老媽拌麵 (將軍澳中心)

營業中

休息中

今日同阿媽嚟將軍澳行街順便嚟呢間台灣餐廳食晚餐😍餐廳嘅職員服務態度好好👍🏻一嚟到就招呼我哋坐低點餐～私房花雕雞拌麵($78)呢個杯麵係餐廳嘅招牌菜😍咁梗係要試吓～我哋揀咗幼麵，面嘅質感軟淋淋，煙煙韌韌😋配咗甜甜嘅醬汁，雞肉大大件，仲有菇同埋流心蛋做配菜😋魷魚圈滷肉飯($68)呢度嘅老玉係好大件嘅半肥瘦腩肉，再配埋滷肉汁撈飯😍魷魚圈咬落彈牙，腩肉食落有肉汁幾正👍🏻滷肉飯同樣有流心蛋做配菜滷鴨舌($46)滷水汁鹹甜適宜😋鴨舌細件不過多肉👍🏻香煎蔥抓餅($24)蔥抓餅煎得好香🥰食落仲脆卜卜，而且好大碟，我哋食完正餐都食唔晒🙈冬瓜檸檬(+$18)因為叫咗少甜，所以比較酸🙈不過有陣好濃嘅冬瓜茶味🥰配有檸檬嘅酸甜有助消化👍🏻老媽黑糖珍珠鮮奶(+$28)富有台式珍珠奶茶嘅鮮甜😋珍珠Q彈😍黑糖味同鮮奶味都好突出👍🏻餐廳環境舒適👍🏻背景音樂都係播台灣歌手嘅歌為主～好似去到台灣咁😂依家堂食仲有全單九折，幾抵👍🏻

將軍澳中心開左好多食肆，見到呢間老媽拌麵，自己就經常性買返家煮黎食，咁見到都多餸配搭，就入去開餐Lu😘有飯有麵，樣樣都好吸引，於是我就叫左金華火腿干貝花雕雞，（花雕酒味唔會太濃，剛剛好，合我口味，雞入味而且都滑☺️）升級+28要了老媽黑糖珍珠豆漿，（珍珠改了仙草）朋友叫了和牛炸醬拌麵，（麵有很多配料，而且可免費加底，啱晒大食嘅友人，友人說撈麵好味😋，而且有青瓜絲，紅蘿蔔絲，雲耳，豆腐乾，撈埋一齊好有口感，有咬口而且爽口）升級+28要了老媽黑糖珍珠鮮奶茶小食要了滷牛筋同鴨舌☺️（牛根淋而且煙韌😋， 鴨舌友人說入味同正👍）而且現在堂食同外賣都有9折啊👏

最近好想食台灣野黎到將軍澳既老媽拌麵 梗係要食我好耐冇食過嘅粗拌麵和牛炸醬拌麵用矜貴嘅和牛製成炸醬仲有粒粒滷豆腐拌麵吸滿和牛醬汁每一啖都食到好香嘅和牛味麵嘅質感都好滑有口感私房花雕雞拌麵花雕雞肉質結實好香口佢地採用咗雞髀黎整所以咬落都幾香滑酒味啱啱好唔會太濃滷牛腱大大件既牛腱肉切得好厚因為炆得好淋所以一啲都唔硬非常扺食韭菜豬肉水餃餡料非常豐富包到漲卜卜咬落啲肉汁多到爆出嚟老媽黑糖珍珠鮮奶鮮奶既質地好濃厚配埋黑糖唔會太甜正金羅漢果海底椰係餐廳比較少有嘅嘢飲非常潤喉而且對氣管好好啱曬有鼻敏感嘅我店內環境闊落舒適店員服務態度良好食物大大件好扺食等我下次試下佢個冷泡茶先🥰🥰

行街行到肚餓搵地方坐低食啲野～原來將軍澳呢度開左間老媽拌麵～揀左川味紅燒牛肉麵，麵質爽口又彈牙，有啲波浪紋，每一啖麵都掛上濃濃湯汁～點左個小食炸大雞排，新鮮熱辣，上枱仲有煙架～灑左椒鹽粉既外層炸得金黃酥脆，雞排滑嫩多汁，正😋最後整返杯台式飲品～仙草凍奶茶～又完美既一餐～

第一次黎呢個將軍澳新商場 都幾大幾多野行 行到攰就梗係要搵野食醫肚見到老媽拌麵個餐牌幾吸引 就走左入去食澎湖花枝丸 $32一碟6粒 即叫即炸 上枱熱辣辣個花枝丸幾好食 入面好多花枝 唔算好多粉 個醬甜甜酸酸配埋黎食唔錯豆乳香香雞 $52本身掙扎緊嗌炸大雞排定嗌豆乳香香雞出面好少見到豆乳香香雞 最後嗌左呢個試佢個雞好香口好脆佢個醬原來係腐乳醬 咸左少少但個味都幾特別金華火腿干貝花雕雞湯麵 $88好足料 個湯幾重花雕味 我揀左關廟刀削麵 個麵質感唔錯 仲可以揀細麵佢仲有得免費加麵底 岩晒啲大胃王

老媽拌麵 (將軍澳).私房花雕雞拌麵.用花雕雞汁拌粗麵，雞件真係幾多同肉嫩.麻辣老鍋麵.鴨血，肥牛，黑墨魚丸等，新產品但個湯唔係好辣，幾好食！.豆乳香香雞.好香炸得好透！ 咬開熱氣上升，醬係腐乳醬！.澎湖花枝丸.炸得香口，配上酸汁，好好吃😋考慮下次叫兩碟！.黑糖珍珠鮮奶.重點不太甜，珍珠有咬口！ 熱凍一樣好飲，另外可以叫鮮奶茶，今次仲多左豆漿揀！.📌老媽拌麵 (將軍澳)將軍澳唐德街9號將軍澳中心L1樓133號舖.—————————————————————-#hkig#hkigfood#hkfoodie#foodie#food#food#foodstagram#hkfoodlover#hkdaily#foodiehk#foodig#foodlife#hkfood#foodblogger#hkfoodblogger#hkgirl #foodporn#老媽拌麵 #laomanoodle #laomanoodlehk #拌麵#老成都擔擔麵 #葱油嫩鷄拌麵 #台灣美食 #taiwanfood

清燉牛肉麵 $72牛𦟌肉質腍，望落個湯底顏色好清，但係味道濃，同幼麵好夾，好鍾意！金華火腿干貝雞湯麵 $82湯底好清，鷄件外，仲有金華火腿粒丶白精靈菇丶冬菇滷牛筋 $42牛筋晶凝通透，口感嫩滑，滷得好入味，夠腍👍🏻台灣香腸 $32外表有啲似港式臘腸，口感煙韌，咬落肉汁豐盈，肥而不膩老媽黑糖珍珠鮮奶茶 $33黑糖珍珠好Q彈，係台灣奶茶味，如果鮮奶多返少少會更好老媽黑糖珍珠巧克力 $33呢個組合唔錯，但略嫌朱古力味未夠濃

朋友早前介紹這家將軍澳中心的台式麵店也一段時間，今天路過附近，因天氣太悶熱，想吃麵條，就去這店試試。正好堂食或外賣也打九折，即免加一，慳些少。點主食可以優惠價點小吃及飲品。我點了❮川味紅燒半筋半肉牛肉幼麵❯(粗麵是 刀削麵) 侍應問我需否加底？！原來這裡 "免費" 加麵底，我雖然大食，但今天胃口一般，為免浪費食物，故沒加啊！先飲啖湯，小辣湯頭不會太刺激，微辣微麻，牛肉味香濃，以湯匙將麵條和濃湯一起送入口，好味。兩件又大嚿又厚的牛肉，滷得很入味；牛筋腍軟得來柔滑，有點咬口會更好味。❮私房花雕雞伴幼麵❯ 也是可選刀削麵的。雞件帶洒香，腍嫩。估不麵條都滲有花雕酒香味，麵條粗幼適中，有煙韌度，夏天吃這個很舒服的。小吃 ❮滷牛肚❯ 滷水味頗濃郁，牛肚有饞勁，需襯熱吃，免得冷了起膠。我原以為每一款跟餐小吃也有優惠，原來是$32以下的才有。。。另一小吃 ❮澎湖花枝丸❯丸子好彈牙，又有鮮味，還咬到魷魚粒，熱吃香口，涼了也有煙韌度，好味。❮老媽黑珍珠黑糖珠古力❯ 大大只隻杯，少甜少冰，但沒影響珠古力的香，做到平衡，珍珠煙韌，量也不少。❮老媽黑珍珠黑糖鮮奶❯ 鮮奶順滑，同樣少甜少冰又大杯，抵飲！

川味紅燒牛肉麵，伴白菜及蘿蔔，紅椒湯底，不算很辣，有花椒的麻味，互相配合，放入幾片筋肉相連的牛肉，可惜這個食材不是我喜歡的冧牛肉切粒，而且質地較嚡和硬身，鮮味當然欠奉；麵條是入口乾貨，勝在夠彈牙，掛湯力也佳，整體很有台灣的味道。台式香腸，切片上碟，但混入了太多肥豬肉，要一路食一路吐，很浪費，幸好調味方面很有台灣感，彌補暫時不能到寶島的思愁，新冠病毒疫情過後一定要進行報復式旅遊。埋單有9折，方便的午餐，不過不失。

冇得去台灣，咁就來將軍澳中心食老媽伴麵😋呢度店面裝修簡單得來俾人有好舒適的感覺✨雖然過咗午餐時間，但都有唔少客人。川味紅燒三寶牛肉麵😋三寶係牛筋牛腱牛肚，好林和入味又大塊，湯底好香濃👍川味紅燒半筋半牛肉麵😋由於太喜歡牛啦，所以都係叫咗牛台灣香腸😋皮脆，配埋蒜片食一流滷牛腱😋又係好大塊勁入味冷泡茶😋唔會有苦澀味，而且帶有香味老媽黑糖珍珠鮮奶茶😋唔會太甜，珍珠煙韌適中埋單時還有全單九折✌️✌️

台灣拌麵近年大行其道，很受大眾歡迎，筆者當然也不例外，而且很多時也會在家自己烹調拌麵當作晚餐吃。其實來自台灣的拌麵品牌真是多不勝數，而且各有捧場客，不過講到近期最得我心嘅，相信非「老媽拌麵」莫屬。餐廳喺香港一共有三間店舖，今次就揀咗位於將軍澳中心的分店。店內設計簡約，以木系為主調，裝潢富文青風格，加上具台灣味道的壁畫，感覺親切，座位間的距離足夠，開揚舒適。餐牌有不少選擇，除了熱賣的拌麵和湯麵外，還有台式飯食、湯品、手工水餃、小吃及滷水系列，另外亦有冷泡茶及台式飲品等供應。品牌以日曬手工麵起家，一場來到，當然不可以錯過。揀咗兩個麵食，兩款小吃同兩杯飲品。小食選了滷鴨舌 ($46)  同豆乳香香雞 ($52)。鴨舌加入了滷汁熬煮，入口濃香不鹹，入味非常。香香雞以台灣直送的腐乳醃製，雞肉酥炸後，依然嫩滑多汁，而且上檯時還配有一小碟腐乳，蘸上後鹹香惹味，好吃得令人欲罷不能。麵食點咗私房花雕雞拌麵 ($78)  同清燉牛肉湯麵，麵條可選關廟刀削麵或細麵。拌麵配料很豐富，有秘製花雕雞肉、半隻溏心蛋、玉米筍和菇菌等。麵條揀咗呈彎曲波紋嘅日曬刀削麵，麵身煙韌有嚼勁，醬汁依附在每一根麵線上，入口散發著淡

難得me time可以約朋友行下街～行到餓，朋友建議食老媽拌麵，又好姐！平時一包包買既自己煮食得多，原來有實體餐廳，未試過😆😆.麻辣老鍋麵 $84姐姐推介話新出，一於試下～配料好豐富，有肥牛、鴨血，響鈴，墨汁肉丸～有麻辣味得嚟其實唔辣，但幾香～波浪紋既麵條，每一啖麵都掛上濃濃湯汁～.炸地瓜條 $32大大碟好抵食～外層炸得香脆，內裡地瓜又夠甜，配埋酸梅粉，真係冇得彈☺️.黑糖珍珠鮮奶 $33珍珠彈牙得嚟唔會咬到口都攰，黑糖同奶比例岩岩好🥰

同朋友來到將軍澳食飯 大家都想食台灣野 就選了呢間好出名既老媽拌麵川味紅燒三寶牛肉-賣相好靚 選左刀削麵 麵質好有咬口但又唔會硬 湯底好有牛肉味 另外個牛肉脂肪分布比例一流 超入味!川味紅燒半筋半肉--份量多 個牛筋好淋稔 好好食 食唔停呀韭菜豬肉水餃-份量好夠 差唔色有成十粒 皮薄餡靚 個餡勁juicy 包實啲湯汁 超好食豆乳香香雞- 炸得好鬆脆 配埋個豆乳醬真係好夾老媽黑糖珍珠鮮奶- 黑糖同鮮奶係絕配 又唔會太甜 推介呀仙草凍奶茶- 食台灣野一定要飲仙車奶茶啦 果然好好飲無失望大家都大讚話下星期要再尼食多次！

第一次食老媽拌麵聽聞老媽拌麵選用台南關廟麵📌古法手工精製，麵條以日光自然曬乾📌無防腐劑，爽彈可口。。［花雕雞拌麵］配料好多😋😏秘製花雕雞肉、菇菌、玉米荀、菜…花雕酒做嘅醬汁掛麵，酒味較淡麵身質地有少少似刀削麵，但比刀削麵軟身，整體一般.［川味三寶牛肉麵］湯底係用花椒、八角等香料秘製，好惹味！牛筋好食！好香軟🤩牛腩用慢火滷煮，超級入味！.［鹵鴨舌］細隻，比較林…我中意食起來Q脆嗰種多啲😅.［香煎蔥抓餅］台式抓餅😆不過不失。。。環境好靚，好中意呢種台風設計「好想去台灣阿～」🤣。#老媽拌麵 #將軍澳 #台灣

老媽拌麵 (將軍澳).⚜️麻辣老鍋粗麵⚜️.新產品！男朋友睇中佢有喜歡嘅鴨血食，唔太辣我都食到(⁎⁍̴̛ᴗ⁍̴̛⁎)仲有響鈴同兩粒黑蚊蚊嘅墨魚丸！.⚜️金華火腿干貝雞湯幼麵⚜️.今次我試左上次媽媽食呢碗，幾好食，金華火腿鹹鹹地配上較清嘅湯，配幼麵更搭！.⚜️豆乳脆炸雞⚜️.呢個係炸雞配一個腐乳醬，炸雞超香口，咬開仲有煙噴出黎！.⚜️澎湖花枝丸⚜️.花枝丸炸得外脆內煙韌，香口野始終係好吃(⁎⁍̴̛ᴗ⁍̴̛⁎) 呢個係我呢到最喜歡食嘅小食！飲品我今次試左佢地新出嘅黑糖珍珠豆漿，如果喜歡飲豆漿嘅其實都ok🤪—————————————————-環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️.📍 老媽拌麵 (將軍澳)將軍澳唐德街9號將軍澳中心L1樓133號舖.—————————————————————-#hkig#hkigfood#hkfoodie#foodie#food#food#foodstagram#hkfoodlover#hkdaily#foodiehk#foodig#foodlife#hkfood#foodblogger#hkfoodblogger#hkgirl #foodporn#老媽拌麵 #laoman