臨記車仔麵 (已結業)

自從竹園開咗呢間車仔麵之後，我收工就差不多兩三日就去幫襯一次，因為佢啲餸菜比較特別啲，又啱我胃口，乾淨企理，所以晚飯通常都靠佢。今次我叫咗河粉， 42蚊套餐嗰三個餸，我就要咗瑞士花香雞翼尖，辣魷魚同豬軟骨。跟餐嘅嘢飲，我就揀咗黑芝麻豆漿。今日有啲肚餓，仲加咗6蚊要多個花枝丸，同$19要多咗三隻七味燒雞翼雞翼尖，係我喺呢度叫得最多嘅一個餸，因為夠大隻又有肉，而且夠曬味。唔似得平時有好多車仔麵啲雞翼尖真係得啲骨。

耐吾耐食下車仔麵好正！呢間臨記我已經係第三次食喇 😍真係平 靚 正！所以今日決定encore!每次都見到有人排隊，好在等吾太耐就食得。我同朋友都揀左三個送，每碗四十幾蚊，超大碗！啲粉多到食極仲有，吾講以為加左底😂 好抵食！而且仲非常足料，三個送就填滿哂成個碗😂👍🏼我地發覺好多個送都好食！個人最中意呢度既： 豬軟骨，雞翼尖， 花枝丸， 鮮竹卷， 瑞士雞翼，蘿蔔， 豬大腸🤤最重要係 豬軟骨 炆到好林 仲有大大舊嘅骨膠 👏🏻 瑞士雞翼甜甜的，好入味😍 鮮竹卷足料、夠味道、脹卜卜的🤤碗麵 我要咗咖哩湯底，好味呀！😍套餐包飲品 我要咗豆漿，又甜又滑

臨記 我諗好多人都冇聽過 亦冇食過不過次次行過 咁啱都見到 覺得十分乾淨企理 就決定去試試 🤷‍♂見佢個餐牌做得咁靚 咁多相 好少車仔麵 舖頭 會咁俾心機 所以我就 睇咗佢個menu 先至入去落單🙆‍♂我哋一行三人 嗌咗 三個 三餸套餐 一黎到好香❤碗麵既份量都唔小 食落去好入味 因為啲餸菜索哂個湯既味再食 豬大腸 真係好回味 冇改錯名自製鮮竹卷 既皮好薄 係裡面既料都好多 完全索哂個湯既味 好正👍🏻同埋個 招牌腩肉 爽口彈牙 唔錯唔錯😋再食埋米線 好滑 用靚野 再加埋條菜 好滿足 我好推介個 回味豬大腸 係必食👍🏻

竹園出名多嘢食，平民化嘅食品有好多選擇，就喺南邨附近我啱啱發現到呢間裝修唔錯，價錢又平民嘅車仔麵專門店。今日叫咗個三餸套餐， 送埋嘢飲都係42蚊。呢個係脆味豚爽肉，好聰明咁樣分開碟上，真真正正可以保持到鬆脆可口。之前聽過有朋友話個清湯好清，所以我今次叫麻辣湯底，我朋友就話好辣，本人就覺得十分惹味。 所以口味嘅嘢，有陣時真係各有不同。建議食得辣嘅朋友就試下呢個麻辣湯 。餸同面嘅份量，都好足夠。 整體十分滿意。

今日去咗竹園探個舊同學，順道試下呢間新開嘅車仔麵。三個 食咗167蚊，平均五十幾蚊一個人，咁多嘢食，我都覺得可以接受。每次食親車仔麵，都會進入瘋狂情緒嘅我，實在太興奮😁幾十蚊就滿滿嘅一碗，未食已經好滿足。一枱都係嘅食物，我最鍾意就係孜然燒雞翼，19蚊有三隻。熱辣辣有肉汁，孜然粉恰到好處，幾啱我食👍🏻車仔麵嚟講，我專門揀清湯，所以今次就嘗試咗佢哋嘅傳統車仔麵湯，清清地可以畀我專心咁享用配菜本身嘅好味道。特別一提雞翼尖超入味，豬腩肉啲骨膠原十分充足，食完即刻覺得個人靚咗😍

食車仔麵當然係為左可以食好多款唔同種類嘅餸喇！但當見到以$28一餸車仔麵來做賣點嘅新店，你會覺得佢係平呀？定係佢得一餸仲可唔可以叫做車仔麵呢？今日就黎試下呢間新開嘅車仔麵鋪，睇下佢係咪真係值呢個價喇⋯見到除咗自選車仔麵外，仲有啲set好左嘅麵，咁就試下set好左架喇，平啲又多啲餸，今次試左豬八戒同牛魔王。首先講下豬八戒招牌腩肉、秘製豬軟骨、豬皮、豆卜、菜心呢碗，腩肉係最好味，夠淋夠滑。豬軟骨得1件，味道可再濃。豬皮唔夠入味。豆卜是用清水浸熟就夾入麵，連湯嘅味都無，菜心沒有摘花，唔太想吃⋯招牌湯嘅湯底係ok, 有味的，唔係清湯。之後講下牛魔王牛腩、牛肚、牛丸、蘿蔔、韭菜牛腩90%唔夠淋，比較靭。牛肚唔夠入味。牛丸算最高質。蘿蔔不夠淋。韭菜份量好多。整體黎講，平時應該好入味嘅餸，呢間都唔夠入味，暫時無咩邊樣餸係下次必定會再點。希望有待改進。另外，呢個價錢係呢個地區唔係人人接受到，睇見有客人入左鋪坐底左研究下餐牌之後就走了⋯

見這間車仔麵鋪裝修了一段時間，今日放假見佢終於開張了，立即一試，點知，超級中伏.......🤦🏻‍♀️，一行到門口見要排隊，心諗應該唔差啦，所以就走去排隊買票，佢地有2個收銀，但就手足好慢，因為佢個收銀位置在門口，所以係排到出門口架啲人，我心諗，咁嘅天氣會唔會令到啲食客熱到暈架呢，終於買到票，但又唔會有員工話比我知點去取餐或交票之類，因為我是外買的，最後係要自己開口問先知道，到等外買時，明明我眼見我張票個號碼到了，但沒有人叫我張票，反而叫了後過我的號碼來取餐，但我又見到我個外買其實已經出了枱面，只是沒有人叫我張票，最後又是我自己開口問才給我😒，當回到家中開餐時，竟然遺留了沒有給我牛孖根，而牛舌就只得2小件，而個麻辣湯底，完全唔麻唔辣😤，其他拳頭菜味道都是好一般，在屋村車仔麵黎講，收咁嘅價錢，但得咁嘅服務，真心超級唔值囉～😡

話說呢間車仔麵我見佢裝修咗勁耐，終於比我等到佢開啦！首先可能新開張，出面真係勁多人排隊買囉，不過因為仲係試業中，就未有得外賣，所以我第一次去就係門面影兩張相就走人！入面的坐位都好多，對住門口的都係長方枱入面就有d大圓枱咁佢的車仔麵餐牌裡裡外外都有，大大隻字大大個燈箱，d阿婆一定睇到囉！咁我今次就試咗傳統車仔湯幼麵 +豬紅+豬大腸+酸斎+魚皮餃，我本來有叫少辣的，但收銀唔記得幫我加，後來出菜果邊都有比返辣我自己加。個湯同幼麵 我就覺得正常，豬紅、酸斎同魚皮餃都幾好味，係個豬大腸就比較細仔同唔入味。試業期間仲有杯凍鹹柑桔鮮檸檬送，不過我就覺得唔多好飲。食完之後我見枱上有貼住餐盤要放返去回收車度，我就有咁做啦！

30-08-2018新開張！我即去踩場試味，試左幾日，連埋今日一次過寫評食評+建議！30-08-2018(Day1)30-08-2018(Day1)第一日開張，唔想食肉，所以叫左碗A1【唐三藏】米粉，另加$1特式辣醬，再加兩款素小食（酸齋+芥末雲耳）。睇睇呢碗唐三藏有咩料？蕃茄，羅白，豆卜，腐竹，雲耳，銀芽，果然真係素到爆！連湯底都係無味道，就算我加左所謂既特式辣醬，一樣係無味道，小食還可以，酸齋夠酸，雲耳我自己稍嫌唔夠味，但若要符合大眾口味就差不多了！*叫一個餐，可免費奉送一杯凍飲（咸柑桔檸檬/可樂/雪酷）暫時只得呢三款*如果唔要飲品，一碟小食可獲半價優惠31-08-2018（Day2)第二日我再去試味食其他野！唔知係咪我太晏落去，想食既餐賣晒，好啦！咁我揀自選組合啦！點知又係要乜無乜，要米粉無米粉，要羅白無羅白，要豬軟骨又無⋯⋯最黎揀左雞翼尖，魚皮餃，爽脆豚肉+油麵，麻辣湯底要另外加$2，小食點左醋香大豆芽，香辣雞翼第二日呢餐真係唔多滿意，首先係要乜無乜已經唔高興，第二就係果個要另加$2既麻辣湯，簡直係淡而無味，仲衰過$1果個特色辣醬，幸好我有自備麻辣醬傍身，小食我個人唔欣賞，醋香