臨記車仔麵 (已結業)

今次晚餐試下開咗冇幾耐嘅臨記車仔面 感覺幾唔"臨記"而都幾有誠意嘅車仔面  一入到去坐低睇下個食堂都幾大 坐得舒服同朋友都係食得之人 今次都叫得幾多嘢食 哈哈 d餐名都幾攪笑牛魔王腩汁湯底正 牛腩厚切又夠冧 牛丸都好有牛味有肉感 仲有牛肚 配幼面份量都好飽大隻佬有腩肉 豆卜 雞肉 蘿蔔 轉左贊崎烏冬 配番茄湯底 都唔錯 特別佃蘿蔔好甜另外我地再加嘢食 哈油炸鬼雞翼- 幾特別 食到油炸鬼感覺魚皮- 正常嘢 唔算特別辣炸醬- 有別於平時嘅米線炸醬 呢個肉味同口感更濃 少少辣 正炸雞軟骨- 炸嘢 好味我地都覺得呢間都幾好質素 又多個選擇 good

今早難得向竹園運動場 Book 到場做運動，當然要補充下體力 la，街市附近新開間臨記車仔麵，見到內裡寬趟就試下先點左份 A2化骨龍 要埋佢推介湯底 咖哩湯，轉埋讚岐烏冬只需 +$3墨魚丸爽口彈牙自家製鮮竹卷，腐皮內裡豐富的餡料秘製豬軟骨又腍又入味香脆炸魚皮，薄薄地十分脆朋友喜愛食的酸齋，少少酸香辣七味燒雞翼 三只 $19，雞肉嫩滑車仔麵配凍奶茶 +$7 值得幾時尚的車仔麵店，地方企理，食物又多選擇車仔麵有多款配菜、粉麵及湯底供大家選擇真係會花多眼亂，所以今次揀左精選配搭

今日趕住出去野，所以就近近地係附近食😗。試下呢間新式車仔麵鋪。有別於黃大仙區嘅車仔麵，佢係比較自助，1️⃣首先你要自己搵位，2️⃣之後就係收銀台面到攞點餐紙自己tick，3️⃣填好後就出去俾錢，4️⃣最後就等叫到你嘅號碼。除左購買流程比舊式嘅唔同外，佢環境都比較乾淨，有自助斟水機，調味區同收盤。😊今日點左❤️脆味豚爽肉+蘿蔔+流心蛋+粗麵🤤⭐️脆味豚爽肉👍🏼好好味，出面炸得好脆，豬頸肉本身又冇得。😍⭐️蘿蔔👍🏼以為呢啲訊息嘅車仔麵蘿蔔會冇咁淋同入味，點知都唔差喎，味道係入嘅，出邊就淋淋地個心就實嘅⭐️流心蛋👍🏼超流心⭐️香辣七味燒雞翼👍🏼好味又夠辣🤤

又黎到秋高氣爽行獅子山既日子出發前梗係要食個豐富嘅午餐簡簡單單係竹園村搵咗間餐廳係連鎖式嘅車仔麵檔 黑洞同朋友都係第一次食自助揾位形式 點餐紙上勾選想食嘅嘢再拎去收銀俾錢不論鋪面同出餐位置都好乾淨黑洞我揀咗蕃茄湯底配糖心蛋 墨魚丸 腩肉估唔到墨魚丸咁大粒 仲足足有三粒腩玉薄切 但有好多每片一層肥肉一層瘦肉黑洞估唔到食車仔麵都可以配日式糖心蛋一咬落去 蛋汁慢慢流出嚟朋友仔一樣叫咗番茄湯底大家都認為湯底濃而不咸配合讚岐烏冬 咬口十足夠晒彈豬軟骨肉質嫩冧 入晒味魷魚有微微咖喱香我哋仲另外加咗幾款雞翼小食油炸鬼雞翼超級有特色外層炸到好似油炸鬼咁咬落超級脆口 雞翼size幾大而且食落無雪味香辣七味粉雞翼就啱晒食辣嘅朋友入口微辣 仲好香七味粉孜然燒雞翼好重孜然雞翼肉質嫩滑 即叫即製好新鮮飲品方便推介平時少機會飲到嘅黑芝麻豆漿甜度適中 芝麻同豆味均勻吾錯

竹園街市最近大裝修之後，脫變了勁多！就連街市出面都多左新店，呢間臨記車仔都就係其中一間了！有時行去順豐站拎件時，都會經過見到好多人光顧。今日咁岩經過未lunch，就同呀媽一齊吃了！餐廳原來全部採取自助形式，非常大自由度。先揀選配料湯底及粉麵，然後再到收銀櫃枱俾錢落單！愛吃辣嘅我揀咗麻辣湯底配米粉，另外在點了四個餸。麻辣可選不同嘅辣到， 而我揀嘅小辣已經非常之夠辣勁，愈吃愈辣，鼻水都不自覺流下了！咖喱魚蛋醬細粒一啖一粒，啱晒一口一粒。而且魚蛋入味，咖喱味很濃郁！超級愛吃辣嘅我當然唔少得點埋咖喱魷魚啦！咖喱魷魚非常之爽口，入口食到咖喱味之外仲食到湯底嘅麻辣味。多層次嘅辣味，超爽呀！食得麻辣，識食嘅一定會叫埋蘿蔔。蘿蔔浸喺麻辣湯底之中，完完全全吸收湯底嘅精華及辣勁，推薦大家必點唷！而且值得一讚嘅係蘿蔔非常新鮮，入口非常之爽，沒有半點渣。side dish黎講，油炸鬼雞翼非常有創意&吸引呢！雞翼金黃色嘅外層入口脆卜卜，咬落層次口感非常豐富。先食到香脆既油炸皮，然後再咬到滑嫩既雞肉。無論創意定美味都非常高。另一碗係番茄湯底配讚岐烏冬，湯底有蕃茄酸甜味，非常開胃！車仔麵配料花多眼亂，但我覺得豬軟骨

好耐都冇番竹園邨探婆婆喇，見今日放假就上去探下佢，唔想去太遠就係附近搵間餐廳簡簡單單坐低食少少野，見到有間環境光猛企理，門口重有做斜台方便老人家出入，值得一讚!就揀左入去喇 車仔麵我通常都有揀開幾款餸: 冬菇同雞翼尖，但見到佢有個個名好得意嘅豚爽肉，叫嗌埋試下。 見到個豚爽肉泥到都幾大份，重有切開埋方便食，一咬落去，咦乜咁得意嘅，咁似平時食開嘅豬頸肉，唔知係咪同一樣野呢? 但又幾好食喎! 佢炸粉唔會落太厚，薄薄一層已經做到脆口嘅效果，肉又唔會炸得太乾，重保留到啲肉汁同好爽口，唔錯!小花菇十分入味，滷水味道滲晒入花菇之中，而且小花菇很香滑，亦都夠腍，婆婆食左粒都覺得非常唔錯。雞翼尖同樣非常入味又大隻，用瑞士汁煮過味道好香，甜甜地咁。開左呢間新嘅車仔麵，咁我下次搵婆婆開飯都有著落喇

我非竹園人,去竹園只為幾個月見一次我的髮型師. 今天比預約時間早到, 在雲集平價與連鎖店的竹園商場, 要試的店都試得七七八八. 今天看到有間店面光鮮企理的車仔麵店, 於是就即管試試. 每次看車仔麵的menu ,一直都覺得花多眼亂,簡直令人心如鹿撞, 今次都不例外. 見店內的廣告相都幾吸引人食慾, 於是在自選叫了咖喱魷魚, 溏心蛋和腩肉. 煎炸野和日式食品都是我的心頭好, 所以叫了碟在居酒屋都會叫的小食雞軟骨. 在收銀點了餐等了一陣, 都好快叫到我張單. 碗麵好大份, 咖喱魷魚夠味, 溏心蛋白開始凝固, 蛋黃呈液狀, 原來不一定要在拉麵店外, 都食到那種溏心蛋風味. 腩肉味道亦不錯. 雞軟骨好大份, 應該是即炸,外面金黃食落夠香脆, 合我心意. 只是太大份, 一個人食我覺得到食完要飲返杯涼茶. 因為是新開不久, 環境仍好新淨. 唯一覺得要改善的地方是座位之間比較迫, 而且竹園多老人家, 行動不便, 拿食物出入都要很小心.

昨晚點了咖哩湯底，餸有豬皮，脆爽肉，大腸。豬皮超咸，大腸同爽肉都好好味。 咖哩湯開頭覺得好香濃，心諗今次真係無揀錯，點知，後來覺得越食越咸，最後係食得幾辛苦地離開。 其實幾個星期前食過辣湯，但個辣好拮喉，食到一半已經要停。但覺得佢哋啲餸真係幾好味，而且環境又好，所以昨晚再去。 其實我打算再試蕃咖湯底，如果再出事，睇嚟都係要趁放工去「任你點」滿足我食車仔麵的慾望。希望臨記留意下湯底的質素，等我返屋企都可以幫襯多啲。（阿爸都試過清湯，佢都話好咸，但我食辣個次的清湯，又淡到離奇😔，質素真係好飄忽）

上次試過一次嘅經驗非常唔錯，所以今日又食過。今次試套餐，見啲餸都幾啱食又唔洗多諗，一於就嗌佢:豬八戒。 以車仔麵餸尼講，佢腩肉份量都算多，眼見都有6-7塊鋪係面，腩肉的肥瘦比例非常適中，唔會全部都係肥肉滑潺潺，又唔會瘦肉太多乾爭爭，係完美嘅五層肉，咀嚼時，你可以食到肥肉的爽及瘦肉的緊實，真係令人愛不釋口😍，下次散叫都要嗌佢。 豬皮好好食！處理得好乾淨，唔會有毛係上面，而且食落好爽口。加埋上次食完覺得非常美味今次再叫嘅豬軟骨，同上次一樣好夠分量，咬落同樣鬆化有豬肉香，雖然套餐得一件，但好野唔洗多嘅，一件就夠喇，留番個肚仲可以試下其他餸。我見佢仲有其他套餐，下次可以再試😋，車仔麵絕對滿足到我哩啲咩都想試嘅人

一場黎到竹園，梗係要試下出面冇既野啦，食完之後發現依間臨記真係唔錯，以依個價錢(37蚊有6餸既大隻佬套餐)黎講，份量好多又真係好抵食，性價比好高。我想自己係，咪叫個大隻佬套餐試下，佢入面有招牌腩肉、雞肉、溏心蛋、豆卜、籮蔔、韭菜。湯底可以揀傳統湯、加1蚊可以轉鮮茄湯、咖喱湯、或者有大中小辣俾你揀既麻辣湯。粉麵底有7個選擇，只係烏冬要加3蚊，其他米線、米粉、河粉、粗/幼/油麵都係跟餐隨便揀就得。唔想太飽，或者唔要咁多澱粉質，可以唔洗加錢轉菜底，佢有籮蔔、菜心，或者唐生菜任你揀。講返啲餸，招牌腩肉真係掂既。肥肉瘦肉層次分明，好味又不肥膩。腩肉肉質纖維收得緊，口感好好，皮同脂肪的部份仍保留彈性。一碗咁重量級嘅麵加埋7蚊要埋杯飲品直情完全啱晒我呢個大胃王呀!

叫咗碗三餸麵，估唔到佢份量咁多，我揀咗牛舌片、豬軟骨同埋咖哩魷魚。。。仲以為佢嘅份量係一般車仔麵鋪咁。。。所以。。。好貪心咁嗌多咗兩個小食，佢地係酸齋同埋瑞士花香雞翼。不過，有留意開我食評嘅朋友都會知道，我係好鍾意嗌好多款唔同嘅食物， 一枱都係，咁先夠氣氛 🤣🤣🤣 我人生第一次放入口嘅牛舌片先，佢個口感鮮嫩柔順，仲好有牛味😋豬軟骨煮得腍，軟骨係啫哩。。。咖哩魷魚超入味。。。瑞士花香雞翼，唔使去瑞士都可以食到味道香甜，醃製時間啱啱好嘅好味雞翼😃。。。用麵筋配甜酸汁嘅素小吃，👍🏻酸酸甜甜十分開胃 !今次係有咁大個人第一次食牛舌片👅，因為一直以來，都覺得呢個食物有啲得人驚。。。其實另外嗰兩個都唔係我平日會叫嘅車仔送 😛今次諗住自己唔食就辛苦隔離嘅吃貨。。。點知我又鍾意食喎😍

今日中午黎到竹園村既臨記車仔面食野，間野都新開張幾個月月，今日終於有機會黎試下。首先就拎左點餐紙然後就入去坐，原來入面都好大地方，無出面睇到咁細。首先見到點餐紙寫住每碗最低消費都係23蚊，同出面比較都差唔多，餸都有平有貴，7,8,12都有。尤魚，酸齋，炸醬..,面都有好多野揀，油面,烏冬.，湯都有麻辣，咖哩，傳統湯。就咁睇都多選擇，似足出面車仔面。最後我地兩個人叫左兩碗面，兩杯野飲同雞翼。酸齋幾好，麻辣都好食，叫左個花雕醉雞翼就一般啦，一黎凍，二黎太重酒味，苦。試過今次都覺得幾抵食，又多野揀，似足出面車仔面。

相信大多數人都唔認識臨記車仔麵， 開宗明義佢就係食車仔麵嘅專門店，有住呢一區嘅朋友叫我有機會去試下，見今日行開嚟呢邊做嘢，咁就試下啦。晌收銀處叫咗嘢食，就可以自己搵位坐，然後等叫號，再去取餐處拎嘢食。入面嘅環境整潔，坐得舒適。另外，可能因為主要做街坊生意，見到職員同食客都好熟落，證明係會不斷返轉頭嘅。所以未收到個餐，我都已經好放心，相信應該會係好食嘅。 佢呢度嘅車仔麵係有set好嘅餐，見到個名特別 我就叫咗一個叫做化骨龍嘅精選配搭。佢入面有瑞士花香雞翼尖、秘製豬軟骨、墨魚丸、自家製鮮竹卷同埋唐生菜。我跟咗個傳統車仔麵湯，37蚊有五個餸都好抵食。雞翼尖同豬軟骨夠大夠入味，墨魚丸真材實料，自家製鮮竹卷餡料好足，有驚喜!! 食物本身都已經有調味，唔係白烚煮熟再拼埋一齊。

竹園新開的車仔麵,朋友仲紹話好食,盡管一試地方唔錯,都幾大,又唔貴,幾好講講野食先,我點了魷魚,牛根,米線,可樂遂一講講先魷魚爽口,彈牙,味道足牛根入味,又(林)米線夠滑,好味咖哩湯底,夠味,夠香,我本身喜歡食辣,再加埋佢個辣醬,好好食可樂唔駛講啦，不過夠凍整體都好好食,所有食材都好夾,唔會覺得好唔同味不錯的餐廳,定會再試

每次到了不知要吃什麼時候，就會想到車仔麵啊。臨記個秘製豬軟骨，令人難以忘懷喔!豬軟骨件件都好夠分量，咬落鬆化有肉香， 肯定係用咗好多心機去製作， 每一件豬軟骨 都係食得到的 新鮮嫩滑又夠哂入味。吃得到甜甜的醬油香同埋照燒汁的味道 ，食三至四件都唔覺得膩 。 食一啖豬軟骨，再食一啖酸齋。一個甘香，一個醒胃，呢個配搭，係本人認為最聰明嘅，值得大家試一試。再襯埋我食車仔麵必須有嘅醬油雞蛋，配上大大件嘅豬軟骨，仲有花枝丸，令到整體味道十分充足。最後嘆埋我杯香滑奶茶。今日我嘅總結係。完美。