老掌櫃東北菜館 (已搬遷) 新店位置

曾聽過身邊很多朋友推介這餐廳，因為位置確實是不太方便，所以一直沒有「的起心肝」過來一試。因為我們只有兩個人，今天能試的菜色有限，只點了招牌菜北京填鴨、醉雞和酸辣土豆絲。北京填鴨皮和肉的比例適中，皮脆肉香，不愧為招牌菜。醉雞雞很滑，有雞脾雞翼位，也有雞胸肉，酒香已滲透得很徹底，但酒味又不會完成蓋過雞味。酸辣土豆絲酸酸辣辣很開胃，很有鑊氣，份量很足，建議3-4人叫一份。這道菜其實挺適合減肥人士，既飽肚，又多纖維。

又係星期五，收工約左同事去食老掌櫃，上次食過不過人少，試左好少野，今次十幾人可以試多d.前菜類，雞絲粉皮，撈粉，等等。味道正常，唔會太咸，的確係開胃既。之後同餃子，醉雞，片皮鴨等等。老實講，佢既鴨係好食既，唔會太多肉好厚/好肥膏咁樣，不過佢地既皮蒸得唔好？個日d包皮痴實一舊舊，分開好易爛 結果大家都係照咁食鴨😂😂最後甜品方面 雖然好期待拔絲蘋果同地瓜，（事實係好食既但要等到九點後先有）但係等左好耐，最好事前早d叫

今晚啲同事帶咗我去食片皮鴨，話大角嘴呢間老掌櫃好好食！一隻片皮鴨份量都好多，佢嘅配料同醬料可以叫店員幫你加！d鴨皮烤得好脆，切嘅大細適中，鴨皮同鴨肉嘅比例亦啱啱好，食每一舊都可以食到皮加肉，口感一流！配菜有青瓜同韮王，好新鮮好爽口！食完片皮鴨，仲可以將個鴨骨炒茄子，好入味！

見呢間餐廳主打北京填鴨和東北菜，都幾岩我口味，一於就同朋友去試下啦！😚因為餐廳座位唔算多，所以人多嘅話建議預先訂座，可以揀 7-8:30pm 或者 8:30-10pm~北京填鴨（半隻）$168皮脆肉嫩！肉味濃郁，佢嘅皮下帶有脂肪，但食落又唔會覺得好油膩～ 呢個價錢有呢個質素真係超值！推介！🥰🥰雞絲粉皮 $62佢嘅粉皮同平時常見嘅粉皮唔同，佢係比較薄身和爽身，冇嗰種煙韌感，同埋粉皮太碎比較難夾起🙈 味道方面，胡麻味略重，掩蓋左青瓜絲嘅清新感～東北肉皮凍 $58肉皮凍同我預期有很大分別，首先係佢冇落到瘦肉，淨係落左少量豬皮，同埋成個肉皮凍都太軟身，好似一般啫喱嘅質感，味道又唔吸引，好失望呀😢😢排骨擔擔麵 $52 （走辣版）因為朋友唔食辣，所以叫左走辣～ 排骨肉量幾多，煎香左嘅排骨幾好味，同擔擔麵分開上呢點抵讚！ 擔擔麵味道幾濃郁，超重麻醬味，就好似將好多芝麻醬同時放入口咁🙈 肉三鮮餃子 $44餃子入面有豬肉、韭菜和蝦仁，好食又有鮮味！韭菜豬肉餡餅 $30皮太厚，油略多...如果皮薄一點，餡料再多點濃味點會更好～豆沙鍋餅 $48新鮮熱騰騰咁幾好食！豆沙幾甜，但因為佢嘅豆沙餡好薄身所以唔會太甜

同事想食麻醬冷麵，於是就提議去食老掌櫃。幸好去到就唔駛等位，可以直入餐廳。炎炎夏日係街上等，真係唔係幾得左。我點了水煮魚🐟客飯（49元），另加雪碧汽水（5元）。紅紅的辣油，紅紅的辣椒🌶️乾鋪在面上，即時給我的感覺會好辣，幸好師傅煮得唔算太辣，唔係我就食唔到，做左大嘥鬼。魚肉嫩滑，木耳爽口，估唔到還加了少量豆芽菜及紅薯粉，增加飽足感。同事就當然點回她想食的麻醬冷麵（50元），份量都蠻多的，但我無試食到，唔知味道如何。

呢間野離奧運站都唔算遠，出閘之後行10分鐘左右就到。片皮鴨係招牌菜，黎到一定要叫返一隻食，鴨皮好脆，唔會話連好多鴨肉，睇得出師父刀功唔差。不過要注意返無得訂位，要預早少少時間去排一排隊。

每次經過都見到好多人排隊，每次訂位都話要8點30分前交返張檯，不過就久不久就想黎食佢嘅片皮鴨，入面坐得非常擠迫但係都keep住要黎幫襯，就係呢間小店真材實料嘅現象。片皮鴨係必食嘅，我鍾意佢唔太肥，不過啲餅皮就麻麻哋，所以我次次都淨係食鴨唔食餅皮，留番啲quota食第二啲嘢。水煮魚都出色，啲魚片好滑，個辣又好有層次感，同出面一味死辣好唔同。另一絕係佢嘅油潑麵，精彩非常。佢嘅餃子亦都好食，好有北方特色。夜晚九點幾喺大角咀嘅橫街仍然要排隊果然係有佢嘅原因嘅。

話說上次食完覺得好味又抵食，決定要repeat!基本上佢6時開舖，已經有人龍。小妹同男友人6:30到都要等一陣。另外，如果你人到齊，記住自己同職員講，佢先會安排入座。前菜 - 醉雞 酒味香，有點點甜，好正！主菜 - 酸菜魚唔食得辣嘅小妹覺得好辣，但係係好味嘅，好足料，底有薯粉，超入味！羊肉饀有羊嘅羶味，證明係足料，煎得又香，好食！菜不嬲係小妹最愛，呢個菜上湯唔馬虎，好香蒜子味。小妹覺得呢個蕃茄湯底偏重口味，同預期嘅唔同，但都好味！總括而言，兩個人3百幾蚊，CP值好高，小妹下次想食佢個片皮鴨！

大大話話食過不下十間餐廳既片皮鴨，依間係我成日翻兜既餐廳！今次應該係我第六七次黎食，好野真係好多人排，建議大家訂定位或者晏就黎食！點解我會成日翻兜依間既片皮鴨？因為佢好抵食唔會呃秤，佢既鴨皮會連埋鴨肉，半隻份量就多到好似其他餐廳一間咁！鴨皮夠油香，不過略嫌唔夠脆，鴨肉肉質唔錯，唔好太乾太鞋！餅皮亦都夠薄，大約一隻手掌咁大，食起上黎好方便！一隻鴨就配兩份餅皮，每份有十二塊，但我細心一數其中一份竟然有十四塊，$308一隻片皮鴨真係物超所值！建議想試埋其他菜式既食客可以每四人叫半隻，但由於我成家人都好鐘意食片皮鴨，所以次次黎都叫一隻，下次想食片皮鴨都會揀老掌櫃！

是日是為其中一位阿姨慶祝生日既生日飯，搵左幾間，唔係唔想就有人話唔好食，而重點係想要片皮鴨，阿姨search完就決定試下呢間! 就算book左位都要等，店內都迫既，所以就有種老餐廳既感覺，但又未至於三六九個種. 香港地小人多，自然有磨擦，所以我地都有段小插曲，不過呢到唔講啦！我地叫左一堆野，之後又再加單，overall都係好食既，我盡量講下啦,因為真係叫左幾多野下XD北京填鴨 $308好似話要訂，我地訂左一隻! 我唔食既，俾唔到comment, 不過我公公就密密食，應該食左一碟(一碟半隻，分兩碟上)有多，咁我估難食極有限.砂鍋雲吞雞 $138我地叫半隻雞，都大架唔係雞殼，雲吞就啖啖肉，個湯就正正常常咁，無咩特別, 但咁既價錢咁大煲，CP值都高!千層醬豬耳 $72我都真係幾多野唔食，所以唔知，但望上去都撈得好混，好似都唔錯拍黃瓜 $52呢個... er... 唔知點解我1食到好大陣鮮露既味，which係唔應該係呢味餸到出現既，或者係我平時食既，整既都唔正宗雞絲粉皮 $62個麻醬好深色，怪怪的，但食落又ok喎! 佢個量以小食黎講都比正常偏多四喜烤麩 $62比起烤麩，我更鍾意冰豆腐，而且叫左

餐廳主打地道的東北菜 一進門就被火熱的人氣驚訝到 紅紅火火熱熱鬧鬧 氛圍好好涼菜【香椿拌豆腐】 炎熱的夏天來一份冰冰涼涼的涼菜再合適不過了 麻油的香味配上清清淡淡的豆腐 鹹淡適中 好喜歡 酸辣土豆絲 家常菜簡單卻百吃不厭特色的東北酸菜水餃 酸菜餡好有特色 手工包的餃皮有咬勁還有麵粉香 好正北京烤鴨 要提前預訂 好吃過海港城某間主打烤鴨的京菜餐廳 價錢還更可愛🤫杭州骨 酸酸甜甜味道好似糖醋排骨 還有菠蘿和薯仔 內容好豐富酸菜桂魚 粉絲底 魚超大一條 好抵 味道就正常最後以拔絲地瓜作為晚餐的結尾 要分秒必爭放入冰水中 脆脆的糖絲外衣 地瓜的香甜 好滿足的一餐推荐的东北菜 食物正宗好吃 又熱鬧有煙火氣

呢間隱世於大角咀角落既東北菜小店，黎到既時候最估唔到既係都幾多人排隊，好彩一早訂左枱唔係有排等🤤先黎講講小食，炒萵筍，呢個就正正常常，話就話炒但食落又唔算好油膩，佢唔係爽口個d而係偏向軟身，鐘唔鐘意就見仁見智啦😉第二樣小食就係雞絲粉皮，雞絲，青瓜，粉皮同埋麻醬，好簡單既四樣野配合起上黎就非常之好食🤤粉皮就相似河粉但佢就爽口彈牙多少少，想叫小食既話呢個係唔錯既選擇👍🏻千層醬豬耳，平時食豬耳多數一條好大條，呢到就會係一塊薄身咁食，估唔到食落口感差好遠，平時會咬到牙仔軟但呢隻係脆口得黎好爽身，配合埋其他配料就更香更好食👍🏻👍🏻小食講完就開始到主食啦，第一個係上湯雲吞，係一個唔算好特別既上等雲吞，皮薄餡靚，上湯都唔會話好重味精個d，食落好滿足🤤叫左全餐唯一一個面食，雞蛋蕃茄刀削面，個人覺得湯底比較濃，同個面唔蛋夾，刀削面都偏為軟身冇乜咬口感，有少許失望🤔🤔黎到今餐既主角片皮鴨，我地8個人就叫左1隻鴨，其實食落感覺都幾多，大家可以就住份量叫，不過記得要book個陣訂埋隻鴨唔係好似會冇🤪隻鴨唔算話好肥，個人唔鐘意食太肥既鴨，塊皮都算簿同埋有些少粉味（個人都幾鐘意）so far各個配料都唔錯叫做幾好

同事知道我從未食過呢間餐廳，於是佢就帶我去食。在餐廳門外有不少人在等候著，我們等左一陣就可以就座。午巿款式都幾多，我們各點了不同的客飯，我們點了口水雞及秘制杭州骨。另外，跟餐加錢點了王老吉及豆漿（無影相）。秘制杭州骨，份量都幾多。醬汁酸酸甜甜，幾開胃。薯仔好入味，排骨亦相當腍。口水雞，雖然有點點辣，不過好惹味。雞肉嫩滑。👍🏻青瓜絲沾滿辣汁，非常惹味。👍🏻難怪坐附近的食客都點這客飯。果然好味。

晚餐很少會來到大角咀這地方，走進橫街小巷，來到這間老掌櫃品嚐東北菜，聽聞這裡片皮鴨不錯，所以來試試！晚上7點正，一入門口的位置已坐滿，幸好已預先訂座，侍應就帶到另一間隔的房間，坐位比較擠迫，人與人之間距離比較近。坐下點了菜，出菜快，不用等太耐片皮鴨，賣相吸引，肉質不乾，肥瘦均勻，配以青瓜洋蔥和醬汁，不用多說這個酸菜餃要視乎個人喜不喜歡吃酸菜，如喜歡吃，會覺得好吃，因為酸的程度恰到好處，不會太酸，而且咬一口很多汁，還可點辣醬擔擔麵在菜單上顯示了2隻辣椒🌶️仔，表示辣的程度，本人接受辣的程度比較低，所以叫了少辣！記得搞匀才吃，但有點失望，變了完全不辣。回鍋肉好惹味，偏辣但可接受侍應上碟時，另端了一碗凍水，要即時放進凍水水，才會有脆的效果！果然咬了一口脆脆的，口感不錯總括:性價比高，值得一試

是日晚餐係補食父親節飯市面上好多片皮鴨都系岀自於美心餐廳 於是做好Research 即日打電話去卜枱 好在仲有位預約左8pm 5位 記得卜枱時講清楚要留鴨呀!!鋪地地址比較偏遠唔係太方便 要預多小小時間去如果唔系就好似我甘遲到了 小妹815左右去到 門口仲有人排緊隊好在遲左小小張枱仲留緊比我(>^ω^<)入到去地方唔大 都幾逼下 我地就坐系另一系房仔 好在冷氣夠大事不宜遲 馬上叫野食片皮鴨半隻由於系電話已經預留左 坐低冇耐隻鴨已經上咗枱附送12塊餅皮 青瓜條 京蔥 有鴨香 肉質軟熟 唔會太油 好好食😋👍🏻蝦蛋炒飯 唔好睇佢清清地 炒飯有鑊氣 粒粒分明夠乾身 一樣好岀色👍🏻韭菜豬肉餃 新鮮出爐熱辣辣 韭菜同豬肉嘅比例係7:2個皮亦都唔會太厚 有肉汁👍🏻酸辣土豆絲爽口 小小麻 唔系好辣 基本上食唔到辣味酸酸地好開胃 秒速食哂 好好食👍🏻😋上湯娃娃菜都幾重蒜味 菜煮到好林 正常水準秘制杭州骨聞落陣味好似豬腳薑 食落口偏甜 有薯仔菠蘿洋蔥伴碟 都唔錯不過食得多就好快會滯砂鍋雲呑雞半隻有娃娃菜同棠菜底 湯底好濃雞味但飲多一兩碗就有小小偏咸 雲呑皮薄 不過系淨豬肉餡 有小小似小籠包