老雪園 (已結業)

一直沒有時間去分享這間餐廳，現在看見已結業。非常之可惜😢，但仍然想和大家分享，可能有一日會再開業…😔當日四人在這裏用膳，坐得舒服，當日叫了無鍚脆鱔，炸得夠鬆脆。松子桂魚我覺得可以再酸啲，但個人口味問題，友人覺得太酸。這個師傅樟茶鴨和蒸夾餅一起吃，味道可口的，但肉質偏柴…這個經典雪園生煎包只記得鹹鹹香香幾好食😅招牌小籠包皮簿餡靚👍🏻當晚我的favourite, 香蕉高力豆沙！將今餐畫上完美的句號。

好耐未食過上海菜，呢間質素幾ok，炒膳糊做得好好，誠意推薦！隻鴨都做得唔錯，唔記得乜嘢名。甜品係高力豆沙，坦白講真係一般。兩個人食咗800幾蚊，合理水平。服務態度ok，普通水平。

🌹由於手術尚算順利，可以在正日為老公慶生日，時間緊迫關係，選擇不多，感恩能訂到上海菜館《老雪園》，是我收藏食店。🌹餐廳位於香港南洋酒店內，這間酒店從沒有到訪，今次讓我認識多一間酒店，外觀一般，但正宗上海味就藏在裏面。🌹預訂了12時，準時到達，餐廳裝修復古懷舊，一般上海味，襯托上海名曲，如置身上海，我們叫來一些上海菜必吃食物。招牌小籠包⭐️⭐️⭐️⭐️皮薄肉好湯甜生煎鍋貼⭐️⭐️⭐️⭐️外皮香口，肉質鮮甜上海粗炒面⭐️⭐️⭐️⭐️分量多，不油膩花雕醉雞⭐️⭐️⭐️⭐️雞肉嫩滑，充滿酒香香蕉高力豆沙⭐️⭐️⭐️熱辣辣的甜品，不太甜壽桃兩隻⭐️⭐️⭐️包鬆軟，內餡是紅豆餡，不太甜個人評分食物味道服務（對新客服務有待改善）環境衛生抵食回頭率

灣仔一向都多美食中西意日印度菜都好齊但如果間唔中想飲下靚茶都一定要試下呢間老雪園：知名中菜點心,特色茶首先叫左最出名既燒魚乾香蔥散發甘香甜甜酸開胃惹味又脆又香其次佢個碗仔魚翅非常足料啖啖魚翅：肉絲質感嫩滑再加上秘製酒釀滑雞新鮮又幼滑絕對冇味精感覺清新簡樸再叫個小籠包：湯汁清甜自然皮中入口溶化感覺：與肉汁融合淺味無窮

細個時爸爸返工嘅地方隔離有家上海菜，我和細妹從小就是上海菜死忠fan。這次2個人來老雪園，所以沒有叫很多菜，但是每一份菜味道出人意料地好吃。兩道涼菜真的做得很有水平，素鵝調味清淡，但沾了喼汁後立馬調出蘑菇的鮮味；脆鱔也炸得很爽身，酸醋味適合餐前開胃。紅燒獅子頭肥瘦肉比例均勻，雖然是濃油赤醬但是沒有非常鹹，我們一人吃了一頭（笑）酒釀丸子是清甜的桂花香不會過於甜膩。生煎的底也很脆，而且大小十分驚人，有半個拳頭這麼大，感覺一人2個仿佛吃了一碗飯。餐廳環境很好，雖然離地鐵站有點遠，但是勝在幽靜。而且分量對得起價格，比我在上海吃的本幫菜還要抵食！

星期六晚相約同事去食上海菜，補足生日🎂點了糖醋排骨、回鍋肉、咸肉百葉、翡翠魚塊、小籠包等，食物皆有水準！整體而言，是不錯的本邦菜館，服務態度也令人滿意，而且空間相對寛闊，座得相對較為舒服😌

朋友推介此上海菜，終於有機會路過一試。服務員態度和禮貌真是值得一讚👍!今時今日還有多少間餐廳，又有多少位服務員用心服務客人呢？原本想食黃魚麵，點知無貨；只好轉食嫰雞餵麵。麵條爽口有彈性，很有口感。湯也夠濃郁，唯一美中不足是雞肉太老了，一點也不嫩😆。雖然雞肉有鮮甜味，但煲得太久，好似老雞煲完湯的肉一樣，很難入口。正宗小籠包據聞大約有二十摺，這客就很明顯沒有。皮不算厚也不易穿，湯也算多，勝在即叫即蒸熱騰騰送上枱；合格有餘。這客鴨舌價錢就貴了一點，但有超過25條也不過不失；酒味也濃，鹹度也適中。現在有供應鴨舌的餐廳真是買少見少了，這兒不失為鴨舌愛好者的選擇。

雪園飯店 係北角嘅年代 當時青澀如我 😅😅 曾去過幾次 聞說經營至 2000年結業 之後搬到深水埗 易名小雪園 2017年搬至 南洋酒店地庫 老雪園 今日來懷勉過去 上海本邦菜風味 🥢🥢上海菜 有幾個派別 杭邦菜 揚邦菜 老雪園較為巧手的 上海本邦菜 亦是常聽說的 濃油赤醬 🥣🥣脆皮素鵝 粟米魚肚羹 魚肚酸辣湯 🌶🌶響油鳝糊 東坡肉 雪園生煎 🫖🫖香蕉高力豆沙 🍌🍌每款出品 依然保有 傳統風味 高質 精緻 沒走樣 聽聞還是以往的 老廚師 但已越來越少 希望手藝仍可承傳下去 那些老舊的風味 得以保傳 🧄🧄通常係本地 經常會點 銀芽炒鱔糊/韭黃炒鱔糊 這是迎合廣東人口味 本邦菜會叫 響油饍糊 沒有銀芽 韭黃 上桌時吱吱響 再將舖面 的蒜蓉 撈起 香味濃郁 令人再三回味 😋😋

老雪園呢間老店雖然係灣仔名物，但係最近先有機會去食晚飯。當日同朋友去，幾個人食咗一啲滬菜小食，都同其他滬菜餐廳差唔多，原本以為冇咩驚喜。我哋幾個人叫咗個火瞳雞燉翅。一上枱真係嚇親，個外型非常巨大十分壯觀，我哋每人都食咗兩碗。我哋仲叫咗樟茶鴨。呢個樟茶鴨真係不得了，非常鬆脆，入口即溶，即溶程度係老人家都可以輕鬆食到，好難想像鴨竟然可以整咁好食。成餐飯價錢就唔係特別平，但係食物質素好好，無覺得overprice嘅，實會再去食

〔 原隻紅燒元蹄 〕 .大大隻既元蹄 , 肉與肥肉一齊食一啲都唔覺得膩.〔 甜豆河仁蝦 〕 .蝦好鮮甜, 加上甜豆好夾.〔 原火朣雞燉津白湯 〕 .湯好濃郁 , 火朣同雞既味道好突出.〔 椒鹽小黃魚 〕 .外脆肉軟, 外皮好香脆, 魚肉非常嫩滑,食一條真係唔夠🤤.〔 豆瓣莧茶 〕 . 清清淡淡, 菜的湯都好有味道.〔 鱔糊粗炒麵 〕 .粗炒唔會太油, 加左鱔糊有不一樣的口感,麵好爽口唔會過霖.〔 經典雪園生煎 〕 .包的底煎得好脆口, 趁熱要快啲食禁肉汁就唔會過快流失.〔 蘿蔔絲酥餅 〕 .餡好足料, 滿滿的蘿蔔絲,好入味.〔 高力豆沙 〕 .滿滿的豆沙 , 唔會過甜.服務態度和藹親切.👍🏻(好味指數: 9.5/10)

第一次寫食評。大學好友聚會，今次由Vincent 哥推介上海菜「老雪園」環境：古典中帶有現代感的設計，燈光及中式的擺設，感覺舒適。服務：絕大部分都是有年資的女服務員，細心及熟練。先來一壺香片，清香及入口舒適，應該是我品茶以來的上等級數今晚點了：醉乳鴿炸及滷以外首次初試醉的方式。乳鴿大件，處理軟身，中上美味。松子桂魚視覺上比想像中少「刺狀」，甜酸醬汁剛好口感，配合魚肉脆及鮮。紅燒元蹄我們4個男人吃下去，基本上已半飽以上。巨大之餘，入口軟滑有層次，接近完美。配菜白菜帶苦味，可惜地要扣分。小籠包皮造得較厚實，肉一般，中等。鍋貼與小籠包評價相近，但煎得出色，中上。香蕉高力豆沙我還是喜歡吃沒香蕉的，但造得頗出色，包身鬆軟，口感煙韌，中上。會再光顧

This is the best traditional Shangahainese restaurant in town. The kitchen maintains quality always so dishes never disappoint. Portion is larger than other similar venues hence good value for money. Environment is spacious and modern. Staff are very knowledgeable of the food.

好久好久以前，雪園高级食府，都未有小南國，自從慢慢低調後，發現此處仍有老雪園，因地點吊腳，要放假才來。 位處地厙，裝修雅緻有品味，個人感覺，有藝術品，掛有書法字畫（有意思），吊燈似中式燈籠…… 銀皮白肉$98，看相片好似好薄片，有波浪形，但上碟外形不符合，較厚身，量多，但一嚐，肉片富肉味，雖略粗鞋，但無肥肉，彈口，粉皮爽硬但滑，有別於以前所食，還有青瓜粒墊底～清清肉腻，蒜汁咸，不濃蒜香，不及駿景軒。 煎窩貼$48，外型飽滿，摺痕清，底煎香硬脆，不焦而香口，咬一口，肉鮮四溢。 螞蟻上樹，微辣，不油，粉絲爽口，不要以為颜色較深會咸，肉碎同樣有肉味，好味。 現在鮮豬肉好貴，也未必能有肉香味，還要在食肆能嚐到，能保持其香，實少見。

星期日嘅家庭聚會，家中老人家想食精緻嘅上海菜，一於去到位於南洋酒店地庫嘅「老雪園」。由當年位於北角城市花園嘅「雪園飯店」，到二代主理嘅「老雪園」，食物水準都能夠保持。=========================醉乳鴿$128乳鴿肉嫩皮爽，不但皮帶有酒香，連鴿肉都吸收左濃郁嘅酒香，花雕酒香但係唔嗆喉，咁多年都能夠保持水準。蔥油海蜇頭$118海蜇頭口感爽脆，帶微微麻油香。豆干馬蘭頭$98呢個冷盤每次食江浙菜必嗌，馬蘭頭切得幼細，味甘獨特；伴菜嘅豆干亦十分細緻，但係有淡淡的豆香味，蔥油好香帶出另一個層次。砂鍋粉皮大魚頭 $340一道手工菜式，將魚頭燴熟，之後人手去骨，魚雲嫩滑唔會太散，亦冇碎骨。銀芽鱔糊$188上枱賣相唔錯，但香味唔夠，鱔肉偏熟唔夠彈牙，相對遜色。淨鍋巴$120鍋巴鬆脆，食到尾都仍然乾爽，唔會碟底有油；而且有咬口唔虛鬆，配大魚頭、銀芽鱔糊載得起湯汁。火腿津白$108津白鮮甜，吸收火腿特有甘香。==========================老雪園📍灣仔摩理臣山道23號南洋酒店地庫1樓

第一次寫食評，目的是想點讚這間hidden gem. 是日叫的外賣好好味好抵。推介畀住附近或番工人士。外賣一人餐只是一百蚊左右，有湯/飲品，主菜，冷盤和飯，份量好夠，唔大食其實兩個女士可分，好抵。質素吊打好多附近出名或人多的餐廳，試了酸辣湯，湯獻滑度剛好，蛋絲熟度也是剛好滑嘟嘟不是蛋塊，肉絲也滑不是久煮乾爭爭，冬菇絲淡淡香味，陳醋和胡椒粉真心香，不死酸，酸辣平衡也剛剛好。是喝過最好的酸辣湯。冷盤烤夫不是平時又黑又甜那種，吃下去竟然有點酒香，和配料毛豆口感和味道都好搭配，也是有驚喜。最後的辣子雞不是街上乾爭爭的，雞肉極嫩滑，配料馬蹄爽脆，口感搭配得想大叫，還有些小薑片、蔥頭，乾辣椒吃得出非一般貨仔，整件事是有思考過的。我沒想過一人外賣也那麼有心思，唯一是它用了不少保鮮紙把外賣包實以免打瀉，有點浪費但其實也是心思。樓上cafe叫個餐都唔止一百啦，呢個餐我唔介意畀二百，有機會試試。