聚滿坊粥底火鍋私房菜 (已搬遷) 新店位置

本身想食另一間粥底火鍋既（咩咩工房），不過打左果邊個電話好多次都冇人聽，唯有食依間。book左9:30都有排等，阿姐話book同一個時間但先到既就可以入去先，咁我地係依個時間第三班到既人。原來有兩個舖位，佢帶我地同其他人去另一個舖位，不過未執枱等等，我地咪企出餐廳外等。此時，有人入左去問野，仲坐底埋，佢地遲過我地黎竟然早過我地有位，佢地食緊我地都仲未有位，安排好混亂！ 坐底之後，有個侍應成日周圍問人book位留貴姓，問一次咪夠囉，點解問完又問，我地姓咩真係咁重要？價錢都係睇headcount ga la!  食物係新鮮，蝦同賴尿蝦仲生猛既，即係要親手睇住佢淥死 ，海鮮冇咩味，一定要點汁。油炸鬼未淥已經淋晒，魚最鮮甜，其餘正路。不過服務差到喊，一定冇encore !!

一星期前訂位，去到正店，店員很有禮貌地帶我們5人到分店。坐位空間較迫，還可以，燈光暗一點。首次食指定菜單的火㶽，問明詳情，店員說一般夠飽。。。。的確最後係夠！對任食預計到質素一般，起初對指定菜式也抱有懷疑（香港人嘛）全部海鮮上桌時均是跳跳紮，連鮑魚也在跳舞～～ WOR底有點像粥水，但沒有任何配料，一人一隻鮑魚（唔細隻呀！），半隻花蟹，蜆／大蝦／瀨尿蝦／黃立倉2條／鮮尤／鯪魚滑／半隻雞／超彈魚旦／黑椒牛丸／一小碟肥牛（若是牛魔王就唔好考慮這裡）。其他也有粟米／冬瓜等少量菜最後經過2小時慢吃，真的非常滿足！員工將精華變成粥～～加埋蔥花！正呀！沒有太多調味料，只有蒜與豉油，小辣椒。。唔點都好好味。汽水飲品較貴，不包在內。（可樂十蚊罐）。但可叫清水！整體80分！唔想食放題，想要質素，我推介這裡！有圖有真相！看圖－－好味！你懂～（PS：當然自己買會平一點，但外出食飯就唔好比較啦！）

見到網上介紹呢間食店, 而我又未試過食粥底火煱, 於是決定一試喇最方便就係可以係OPENRICE到用TABLEMAP直接卜位我地6人到埗之後都仲要等多一陣, 之後店員出黎帶左我地過另外一間舖店內以黑色為主, 媽媽對此就有D唔係好鍾意, 因為感覺污糟WOR坐低左之後, 店員就陸續將D海鲜放上枱喇每人$188, 今日食D咩就由店主決定, 睇下佢地今日入左咩貨今日有蝦, 蟹, 瀨尿蝦, 鮑魚, 倉魚, 鯪魚滑, 牛肉, 魚旦, 黑椒牛丸, 魷魚, 粟米, 南瓜, 冬瓜首先店員就建議食左雞先, 水滾後落雞再滾之後2,3分鐘就可以食啦的確時間剛好, 雞肉好嫰滑, 正!牛肉每人2塊, 好香!!!每人得2塊都係少左d...海鮮方面, 大部分都好新鮮, 蝦, 蟹, 瀨尿蝦,個D上枱既時候都仲跳緊既, 好生猛鮑魚有一隻既色水就有D灰~店員就建議大約分半鐘就OK, 鮮味又唔會6得太韌, 好味可惜每人得一隻倉魚: 我地6個人, 有3條。第1次打邊爐6倉魚~真係唔錯wor, 好鮮嫰, 不過真係要控制時間如果唔係d魚會散哂蝦比瀨尿蝦好食, 蝦都有每人3隻~蟹每人半隻, 不過就無咩蟹膏~魚旦夠彈牙, 好重麻油味,

我鐘意食海鮮已經鐘意到狂熱既地步今日就去試一間以海鮮做主打既粥底火煱呢間火煱店有咩咁特別呢？佢唔係任食無得續碟叫揀你想食咩每人放低$188 ( 飲品另計)由老闆幫你安排最新鮮最時令既食材我地6個人 老闆幫我地預備左3隻大大隻既花蟹一碟跳跳翟既基圍蝦D蝦真係新鮮到識跳所以搵個碟頂住佢D蝦幾大隻除左海鮮仲有肉類有半隻雞啦牛丸 , 墨魚丸D丸絕對唔係平時任食火煱食到果D hea貨(影呢張相既時候 , 已經開緊餐 , 所以得返好小)牛丸牛丸爽口 , 連麻麻地牛丸既我都覺得好味墨魚丸裡面有粒粒既墨魚肉 全部野都係大大碟份量足呢碟牛重點推介牛味濃 , 一D都唔韌好味 !鮑魚有個碗咁大隻唔係鮑魚仔每人有半隻花蟹蟹肉新鮮結實D蝦新鮮 , 肉質爽口原本份量都幾多架不過食到一半先幫佢影相 魚滑 魷魚 倉魚都好新鮮不過倉魚用黎打邊爐好係唔係太夾呢盤野正呀粟米又嫩又甜南瓜係我心頭好芋頭不得了夠粉夠棉夠香仲有油炸鬼同聖子無上到鏡6個唔係細胃既人都大呼飽飽講到係粥底火煱其實係用無米既粥水做湯底味道係就係有小小淡不過海鮮本身鮮味搭夠再點小小蒜蓉醬油 , good打完邊爐 員工會幫你將一d粥既米放入充滿鮮味既湯底入

跟大伙兒6人來到這間粥底火鍋店 ( 聚滿坊粥底海鮮火鍋私房菜 )慶祝朋友生日，有別於一般的火鍋店，這裡沒有任叫任食，亦沒有逐碟叫，一入場，人頭位收費，每位HK$188 (另設加一服務收費，不收切餅費)，沒有選擇，只有火鍋店預設了當天的套餐，火鍋海鮮料由店主決定，總共有13款火鍋料，主要是海鮮為主。海鮮上枱時，海鮮份量十足，而且生猛還會動，夠新鮮！ (鮑魚，蟹，蝦，蟶子，蜆還在動呢👍👍)店員提醒每款海鮮滾5分鐘便可吃，由於海鮮上枱時還很生猛，所以味道特別鮮美爽口。平時吃的魷魚多數都會較韌，但這裡的是爽口的，有點驚喜！蟹會原隻切一半上枱，雖然已切開，但還見到蟹腳還在動就知生猛，除了夠鮮，還有很多膏。蝦都不遜色呀，夠肉地，不是細細隻的那種，看得見店主對食材的認真。原以為倉魚打邊爐會很腥，沒有腥味，反而魚肉很嫰滑。但美中不足的是蟶子，細細仔而且多沙，這是惟一一樣令我失望的。火鍋湯底是粥水，當吃完所有配料後，店員會親自幫你調配粥底，會以你當晚吃剩的，集合海鮮精華的湯底，再加入稀飯，即時在你面前餚成粥。店員還會細心地將火鍋剩湯面的油避走。但店裡環境比較擠逼，要預先訂枱，如要臨時加位，須預早通知店員

每人的份量一早已獲分配好，除了鮑魚和粟米真的令人回味外，其他的都只是一般，一行九個女仔，最後大多都吃不飽。湯底淡而無味，幸好有豉油椒絲生蒜，否則都真係吃食物的原味。最後眾人期待的粥，可能一直都是煮海鮮，有點腥，所以放了些胡椒粉，勉強地吃了一碗。

本身對海鮮並非狂熱，而且以現在的高溫實在不能接受打邊邊…但在朋友的推介又沒有反對的情況下便決定去試試吧！限時兩個半小時，我和一位朋友六點半左右到達，雖然人未齊但服務員貼心的讓我先進內坐下等候不用在外熱住等！七時左右我們人還未到齊但服務員便開始把食物放上我們枱面上…又説九點半要交枱…好像怕我們會遲交枱給他們似的！最後我們可以準時還給他們。食物味道真的一流，海鮮基本上也很新鮮！連我不太好花蟹的也吃了半隻，只是蜆和聖子略為普通，因為有沙而且每隻也很細小的，蝦十分生猛，和鮑魚一樣肉質很爽！魚亦很新鮮很甜，最後戲肉來了！海鮮粥味道很好，果然沒有來錯！開頭還怕海鮮會吃不飽呢！有機會有時間一定會再去一次！

不得不寫食評讚下呢間小店，因為太忙已經幾年冇寫食評。今晚天氣轉涼~開年飯亂打撞黎到佐敦聚滿軒打返個粥底海鮮邊爐(話說昨日打黎訂位已經full booking.留waiting.老闆好好咁今日打黎問介唔介意坐outdoor)幸好選擇坐外邊~感覺通爽得多~涼涼地打住邊爐好舒服)講返呢度係唔使叫野食既，亦冇餐牌睇.齊人叫起菜就開始陸續上菜，屬於私房菜形式$188一位加一(酒水另計)開頭還擔心夠唔夠食，夠唔夠飽架~結果食哂所有野啱啱好~好飽~哈哈食物方面除了開頭碟蜆啲沙多到喊外(結果阿姐幫忙要換左個湯底)其他所有海鮮都是超級新鮮又甜又生猛.之前屋企打粥底一定係放埋啲米一起煲，但呢度是打哂啲海鮮，食到尾聲放埋南瓜芋頭雞落去，阿姐就會拎啲粥底出黎幫我地max埋落去，集合所有海鮮既味道真係一流.大家一致覺得可以再黎幫襯!

今晚約了一大耿人打粥底火鍋，以為像我之前內地般的粥底，但原來只是一鍋'無米'粥，原來店員話為了唔想食物黐住d米，所以一開始就只是用米水打邊爐，食到最後就會將米加返入鍋，再食埋d粥。嘩！d海鮮逐一上枱，不得了！新鮮到......瀨尿蝦不停跳，搞到我們we哇鬼叫，要隻碟蓋住先！鮑魚同樣是郁緊！好豐富的海鮮餐呀！有蝦、有蟹、有蠔、又有花甲，仲有我好耐無食嘅深海泥鯭！每一樣都好新鮮，size仲要有返咁上下除了咁豐富海鮮外，還有其他材料：雞件件、手切牛、魚滑、丸類...會有一籃粟米、芋頭、南瓜，就是無青菜，一問之下，原來青菜會影響味道，所以不會提供青菜。過程中我們樣樣都話留番最後做粥-蟹粥、泥鯭粥....，但係我們都係邊烚邊清，最後只剩南瓜，待應就為我們加粥，我們眼見隔離枱忍到口，兼幫d蟹拆肉，就有蟹粥。雖然我們只剩南瓜，但由於鍋粥水已經有之前大量海鮮精華，超甜！超好味！

約左舊同事今年第一次聚會，話要打邊爐，大家都未食過粥底火鍋而又唔介意去個唔係幾就腳的地方，所以就黎左呢度啦。原來每人$188，包晒野食，唔洗自己揀，但成枱都係海鮮，有蝦，瀨尿蝦，蟹，泥猛，蜆，蠔，海鮮新鮮程度真係唔係講笑，d蟹真係好鮮甜，除左海鮮，仲有雞件，牛肉，南瓜，芋頭，粟米，食晒所有料就加粥膽，就變成海鮮粥，不過d粥冇想像中咁鮮甜，有少少失望。開頭食晒所有料時覺得唔係好飽，但食左兩碗粥之後即刻飽晒，好滿足!!!

參與廣東C9的美食活動, 如果對此地點不熟, 可能會選擇打的。對於我不煮只食但會計數的人, $188/位(沒有加一), 見上枱的新鮮食物, 就知抵 (吾駛去街市買,屋企整和洗的步驟)首先來是已煮過的稀米水, 用少少時候等的同時, 有新鮮連殼鮑魚, 用4-5分鐘煮, 無話縮晒水, 都係好貨色。六個人來, 三隻腳掙掙的肉花蟹, 一碟外表同平時少少不同的新鮮蝦, 一碗新鮮小型瀨尿蝦(這個比較花時間來食), 再有三條原條已切開四件的大泥mount魚, 另有鯪魚滑, 潮洲魚蛋, (已切半的)黑椒牛丸, 好大碟的新鮮雞, 兩碟肉比肥多的牛肉(無問到系來自本地牛嗎?), 蔬菜是一籃南瓜, 芋頭, 玉米。我都吾記得全部, 因為忙住食  到食完晒, 就停火去湯面的油, 再加粥底再煮綿粥來總結。可以改善的會是1. 用來配辣椒蒜蓉的醬油, 味道很清, 或者可能變成好處。 2. 如果附加推銷飲品, 枱面真系無咩位, 可以推銷雞蛋, 皮蛋。 3. 離開店的時候, 發現門口的照片, 我們沒有食響鈴和拍合照。但感恩, 這個美食體驗很不錯。 

真係好好味..新開業$168一位, 之後$188, 無加一, 水準一流.. 簡單的說, 全部食物好新鮮, 老闆話按人數即日去買, 食物未必每次一樣. 所以必須訂位. 最初, 先用粥水打邊爐,沒有粥在內. 跟住老闆教我地先食海鮮.最後,先落粥, 滾一滾, 超甜~~~絕對迎合我一直說"火鍋底是不需要加味"的道理.. 主打是海鮮有: 鮑魚 - 新鮮,還在動蠔- 都好大隻蟹 - 新鮮蜆 - 較細隻, 不過無沙蝦 - 新鮮. 半隻雞 - 有小許雞味, 沒有冰鮮雪味牛,丸, 粟米等等 - 肉方面就基本啦, 可以. 不要要求頂級, 呢個價錢大家應該明啦. 最後,先落粥, 滾一滾, 超甜~~~絕對迎合我一直說"火鍋底是不需要加味"的道理..

第一次打邊爐冇餐排睇囉！第一次打邊爐食咁多海鮮囉！第一次打邊爐連粥都食埋囉！又跟團長食飯，每次美食團團長帶食飯一定有好介紹！問咗 N 咁多次有咩好食，團長都喺答，無期望先會有驚喜！去到門口先知 188 蚊一口價，食到咁多海鮮，真喺超驚！而且食哂所有火鍋料，仲有順德米粥填肚，我諗又要攬住個肚走！打邊爐，蒜茸同辣椒點會少得，但開餐無耐就知道依啲調味料真係多餘咗！點解？因為食鮮甜味都夠好食！依到打邊爐，唔喺隧碟上，喺一次過上哂所有海鮮同火鍋料，而且大部份海鮮仲會識’旭’！海鮮包括《瀨尿蝦》、《鯪魚滑》、《蛽》、《鮑魚》、《鮮蝦》、《蠔》、《泥鯭》、《花蟹》！火鍋料包括《牛丸》、《墨魚丸》、《雞件》、《肥牛》、《粟米》、《芋頭》、《南瓜》同《油炸鬼》！攪到擺到成枱都喺餸！真喺超豐富！但點解會無菜呢？因為菜青味會影響到最後煲粥順德米粥！嘩，真喺超有心思！而且非常健康！真喺太多餸，未能一一紀錄！但因為食材新鮮，所以味道都非常鮮甜！經過同海鮮一論搏鬥之後，姐姐好好人，教我哋落《南瓜》煲一陣休息一吓！隔咗大約十分鐘後，姐姐親自送上粥膽，即喺煲咗好多耐嘅綿粥，最後加上蔥花攪衡！真喺非常貼心嘅服務同創意！

幾日前,朋友仔知我是海鮮愛好者,介紹了我和幾個女仔一齊去食粥底海鮮火煱。老闆主張海鮮要新鮮,所以每日都會入貨,還會用水箱養住確保新鮮。老闆是位隨和及健談的男士,先送上一煱粥水給我們及開爐。我們其中一位,打開煲蓋問點解唔見有米呢?老闆就講,先把海鮮食完,到最後才把已煮成米花的粥放落燙中,煮幾分鐘就可以食,因為精華已在燙水中。我記得阿媽講過粥水很有營養的,bb仔開奶都是用粥水的。我們已經開始餓了,所以先把的牛丸,魚旦,雞件(有成半件雞),放落煱中煮,食一下先。精彩的海鮮出場啦!~~~~ 蜆好甜又大小適中,而不會食到有沙,所以吐沙功夫做得好,蜆一開口就食得。手打鯪魚滑,無骨及無泥味。鮑魚還在動,只要落煲中煮5分鐘就可以食,太耐會韌。蠔大隻又甜又肥美。火煱點可以少了肥牛呢。中場,我地食下菜啦!有栗米,芋頭,南瓜,老闆話食其他蔬菜會出水,影響了粥的味道,所以只會用不出水的瓜菜。開始食有殼的海鮮啦,先黎中蝦,落煲時要小心,因為蝦還是生猛,會彈起燙水,其中一人不幸的中了彈起的熱燙在面上。原隻大花蟹開半,一落煲好快己變成紅花蟹了,我急不及待的已想食了,一上碟我不怕熱的開始折蟹肉食啦。瀨尿蝦,不是人人

朋友約去佐敦聚滿坊粥底火鍋之前係廣州&深圳都已經食過粥底打邊爐, 但係香港食都係第一次炸.好在朋友BOOK左, 唔洗等位,枱面己放好餐具 ~ 有蟹剪嫁^.^待應先上左粥水鍋底, 真係無米嫁!佢地話先用粥水來煮食材, 放便釋放食材的鮮味, 而粥底用來吸收粥水的精華, 所以最後先至放粥底.食材上枱了!海鮮類: 花蟹, 鮑魚, 生蠔, 瀨尿蝦, 蜆, 生蝦, 泥鯭, 魚滑肉類: 肥牛, 雞件, 潮式魚蛋, 牛丸,碳水化合物: 芋頭, 南瓜, 粟米, 油炸鬼呢個火鍋無菜, 老闆話菜會出水, 會溝稀鍋底, 加上菜煮太耐會有草青味, 與海鮮唔夾.落野有次序嫁, 粥水滾起, 先放粟米, 丸類,二滾, 拖下肥牛, 再落雞件,三滾起後, 落海鮮食到最尾, 再落芋頭, 南瓜, 慢慢煲溶後, ~~~~~ 個鍋就精華所在了, 加左粥底, 海鮮粥有得食.雞件OK生蠔OK唔識剝瀨尿蝦, 無食到原隻生蝦識郁嫁一籃子芋頭南瓜粟米, 但呢個我想要多D囉忘記影油炸鬼, 但已經係中途食曬每人2百蚊有找, 有海鮮食, 價位合理,