當我們吃完真是不得了！！ 半肥瘦叉燒最吸引， 熱辣辣蜜汁豐富， 而家見到都好想食呀！ 必食推介！炸豬手 ~ 這一道菜一定要多人一起吃，雖然很吸引但是比較油膩！這一個飯味道調教得剛剛好， 但如果可以再乾身一點就更加完美了！煙燻鴨 ~ 上枱的時候賣相已經好有仙氣，食落香口還有黑松露的味道！翠園是一間有品質保證的中菜餐廳，這也是我們常常到來用膳的原因。

平時都有去翠園飲茶嘅 但係今次真係有啲失望🙍🏻‍♂️入座嘅時候 知客話 裡面冇位 得返門口嘅兩張檯 問我地介唔介意 但係當我坐低咗 行入去入面嘅廁所嘅時候 發現入面仲有幾張檯😒 午市應該冇得訂細檯掛 雖然都唔介意坐門口 但係覺得被騙 同埋門口位有啲熱坐低發現張點心紙唔同咗 除咗野食唔同咗 當然價錢都唔同咗 都加得幾多吓🤔鑊仔煎三寶 唔知點解碟野係凍嘅🤮鳳凰煎米雞 好似細份量咗啲 味道ok嘅 但係略嫌硬咗啲松茸磨菇包 呢個幾特別 菇味都幾重🍄四式燒賣 呢個幾特色 有鮑魚 帶子 鵝肝 鮮蝦 四款餸 幾好食👍🏻粟米魚肚瑤柱粥 一如既往嘅味道 算係咁多樣入面幾好食🐷瑤柱海皇腸 有少少硬 麻麻地😥總括嚟講 點心唔值呢個價錢 服務又唔係好 短期內應該唔會再去🤨

今晚同屋企人食飯叫左個套餐最記得呢兩樣豉油皇焗原隻吉品鮑魚😂隻鮑魚好有避風塘味🙈雖然幾好食，但完全無哂本身既鮮味🤦🏻‍♂️我會覺得嘥咗個鮑魚😂百花釀油條伴芥末胡麻醬🤨個油條配芥末味，完全唔夾，而且覺得難食😒如果話食創新，我又唔覺得有。好好食，又唔係。老實講，去大酒樓食飯仲可能食得開心D😂

舊同事剛生完BB仔，很快已12朝了，星期六去左九龍灣德福家中探她及她的BB和食薑醋，我們買了些B B 仔用的物品這給她，食完後大家就去到商場樓下翠園飲茶傾吓傾吓便一個上午，原來時間真的過得好快，見証她懷孕到而家生咗，已經一年有多了，我們都替她開心，希望B B快樂地成長。懷舊腸粉，好少酒樓會整，這間就有這款舊式的腸粉，食腸粉最近要係夠混醬，好美味。懷舊的煎釀三寶，分別有多款，有煎矮瓜、豆腐、青椒、紅椒等。

味道都算OK,但服務態度令人非常失望，「顛覆」咗以往的好印象。完全唔尊重人，未經同意隨意處理顧客的物品，服務一點也都唔專業！湯匙好烏糟，換咗一次，都係好烏糟，直到第三次先勉強OK。

趁放大假約咗好耐無見嘅三五知己聚聚，飲早茶吹吓水，就大家方便所以約咗係德福地鐵上蓋翠園酒家。閒日一早巳有好多熟茶客歎緊早茶。閒日7:30-11:30同下午茶2:00-4:00兩段時段都有優惠，水滾茶靚，環境幽靜燈光充足，最啱吹吹水，㸃心👌 ，可惜粥唔夠熱，若可以改善就100分。

8人行叫咗個6人餐～六折優惠$1094～睇落個餐幾抵食喎芝士焗大花蝦伊面～好香芝士味～都幾新鮮大大隻花蝦配上入味伊面底黑椒珍珠爆雞球～黑椒汁唔太濃配搭上龍眼肉幾特別～瓜脆雞球入味金衣花枝球即叫即炸～食落唔太熱氣幾彈牙海皇冬蓉羹唔會鹹～食落剛好～冇咩特別蠔皇鮑螺片～蠔油汁煮螺片軟淋淋配生菜底欖角原隻吉品鮑～吉品鮑大細均勻配粉絲底瑤柱杞子泡菜苗～呢道菜唔係度度有得食～菜苗略生～個人唔太喜歡～瑤柱杞子味道唔太夾黑白胡椒雞～食落有啲似白切雞～雞肉嫩囗入味唔會老椰香芒果凍～椰汁味濃配上芒果粒～簡直係夏日之選

跟媽媽到了這家酒樓喝茶，雖說同屬美心集團，可是點心做得比較精緻，味道更好，還有不同款式的點心提供。我們點了天鵝酥。賣相非常精緻神似。廚師用了餅乾來做天鵝頭，鵝神其實是芋頭酥。還放了鵝肝冬菇等材料在裡面，味道十足。另外，還叫了蛋撻仔。蛋撻皮比較飽，不是酥皮，味道適中，不太甜。柚子皮鳳爪賣相吸引，可是我覺得偏甜，所以不太喜歡最後蝦餃，屬於頂點，但蝦餃比較小，有點強差人意，味道合格，沾一點辣椒油味道更佳。

咁多間美心中菜館，我都好鍾意翠園。呢日行開九龍灣就過黎食飯。脆皮燒腩仔每件細細粒，唔會太油膩。迷你桶仔飯同擔擔麵不過不失。要推介「珍菌手搣豆腐」。夠晒足料（有蝦米、菜心、菌類等等）。好開心豆腐唔係滑果種...唯一挑剔就係湯底可以多返少少～甜品都幾多選擇。我叫左最愛既楊枝甘露，為呢餐飯畫上完美既句號！

上星期到德福翠園幫阿媽做壽 , 叫了個$4599套餐食 , 食物質素不錯 , 有水準 , 驚喜的安排是他們給我一間房 , 還有一個阿姐全程招呼 , 全家人都好享受這餐晚宴  .  同一個餐牌德福美心都係做緊同一個價錢 , 但翠園的環境當然會更優勝

一個套餐，集團式經營，九樣餸，12 人分！從經濟學角度，要從價格，食物質素，環境等去評論，能否做到咩程度價值的投放吃到相同價值的食物，吃到超出水平的，叫賺，低於水平，叫蝕！真的太差或超出預計期望，要止蝕，永回頭再吃！當然，付出了不一定有相應回報，乃是現實中的常識！但也不要太離普，試新東西一定有風險，所以必須要有風險管理及期望管理，不致令自己血本無歸！翠園，大集團，必定有期望，但也不會過高，因為大時大節去吃套餐，必有偏差，已有心理準備，希望不令自己跌入谷底時太過悲情，成為失戀中的男主角！1.上湯焗加拿大龍蝦尾烏冬: 加拿大的龍蝦味重，肉質尚可，汁也不多，烏冬自然末能入味2.松露醬翡翠炒吉品鮮鮑魚:松露醬衹有鹹，吃出鮮，而鮮鮑魚衹有仔，不是原隻，扣了賣相分3.百花釀玉環:是蝦蓉釀入哲瓜甫，蝦肉不太鮮，汁也過於淡，哲瓜甫也衹能平凣地做配角4.花膠濃湯鷄煲:花膠偏硬，湯濃，夠時間煮，湯味也有鷄味的精粹5.蠔皇鮑螺片:蠔汁已蓋過所有螺片，已分不清是蠔汁抑或是螺片本身味道6.清蒸沙巴花尾躉:吃不出深海魚的爽及firm ,是魚質問題，令成件事吾拖吾水7.蟲草花老鼠耳浸時疏:人最怕改壞名，餸也是

原來打算係美心酒樓飲茶，但實在太多人等緊位，唯有轉場，上一層見到翠園冇乜人等緊，就試一試啦，雖然價錢貴啲，但食物質素亦相對較高，牛肚好好味，值得再食過😋😋😋

這天約了朋友來下午茶，13:45已取籌，約半小時就有位了。叫了一些點心，其中包括义燒酥和炸春卷，但卻冷冰冰的，還有牛肉球，但就很乾，其他蒸點如菜肉飽和粉餜就比較濕，腸粉也是一般的，雖然走中高檔次，但整體食物水準不理想，埋單每位50元。