臨記車仔麵 (已結業)

話說有次經過黃大仙，見到有間新開嘅自助式車仔麵，就被鍾意食車仔麵嘅母親大人，拉咗入去食。作為番茄湯愛好者嘅我，就叫左一個預設好嘅化骨龍餐，配茄湯，分別有豬大腸雞翼尖牛舌同墨魚丸，茄湯幾濃郁，上邊仲有好多蕃茄肉，質素唔錯。另外母親大人就叫咗一碗牛魔王，配清湯，分別有蘿蔔牛丸牛腩牛肚同韭菜，而呢款就揀咗配菜底，平時好少車仔麵會有呢個選擇，對於唔係咁大食嘅人來講，有得配菜底真係幾好。兩個人叫埋小食價錢都唔係好貴，我哋真係飽到捧住個肚走咁滯。

住在黃大仙, 這間店開左有半了啦, 今次是第一次黎試, 被既流心蛋吸引, 以前我成日食車仔麵, 流心蛋好少有, 現在的車仔麵店加入了好多不同種類食用店內人好少, 不用等, 有很多位, 同朋友一起食, 都各自叫一碗。我的是蕃茄湯底, 牛肚, 流心蛋, 蘿白朋友的是麻辣湯底, 豆卜, 腐皮, 豬皮, 雲耳, 豬軟骨蕃茄湯底: 是在原本的湯加蕃茄蓉, 原本個湯底好甜, 係加左好多糖個種味加個蕃茄蓉已經變味, 食埋蘿白更加不想食, 感覺蘿白只用糖水煮, 是我認知以外, 糖多過鹽, 糖心蛋也是,外層汁帶甜, 另外麻辣湯底好油, 正常少少應有的咸味,略帶甜 其他的配料味道都是正常, 豬軟骨是製好入味又有淋滑, 但這餐已被過糖的食物嚇怕了, 如果同我一樣預是咸味的,過甜不愛的就不要揀那些食物料. 但我也未必再來

之前，看到食評都話呢間車仔麵幾好。今日終於有機會試下。麵夠多。魚蛋麻麻地，好粉同硬豬皮一般。牛肚比較有驚喜地好食。整體黎講，冇想像中好食。不過，望落去都乾淨同等候時間快。

Good Take 車仔麵，中文名叫臨記車仔麵，個名咁得意嘅？食得車仔麵當然係叫多餸至係皇道啦！好多選擇，令人眼花瞭亂，心大心細。特別留意到有呢幾樣推介車仔餸。如果揸唔到主意，可以叫幾款精選配搭，餸菜已經配好，仲有埋推介湯底添！化骨龍（$37）推介咖喱湯（另加$1）飲品加$7呢碗就係5款精選配搭嘅其中一款，集合了瑞士花香雞翼尖（非常入味）、秘制豬軟骨（好正，入口即溶）、墨魚丸、自家制鮮竹卷（外皮夠脆）、唐生菜，配佢建議嘅咖喱湯果然唔錯，更惹味！加埋特色辣醬係更刺激，一定要加。另外一碗係自選車仔麵：有幾樣餸特別好味：秘製牛孖筋（$12）：好淋、仲有少少漿口，好有膠質回味豬大腸（$8）：乾乾淨淨，味道都唔差牛肚（$10）：鹵得好入味溏心蛋（$10）：滑溜又流心再追加孜然燒雞翼（$19/3隻）：即叫即焗，好香口

剛點了A5 牛魔王加一個咖喱魷魚餸外賣 $39 + $12 = $51 外賣。剛回到家一看，搞錯呀，執漏餸俾我，個電話又話6pm收左工，咁車仔麵檔可以6pm收檔啦，收工啦。想話打返電話去講件事都唔得？ 就算好味都冇用吧，連少少服務都冇呀 \ . /

話說有一日講開車仔麵，姑媽話想試吓竹園嗰間臨記車仔麵🎞，佢話聽蘋果動介紹過好似好好食。😂擇日不如撞日，今日就帶佢去嗰度食。我哋一行三人，叫咗三碗麵。❤️每碗大概有三至四個餸，再跟一杯餐飲同另叫咗雞翼。食咁多嘢平均每人都係$60左右。👍🏼⭐️三隻孜然燒雞翼雞翼要等耐啲，因為佢即叫即炸。上到嚟嘅時候又香又熱，味道都不俗，有啲似某餐廳嘅土匪雞翼。佢哋兩個都叫咗⭐️蕃茄湯湯底，番茄湯湯底質素正常。配菜方面，⭐️脆味豚爽肉同⭐️傳統牛腩都屬於高質，值得一試。我自己就叫咗個⭐️麻辣湯底，麻辣幾好，好過我之前食過嘅咖哩。配菜方面，就叫咗⭐️魚腐，⭐️蘿蔔同⭐️自製鮮竹卷。我覺得我呢個組合可以encore！😍鮮竹卷係外脆內軟！不過下次我會分開放左先，今次鮮竹卷比啲湯浸耐左，搞到出面啲皮都林左。❤️姑媽大致上都覺得幾好食，環境又乾淨企理，不過湯底就濃左啲。我就覺得幾好食！👍🏼

今日又為食咩苦腦,經過臨記哈哈,竟比我發現油炸鬼系列出左豬扒,衰鬼姐係叫我再幫襯姐😏,好啦見您ㄧ番好意,諗咁多花招,引我再幚襯,我就順下您意啦,我地一行3人,叫左3個麵,七味雞翼同今次重點油炸鬼豬扒朋友唔想諗食咩,就點左佢地配好既牛魔王,有韭菜,牛腩,牛肚,牛丸,籮白,唔想諗中意食牛既可以試試,朋友話算中上我上次食咖喱湯,今次試下番茄味,但食落有小小後悔,都係咖喱湯好D,但唔難食既,仲有今次揀既鮮竹卷好好食,咬落有口感,又脆值得ㄧ試朋友點左麻辣湯,真係ㄧ流,連我唔食辣,既都ㄧ口接ㄧ口,我就覺有D辣,但好食會上癮,ㄧ試就愛上到今次重點油炸鬼豬扒,佢無令我失望,咬落鬆脆,肉質又夠淋,如果雞翼同豬扒我會揀豬,真心好食,好期待佢有更多新作😍

今日同媽咪去咗附近食車仔麵做晚餐， 試下呢間開咗唔係幾耐嘅臨記車仔麵入到去d位都幾闊落，有好多嘅卡位， 因為新裝修冇幾耐環境都幾好， 仲可以睇到水吧同埋裏面整嘢食嘅情況我哋叫咗兩個車仔麵一個小食同兩個嘢飲， 因為畀啲圖片吸引住好多餸都好想試， 兩個人不知不覺就叫左成十一樣餸。。。haha我叫咗一個米線配傳統湯, 唔使加錢要咗個細嘅辣醬另一碗就係幼麵配傳統湯， 佢呢度嘅傳統湯幾甜幾好味餸呢我哋就要咗牛舌片， 自製鮮竹卷， 溏心蛋， 回味豬大腸， 酸齋，蘿蔔， 脆味豚爽肉， 瑞士花香雞翼尖， 豆卜， 韭菜， 酸菜另外要左一個好特別嘅小食油炸鬼雞翼另外要咗杯凍檸茶 同埋一罐可樂 都只係加七蚊我自己覺得呢度嘅溏心蛋超級好味好流心， 我估應該係日本蛋因為個蛋黃係橙橙哋色最令我驚喜嘅係脆味豚爽肉， 佢係另外上嘅， 真係好爽脆另外佢嘅 瑞士花香雞翼尖都好出色， 食得出有啲桂花嘅味道呢度有太多特色嘅小食， 我哋叫咗油炸鬼雞翼 真係好得意， 就好似食緊油炸鬼再加配雞翼， 雞翼又唔會太老仲好juicy下次再嚟， 打算試下佢嘅惹味㗎哩魷魚， 見到隔離枱食好似好好味

今次我嗌左出名既雞翼、豬腸、牛腩、油麵個車仔面我勁鐘意佢個辣呀辣得幾過癮第一啖嘅辣冇咁出嫁但佢會慢慢咁樣出黎之後繼續食個辣道仲會係個口到徘徊好正呀牛腩正正常常， 豬腸：，豬腸就唔似平時既淋淋地 軟淋入味而且清潔得好乾淨，一碗有7 8舊兩大隻瑞士雞翼夠入味，比外邊車仔麵店的雞翼還大隻 呢個值得一試，因為d 雞翼好入味。油麵又係正常啦，唔會太淋咁。酸齋:酸味和醬汁的杰度都剛剛好，很快便吃光了。呢隻溏心蛋名不虛傳咬開一半蛋黃流心甜甜的又有點膠質咁油炸鬼豬扒首先豬扒好大塊，好厚身肉質非常鬆軟，而且好嫩滑易咬，肉汁亦都好多，食唔出一點既雪藏味炸豬扒既皮好薄，係我食過之中最薄！加上皮脆得黎又有啲啲韌性，口感好好🤤最驚喜既係皮下有一層啫喱狀既物體，令到豬扒食落更juicy更滑，呢個質感真係係呢度先食到＋＄7凍豆漿。＄7既餐飲黎講，佢杯凍豆漿算係大杯，味道都正常而家好多車仔麵既水準都好得人驚，貴過佢既大有人在。個人認為喱個水準係值得一試

今日阿媽話帶我去食車仔麵，未去之前我仲話個名咁得意，同茄喱啡有冇關，去到點知原來都有啲電影嘅題材做裝飾，我就知道冇估錯啦！裝修時尚簡約，配合屋村嘅新裝修，活化左屋村！所以阿媽第一時間帶埋我就去食價錢好抵食，兩個人埋單都係$100左右！食都食唔晒仲要打包首先梗係要叫個車仔麵啦！我哋叫咗咖喱湯底米線，咖喱香而不辣，味道香濃！咖喱魷魚：又爽又夠味糖心蛋：估唔到有得食，有糖心效果豬爽肉：都好有心思分開上，好味小花菇：一啲都唔細粒，而且好入味豆卜： 正常整體車仔麵來講份量夠多，勁大碗，最緊要個湯真係好正！叫咗他們新推出嘅小食：油炸鬼豬扒用揸油炸鬼嘅方法去炸豬扒，用脆漿炸出嚟，口感分內香脆！豬扒裏邊仍然多汁！分量真係過多，呢個價錢真係超值美味酸齋，阿媽指定食品，佢話街坊極力推介！一罐他們做法分量超多，酸酸甜甜！阿媽話好鍾意食，我就鍾意食豬扒多啲！特別一提他們嘅豆漿也不錯！

感到失望的是，香港車仔麵跟日本拉麵很像，每家店就是有自己的靈魂賣點，因此就會吸引不一樣的食客！但這家稱為車仔麵的店，就像大家樂一樣，完全吃不出他的靈魂，只能用填飽個肚去形容他！不能吸引專程去吃的慾望！咖喱湯底非常之油膩，令人吃了也不太舒服！那隻所謂的油炸鬼雞翼，其實只不過是一堆粉漿，亂說一通！吃了碗咖喱油車仔麵後還要吃這粉漿🤢！油膩死了吧！入口油淋淋的感覺！ 豬大腸一點也不好吃，瑞士雞翼根本就只是鹵水雞翼！ 中伏得很！我也不懂怎去形容這款車仔麵！ 吃一次夠了吧！香港人的車仔麵文化似乎即將要被這些大財團攪得一團糟了！原來這是唐記飽點，唐包點，民華餐廳等的同一集團！最攪笑係你要學宜家傢俬叫食客自己把餐具收拾！😔請問你知唔知人哋宜家傢俬餐廳真的有把請少了的人手的資金回饋客人的，但你這收費已經很貴，跟很多車仔麵店價錢一樣，甚至更貴，竟然還要客人自己取餐兼收餐具？你店絕對是算爆的壞蛋😡😡😡！因為你係算死草，連請人嘅支出都慳番！但不是慳落客人銀包，而全是慳回你自己銀包！👎👎👎👎👎👎👎👎客人也不是傻人，如果想要人家免費做埋樓面工作，沒問題的，請你把價錢降回合理價，否則別把食客當是傻瓜吧！😪😪😪😪

今日朋友帶左我黎竹園食車仔麵。以車仔麵舖頭黎講，舖面都算幾大。車仔麵有4種湯底選擇，而且仲有得選我最愛嘅讚岐烏冬。 除左麵食仲有唔少小食！以配料黎講，都有好多比較新穎少見嘅配料，價格都算相宜。店舖環境簡潔明亮，先買票再等叫號碼自取食物。由於我地都有選擇困難症就叫左兩個預設配料嘅車仔麵同小食喇！化骨龍$37 +$3 轉讚岐烏冬傳統湯底 似甜甜地嘅豉油湯底，都濃味嘅。 （瑞士花香雞翼尖、秘製豬軟骨、墨魚丸、自家製鮮竹卷、唐生菜） 5個餸 雞翼尖食落桂花味好出，豬軟骨都煮得幾稔。自家製嘅鮮竹卷：外皮脆脆，混合左豬肉、蝦、木耳！幾特別，好似食緊點心甘！油炸鬼雞翼 $19/3隻脆漿好脆口，真係有種食緊油炸鬼嘅感覺！雞翼嘅肉質好juicy嫩滑。瑞士花香雞翼 $19/3隻聞落就聞唔到桂花味，但除左鹵水外就食到勁香嘅桂花調味！酸齋 $15友人對佢讚口不絕，表示顏色唔會過分紅，而且唔會酸得過份！咬落入面口感煙煙韌韌。大隻佬 $37 +$3 轉讚岐烏冬麻辣湯 （雞肉、招牌腩肉、豆卜、蘿白、韮菜、溏心蛋）6個餸讚岐烏冬粗身彈牙，配麻辣湯超正。麻辣湯以香麻為主，唔會過辣或太油。大推！壓軸出場嘅就係呢隻溏心蛋

今日經過黃大仙雖然好凍仍然好想同屋企人食車仔麵。當日同舅父同埋阿怡一齊食,眾樂樂。他們有幾個小食非常好食。😘咖喱魷魚他們的咖喱好特別,適合鍾意食辣嘅人。魷魚好新鮮嫩口, 配上獨特的咖喱簡直好似飛一樣,好食。秘製豬軟骨骨應該超過12小時用唔同嘅滷水汁去慢慢烹調。而能夠做到骨肉分離,咬落去可以聽到樂樂聲。炸魚皮他們的炸魚皮可以見到用紅燈再照，目的令到佢哋更加乾脆。最後效果好似食薯片一樣。一路食嘅時候聽到清脆嘅聲音。美味酸齋做到可以酸同甜平均分佈，令到舌頭可以感受到新奇。尤其喜歡太酸嘅朋友。不要錯過。位置唔太遠 鄰近市區。希望過年年初三同家人再食。😘

依間車仔麵店好衛生，每位員工都帶上衛生帽同口罩，令人感覺好安心好衛生，而且拎餐時還細心的說“小心熱慢慢拎多謝曬”，好興幸今時今日重有咁既服務態度，真係要比個like!! 食物方便除左車仔麵主題外重有好多小食選擇，自行劃好點餐紙就去收銀處付款之前搵位等叫號碼拎餐...+蠔油生菜+香辣七味燒雞亦+香口小食：雞軟骨.豬排.油炸鬼雞亦豬八戒+自選餸*講下個豬八戒先，係該店已配好的全餸，配好曬唔洗諗，唔夠既可再自選加餸！豆卜.鮮腐竹.豬皮.豬腩片.冬菇.墨魚丸.芝士腸.蘿蔔.溏心蛋重有個自家制辣椒醬好好味，辣味特別，同埋真係好夠辣，問店員有無得買，佢話好多人都咁問所有遲d公司可能都會推出黎賣，喜訊，哈哈麵底選讚岐烏冬，依隻烏冬出名煙韌彈牙~~個溏心蛋真係唔夠喉，做得好出色，生熟程度拿捏得好好！自制鮮竹卷，餡料釀得好飽滿，口感好豐富~~冬菇好入味同埋好香！！腩肉爽嫩，要切依隻厚薄度都幾考刀功！！🤔蘿蔔無根無渣，夠淋夠甜！！！

今日去竹園探朋友，落樓下食飯，這裡多數都係一啲細嘅食店，而家新開咗一間車仔麵，於是就入去試下，入到去裏面光鮮，地方好乾淨。叫了一個麻辣米線中辣，餸就叫左腩肉，豬紅，牛舌，溫泉蛋，烏冬。湯底鮮味，麻辣味香，辣度足夠。材料新鮮，特別喜歡牛舌和豬紅，有彈性。溫泉蛋比日式拉麵店的做得更好，流心量恰到好處。至於小食，叫了瑞士花香雞翼，無他，因為個名起得靚。個味道就是瑞士汁雞翼加上點點桂花香，確實有新鮮感。野飲加了可樂，食完麻辣米線飲冰凍可樂，簡直是一流享受。