翰騰閣 (已結業)

放工之後點了外賣，揚州炒飯+乾炒牛河+蒜蓉菜心。共計HKD330。刷卡付帳之後，發現收取10%服務費，以下是我和前臺一位女經理的對話：我： 請問，外賣也收服務費嗎？女經理： 是啊，這是外賣我們公司的規定。我：可是我買單前沒有被告知要收取服務費。女經理：這是我們的規定。我： 請問規定在哪裡寫明？能給我看看嗎？女經理： 沒有寫出來，這個就是規定。我：也就是說，你們沒有告知我外賣也收服務費，之後也不能提供相關規定的文件。女經理：是，我們在又一城15年了，一直就是這麼收費！！！10%服務費不是問題，問題是餐廳提供不出外賣也收服務費的文件，而且態度極其惡劣。這家餐廳簡直令我對他們的服務質素歎為觀止希望他們能真正想一想，什麽是“好的服務”。

食物：蝦蛟大大粒，皮薄蝦多，正！蒜蓉蒸鮮魷，底部配粉絲，吸收了海鮮汁，並沒有因粉絲放底，而減少鮮魷數量，讚！牛肉球大大粒，失望的沒用山竹放底，可惜！鮮牛肉腸，牛肉足料，蒸的時間剛好，腸粉超滑。 粥品雖然大大碗，但水太多。 棉花雞，棉花夠多，可怕雞就細細粒。叉燒肉汁入味又不硬，炒麵類算是最差吧！環境：枱太迫，可能人多關係吧！服務：相信都幾難見到侍應經過。

相約朋友往又一城翰騰閣飲茶，由於已一早訂座，所以不用等位。已很久沒有到來，但感覺仍差不多，裝修很中式。我們點了數款點心，味道也算不錯，但有個別侍應的表現則不太理想，有待改善。

又一城屬於中高檔的商場，能夠在那兒經營的酒樓當然不會是「街坊價」喇！翰騰閣的價錢雖則偏貴，但假日仍人山人海，幸好朋友預早訂位，我們等候的時間才大大縮短。店內環境一般，加上我們的桌子與鄰桌十分接近，挨肩擦背，坐得不是太舒適。食物方面則令人滿意。我們吃了～燒賣：熱騰騰，面層有原隻蝦肉，真材實料，好！鳳爪：同樣是剛蒸好，熱呼呼兼十分入味。蝦餃：皮薄餡靚，正！蛋撻：平時在酒樓吃的蛋撻是凍冰冰的，今次吃到竟然是微暖呀！叉燒腸：叉燒算肥，腸粉很滑。炸鯪魚球：很香脆，又不會覺得油或腥。奶皇包：真的做到流心的效果，好！除了以上食物，我們還吃了炒菜、春卷等等，質素都可以接受。結帳時每人要$120，不能用「抵食」來形容，所以我只會偶一為之。

今次是與班舊同學聚會，我們實在很久都沒有相聚了，今天能除了與同學相聚之外，還可以與她們的小朋友一起相聚是最重要原因。選了翰騰閣只是為了方便大家和可以坐得耐一點，食物味道當然不會差，相對價錢都會較貴一點，但今天目的只為聚會不為食，所以貴一點都不再重要了。可能因為新年期間，特別多人外出食飯吧，一來到門口便滿滿是人，好在朋友已一早取到位，我便可以直入了。坐下來便立刻點食物，等了不足10分鐘便開始有食物上來，服務又不算差，我們所坐的桌又夠大，所以小朋友多都不怕了。先來脆皮燒腩仔HKD58，皮都脆口。然後來個瑤柱上湯豆苗HKD52，係好清的清菜。瑤柱海鮮炒飯HKD98，勝在不油膩，但沒有什麼香口的味道。竹笙腐皮卷HKD42，我較愛這個，因為清淡得來有口感。金勾五香咸水角HKD19，我沒有食，因為小朋友愛食。原隻鮮蝦腸粉皇HKD38，好味。鮑汁花生蒸鳯爪HKD48，這個我都沒有食。鮑姑棉花雞HKD30，這個味道不差。薑蔥牛栢葉HKD30，這個我都沒有食，不知好不好味。蠔皇义燒飽HKD26，這個要要比小朋友食，所以我都不知好不好味。水晶鮮蝦餃HKD42，我覺得不值這個價。蟹籽鮮蝦燒賣HKD35，這點

今天原本想食韓國鐵板燒，但老公又話想去又一棧飲茶，去到見到話3時就茶市完，望吓個錶成2點5個字，重點敢入去呢！去咗樓下間翰騰閣，之前個姪孫擺滿月食過，茶市就未試過嘞，咪入咗去試吓囉‧都OK，冇話個個掛著收枱收嘢唔理客人‧叫咗茶睇緊點心紙o既時候，有個姐姐走埋嚟話佢哋午市有做啲燉湯，一個人份量都夠兩個人飲，問我哋試唔試？咪試吓個豬肺湯囉，點知賣晒，就改試個木瓜燉山斑啦！之後再叫多5款點心，兩款炸物好新鮮，即叫即炸嗰種；小籠包就要趁熱食嘞！好快個皮就硬，裏面啲湯又唔多夠；柚皮鴨掌，老公嫌柚皮太稔，鴨掌算入味，唔太咸；個湯裏面有花膠、雞腳、瘦肉一齊燉，都好甜；最後就要介紹一下我今餐o既最愛「露筍帶子腸粉」，真係好正，想番都想即刻去食過，但切記唔好落咁多豉油，否則就會搶走帶子o既鮮甜(老公話帶子細粒咗)‧雖然帶子細細粒，但配合腸粉o既滑，同整條腸粉都係帶子，並冇唔足料，原來帶子配合腸粉比鮮蝦配合腸粉嚟得更絕配呢(不過一定要新鮮)！不過埋單連貼士要$300.00，一個午餐嚟講就見人見志啦！

翰騰閣一向的食物質數都唔錯. 見晚飯有特價菜式,不妨一試.鮑魚汁海參鵝掌, 原價$130元多,現減至$68.見是每位計, 便叫了一客給老公, 因本人不喜歡吃鵝掌. 若不是特價, 叫一道可以share的菜會抵D.鮑汁雜菌菜苗. 味道很淡. 菜苗都只是小棠菜, 雜菌原全無味, D汁都不能溶入菇內. 用蠔油可能仲好. 講都唔信這道菜原價也是$130 多. 現減至$68. 就算是鮑汁, 都不用這麼貴吧.炸釀鳳尾蝦. 外層是用麵包屑炸, 很鬆脆. 蝦膠內的蝦尾肉很爽, 原價$44 一隻, 現在半價一隻. 都幾大隻. 算抵食. 最後是北京醬蹄. 燻蹄不是配上普通的拌汁, 應該是自己調配的. 味精香濃.這裡勝在環境頗靜, 不太聽到隔離枱的人談話. 枱与枱之間有一段恰當距離. 幾舒服.

其實真係唔想第一篇食評就比喊臉但係 真係唔得 一定要寫1. 出菜混亂 跟本未落ORDER 已經有菜上 係隔離枱嘅 三次!叫左中秋套餐 有三個ITEMS 好有問題2. 花膠伴翠苗 其實本身花膠已經唔係太入味 我麻麻食食下有食到有XXX!!! 死未!! 侍應埋黎收走同講一句對唔住 跟住無啦!!!3. 話明翠苗 但原來係生菜,,,,,,,,,,,,,,,,,4. 蟹肉伊麵 蟹肉炒曬係個底度 同好少5. 生磨合桃糊湯丸 很行貨 自己整會好食過佢好多其他不過不失但係呢個price 呢個質素 唔抵

首先,為服務平反,都唔係之前寫的評價咁差,可能之前食評已經好耐,可能某些人已轉了,所以.....今晚覺得服務好好,有笑容,又醒目,今次是第一次光顧,我們七人慶祝朋友的生日,環境很好,地方也很大,也超過一半坐滿了,不過相比其他食店,印象中,真的比較無咁滿客人,所以更顯得服務好周到.花膠海皇冬瓜盅ok啦,唔會太鹹,唔會太味精的感覺,但花膠....好似無喎原個火龍果大蝦沙律係食店推銷,三十多元一個,少吃水果的就推薦,因為很清新,買相也很靚野菌原個溫室小南瓜很好味,煮法特別,很爽口,好少吃到這道菜,買相又靚,成個瓜也吃得,勁推薦京式烤米鴨 食店推介,半價一百三十元,以又一城來講,是便宜的,味道也可以,但服務員切得太少,回家看鴨身,仲剩很多皮,清蒸老虎斑中等大細,肉也很滑,很新鮮火焰干蔥牛柳粒服務員拿到卓上後,再起火,燒一燒,我唔食牛肉,但我的朋友也大讚,話肉好滑,一路話好味好味米網拔絲咕嚕肉 加左個脆脆米,特別些,.....咕嚕肉好夠味,唔會太酸,唔會醬粉太多,好適中仲有雞絲粉皮,莧菜,白飯...好飽地方好舒服,我地又切蛋糕,唔會收切餅費我留意到好多一家大細來吃,俾多次機會佢地,也值得一試

星期日同大陸來的富貴舅父及屋企人一行六人食晚飯,其實每次都好怕同舅父食飯,因為其性格比較心急和暴燥,每次出街食飯都不是罵服務員服侍不好就是食物不好,令自己都非常難為情,這次亦不例外,今次舅父找來一個女侍應來開火,投訴叫了食物超過二十分鐘都未到,(但其實只是最多等了七,八分鐘,加上是繁忙時間,個人來說,是可以接受的),女侍應隨即找來男經理幫忙,可幸男經理並沒有被舅父的連環發炮而影響到情緒,仍是很有耐性及滿帶笑容的幫我們親自由廚房拿著兩碟菜跑出來,還很熱誠的為我們添茶及送上甜品,及派上卡片同舅父講,下次多的來食飯,而舅父亦由最初的火爆,變成好nice咁同梁經理握手道別,我亦總算帶屋企人食了一餐開開心心的飯特別推介:半價的清蒸老虎斑,蒸魚豉油尤其的美味,另外醬燒海參帶子都很出色,味道少少辣,帶子大大粒的,所以當晚這個菜式食完還再添了一碟

第一次寫食評，大家多多指教！　　　　難得終於捱到放假，約埋舊同學一齊去飲茶，呢度以前同一班朋友都嚟過。　　　　記憶中食物都算唔錯，無黎好耐，呢到裝修咗，以前門口有好多竹葉，今次竹葉唔見晒，變咗做都幾特別既窗門做間格，比人一個好輕鬆乾淨既感覺，本想搵一張近門口位置有盆大蘭花既卡位坐，可惜比人訂滿晒，唯有搵一張向住門口卡位既枱坐，因為卡位望落好靚，坐唔到望吓都好！　　坐低開咗茶，部長走黎問我地飲唔飲老火湯，話數量有限，可以預留我地一份先，等到點心黎咗先上湯。我地見部長咁有誠意同禮貎，又的確好想飲，就叫咗一份黎試下，我地要咗花生木瓜煲雞腳，湯夠晒熱，最重要既係冇味精，對於天生對味精為敵既我，飲到酒樓煲既煲湯真係無味精既！都算少之又少！　　　　其它既點心，例如金魚餃、燒賣、川芎百芷魚雲都幾幾吸引，下星期同老公兩個黎撐枱腳都好！

　　約了兩位好朋友共晉午餐，聊天為實。中午十二時左右，食客滿佈，店員安排就座。點心紙上列明各類點心，選擇不太多。非特價的時段，價格偏向中上。侍員隨即端上普洱，熱水。　　等待十分鐘後，侍者端上了脆皮燒腩仔、五香鹹水角。燒腩仔的外觀吸引，肥膏與肉梅花間竹地排列，入口的肉質鮮嫩有之，皮層香脆，質素列為優質；鹹水角的體積適中，軟皮層的厚度適合，香脆熱辣，不俗。不久店員遞上露荀蜜汁叉燒腸粉、叉燒餐包、瑤柱莧菜餃。附加腸粉的豉油，調味方面不錯，餡料露荀欲減輕叉燒的油膩感，但叉燒餡料並不優質，幸好腸粉尚算薄透，挽回分數；叉燒餐包，明亮光澤，包質鬆軟，唯叉燒餡料如腸粉般，仍需進步；瑤柱莧菜餃，外觀吸引，澄皮透薄，莧菜為主，減輕點心的油膩感，混合瑤柱絲，味道調味適合，算是一道清新的點心。　　侍者隨即端上蟹籽鮮蝦燒賣、奶黃包、家鄉蛋煎糯米雞、魚湯鮮腐竹娃娃菜。燒賣的外觀奪目，表面潤澤，大蝦於燒賣上層，體積略大，與傳統的點心有別。潤澤的表面來自醬汁，相信混有蠔油，入口的肉質屬鮮嫩，整體及格，倘若醬汁輕輕點綴便好；奶黃包，包質鬆軟，奶黃餡料豐厚而甜度適中，不俗；蛋煎糯米雞，糯米經蛋漿佔滿後而煎，表層是微脆，餡

幾星期前去呢間茶樓飲下午茶, 因為聽人講話呢間嘢啲燒腩仔好味, 所以嚟試吓. 佢嘅燒腩仔係好味 - 好脆. 有其他嘢都OK, 例如柚皮蒸鴨掌... 但係我覺得一間食店除咗嘢食之外都要睇其他嘢,例如服務,誠唔誠實. 攞位時,知客姐姐(無記錯嘅話好似叫Jessica)已經唔多睬人; 俾錢時, 又收多錢, 藍苺焗布甸應該係 $18 (下午茶價錢), 但張單打咗原價$30. 由於不嬲都喺俾錢前計定張單幾錢, 就覺得個價錢有出入. 不過都俾咗錢先, 之後攞單check發覺收多錢, 咁就問番佢, 佢俾番差價, 話電腦入錯. 之後喺呢到睇番先發覺都有其他人喺呢間食店以不同方法收多錢.. 我唔想再俾人呃或者受知客姐姐不禮貌對待, 我唔會再去囉!

從來都好少寫食評, 係因為每次食飯都會上openrice search亦因為好少會有貨不對板既情況.....但今次出事了 一行三人到九龍塘搵食, 決定來翰騰閣飲早茶因為6年前已經有試過, service 一般, 但勝在味道唔錯所以6年後既今日再來一次....惡夢就是這樣開始了....10:30am 來到門口, 見到大、中、小點一律$18, 心諗「咁平」, 二話不說就call 埋朋友們落黎飲茶啦, 叫左以下點心叉燒酥...好普通 腐皮卷...普通 馬拉糕, 好少見咁大個.....原來內裡一陣風, 味道麻麻 生煎包....用料ok, 但味道係普通茶樓都食得到...燒賣....極差~~一陣惡臭死蝦味, 用了很多蠔油都蓋不了, 退掉了~ 水晶蝦, 蝦冇蝦味.....最後的是service...開茶開成5分鐘....要崔先有人理! D 杯碟好似冇洗淨咁, 好多油.....平價茶樓就話自己洗去到成$30一個點心既茶樓, $12一個茶錢....我唔會預期D 餐具係咁dirty~! 真係冇下次....!

我們１個月大約光顧8-9次, 並非熟客. 女同事A去攞位, 等了成5分鍾扁着咀回來話門口阿姐只顧招呼熟客, 唔理佢, 講了好多次"6位"都當佢透明. 但當時環境雖然有其他等位客人(不多), 但都站在外圍, 無可能完全聽/看不到有客人攞位, 估計阿姐心情唔好. 於是男同事B去攞, 今次OK, 但我們全都看到她的態度好差, 只不過係寫1張飛仔啫, 唔會好煩啩! (不過佢對熟客D態度好好). 等緊期間已見1個女仔拎住飛仔問佢嘢, 之後個女仔怒氣沖冲咁走咗去. 終有位了, 阿姐用不純正, 極不客氣的廣東話講," 拎張飛黎睇下!!!", 跟往用手作勢"潑"我哋向前." 去喇!!!去喇!!!" 極反感, 似趕動物入籠咁!!!! 咁攪都無mood 食嘢, 但回頭望佢對熟客又變番另一個樣. 唔生邊有熟呢? 可能太多熟客仔不屑D 生客. 不過真係以後以後也不會再去. 未食已氣餐飽!