聚滿坊粥底火鍋私房菜 (已搬遷) 新店位置

上次食過番尋味，今次叫埋班老死一齊食cafe格局既打邊爐。4人訂枱，都要1個月後先有枱 呢間餐廳只有一個$180套餐無得你揀, 計埋加一每人$220左右。有海鮮，雞，牛，丸菜類等等。成枱都系食物蟹好生猛，上枱時仲郁緊鮮甜好味 呢個雞真心好食，店員教落湯後大約兩三分鐘可以食，又真系幾滑 最後食埋個粥底，好滿足 成個粥有海鮮鮮味, 加上蔥花, 正

今晚同媽媽撐枱腳 去左食棠哥介紹嘅粥底火鍋 時間尚早 唔洗等✌🏼✌🏼 店員超有禮貌 一坐底就馬上為我地準備食材無錯！呢間餐廳係唔洗點菜嘅 店員會按人數準備食物 岩晒選擇困難症嘅我😙 喜歡佢地嘅蒜蓉同辣椒 全人手制作👍🏼 原以為一開始就粥底火鍋 結果係粥水火鍋😑用肥雞打底 放落粥水調味 打邊爐肥牛又點會走得甩 牛味尚算濃 三寶 黑椒牛丸味濃 同魚旦一樣彈牙👍🏼 鮑魚擦到十分乾淨 味道鮮甜有咬口 👍🏼👍🏼👍🏼 非常生猛嘅大花蟹 上枱時重周身郁😂 大蝦同樣生猛 鮮味十分 入口爽甜👍🏼 大白倉 食到差唔多 店主就會為我地加入粥膽 做成真正嘅粥底火鍋 呢個時候就可以同加入南瓜煮溶後粥底十分鮮甜 加埋油炸鬼一齊食 大愛👍🏼

好友揀左呢間粥底火鍋試下，點知我地係佐敦地鐵落左車，搞到行左大約15分鐘至到，本身叫好友sd住餐牌黎睇住先，點知原來我地大鄉里人地係無餐牌，你有幾多人，佢就俾幾多人份量你蝦好新鮮好大，一路仲識郁飽魚洗得好乾淨魚鮮甜今晚有蝦，蟹，魚，鮑魚，蜆，賴尿蝦，蠔，丸，魚肉，雞肉，南瓜同炸兩蝦同落到水都仲識郁好鮮甜大隻賴尿蝦都甜，不過偏細鮑魚新鮮蠔煮完之後都偏細隻丸類都唔係太好食，唔爽or彈牙魚唔夠鮮甜最後粥底，我覺得湯底唔夠甜，突出唔到鮮味，本應我唔太鍾意食南瓜，但佢既南瓜因為無咩味，所以唔會影響到以呢個價錢黎講佢既質素係不錯，但鍾意食牛肉既我就覺得無得加牛肉同無靚牛肉係打邊爐既大忌。

Happy Friday仲要撞正悠長嘅復活節假期，梗系要搵好野食大肆慶祝一番。今晚就去佐敦一間叫聚滿坊食海鮮粥底火鍋。各式各樣嘅海鮮當然是今次打邊爐既主角，我地個海鮮套餐有鮑魚、瀨尿蝦、花蟹、大蝦(窄窄跳，好生猛)、蠔、蜆、倉魚wow~~好正牙!!即叩即劏，勁新鮮!除左海鮮之外，朋友仔亦有大讚碟肥牛好得，入口即溶，肥瘦剛好，份量又多。蟹好鮮甜多肉多汁，又夠香，個殼好脆好易剥，一定要夠新鮮既蟹先可以做到。鮑魚好爽有口感，加埋蒜蓉辣椒豉油一齊食，感覺一流 瀨尿蝦同海蝦的份量很多，同朋友仔每人都可以食到4-5隻，d蝦真系勁大!每個蝦頭都有我至愛的蝦膏，好香~好滑再加埋啖啖肉既蝦，perfect match!!!食晒海鮮之後，待應姐姐就會幫手煮粥，我地就留起一些南瓜作材料。同呢煲"海鮮精華"一齊煮，太和味喇!!!又綿又滑~同埋有南瓜蓉，鯪魚肉既粥好快就煮好喇。一路食仲可以回味剛才食過嘅生猛海鮮，簡直鮮甜到極點!!!兩人食海鮮打邊邊，五舊有找，不錯不錯，下次再黎^^

因為電話打極都打唔通，所以和大人決定沖去walk in，當然碰釘……唯有訂位😆問最快兩位幾時有，訂位嗰位小姐竟然話三月😭，真心想試試，唯有等等吧！但和大人商議後，既然要等咁耐，不如訂多兩個位，帶埋長老們去試試，點知兩位改四位後等候時間大幅減短…………由三個月變三星期😅由於一直都好期待呢一餐，所以我哋好準時到達，但係餐廳已經坐滿一半，我仲以為我哋應該會係早到嗰班………😨人齊嘅關係好快已經有嘢上枱，首先當然係粥底，其實只係好普通嘅粥水無咩特別。跟住，店舖員工好快手就上咗大部分嘅火鍋配料。由於我哋見到成枱都係嘢，無從入手😅，職員見到，佢就教我哋落咗啲雞🐔先，咁就會變成雞湯底，之後再落鮑魚，鮑魚非常新鮮，嚟到都仲係yuk yuk 吓👍，職員教鮑魚烚四分鐘便可，我哋更係聽聽話話，四分鐘，無多無小，果然係經驗之談，就連全副假牙嘅奶奶都覺得好淋👍😁烚咗雞同鮑魚之後，我哋嘅湯底就變咗鮑魚雞湯底✌😍，除咗鮑魚上枱嘅時候係yuk yuk 吓之外，就連蝦同瀨尿蝦都係非常生猛，要用個碟遮住，怕佢哋走咗出嚟🏃。其他食物就可按照個人喜好先後落煲。另外，黑椒牛丸也是另一令我難忘之作。由於我哋想做食🎃蟹粥，所以我哋就

佢俾咩，你就食咩！鮑魚無味、油炸鬼空心、花蟹仔無肉好多水，賴尿蝦7隻有4隻梅嘅、鯪魚滑腥用果皮味遮掩、肥牛鞋口但有牛味！其餘5樣都幾好，蠔、雞、蜆、魚、海蝦，最敗北就係最尾的爛飯煲粥，因為D嘢麻麻湯低唔甜！本人真心覺得麻麻，只不過平207一個人，叫做都係海鮮！

好在打左千百萬次電話後，終於訂到枱！見到幾個人想walk in都冇得食！材料好新鮮好新鮮！辣椒好靚，岩晒愛食辣既朋友們！牛肉既紋好靚，唔會太肥，又有咬口！絕非冰鮮雞，好嫩好滑😍😍😍啖啖肉呀！海洋仲正，蟹蝦魚瀨尿蝦鮑魚樣樣都超新鮮，有d上枱個陣仲郁緊！材料新鮮，最後煮成既粥底好鮮甜，令人想食多幾碗呀！

打咗來Book位幾十次，終於都有位了，冇得揀好似一個set咁!但全部食物都好新鮮，樣樣都活生生，跳下跳下!仲要搵個碟擲住佢，怕跳出來!食落口，好鮮味，其實新鮮，白撒都好好味，唔駛多花款，起初以為唔夠飽，到最後飽到嘔!以粥底作結束，吸收了所有海鮮的精華，個粥底好好味!就算飽，都要食番碗!埋單位位$220，仲打包埋條魚，真係又食又攞!

棠哥推介這間海鮮粥底打邊爐，果然名不虛傳！與其說成粥底打邊爐，實情應該是先用粥水打邊爐，最後才化身而成為粥。我覺得他們目前其中一項成功因素，就是全店只賣一款打邊爐套餐，按人頭收費，兩嚿水有找，但是飲品另計。食物算很全面，計埋個粥厎有十四五樣食物，而重中之重的是 有一半為海鮮，新鮮度超爆燈，鮑魚郁郁吓，大蝦、瀨尿蝦紮紮跳，size好大件，放落爐時必須小心！鮑魚、大蝦十分爽甜；瀨尿蝦、大蜆、桶蠔、鯪魚滑，味 道超鮮美，絕不欺場！牛丸、魚蛋雖然不是手打那種，但都是在潮洲鋪頭食開那些正靚牛丸魚蛋，個人覺得更加好味！另外，還有倉魚、牛肉、鮮雞件、蔬菜籃。牛 肉不是暴風雪肥牛，也不算雪花肥牛，但總之食落口tender又juicy。蔬菜籃配有南瓜，十分聰明，因為薄切關係令南瓜在湯裡很快溶，令稍後由打邊爐 粥水化身而成的邊爐粥，帶有美麗的金黃色！值得一提，這樣還供應油炸鬼，腍哂，一啲都唔脆；但如果你另有喜好，喜歡隔夜油炸鬼，係ＯＫ嘅。。。否則。。。至於最後由打邊爐粥水化身而成嘅粥。。。個人覺得gimmick嚟啫，食落都係味精嘢，真係一啲都食唔番頭先打邊爐嘅鮮味。。。

因為歐錦棠既介紹太吸引啦, 我地成班同事都好有興趣去朝聖下但係電話長期唔通, 打足成日都冇人聽, 但咁係阻止唔到我地架, 終於發現openrice度可以book檯, 但係都已經要book到一個月之後, 明星既威力真係大。8:30準時到達, 安排左我地去另一間鋪頭, 因為材料已經固定,都冇MENU可以睇, 係米水鍋底, 我地四女一男, 野食有兩條倉魚, 瀨尿蝦(每人2隻), 基圍蝦(每人3隻), 蜆, 蠔(每人2隻), 鮑魚(每人1隻), 蟹(每人1/4隻), 鯪魚滑, 雞, 肥牛, 一d丸同冬瓜,南瓜, 栗米, 油炸鬼~擺到成檯都係, haha我地擺左鯪魚滑落去先, 肉質鮮滑, 比其他火鍋店既好味鮑魚上檯仲郁緊, 連殼一齊滾, 侍應姐姐講5分鐘就可以撈起食, 我地拎錶計時, 夠鐘即刻撈起, 有小小’un’, 但好鮮甜蠔每人得一隻, 有小小唔夠喉xdd瀨尿蝦, 基圍蝦上檯果陣仲紮紮跳, 要用碟蜆同蠔蓋住先得雞, 肥牛, 丸不過不失栗米超甜倉魚切開一舊舊,魚冇腥味,但兩條倉魚太多了, 食唔哂, 打包左一條倉魚走, 走果陣侍應姐姐仲幫我地用膠盒袋起俾我地拎走, 仲以為會好似街市買魚咁, 就咁

我地一行七人見到最近報導好評如潮所以幾星期前打去訂定(電話打得通好易，有人聽先困難)我地9:30入座就上菜！食材的確好驚喜真系幾生猛，但可惜系入口無乜鮮味份量都ok算足夠，200蚊左右一份甘既海鮮宴都幾抵食最後食完就叫人正粥，佢系後耐幫我地正同分好但我地個個人食完一啖就無食，因為個粥好似一堆不知明的水煲粥，完全系難食，我地認為系個南瓜出事，五可以配以打完邊爐既海鮮湯底(真系好似食到啲變左既野)都應該無下次，反而想試下另一間後話，個到裝修五錯，可惜地方好細，我2小時左右系個到足足起左4，5次身佢要倒垃圾

訂左一個月，呢晚一行5人⋯8:30準時到達，不過準時到達都要等一會兒⋯大慨15分鐘到就被安排去佢地第二間店舖入座，雖然間鋪真係坐得比較迫⋯但不得不提幾個待應姐姐真係好有禮貌加細心，值得加分。一開始一大煲米白色粥水既湯底黎到先，之後有雞、各款海鮮、丸類、牛肉等等⋯到最後擺埋冬瓜、南瓜煲一陣，待應姐姐就會張預先準備好既杰他他既白粥加埋落去⋯最後就變成有海鮮精華既粥啦。坦白講佢既海鮮的確好新鮮，鮑魚同蝦都係生生猛猛到不得了上臺既⋯魚又滑又鮮，即使佢地既冰鮮雞都好滑好好味⋯牛肉又重肉味⋯不過全餐晚餐最敗畢既就係D蟹，唔係唔新鮮⋯但總之就唔好食，只可以話D蟹既質素好差啦。提外話⋯係我地用餐途中坐我地後坐既一班女仔，由於食唔哂2條䱽魚⋯唔想浪費就退返一條比待應姐姐，待應姐姐好好咁問返不如轉其他海鮮或野食比返佢地⋯⋯當然個班女仔都無要到，但就係咁我知道原來遇到唔岩食既野⋯都可以要求轉款。話就話菜單由鋪頭自定，岩唔岩自己食⋯真係要上臺至知，但佢地咁好既服務態度⋯根本就會滿足食客既要求。某位藝人係網上大贊呢間餐廳係良心食店，以$188位（野飲另計）再加新鮮既食物⋯絕對係實至名歸！！

貨真是食材新鮮好味, 不是一般雪藏貨.價實是一口明碼實價, 不會考立明目收費.漏洞請看下文分解, 希望店主可說個明白.同大家一樣是慕名而來. 朋友說提早一個月訂位. 真係辛苦晒! 因為太好生意, 訂枱時段兩班制. 無問題!事先講明, 你情我願.我們訂8:30時段的, 提早15分鐘到已見門外有很多已訂枱的人在等. 店員集合了大家便一起帶到分店去坐. 我對此店了解不多, 只是跟大隊歡聚晚餐. 所以坐下後便你眼望我眼. 原來是套餐$188/位. 指定餐單(但沒有單給你看) 米水鍋底. 飲品另計及10%服務費.很多人打邊爐第一件事係混醬, 但此店只有生蒜,紅辣椒及豉油供應. 我個人是接受的. 因食海鮮就是要食到鮮味唷! 不是食味精呢! 在等待鍋底煮滾的同時, 店員正默默地端上各式食品給全店每枱食客. 就似是跟旅行團一樣同時入座,食同樣的東西, 每枱客都各自說說笑,拍拍照, 玩玩樂,場面輕鬆愉快. 我們心急地看到米水滾了便馬上放下雞件, 5人份量有一整隻雞, 所以只落半隻, 一方面怕一次吃不完,不想雞煲太耐. 另方面怕擔誤水滾時間. 因為大家都肚餓了. 要趕快放下快熟的白魚旦及牛丸.開餐啦… 嘩

呢一晚就約左班舊同事試新野，咁岩歐錦棠又介紹過，所以呢一晚好爆，兩間鋪都坐滿曬人~ (無錯，佢係有2間鋪o既，其中一間係因為太多客而開o既，所以就無招牌.....我曾經行過左都唔知 =.=lll到步坐低, 食物已上檯! 呢度打邊爐嘅食物包括肥牛,海鮮同丸類都係按人頭比例分配的, 例如平均一人有3串蝦, 5個人就有15串。啲瀨尿蝦好生猛, 用個蓋cup住都撞黎撞去再黎有花蟹, 一人一隻, 鮮味無比當檯面嘅海鮮, 鮑魚, 肥牛, 丸類等都食完嘅時候, 就係油炸鬼出場之時啦！全晚唯一一樣可1挑剔得落手嘅就係淋左嘅油炸鬼, 其他食材都係新鮮到不行海鮮湯底夠曬鮮味粥底夠綿好難得食埋個粥岩岩好! 不會太飽撐肚子,  亦不會浪費食材, 一舉兩得!!

二星期前訂位，因為中秋節期間Full Booking.心諗咁多人去食，上網又好多好評，又有新假期講話係良心食市今次實無死啦＊準時6點鐘去到正店，可能間野岩岩準備好，無乜人。店員都好有禮貌咁帶我們4人入坐，無奈坐角落頭，個位置真係好x迫。一開始就係：＊雞都都幾滑身，但淡而無味...可能係粥底關係，唔同平時我地既麻辣、豬骨火鍋咁入味。＊生蠔...好似食擦止膠咁，韌到呢...好彩得4舊，每人一舊食左佢。＊鮑魚值得一讚，用筷子篤佢，相當生猛；食落口感好鮮甜爽口，店主都好親切地同我地講滾４分鐘就夠。＊倉魚，唔食得魚聲味朋友實食唔到；魚肉落到粥底鍋後，成鍋粥到好鬼聲....＊蟹，無乜肉，想食蟹肉既朋友會失望，好似水蟹，但最後用黎煲粥相當不錯＊蝦都值得一讚，大隻生猛，一放落粥底到比佢彈左幾次。＊牛肉，牛肉味好重，但個人覺得好韌....仲有一啲魷魚、肉丸類無影都係一啲普通貨款。食到最後粥底火煱加左幾次粥水，佢係用無米既粥水做湯底，所以好快蒸走哂啲水分，成日要加粥水。值得讚既係用料係新鮮，服務不錯。缺點係有時會有蒼蠅飛黎飛去，又有蚊；坐位好迫，味道清淡＊最後以８８８蚊埋單，４人食每人２２２蚊，重點一提係