臨記車仔麵 (已結業)

臨記車仔麵，位於竹園南邨，在一個舊的屋邨內，有一間新派車仔麵鋪，真是一個驚喜，店內走新式快餐店風格，在点餐紙揀選食品，往收銀處付款後，就可靜候屏幕打出號碼及叫咪通知取餐，最令我欣賞的是店內有自助冷熱水供應，及供應各樣醬料，是舊式車仔面所欠奉的……是日因未到午餐時間，所以顧客未算爆棚，食物好快可領取，我們兩人点了兩個精選配搭加2個小吃，及跟餐加七元可有冷熱飲品，檸檬茶有著一股清新香味，先講精選牛魔王：內有牛腩，牛肚，牛丸，韮菜及蘿蔔，粉底是要了加多三元的讚岐烏冬（物有所值）煙韌非常，牛肚是最正的金錢肚，牛腩是切粒狀的，炆得非常諗，牛丸就好彈牙，牛牛控都可以滿足一下，蘿蔔非常諗甜，還有九菜，我還加了一只溏心蛋，美味非常化骨龍米線:材料豐富, 一set set 配晒料最arm 懶人唔洗揀,有瑞士花香雞翼尖, 秘製豬軟骨,墨魚丸, 鮮竹卷同唐生菜,豬軟骨非常入味, 墨魚丸夠彈牙, 鮮竹卷非常足料, 正香辣七味燒雞翼：本來是点了花彫醉雞翼，但餐廳新出一款油炸鬼雞翼後醉雞翼暫停，對酒鬼而言，有点失望呀！唯有点了香辣七味燒雞翼，好彩味道及賣相都不錯，肉質滑口及內裡顏色雪白另一道小食:韮菜，豬紅，及豬

今年屋企人去哂旅行，冇做冬，夜晚要自己搞掂，放工去朋友到拎Ｄ野後，就系佢樓下隨意搵左間食埋個晚飯先返去。過時過節一個人最岩食車仔麵，人吾多。座位都幾闊落，地方乾淨。呢到採用自助形式，先到收銀到比錢叫野食，之後搵個位坐底等叫號，廣播會提示取食物，不過電視熒幕才會顯示號碼。一個人都要食得豐富Ｄ，叫左４餸自選車仔麵、一份小食同一杯飲品，合計先＄７８。侍應姨姨好主動又有笑容，見我一個人拎甘多野就幫我手，好蝸心。湯底方面叫左傳統湯底，色澤深褐但飲落清甜，味道濃郁。 可以免費叫埋特色辣醬，麻勁十足，更添惹味，分開上既，自己調配叫多少少都吾怕太辣。秘製豬軟骨相當鬆軟，軟腍入味，軟骨似啫喱，入口即溶 。口感清脆，蘿蔔帶點薑味，入味又清甜無渣 。炸醬偏油偏甜，乾拌會幾正。自製鮮竹卷軟糯既腐皮包裹住豬肉、竹筍、黑木耳、紅蘿蔔，外皮煙韌，內餡爽脆，好鮮甜。第一次見中式既麵店有溏心蛋，幾破格，非常入味，蛋黃流哂出黎，色澤吸引，熟多少少就更合我心意。炸醬偏油偏甜，乾拌會幾正。炸魚皮鬆脆可口，浸落湯汁到索哂精華，口感豐富！

黃大仙出名就多小店同埋價錢相對較相宜，呢間係屋邨樓下既車仔麵，乾淨企理自選車仔麵23蚊就已經有交易d食材既選擇都幾多, 有平有貴今次我叫左個化骨龍，佢係一個set黎，有雞翼尖、豬軟骨、墨魚丸、鮮竹卷、唐生菜另外再加左豬紅牛肚一黎既食材加麵都係多到爆炸！成碗係勁重磅，味道係小辣，冬天凍凍地食幾開胃我最鐘意就係墨魚丸!! 真係好彈牙鮮竹卷係炸既，味道唔錯，皮係好香脆，份量都幾多下仲要好貼心既分碟上孜然新彊燒雞翼個味道好食過土肥雞翼，呢個既香料差唔多，但係雞翼大隻好多，入面超嫩滑

在我心目中車仔麵都是大同小異的，因為習慣的關係，每次都會點差不多同樣的食材牛魔王車仔麵牛腩牛筋等等都是我必點的項目，這裏有個牛魔王套餐，完全包含了我喜歡食牛的材料，有牛腩、牛肚、牛丸、籮白、韭菜再可以加自己喜愛的食物我便加了魷魚和糖心蛋先說糖心蛋，真的是爆漿流心！好有日式既感覺，味道是淡淡的醬油香味牛腩和牛肚是很林滑很入味麵質是中等偏硬，但口感十足，冇咁快索晒d湯汁油炸鬼雞翼特式雞翼！超大隻，可能個外型似油炸鬼因而得名食落有點似食油炸鬼的外層脆皮，而入面就係香脆既炸雞翼，正

中學時期成日上竹園去同學屋企打麻雀，今日趁湊左大帝番學後過來同朋友食個lunch傾下計，我地黎左臨記車仔麵自助係收銀櫃枱點餐，後自行取餐，我地叫左1個牛魔王加脆味豚爽肉唐生菜豬腸溏心蛋河粉傳統湯加特色小辣醬，油炸鬼雞翼，孜然新疆雞翼，酸齋牛魔王有牛腩牛肚牛丸蘿蔔韮菜勁多料，傳統湯底係咸咸甜甜煮牛腩既五香腩汁湯? 加小小特色辣醬好惹味，牛腩牛丸夠淋夠入味，牛丸不過不失，蘿蔔淋甜豬腸洗得乾淨唔會好油亦煮得入味。 脆味豚爽肉係另外上既唔會整到淋晒，外脆肉爽好好味，好香口，口感好正。溏心蛋一咬爆晒蛋汁出黎都唔錯。酸齋酸酸甜甜好開胃油炸鬼雞翼外層好似油炸鬼粉漿包住雞翼咁好脆口，幾有特色。孜然新疆雞翼亦都幾好味。豆漿好夠豆香味環境裝修企理乾淨有別於一般車仔麵店，收銀，出餐阿姐有禮貌朋友間因為結婚生小朋友都會有所疏遠，今次大家都把握住小朋友番學時間見見面，談談天，希望之後都可以keep住聯絡。

呢到位置好大，闊落，仲好光猛。自選車仔麵，我地揀左番茄湯烏冬。揀餸揀左鮮竹卷，小花菇，豚爽肉，牛腩推介鮮竹卷同牛腩，豬爽肉分碟上大大舊抵食夾大件。　精選配搭 A2 化骨龍　　咖喱湯粗麵唐山菜，秘製豬軟骨，自製鮮竹卷，瑞士花香雞翼尖，墨魚丸秘製豬軟骨，自製鮮竹卷，瑞士花香雞翼尖都係要推介，豬軟骨同雞翼尖好淋，放入口馬上骨肉分離，味道都好唔錯！孜然燒雞翼3隻 味道同譚仔土匪雞翼類似，好野味。油炸鬼雞翼 3隻　三隻大大隻炸雞翼，個皮炸得好乾身好脆。不過食野有Ｄ＂流＇同埋入面Ｄ肉唔夠入味香脆炸魚皮　　香脆可口，放落湯食會聽到咋咋聲，代表炸魚皮炸起無耐。有心機，抵讚！糯米雞　都好足料，入面有蠟肉同雞翼，我認為Ｄ糯米飯太過淋同濕（個人喜歡食乾少少同有咬口）

竹園商場開左間車仔麵檔，見佢都有好多野食，望落好吸引！而且夠哂大間，唔會話坐到好逼，好乾淨，唔錯！餐廳自助形式，自行點餐拎餐。叫左呢度熱賣既 油炸鬼雞翼🐔炸到外皮好香脆，炸粉唔會話好厚，好鬆脆。食落既肉仲好嫩滑，雞翼又大隻。又真係幾好味喎！脆味豚爽肉🐷呢個都唔錯！又係炸到好脆，而且口感仲好爽口。加了椒鹽調味，食落好惹味。不會炸到好乾。炸魚皮🐟用黎送車仔麵一流！呢度啲魚皮塊塊都好大塊！好大份！抵叫。鐘意食魚皮岩哂，炸到好脆！叫左碗 大隻佬！都好多料！有招牌腩肉，半肥豬腩肉，口感爽口煙韌，好味。溏心蛋 超juicy,一咬流哂啲蛋黃出黎，甜甜地，好味！仲有雞肉，豆卜，蘿蔔，韮菜 。配埋佢個傳統湯加辣醬，索哂啲湯，真係幾正。個湯好濃味，加點辣，食落好開胃惹味！朋友就自選配菜，招牌豬大腸都幾好味，好肥美煙韌！墨魚丸，豬紅，唐生菜，仲有自家製鮮竹卷 都好味，好多料，口感豐富！另外仲可加配 豆漿飲，唔會話好甜，幾清甜解渴。🤗

來到屋邨中，想不到也可以遇到有好吃食物的餐廳，滿有驚喜叫人難忘。先來的是創意小吃：油炸鬼雞翼，用了油炸鬼漿作外層，新鮮炸起很香脆，更因為是新鮮炸起，所以不會覺得很油。雞翼的肉汁也好好地鎖住了，想不到如此美味。鹽酥雞軟骨也很驚喜，非常香口，叫人很了一口又一口，真的欲罷不能。還有美味的炸魚皮，乾身吃時很香脆，浸過湯後吃便有另一番滋味。主角當然是車仔麵，這裡有不同的預定套餐，最吸引自己的是牛魔王，因為有牛肚、牛丸及牛腩，全部都是自己喜愛的。牛丸彈牙，牛腩軟身又有牛味，牛肚彈牙得來又易入口，真的很有質素。當然也可以另加不同的配料。特別推介的是溏心蛋，想不到港式的車仔麵也可以嚐到這樣有質素的溏心蛋。溏心的蛋黃味道很別香濃。最後不能缺少的就是一杯凍飲，這杯黑芝麻叫人份外舒服。

街坊必去雞翼必食@臨記車仔麵黃大仙竹園道15號竹園南邨竹園商場地下S002號舖 年尾聖誕要花錢買禮物出席飯局，一個人食飯能慳即慳，經濟實惠的車仔麵便成了我12月主角。套餐$37 豬八戎 ，豬軟骨，腩肉豬皮豆豆卜菜心，大大碗跟了米炒同原味湯底。豬軟骨好爽又入味，同埋腩片薄切好又腍身，食落唔肥膩，鹹鹹香香，想不到車仔麵都好用心做，超多餸又唔貴。最正架係除左車仔麵餸，還有多款小食。加點了大豆同生菜。因好鐘意食雞翼，呢度好出名架叫了兩款，分別是油炸鬼雞翼3隻同瑞士花香雞翼。甜豉油味，就是我們煮到好軟腍入味。一贊是油炸鬼雞翼，炸到脆卜卜，我愛食香口野更是吃不停。飲埋杯凍檸茶，爽爆。

最近竹園街市重建大翻新，新開之後新增左一條食街，好多美食小店，而街市部份就環境變得清潔好多，特別魚檔區都好整齊地下都無積存污水，至於價錢方便，站在我曾經成日黎買超平餸既角度黎講，我覺得係貴左小小既，但可以接受，菜檔魚檔水果檔都係貴左幾蚊之内...觀摩完大翻新既竹園街市後就當然要醫肚，原本想係個條食街食，但多數店都無堂食，即使有都好較迫窄，當日係街市買左好多野一袋二袋真係試唔到條食街既小店了，周圍行下係街市同一層發現到依間臨記車仔麵，環境闊落，下單取餐模式都有別於舊式車仔麵店，依到係自行畫單之後到收銀台付款等叫單號取餐的...至於食物方便選擇蠻多！！！“蠔油菜心“炸魚皮，好脆口！！！ “牛魔王，牛肚.牛腩.牛丸，豬皮.鮮腐竹.韮菜.蘿蔔.配蕃茄湯底粗麵底！份量十足，個麵底多到覺得係咪用左兩個麵，蕃茄湯底香濃，牛肚牛腩十分入味！ “激讚即叫即炸“油炸鬼雞亦”，好特別用油炸鬼既粉漿包住炸，口感新潁！！！“酸齋，酸酸甜甜好開胃！！！“鹽酥雞軟骨好香口又有咬口“豬扒，肉質仍嫩有肉汁！！！“油炸鬼雞亦同魚皮好欣賞，叫左兩客外賣返去比母親大人食後記： 價錢親民抵食，店員有禮笑容滿臉，食物味道不錯，抵

#牛魔王 $39 (咖哩湯+$1) (凍飲+$7)麵嘅份量好多 而餸有韮菜 牛肚 牛腩 牛丸 蘿蔔🤤小編另外仲加咗 #咖哩魷魚 ($12) #牛舌片 ($12) #豬大腸 ($8)蘿蔔有3大舊 好入味 好正🤤咖哩魷魚都幾大塊 好爽口 而牛舌就好淋👍🏻-#化骨龍 $37 (咖哩湯+$1) (凍飲+$7) 麵嘅份量一樣好多 餸有唐生菜 豬軟骨 鮮竹卷 墨魚丸同埋瑞士花香雞翼尖小編又另外加咗#流心蛋 ($10) 同埋 #脆味豚爽肉 ($12)豬軟骨好淋又入曬味 墨魚丸都好彈牙小編超推薦大家揀脆味豚爽肉！！！真係好脆 又夠味😍😍而流心蛋真係勁流心🤤🤤-#油炸鬼雞翼 $19佢叫油炸鬼雞翼 未叫之前仲以為係普通炸雞翼原來佢個皮真係油炸鬼 好特別🤤個皮都幾厚 再食落去就係雞翼雖然係炸雞翼 但係唔會炸得乾🤙🏻-#孜然燒雞翼 $19好重孜然味 好香而且肉質又好嫩滑😍😍-#美味酸齋 $15唔會太酸 酸酸地好開胃有酸酸地嘅野仲可以中和返啲辣👍🏻

今日同仔去竹園邨探朋友順便係度食個lunch. 係竹園商場見到哩間車仔麵都幾乾淨企理就同仔入左去食野。我叫左碗河粉（傳統湯底）同仔share, 餸就叫左溏心蛋，招牌腩肉，牛丸，墨魚丸，芝士腸。我最鍾意就係溏心蛋，蛋黃半生熟，蛋白沒有過淋，很不錯！腩肉份量亦多，有6-7片，牛丸/墨魚丸，芝士腸各三件，其中牛丸最出色，有牛味亦很彈牙。同時，河粉質地唔錯，口感唔錯唔易斷，食到最後都唔會淋左。油炸鬼雞翼哩個係店員推介。其實係炸雞翼，被一層厚厚的類似油炸鬼的粉包圍住。即叫即炸，非常香脆。雞翼本身很大件，肉質鮮嫩。瑞士花香雞翼係瑞士汁雞翼上面舖上桂花。挺有心思。都幾好味。孜然新疆燒雞翼因為我中意孜然味道所以叫了哩個。味道很不錯，很香很惹味！凍檸樂跟車仔麵叫凍檸樂只須$9。抵！

我呢款人ㄧ休息就訓到中午先起身,碌手機見到臨記車仔麵既廣告,見唔遠我地就起行😏入到去佢比其他車仔麵店大,位都算好坐,入坐前拎左入單紙,環保人士亦可直接到收銀處點餐,職員見我們正點餐,不忘向我們介紹佢地招牌油炸鬼雞翼,我地就點左ㄧ份,同兩個麵,分別都係咖喱湯底,有小辣唔食得辣既朋友要小心,ㄧ個配烏冬魚腐同脆味豚爽肉,魚腐就ㄧ般,而豚肉就真係有口感同爽脆,讓人ㄧ試就愛上,另一個就配幼麵,魚片頭,雲耳同糖心蛋,呢碗唔係我食,就唔太清楚好唔好味,但值得ㄧ提係個糖心蛋原隻上,切開個黄流曬出泥真係正丫,個油炸鬼雞翼就太油,試過就算,但基本上佢提供既食物都係ㄧ般車仔麵之上,一定會再泥😋😋

放工係屋企附近，簡簡單單食個車仔麵，飽飽暖暖回家去，本身已經十分之幸福，今晚食到個車仔麵店質素不錯，為呢個車仔麵晚餐加了分首先要幾欣賞呢個預設嘅套餐，價錢抵得來，裏面預設嘅餸都幾精彩 ，其中我仲發現有個唐三藏嘅套餐，連茹素嘅人都可以有個方便嘅選擇！幼麵係我必選麵身幾靚自家製鮮竹卷，熱辣辣咁上，由於鮮竹卷的外皮炸脆了，同裏面的豐富餡料一起食，有少少似一個響鈴版本嘅春卷豬大腸冇得彈！又入味又夠林豬紅令人好驚喜，三個字：軟、彈、滑至於牛舌心，一種薄切嘅形式出現，但係每一片都食到香濃嘅牛味！香辣七味燒雞翼，正喎，實物仲靚過圖片，上面嘅七味粉徹底咁樣發揮佢哋嘅作用，令每一啖雞翼都好刺激味蕾最後都真係要讚一讚呢度嘅環境，地方闊落，坐得幾舒服，以一個食車仔麵嘅地方來講，真係唔錯，之後仲會再返嚟食！

竹園最近翻新完成，多了很多新的食肆及商店今次試了這間在街市門口的這間臨記車仔麵店內環境很整潔舒適，令人感覺很舒服餐廳需先點餐再自助取餐，看看點餐紙，食物種類很多，而且價格亦非常合理！還有少甜、少冰等飲品選項，非常貼心❤️點了一碗蕃茄湯底米線，米線湯底濃郁，蕃茄鮮味十足！米線點了四個餸：牛筋、溏心蛋、冬菇及蘿蔔牛筋炆得夠軟夠入味，非常惹味溏心蛋非常好味，咬開半熟蛋黃流出，喜歡溏心蛋的人必點！！配上秘製辣醬，辣醬味辣又香，加入湯麵中令整碗麵生色不少！同朋友都是雞翼控，點了兩款雞翼嘗嘗，第一款是店內推介的瑞士花香雞翼甜甜的瑞士汁加入桂花香味，令雞翼帶點清香，瑞士雞翼煮的時間恰到好處，雞翼夠彈牙多汁，不錯另一款是新推出的油炸鬼雞翼，雞翼炸得非常香脆！炸粉不會太厚，完美包裹全隻雞翼，一口咬下外脆內軟，真心有水準！這間店環境舒適，食物有質素、價錢公道，絕對有下次！