翡翠拉麵小籠包

營業中

休息中

食咗咁多次翡翠拉麵小籠包先知道原來佢哋有做下午茶！雖然portion 細少少，但係喺唔太肚餓情況下一人份量都夠食！每一間分店感覺上都坐得幾舒適，服務水準都幾好，有禮貌唔會黑面！每次通常都會叫擔擔面，因為我鍾意佢個湯底，辣辣地又有濃濃既花生香🥜酥炸排骨亦係另一個選擇，即叫即炸，外面個皮吹卜卜，入面嘅肉質鮮嫩跟餐仲送餐飲熱或凍豆漿一大杯👍🏻仲有我至愛嘅豆沙鍋餅，雖然四各位嘅豆沙唔多但係裏面豆沙餡多到瀉，好新鮮好好味😋

翡翠都算係連鎖店，今日去左moko分店，感覺餐牌選擇少左好多。2個人食今日都肚餓，所以都叫多左幾款。但所有野都麻麻地。覺得唔值呢個價，可能同區小店水準更好。糖醋青衣柳 太甜擔擔麵得個辣字，無麻醬既香味，失望。紅油抄手又淋又爛芝士小龍包皮太厚餡太咸

嚟呢度除咗小籠包，其他四川、北京，上海餸都值得試一試。仲有現場師傅表演拉麵，可惜掛住食無影相⋯⋯花雕醉雞＄72；用碗倒裝上，花雕入味，雞嫩，份量多。鎮江肴肉$58；層次分明，豬手肉量夠且佈置均勻，唔會一口魚膠。京燒蝦球$128；蝦隻大件夾彈，量唔多，調味平衡。四川擔擔拉麵$58；麵條如果可以剪多吓會更易進食，汁濃，唔算太辣。上海小籠包(四隻)$38；皮厚度中等，但肉汁同餡量都夠，鮮味足。酒釀丸子$32；糖水偏甜，酒糟味滲晒入小丸子。檸檬薏米水$20；去濕之選。熱桂圓雪梨茶$18；冬天飲夠晒滋潤。

今日叫左四個lunch set share 餸包一碗飯同一杯羅漢果茶賽磅蟹 🦀 食落好軟滑，加埋少少醋，送飯一流回鍋肉🍖- 好入味，d 肉唔鞋口炒四季豆- 叫返碟蔬菜中和下宮保雞丁🐔- 食落無想像中的咁辣，配埋腰果送飯都唔錯食得呢間點會唔叫小籠包，皮可以再薄d，入面可以再多汁d

旺角Moko新開咗翡翠拉麵小籠包新裝修，環境雅緻開揚！好鐘意呢個牆身設計，吃飯都放鬆D！午市仲有小菜套餐今日我哋四個人去吃左4個小菜，再另加小籠包！每位都是$88 加10%! 乾扁四季豆- 非常非常足料，美味！宮保雞丁- 香香甜甜，少少辣，好開胃瑤柱賽螃蟹- 我的至愛！唔會太油，好滑，香口！回鍋肉- 超級送飯男仕至愛！加咗小籠包保持到一貫水準，爆汁，熱辣辣！正每個套餐包白飯一碗以及自家製羅漢果茶一杯！好有愛喔很簡單溫馨的午餐，為下午工作打打氣

不論是鼎太豐，或是翡翠拉麵，都是我的心水餐廳，今日行完花墟，肚子有點餓，便上新世紀廣場搵搵野食，原來這裡有間翡翠拉麵，想也不想便攞飛等位，由於到達的時間尚早，未到晚飯時間，五分鐘不到便能入座。點的菜式都是小龍包、砂鍋雞和上海粗炒。小龍包有四個，上枱熱辣辣，還噴著煙，小龍包皮薄多汁，吃的時候要十分小心，不然會燙傷嘴巴；砂鍋雞的雞煮得嫩嫩，湯清甜又好飲；而上海粗炒略為油膩，但味道很好，夠鑊氣。吃完整餐飯，成個人感到十分滿足。

今日 team lunch, 搭咗一個站去到旺角新世紀搵食。 其他餐廳都要排隊，但呢間唔使，所以入咗呢度食。我地七個人先叫咗個六人餐。前菜有雞絲粉皮同埋鎮江肴肉。個人覺得粉皮嘅芝麻醬多得滯。四喜烤麩個豉油味重咗少少。所有前菜都細細碟。小籠包都夠 juicy, 生煎包就乾咗啲。主菜嘅清炒蝦仁一樣細細碟，好淡口。 宮保雞丁就偏辣。上海粗炒好大碟，但都唔夠食，要叫多個四川擔擔麵。甜品係豆沙鍋餅， 唔算甜，不過炸得唔夠香口。總結： 食物分量偏少，味道一般，每個人要夾城140蚊，性價比唔高。 不過都叫坐得舒服。

某天很想吃上海菜，剛好經過旺角東，原來MOKO也開了翡翠拉麵小籠包，於是就去醫下肚餓。一去到門口已經有人排隊，還好等了5分鐘就可以進去。本來以為翡翠拉麵小籠包這個成熟的品牌已經被貪新忘舊的香港人遺忘，點知原來還有很多fans。MOKO店都算幾大，裡面的裝修不太“翡翠拉麵小籠包”style, 反而有d似muji café, 而且還有bar counter 食拉麵，如果一兩個人坐果到都幾過癮。 前菜點了雞絲粉皮、鎮江肴肉，主菜點了京蔥爆牛肉、四川擔擔拉麵、上海小籠包，最後甜品選了薑茶湯丸、酒釀丸子。上菜速度很快，食物的分量不過不失，不過食物的溫度好像不夠熱，有進步的空間。

朋友介紹話呢度啲松子魚好食特登和太座來試 點知中伏魚的份量和質感都可以但係一放落口 只得一種味道就係茄汁 望清楚 個汁根本就係用茄汁溝稀小小 完全冇調味 而且茄汁分量好重 好似大贈送 成支落哂咁上下仲話正宗上海菜 我覺得係舊式快餐店蒸法囉另外食左個搵麵 正常啲但我想 不會再來了

晚餐時段食客不多, 入座後驚覺與鄰座非常親近, 如同搭枱, 本想要求換枱, 寧寧靜靜享用晚餐, 但最後為免麻煩, 還是算了。坐下不久已有店員上菜, 連忙告知尚未下單。不知是否因為此店新開, 店員尚未熟悉環境, 還是店員經驗不足, 數次棒著食物到處查問客人是否其下的單, 感覺混亂和不專業。看了餐牌一遍, 選了上海生煎包和四川酸辣湯拉麵。上海生煎包 (三隻) $40生煎包面頭有少量黑芝麻, 以作點綴之用。包面鬆軟, 但厚。包底不脆, 令人失望。餡料雖濕潤, 但沒有湯汁流出。整體而言, 味道質感只屬一般。四川酸辣湯拉麵 $64手工拉麵有三款選擇, 分別為二細拉麵 (標準), 三角拉麵和龍鬚拉麵。是次選了三角拉麵, 顧名思義就是麵條呈三角形。麵質頗有彈性, 份量不少, 上桌時已被剪開以便食客享用。酸辣湯酸辣適中, 湯料不少, 味道質感正合我意。吃罷便攜單往收銀處付款。店員特意要求客人確定金額, 一看之下, 原來要收取每人$6茗茶費。其實餐廳收取客人加一服務費都會在餐牌中列明, 但茗茶費用如果沒有標明, 結賬時卻出現在賬單上, 不管金額多少, 總給人一種不好的感覺。

越大就越喜歡吃 中國菜，而中菜入面最喜歡就是上海的美食。早前就來到了翡翠拉麵小籠包過上海菜癮， 旺角MOKO這間分店環境好好，坐得舒適， 食物質素也不俗！番茄魚湯海鮮拉麵。這裏的拉麵是自家手拉，果然口感特別彈牙和滑。湯底是番茄海鮮湯，有著海鮮的鮮味和番茄的酸味，感覺清新。不過美中不足的是湯底比較稀。花雕醉雞酒香極之濃郁，雞肉又滑溜溜，不錯。茶香燻乳鴿。乳鴿皮脆肉嫩，而且肉質juicy，還帶有淡淡木炭香氣。香煎素鵝。腐皮煎得好脆，入面還有冬菇粒，口感和味道也很豐富。上海小籠包。小籠包皮薄餡靚，裏面充滿著肉汁。酒釀丸子。比起單純米酒的味道，這裏的更多了一陣清甜桂花香，中和之後味道很好， 而且丸子煙煙韌韌很有咬口。

今天下午2:30到這間午餐(新世紀) ，點了以下食物：1.小籠包： 包皮太厚。2.排骨拉麵 : 排骨好乾，好實，炸得不夠脆，好似翻炸。3.醉雞： ok4. 生煎包： 比一般酒樓細， 味道ok.5. 薰魚： 好硬可實。

翡翠拉麵小籠包最近推出咗$28兒童餐!!中餐兒童餐第一次見, 賣相好可愛, 萌萌造型「雞包仔」可愛到暈, 小朋友見到都好開心!兒童餐好豐富，有兩個豆沙包、兩條香脆春卷丶胡麻醬青菜丶精裝蔥油拌麵及凍豆漿, 好豐富呀, 現時推廣價賣緊$28咋! 仲有小禮物送添!!其他菜單方面, 我哋試咗清新開胃嘅夏日菜式~ 推薦個魚乾麻醬拌秋葵，一啲都唔會滑潺潺，爽脆帶點咸香，好滋味呀。京蔥爆牛肉好嘢味！小朋友都搶住食！芙蓉蟹肉扒冬瓜呢個組合， 冬瓜好清甜, 呢個組合清淡得來又好味, 夏天食岩晒!特別以營養豐富的番茄入饌, 制作呢款番茄魚湯海鮮拉麵, 醒胃健康! 手工麵條仲有3款選擇, 包括標準的二細拉麵丶三角拉麵及龍鬚拉麵~當然唔少得皇牌小籠包啦!甜品方面，呢度嘅酒釀丸子好夠酒香，絕無欺場！而老公就大讚個薑茶湯丸夠辣，薑味好足，而且兩粒湯丸勁大粒又煙韌，芝麻餡嘅甜度剛剛好，食完唔會膩。飲品方面有檸檬洛神花茶及鮮橙綠茶, 兩款都酸酸甜甜咁, 幫忙消化又消暑~

$28個兒童餐，仲有玩具送！啱啱去完旺角新世紀MOKO新開嘅「翡翠拉麵小籠包」，佢哋新出嘅翡「趣」兒童餐真係好抵！ ($28係特價，其實就算原價$38都唔貴)個兒童餐好豐富，有兩個豆沙包、兩條脆皮春卷、一碟胡麻醬拌菜、一個拌麵同凍豆漿，除咗春卷畀爸爸食咗，BB成餐食到唔停口。至於我哋都有好嘢食，見到新出嘅夏日限定餐單，好多蕃茄菜式，我哋當然要試吓，個蟹肉蕃茄冷麵好清新又足料，個麵我見到師傅係即拉㗎㖭 😃👍🏻 師傅超好笑容又nice，仲不停同BB say hi，所以我哋成餐飯都食等好開心。我亦推薦個魚乾麻醬拌秋葵，一啲都唔會滑潺潺，爽脆帶點咸香，好滋味呀。當然每次嚟親我都必點四川口水雞、清炒蝦仁、上海小籠包啦！飲品方面都有新搞作，我哋叫嘅檸檬洛神花茶同鮮橙綠茶，都酸甜兼備，開胃又消暑，真心好飲！甜品方面，呢度嘅酒釀丸子好夠酒香，絕無欺場！而老公就大讚個薑茶湯丸夠辣，薑味好足，而且兩粒湯丸勁大粒又煙韌，芝麻餡嘅甜度剛剛好，食完唔會膩。呢度嘅位仲要好寛敞，又有BB椅，真係好啱帶小朋友嚟食飯。我上網check 過，除咗旺角MOKO，銅鑼灣時代廣場、沙田新城巿廣場都有提供翡趣兒童餐㗎。

到翡翠拉麵小籠包，必食小籠包上枱時用籠蓋蓋住，打開時熱辣辣即刻趁熱食，夾起唔會穿左漏曬d汁入面既肉唔會好多肥肉，不會太油膩雪菜毛豆百頁，雪菜有d鹹，百頁入曬味炒年糕有肉絲，菇，菜味道啱啱好，有2款菜個人好喜歡，因為岀街食飯除非特登叫碟菜，如果唔係都都好少菜類食👍🏼Like!