老媽拌麵 (將軍澳中心)

營業中

休息中

話說我都幾鍾意食台灣麵，開咗好耐喺屋企樓下嘅老媽拌麵終於有機會試吓！佢嘅選擇都幾多，有撈麵有湯麵，今次就試左兩款比較清淡既湯麵，分別係清燉半筋半肉麵同金華火腿干貝雞湯麵，兩個麵各有特色，充分帶出到牛骨湯同雞湯嘅風味，前者既牛筋勁淋真係幾唔錯，後者既雞都算滑而且有淡淡既金華火腿嘅鹹香都幾好！而且仲可以俾你揀刀削面定幼麵，仲有得免費加底，比較大食都唔怕唔夠飽！ 小食方面我哋就試左滷鴨舌同豆乳香香雞，我個人認為滷鴨舌真係幾出色，非常入味，必食！豆乳香香雞都唔錯，份量多而且幾脆，個人就一般炸雞點醬食，所以覺得就咁食已經好好了！總括來講，其實佢啲價錢都非常合理，而且份量都幾大份，如果當casual dinner都唔錯！

早前過將軍澳，與朋友見面，見到這間老媽伴麵，因大家都想食台灣野，就入左去😊😊我叫左花雕雞湯關廟麵雞肉非常入味，而且湯底好好飲👍👍朋友叫清湯三寶牛肉麵，都唔錯，牛展 夠冧另加左個小食 腐乳香香雞必食👍👍👍👍👍👍👍👍👍個腐乳有點特別，與香港腐乳有點唔同香香雞外脆內軟又多汁與腐乳好夾🥰🥰🥰🥰🥰🥰🥰🥰🥰🥰🥰冷泡車與鮮奶matcha都唔錯另外值得一讚係侍應有禮又勤力，客人走後會主動消毒清潔

因為好鍾意食拌麵 行街見到d即食包裝拌麵都會試下 所以之前都識老媽拌麵呢個牌子見到佢係香港開實體店係有少少好奇點解我要俾貴d食我可以自己煮既麵 (雖然出街食飯都係一樣道理🤣)都好奇佢會有多d咩唔同既味可以試！TLDR: 係同屋企食絕對不一樣🤣 價錢又唔係貴好多 係值得支持架🤓今次揀左呢個推介既花雕醉雞拌麵雞帶有少許酒味 醉合拌麵濃度剛剛好最緊要係有得揀粗麵！另外有叫到2個小食 百頁豆腐滷水味唔會過濃 食到有微微豆味配菜撈埋d汁食！蔥抓餅作為台灣過江龍係幾失望 冇應有既蔥油香味 亦都好乾

同朋友食飯，友人提議食台灣嘢，咁啱見到將軍澳呢間台灣拌麵，之前聽過同事講都好食，一於去試下。我就選擇咗蔥油嫩雞拌麵，蔥油都幾香，啲汁撈埋幼麵嚟食好開胃。朋友就嗌咗個金華火腿干貝花雕雞麵，偷飲咗啖佢個湯，湯底好香好濃厚，花雕味好香，但酒味唔算太重，怕酒味嘅朋友都鐘意。小食方面就嗌咗個豆乳香香雞同澎湖花枝丸。豆乳香香雞炸得好香口好嫩滑，啖啖肉又爆汁，不過估唔到附上嘅豆乳醬原來係腐乳醬，真係非常少有，但又唔似平時啲腐乳咁咸，而且味道又幾夾，好得意。澎湖花枝丸就好似平時喺台灣夜市食到嘅炸花枝丸，而且入面更有花枝粒粒，好Q彈。最後飲埋個冬瓜檸檬茶，清甜滋潤，檸檬味好香，好啱夏天飲。老媽黑糖珍珠奶茶嘅茶味好香，黑糖珍珠唔會太甜，好啱女仔飲。

真係好懷念去台灣旅行既時候，日日都可以食好西，尤其係好味嘅牛肉麵、拌麵，好彩唔少台灣過江龍都嚟香港開店，就好似呢間老媽拌麵咁，去唔到台灣都可以止下癮。同朋友嗌咗個地獄麻辣牛肉拌麵同麻辣老鍋麵、滷鴨舌同牛腱、百香果國寶茶。地獄牛肉辣味好勁，食落好刺激，牛肉有彈性，麵就嗌左幼麵，好掛汁之餘，麵質彈牙有口感，好香滑。而麻辣老鍋麵就好香藥材味，反而無拌麵咁辣，湯底香濃，入面更有唔少材料，例如鴨血、肥牛、響鈴，最特別嘅係黑色豬肉丸，都幾少見，而且咬落好多汁好香口，粗麵煙韌爽口，連埋湯食好夾。另外仲嗌咗個滷鴨舌同牛腱，食落好入味，鴨舌好嫩滑，牛腱亦都好有肉味，唔會太硬。食完辣野就要飲啲嘢，呢個百香國寶茶，飲落酸酸甜甜好清新，好解渴。 價錢嚟講都OK，食物份量剛好，而且質素唔錯，可以再食。

今日和朋友在將軍澳吃飯，餐廳很大間，好光猛，座位夠寬闊。⭐️私房花雕雞拌麵$78雞肉頗嫩滑，有不同的部件，入口頗惹味。幼麵入口很爽，有時菜，還有一顆溏心蛋，溏心蛋半凝固的狀態，入口香軟。⭐️豆乳香香雞炸得香脆可口，外脆內軟，配上豆乳獎，有意外驚喜！⭐️百香國寶茶$33由百香果、鳳梨醬和有機南非國寶茶製成，有機茶沒有咖啡因，入口甜度不高，很順口。⭐️香煎蔥抓餅$30軟軟韌韌，入口有嚼勁。⭐️老媽黑糖珍珠豆漿$33珍珠煮得軟軟的，配上豆漿很棒！

因為疫情關係無得去台灣,唯有係香港食台灣野止下癮😭依間係將軍澳既台式餐廳之前聽過朋友推薦,見近近地今日同男朋友去左試🤤酥炸甜不辣($24)甜不辣炸至金黃色,口感煙韌彈牙,配上秘製既甜不辣醬好有台灣既風味🥰川味紅燒三寶牛肉麵($82)麵可以揀粗麵/幼麵,我自己揀左粗麵因為刀削麵口感比較煙韌有咬口,三寶係牛腱,牛筋同牛肚,湯底係用牛骨湯頭熬製而成,所以非常濃郁,而且味道帶微辣,牛肉煮得好軟腍入味,肉味香濃,份量都算幾多阿里山高山冷泡茶(套餐+$18）茶味香濃帶回甘,重點係個樽好靚❤️私房花雕雞拌麵($78)黎到緊係要試下拌麵🤤雞肉係用雞髀肉所以好嫩滑,食落去帶淡淡既酒香,拌麵仲有溏心蛋,值得一提既係佢所有既麵都可以免費加底,咁就吾洗驚吾夠食☺️凍冬瓜檸檬(套餐加$18)味道甜中帶酸好開胃,岩哂夏天飲,難得既係佢飲落去吾會太甜好好飲!

呢間過江龍之前開張打哂蛇餅，反正住樓上咪等熱潮過先試，後黎冇人排就試過第一次晚餐，啲野食好一般，就冇再試過了今日假期屋企人話食早餐，m記早餐又食得多，見呢間居然有早餐，咪試下，點知仲伏過平時lunch dinnerB1 台式蛋餅有火腿生菜肉鬆芝士可欣賞既地方係芝士仲係流心，生菜仲脆口其他冇咩好欣賞嘅地方，成個蛋餅都好油，油得黎𥚃面居然係冇醬，有醬汁應該會好味少少定還是已經落左醬少得濟食左都唔覺B5台式芋泥肉鬆吐司首先係圖文不符，餡料冇咁厚，途中有兩層芋泥，實際得一層，不過好彩佢得一層，食左半份都好濟餡料得芋泥同肉鬆，芋泥冇乜味，得肉鬆帶到啲味，又係好奇怪唔知點解份吐司咁油膩食咗啲又油又濟但唔好味嘅早餐，令我成個感覺唔多良好最離譜係餐飲，一杯熱豆漿，一杯凍豆漿。我飲熱豆漿冇咩豆味，勝在唔太甜，基本上係唔好飲！咁我咪試下細妹杯凍豆漿，頂佢杯凍豆漿啲味好奇怪，好似叔叔地，啲凍感com過唔太覺，我飲左一淡已經唔想飲，我妹以為係正常飲左大半杯，之後柯左成個下晝呢間野幾時執呀，唔好嘥咗商場啲舖位啦

將軍澳中心而家開左好多食肆，好多選擇款色又多，老媽拌麵係其 間我最中意食嘅店，佢嘅拌麵真係必點選擇。同老公每人叫一樣，佢叫左個老成都擔擔拌麵同凍嘅金羅漢果海底椰，哇，佢拌麵真係好正，d 汁令人想食完再食，麵質彈牙，撈埋肉碎紫菜，好match, yummy, 而且價錢都算幾平 ，因為下午茶，只需$56.杯飲品都令喉嚨好舒服！推介呀我就試下推介-麻辣老鍋麵，有麻辣鴨血，墨魚汁豬肉丸，響鈴仲有肥牛片，全部都係我最愛嘅配料，吸收秘制湯底精華加埋麻辣簡直一食再食，個麵底我揀左刀削麵。好食！如果份量再多d就perfect 喇！我地另外再叫多個小食-花枝丸又係推介嘅小食😍❤️因為我太中意食辣喇

尋日又黎到老媽拌麵 近近地食番個台式晚餐💓川味紅燒半筋半肉牛肉麵(粗麵) $78 🐂湯底微辣 比較重口味🤣牛筋夠淋夠入味👍🏻牛肉有兩大片😉粗麵索晒啲湯汁😋金華火腿干貝花雕雞湯面(粗麵) $88 🐔淡淡嘅酒香配雞湯🐓味道較牛肉湯淡 但係都好夠味👍🏻滷鴨舌$46雖然鴨舌比較細 食得冇咁過隱但係滷得夠入味 😋同埋而家好少地方有得食😆炸地瓜條$24每次嚟到必嗌💕今次仲要炸到金黃色 勁脆🤤百香國寶茶(+ $ 28 )夠酸又唔會好甜😻老媽黑糖珍珠鮮奶(+$28）黑糖味道突出 珍珠夠煙韌🥰

今日又黎食老媽拌麵，係屋企真係做唔到堂食既呢種味道!今日兩個人叫左兩個餐~口淡淡大家都叫左辣既口味黎食~麻辣老鍋麵因為驚太辣所以汁另上，不過就算汁另上都好，個湯底都有D辣勁的，怕辣既朋友未必受到。不過份量方面就拎滿分，大大一碗每樣配料都有兩件，最鍾意個炸響鈴因為可以索哂D湯汁!麵既質感較軟，成碗食哂好飽!川味紅燒牛肉麵呢款麵既辣度比麻辣老鍋麵少，不吃辣既都應該OK，牛肉用上厚切既牛展，口感大足，麵既款式可以揀幼麵或刀削麵，我就偏好刀削麵因為面既範圍較大，口感更彈牙，湯底濃郁好夠味，清甜既蘿蔔亦都同成個麵配撘得宜!酥炸甜不辣另外點左兩款小食，酥炸甜不辣外脆內軟，煙韌有咬口，點埋醬汁甜甜酸酸好惹味!炸大雞排好大一塊，以鹽酥雞做法去整，外層非常香脆，連皮都忍唔住食哂!冬瓜檸檬、百香國寶茶最後點埋兩杯飲品，分別係冬瓜檸檬同百香國寶茶，冬瓜檸檬清甜易入口，百香國寶茶見到又食到粒粒百香果，酸酸甜甜好開胃!

今晚岀左黎將軍澳中心既老媽伴麵揾食 店內既座位唔多 不過我地未到6點就到左 所以可以直接入座Menu而家做緊全線九折優惠 計番又抵食左d清燉三寶牛肉麵燉湯湯底好清甜 牛味好濃郁 麵底可以揀粗麵或者幼麵 (侍應姐姐推介我揀幼麵 都幾岩我口味) 三寶牛肉麵有牛腱.牛肚同牛筋 我最中意個牛筋 燉到好爽滑 好有口感麻辣老鍋麵男朋友就揀左呢個係新推岀麻辣老鍋麵 佢話好有台灣既風味喎豆乳香香雞就如其名 香香雞炸到外脆內軟 咬落好酥脆 內裏又好嫩滑 點埋豆乳醬真係好惹味 真係忍唔住食完舊又一舊最想推介既就係左邊個杯百香國寶茶 係一杯蘊含豐富嘅維他命C而且無添加咖啡因嘅百香果茶 酸酸甜甜好清新開胃 仲話可以提升免疫力添

夏日炎炎， 喺街又戴著口罩， 多數入番商場歎吓冷氣搵食。 將軍澳中心裏面嘅食肆大部分都係連鎖店， 今日揀咗這間《老媽拌麵》， 就試下馳名嘅關廟麵專門店。😋餐牌已經好吸引，有多款唔同嘅湯底關廟麵和小食。川味三寶（ 牛腱，牛肚，牛筋 ）牛肉麵(轉清燉牛湯底) $82湯底清甜， 長時間熬煮，香醇美味。 牛筋好腍好入味， 牛展夠厚， 牛肚則炆得未夠腍。至於主角關廟麵， 有厚度，捲曲嘅邊緣更具口感， 麵質煙韌， 仲有好處唔會索曬啲湯。 落單嘅時候店員說可免費加麵底。金華火腿乾貝花雕雞湯麵$88加入陳年頂級花雕熬煮， 有淡淡的酒香， 融入濃香嘅雞湯， 夠曬滋補美味😍😋。 熬煮過嘅雞肉亦好入味！老媽黑糖珍珠鮮奶茶$33鮮奶嘅味道好突出，配襯唔會太甜嘅黑糖， 台式風味嘅奶茶。 珍珠夠軟熟唔會趙到牙都攰。蘋果梳打夠汽$18，又唔會太甜！👍仲試咗「豆乳香香雞」小食$52炸得酥脆嘅雞塊， 蘸上腐乳醬， 鹹香惹味！鹵水鴨舌味道唔錯～餐廳食物做得唔錯， 關廟麵尤其吃得滿意 ，非常好招呼仲會主動斟水～

今天下午去咗將軍澳行街，有些肚餓剛剛見有一間叫^老媽拌麵^，這是一間台灣食物菜， 入到去職員要同我們探熱同埋要我們搵啲火酒消毒雙手才可以入去，我覺得這樣做很安全，食得放心，坐咗落去職員很有禮貌畀咗個menu我們看，跟住我就嗌咗一個麵： 私房花雕雞拌麵$78:有少許花雕味，酒味不是太重，但是都幾清香，幼麵很爽滑 ，個汁和麵撈在一起十分惹味，雞髀肉是切開一塊塊， 如果大食嘅可以免費加底，因太肚餓所以又叫多碟小食 ：豆乳香香雞$52，炸得很脆嗰啲脆漿很薄 ，雞肉很嫩滑 ，點埋d豆乳汁同雞肉很match，食時要小心，因十分燙口 ，因為雞肉十分熱，升級套餐加$28 可以飲黑糖珍珠豆漿 ，可以嗌熱和凍，我嗌咗個凍， 啲珍珠煙煙韌韌，豆漿是店舖自己鮮榨， 純天然豆漿再加珍珠都好好飲 ，又不會太甜！我朋友叫左：金華火腿干貝雞湯麵$82🍜，湯麵啲麵都好滑但啲雞就比較淡香，金華火腿切到好細一粒粒食落去都好香口， 整體都唔錯嘅 。澎湖花枝丸 $24: 是即叫即炸的所以很熱而且仲很彈牙爽口，很好食加上去有個甜酸辣辣哋嘅汁，點咗很香滑又唔覺得油膩 ， 升級套餐加$28 ：黑糖珍珠巧克力 ，本來擔心黑糖加上巧克力

今天中午忽然想起朋友介紹過在將軍澳中心開了一間老媽拌麵，所以決定自己一個人去試一試！店鋪裝修新穎簡約，帶文藝氣息，地方不大但座位舒適，感覺很台灣！看一下餐牌，發覺選擇很多，服務員介紹最近新推出的”素未謀面”，是素麵加豆皮加蔬菜類，有選擇困難症的我決定點來試試！味道偏清淡，略帶甜，豆漿開的湯底，配合時令推介百果茶，非常健康及清新的配搭！現在很多餐廳都推廣素食，絕對是值得推介之款式！中和一下口味，再點了邪惡至極的炸雞排，新鮮炸起香氣撲鼻！咬下去更是啖啖肉汁，又香又脆！就這樣，老媽拌麵就將我由清淡平庸的境界，帶我到豐富邪惡的口味徘徊，有趣有趣！